ຫວຽດນາມ ໃຫ້ຄວາມສຳຄັນຕໍ່ການຮັດແໜ້ນ ແລະ ພັດທະນາສາຍພົວພັນກັບ Croatia
ຍສໝ - ທ່ານລັດຖະມົນຕີ Gordan Grlić Radman ຢັ້ງຢືນວ່າ ຫວຽດນາມ ແມ່ນໜຶ່ງໃນບັນດາຄູ່ຮ່ວມມືທີ່ສຳຄັນທີ່ສຸດຂອງ Croatia ຢູ່ພາກພື້ນອາຊີຕາເວັນອອກສຽງໃຕ້.
ຊາວຫວຽດນາມ ປະຈຳ ສິງກະໂປ ຮ່ວມກັນນ້ອມຖວາຍດອກບົວສົດອັນງົດງາມ 136 ດອກ ເນື່ອງໃນໂອກາດວັນຄ້າຍວັນເກີດ ປະທານ ໂຮ່ຈີມິນ
ຍສໝ - ໃນທ່າມກາງບັນຍາກາດອັນສະຫງ່າຜ່າເຜີຍ ແລະ ດ້ວຍຄວາມເຄົາລົບຮັກຢ່າງສຸດຊຶ້ງ, ບັນດາລູກຫຼານຜູູ້ຢູ່ຫ່າງໄກບ້ານເກີດເມືອງນອນ ໄດ້ຮ່ວມກັນສະຫງົບນິ່ງເປັນເວລາໜຶ່ງ ເພື່ອລະນຶກເຖິງຄຸນງາມຄວາມດີອັນໃຫຍ່ຫຼວງຄືຟ້າແລະມະຫາສະໝຸດ ຂອງປະທານ ໂຮ່ຈີມິນ ທີ່ມີຕໍ່ກັບພູຜາປ່າດົງ ແລະ ປະເທດຊາດ.
ເທດສະການ “ສີສັນແລະຄວາມງາມ ເສື້ອຍາວ ຫວຽດນາມ 2026” ໂຄສະນາວັດທະນະທຳ ຫວຽດນາມ ຢູ່ ທະວີບເອີຣົບ
ຍສໝ - ເທດສະການ “ສີສັນແລະຄວາມງາມ ເສື້ອຍາວ ຫວຽດນາມ 2026” ໄດ້ນຳເອົາຫຼາຍສານຂໍ້ຄວາມອັນເລິກເຊິ່ງມາໃຫ້ຜູ້ເຂົ້າຮ່ວມ. ນີ້ແມ່ນໂອກາດເພື່ອເຊີດຊູຄວາມງາມອັນມີສະເໜ່, ສະຕິປັນຍາ, ຄວາມໝັ້ນໃຈ ແລະ ຄວາມກ້າຫານ ຂອງແມ່ຍິງຫວຽດນາມ.
ເສີມຂະຫຍາຍຄຸນຄ່າທາງດ້ານວັດທະນະທຳ ແລະ ປະຫວັດສາດ ຂອງຫໍບູຊາ ປະທານ ໂຮ່ຈີມິນ
ຍສໝ - ຫໍບູຊາ ປະທານ ໂຮ່ຈີມິນ ຍາມໃດກໍແມ່ນຄວາມພາກພູມໃຈຂອງປະຊາຊົນຕາແສງ ແທັງຮຶງ (Thanh Hưng) ພ້ອມດ້ວຍບັນດາຕາແສງອ້ອມຂ້າງ ຂອງແຂວງ ດົ່ງທາບ (Đồng Tháp). ນີ້ບໍ່ພຽງແຕ່ແມ່ນສະຖານທີ່ເພື່ອລະນຶກເຖິງຜູ້ນຳຜູ້ເຄົາລົບຮັກຂອງປະຊາຊາດເທົ່ານັ້ນ ແຕ່ໄດ້ກາຍເປັນສັນຍາລັກທາງດ້ານວັດທະນະທຳ ແລະ ປະຫວັດສາດອັນສຳຄັນ ໃນຊີວິດການເປັນຢູ່ ຂອງປະຊາຊົນພາຍໃນທ້ອງຖິ່ນ.
ເຊີດຊູ ແລະ ເຜີຍແຜ່ຄຸນຄ່າດ້ານມະນຸດສະທຳ ຂອງແນວຄິດ ໂຮ່ຈີມິນ ຢູ່ ສ.ເກົາຫຼີ
ຍສໝ - ການເຊີດຊູ ປະທານ ໂຮ່ຈີມິນ ຢູ່ ສ.ເກົາຫຼີ ບໍ່ພຽງແຕ່ມີຄວາມໝາຍຄວາມສຳຄັນ ຕໍ່ກັບປະຊາຄົມຊາວຫວຽດນາມ ທີ່ອາໄສຢູ່ຫ່າງໄກຈາກບ້ານເກີດເມືອງນອນເທົ່ານັ້ນ, ແຕ່ຍັງແມ່ນໂອກາດເພື່ອເພີ່ມທະວີຄວາມເຂົ້າອົກເຂົ້າໃຈ, ຄວາມເຫັນອົກເຫັນໃຈ ແລະ ຄວາມຜູກພັນ ລະຫວ່າງ ປະຊາຊົນສອງປະເທດ ຫວຽດນາມ - ສ.ເກົາຫຼີ ບົນພື້ນຖານຄຸນຄ່າລວມ ກ່ຽວກັບສັນຕິພາບ, ການຮ່ວມມື ແລະ ການພັດທະນາ.
ສະເຫຼີມສະຫຼອງວັນຄ້າຍວັນເກີດ ປະທານ ໂຮ່ຈີມິນ ຄົບຮອບ 136 ປີ ຢູ່ທີ່ ວານຄູເວີ, ການາດາ
ຍສໝ - ຫວ່າງມໍ່ໆມານີ້, ສະຖານກົງສຸນໃຫຍ່ ແຫ່ງສາທາລະນະລັດ ສັງຄົມນິຍົມ ຫວຽດນາມ ປະຈຳ ເມືອງ ວານຄູເວີ (Vancouver), ປະເທດ ການາດາ ໄດ້ຈັດພິທີສະເຫຼີມສະຫຼອງວັນຄ້າຍວັນເກີດ ປະທານ ໂຮ່ຈີມິນ ຄົບຮອບ 136 ປີ (19 ພຶດສະພາ 1890 – 19 ພຶດສະພາ 2026) ຢ່າງສົມກຽດ.
ແສງສະຫວ່າງ ໂຮ່ຈີມິນ ສ່ອງທາງໃຫ້ພວກເຮົາກ້າວເດີນ
ຍສໝ - ໜັງສືພິມ "ໂລກ ແລະ ຫວຽດນາມ" ຂໍແນະນຳບົດຂຽນຂອງທ່ານ ໂຕເລິມ ເລຂາທິການໃຫຍ່, ປະທານປະເທດ ແຫ່ງສາທາລະນະລັດ ສັງຄົມນິຍົມ ຫວຽດນາມ ເນື່ອງໃນໂອກາດສະເຫຼີມສະຫຼອງວັນຄ້າຍວັນເກີດ ປະທານ ໂຮ່ຈີມິນ ຄົບຮອບ 136 ປີ (19 ພຶດສະພາ 1890 - 19 ພຶດສະພາ 2026).
ສະເຫຼີມສະຫຼອງວັນຄ້າຍວັນເກີດ ປະທານ ໂຮ່ຈີມິນ ຄົບຮອບ 136 ປີ: ເສີມຂະຫຍາຍບົດບາດເປັນຕົວແທນ ແລະ ເປັນສຽງເວົ້າຂອງປະຊາຊົນ
ຍສໝ - ນັບຕັ້ງແຕ່ການເລືອກຕັ້ງທົ່ວໄປ (ການຢັ່ງປະຊາມະຕິ) ຄັ້ງທຳອິດໃນປີ 1946 ຈົນເຖິງຂະບວນການສ້າງສາລັດແຫ່ງກົດໝາຍສັງຄົມນິຍົມ, ແນວຄິດ ໂຮ່ຈີມິນ ກ່ຽວກັບສະພາແຫ່ງຊາດ ແລະ ສິດເປັນເຈົ້າຂອງປະຊາຊົນ ແມ່ນຍັງຄົງມີຄຸນຄ່າໃນການເປັນເຂັມທິດເຍືອງທາງອັນເລິກເຊິ່ງສະເໝີມາ.
Vesak 2026: ຂອບເຂດບັນດາກິດຈະກຳສະຫວັດດິການສັງຄົມ, ວັດທະນະທຳຊຸມຊົນ ແລະ ການທ່ອງທ່ຽວສີຂຽວ
ຍສໝ - Vesak 2026: ຂອບເຂດບັນດາກິດຈະກຳສະຫວັດດິການສັງຄົມ, ວັດທະນະທຳຊຸມຊົນ ແລະ ການທ່ອງທ່ຽວສີຂຽວ ງານມະຫາກຳວິສາຂະບູຊາ (Vesak) ພຸດທະສັກກະລາດ 2570 - ຄຣິດຕະສັກກະລາດ 2026 ທີ່ຈະຈັດຂຶ້ນໃນລະຫວ່າງວັນທີ 23 ພຶດສະພາ - 1 ມິຖຸນາ ປີ 2026 ຢູ່ທີ່ ດາລາດ (Đà Lạt), ແຂວງ ເລິມດົ່ງ (Lâm Đồng) ຈະມີຂອບເຂດບັນດາກິດຈະກຳທາງດ້ານວັດທະນະທຳ, ການທ່ອງທ່ຽວ ແລະ ສະຫວັດດິການສັງຄົມ ທີ່ປ່ຽມລົ້ນໄປດ້ວຍຈິດໃຈມະນຸດສະທຳອັນເລິກເຊິ່ງ. ຄະນະກຳມະການຈັດງານ ຈະມອບຂອງຂວັນເປັນເຄື່ອງອຸປະໂພກບໍລິໂພກຈຳນວນ 1.000 ຊຸດ ແລະ ທຶນການສຶກສາໃຫ້ແກ່ນັກຮຽນທີ່ທຸກຍາກແຕ່ຮຽນດີ, ພ້ອມທັງມອບ-ຮັບເຮືອນເອື້ອເຟື້ອເພື່ອແຜ່ໃຫ້ແກ່ຄອບຄົວທີ່ຂາດເຂີນ ແລະ ດ້ອຍໂອກາດຢູ່ພາຍໃນທ້ອງຖິ່ນ.
ທ່ານນາຍົກລັດຖະມົນຕີ ເລມິງຮຶງ: ວິທະຍາສາດເຕັກໂນໂລຊີ, ຄວາມຄິດສ້າງສັນປ່ຽນແປງໃໝ່ ແມ່ນປັດໄຈຕັດສິນຕາຍໂຕ ເພື່ອເຮັດໃຫ້ຄວາມມຸ່ງມາດປາດຖະໜາໃນການພັດທະນາປະເທດຊາດປະກົດຜົນເປັນຈິງ
ຍສໝ - ໃນຕອນເຊົ້າວັນທີ 18 ພຶດສະພາ, ຢູ່ຮ່າໂນ້ຍ, ທ່ານ ເລມິງຮຶງ ນາຍົກລັດຖະມົນຕີ ແຫ່ງສາທາລະນະລັດ ສັງຄົມນິຍົມ ຫວຽດນາມ ໄດ້ເຂົ້າຮ່ວມພິທີສະເຫຼີມສະຫຼອງ ວັນວິທະຍາສາດ, ເເຕັກໂນໂລຊີ ແລະ ຄວາມຄິດສ້າງສັນປ່ຽນແປງໃໝ່ ຫວຽດນາມ ແລະ ກອງປະຊຸມຜັນຂະຫຍາຍເຕັກໂນໂລຊີຍຸດທະສາດ. ກ່າວປາໄສໃນພິທີດັ່ງກ່າວ, ທ່ານນາຍົກລັດຖະມົນຕີ ໄດ້ຢັ້ງຢືນວ່າ ວິທະຍາສາດເຕັກໂນໂລຊີ, ຄວາມຄິດສ້າງສັນປ່ຽນແປງໃໝ່ ແລະ ການຫັນປ່ຽນເປັນດິຈິຕອນ ໄດ້ຮັບການກຳນົດວ່າແມ່ນກຳລັງຂັບເຄື່ອນຕົ້ນຕໍ, ແມ່ນ "ລູກກະແຈຄຳ", ແມ່ນປັດໄຈຕັດສິນຕາຍໂຕ ເພື່ອເຮັດໃຫ້ຄວາມມຸ່ງມາດປາດຖະໜາໃນການພັດທະນາປະເທດຊາດປະກົດຜົນເປັນຈິງ, ພວກເຮົາຕ້ອງມີຄວາມຕັດສິນໃຈສູງສຸດເພື່ອເຮັດໃຫ້ໄດ້, ບັນລຸໃຫ້ໄດ້ຄາດໝາຍໃນການເປັນເຈົ້າການທາງດ້ານເຕັກໂນໂລຊີຍຸດທະສາດເທື່ອລະກ້າວ, ຍົກສູງຄວາມສາມາດກຳກັບຕົນເອງຂອງຊາດ.
ຊາວຫວຽດນາມຢູ່ຕ່າງປະເທດ 17 ຄົນ ເຂົ້າຮ່ວມຄະນະກຳມະການສູນກາງແນວໂຮມປະເທດຊາດ ຫວຽດນາມ ສະໄໝທີ XI
ຍສໝ - ຫວ່າງມໍ່ໆມານີ້ຢູ່ຮ່າໂນ້ຍ, ທ່ານນາງ ເລທິທູຮັ່ງ ຮອງລັດຖະມົນຕີກະຊວງການຕ່າງປະເທດ ໄດ້ພົບປະກັບຜູ້ແທນຄົນຫວຽດນາມຢູ່ຕ່າງປະເທດ 17 ທ່ານ ທີ່ຫາກໍໄດ້ຮັບການແນະນຳ ແລະ ປຶກສາຫາລືຄັດເລືອກເຂົ້າຮ່ວມຄະນະກຳມະການສູນກາງແນວໂຮມປະເທດຊາດ ຫວຽດນາມ ສະໄໝທີ XI, ສົກປີ 2026-2031.
ຊາວປະມົງ ແຂວງ ແຄ໋ງຮວ່າ ນຳໃຊ້ກ້ອງຖ່າຍຮູບລົງສູ່ທ້ອງທະເລ
ຍສໝ - ກ້ອງຖ່າຍຮູບໃຕ້ນ້ຳ, ອຸປະກອນກຳນົດຕຳແໜ່ງ ແລະ ລະບົບຕິດຕາມກວດກາທາງໄກຕະຫຼອດ 24/7 ພວມກາຍເປັນສິ່ງທີ່ຄຸ້ນເຄີຍຢູ່ຕາມເຂດລ້ຽງສັດນ້ຳທະເລ ຢູ່ແຂວງ ແຄ໋ງຮວ່າ (Khánh Hòa). ໃນສະພາບການຕໍ່ຕ້ານການຢັ່ງຫາສິນທະເລແບບຜິດກົດໝາຍ, ບໍ່ມີການລາຍງານ ແລະ ບໍ່ມີການຄວບຄຸມ (IUU) ກໍຄືແຫຼ່ງຜົນປະໂຫຍດສັດນ້ຳຫຼຸດນ້ອຍຖອຍລົງ, ທ້ອງຖິ່ນແຫ່ງນີ້ພວມຫັນປ່ຽນຢ່າງແຂງແຮງໄປສູ່ການລ້ຽງສັດນ້ຳທະເລດ້ວຍເຕັກໂນໂລຊີສູງ.
ທ່ານ ເຈິ່ນບ໋າຟຸກ: ຈຳເປັນຕ້ອງສ້າງ ‘ແນວໂຮມດິຈິຕອນ’ ເພື່ອເຊື່ອມຕໍ່ກັບຄົນຫວຽດນາມຢູ່ຕ່າງປະເທດຢ່າງມີປະສິດທິຜົນກວ່າເກົ່າ
ຍສໝ - ໃນໂອກາດທີ່ເດີນທາງມາເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ທ່ານ ເຈິ່ນບ໋າຟຸກ, ປະທານສະມາຄົມນັກທຸລະກິດຫວຽດນາມ ປະຈຳ ອົດສະຕຣາລີ ໄດ້ແບ່ງປັນກັບ ວາລະສານ ຍຸກສະໄໝ ກ່ຽວກັບບົດບາດຂອງຊຸມຊົນຄົນຫວຽດນາມ ປະຈຳ ອົດສະຕຣາລີ ໃນວຽກງານການທູດປະຊາຊົນ, ການເຊື່ອມຕໍ່ແຫຼ່ງກຳລັງຂອງຄົນຫວຽດນາມຢູ່ຕ່າງປະເທດ ກໍຄືບັນດາຂໍ້ສະເໜີ ເພື່ອແນໃສ່ເສີມຂະຫຍາຍບົດບາດຂອງແນວໂຮມປະເທດຊາດ ຫວຽດນາມ ໃຫ້ຫຼາຍຂຶ້ນຕື່ມອີກໃນໄລຍະໃໝ່.
ສະມາຄົມ GCVF ເປີດໂຕຢູ່ທີ່ ຝຣັ່ງ, ເຊື່ອມຕໍ່ປັນຍາຊົນ ຫວຽດນາມ ກັບເຕັກໂນໂລຊີ AI
ຍສໝ - ສະມາຄົມ GCVF ໄດ້ເປີດໂຕຢ່າງເປັນທາງການຢູ່ທີ່ປະເທດ ຝຣັ່ງ ແນໃສ່ເຊື່ອມຕໍ່ຖັນແຖວປັນຍາຊົນ, ຊ່ຽວຊານ ແລະ ນັກທຸລະກິດ ຫວຽດນາມ ຢູ່ທີ່ທະວີບເອີຣົບ, ເພື່ອຊຸກຍູ້ການຮ່ວມມືທາງດ້ານເຕັກໂນໂລຊີ, ຄວາມຄິດສ້າງສັນປ່ຽນແປງໃໝ່ ແລະ ເຕັກໂນໂລຊີປັນຍາປະດິດ (AI).
ເພີ່ມທະວີຄວາມແໜ້ນແຟ້ນ, ເສີມຂະຫຍາຍບົດບາດເປັນຂົວຕໍ່ຂອງສະມາຄົມຄົນຫວຽດນາມ ຢູ່ ຝຣັ່ງ
ຍສໝ - ໃນຂອບເຂດບັນດາກິດຈະກຳສະເຫຼີມສະຫຼອງວັນຄ້າຍວັນເກີດຂອງ ປະທານ ໂຮ່ຈີມິນ ຄົບຮອບ 136 ປີ ແລະ ຄົບຮອບ 115 ປີ ແຫ່ງວັນທີ່ລຸງໂຮ່ ເດີນທາງໄປຮອດ ຝຣັ່ງ ເປັນຄັ້ງທຳອິດ, ໃນວັນທີ 14 ພຶດສະພາ, ຢູ່ທີ່ສຳນັກງານສະຖານເອກອັກຄະລັດຖະທູດ ຫວຽດນາມ ປະຈຳ ຝຣັ່ງ, ທ່ານ ຈິ້ງດຶກຫາຍ ເອກອັກຄະລັດຖະທູດ ຫວຽດນາມ ປະຈຳ ຝຣັ່ງ ໄດ້ຕ້ອນຮັບຄະນະບໍລິຫານງານສະມາຄົມຄົນຫວຽດນາມ ປະຈຳ ຝຣັ່ງ (UGVF) ຢ່າງສະໜິດສະໜົມ.
ຫວຽດນາມ ຮຽກຮ້ອງໃຫ້ບັນດາປະເທດເຄົາລົບອະທິປະໄຕຂອງ ຫວຽດນາມ ຕໍ່ກັບໝູ່ເກາະ ເຈື່ອງຊາ
ຍສໝ - ໃນຕອນບ່າຍວັນທີ 14 ພຶດສະພາ, ຢູ່ທີ່ການຖແລງຂ່າວປະຈຳງວດຂອງກະຊວງການຕ່າງປະទេດ, ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ໄດ້ສະເໜີໃຫ້ບັນດາຝ່າຍທີ່ກ່ຽວຂ້ອງເຄົາລົບອະທິປະໄຕຂອງ ຫວຽດນາມ ຕໍ່ກັບໝູ່ເກາະ ເຈື່ອງຊາ, ບໍ່ໃຫ້ມີການກະທຳໃດໆ ທີ່ເຮັດໃຫ້ສະພາບການມີຄວາມສັບສົນຂຶ້ນຕື່ມ.
ເທສະການໝູ່ບ້ານ ເຢືອງໂນ້ - ສະຖານທີ່ທີ່ປະທານ ໂຮ່ຈີມິນ ເຄີຍດຳລົງຊີວິດ ແລະ ສຶກສາຮ່ຳຮຽນໃນໄວເຍົາ
ຍສໝ - ເພື່ອນັບຕ້ອນ ແລະ ສະເຫຼີມສະຫຼອງວັນຄ້າຍວັນເກີດຂອງ ປະທານ ໂຮ່ຈີມິນ ຄົບຮອບ 136 ປີ (19 ພຶດສະພາ 1890 - 19 ພຶດສະພາ 2026), ໃນຄ່ຳຄືນວັນທີ 14 ພຶດສະພາ, ຢູ່ທີ່ແຂວງ ເຢືອງໂນ້, ພະແນກວັດທະນະທຳ ແລະ ກິລາ ນະຄອນ ເຫວ້ ໄດ້ຈັດເທສະການໝູ່ບ້ານ ເຢືອງໂນ້ ປະຈຳປີ 2026 ພາຍໃຕ້ຫົວຂໍ້ "ເຢືອງໂນ້ - ເສັ້ນທາງເດືອນພຶດສະພາ".
ຫວຽດນາມ - ສ.ເກົາຫຼີ ຊຸກຍູ້ການຮ່ວມມືດ້ານເຕັກໂນໂລຊີ, ພະລັງງານ ແລະ ເສດຖະກິດດີຈີຕອນ
ຍສໝ - ຈຸດເດັ່ນຂອງກອງປະຊຸມສຳມະນາ ແມ່ນພິທີເຊັນບົດບັນທຶກຄວາມເຂົ້າໃຈກ່ຽວກັບການຮ່ວມມືຫຼາຍສະບັບ ລະຫວ່າງ ສຳນັກງານທູດພານິດ ຫວຽດນາມ ປະຈຳ ເກົາຫຼີໃຕ້, ຫ້ອງການວິທະຍາສາດ ແລະ ເຕັກໂນໂລຊີ ຫວຽດນາມ ປະຈຳ ເກົາຫຼີໃຕ້ ກັບ ບັນດາຄູ່ຮ່ວມມື ເກົາຫຼີໃຕ້.
ໄຂມາກສັບປະດາວັດທະນະທຳ ຫວຽດນາມ ຢູ່ ລາວ ປີ 2026
ຍສໝ - ສັບປະດາວັດທະນະທຳ ຫວຽດນາມ ຢູ່ ລາວ ປີ 2026 ໄດ້ໄຂຂຶ້ນໃນຄ່ຳຄືນວັນທີ 12 ພຶດສະພາ ຢູ່ທີ່ນະຄອນຫຼວງວຽງຈັນ. ນີ້ແມ່ນກິດຈະກຳເລີ່ມຕົ້ນຂອງແຜນງານການຮ່ວມມືດ້ານວັດທະນະທຳ ແລະ ການທ່ອງທ່ຽວ ລະຫວ່າງ ຫວຽດນາມ ແລະ ລາວ ໄລຍະປີ 2026 – 2030.
ປັບປຸງບຸກຄະລາກອນ ຄະນະຊີ້ນຳແຫ່ງຊາດ ກ່ຽວກັບການຕ້ານການຫາປາແບບຜິດກົດໝາຍ (IUU) ແລະ ການພັດທະນາຂະແໜງການປະມົງແບບຍືນຍົງ
ຍສໝ - ທ່ານ ໂຮ່ກວັກຢຸງ, ຮອງນາຍົກລັດຖະມົນຕີ ດຳລົງຕຳແໜ່ງເປັນ ປະທານຄະນະຊີ້ນຳແຫ່ງຊາດ ກ່ຽວກັບການຕ້ານການຫາປາແບບຜິດກົດໝາຍ, ບໍ່ມີການລາຍງານ ແລະ ບໍ່ເປັນໄປຕາມລະບຽບການ (IUU), ເພື່ອແນໃສ່ເພີ່ມທະວີການຊີ້ນຳລະຫວ່າງຂະແໜງການ, ຊຸກຍູ້ການຜັນຂະຫຍາຍບັນດາມາດຕະການ ເພື່ອຕອບສະໜອງຕາມທຳນຽມສາກົນ ແລະ ພັດທະນາຂະແໜງການປະມົງແບບຍືນຍົງ.