ຍສໝ - ສັບປະດາວັດທະນະທຳ ຫວຽດນາມ ຢູ່ ລາວ 2026 ໄດ້ໄຂຂຶ້ນໃນຄ່ຳຄືນວັນທີ 12 ພຶດສະພາ ຢູ່ທີ່ນະຄອນຫຼວງ ວຽງຈັນ. ນີ້ແມ່ນກິດຈະກຳເລີ່ມຕົ້ນຂອງແຜນງານການຮ່ວມມືດ້ານວັດທະນະທຳ ແລະ ການທ່ອງທ່ຽວ ລະຫວ່າງ ຫວຽດນາມ ແລະ ລາວ ໄລຍະປີ 2026 - 2030.
ຍສໝ - ສືບຕໍ່ລາຍການເຮັດວຽກ, ໃນຕອນບ່າຍວັນທີ 12 ພຶດສະພາ, ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ສະໄໝປີ 2026-2031 ໄດ້ຜ່ານແຜນການບຸກຄະລາກອນ ຄະນະກຳມະການສູນກາງ ແນວໂຮມປະເທດຊາດ ຫວຽດນາມ ສະໄໝທີ XI, ສະໄໝປີ 2026-2031; ປຶກສາຫາລືເອກະພາບແຕ່ງຕັ້ງຄະນະກຳມະການສູນກາງ ແນວໂຮມປະເທດຊາດ ຫວຽດນາມ ສະໄໝທີ XI, ສະໄໝປີ 2026-2031.
ຍສໝ - "ແນວໂຮມດີຈີຕອນ" - ພື້ນທີ່ໃໝ່ເພື່ອເຂົ້າເຖິງ, ຮັບ ແລະ ຕອບຮັບຄຳເຫັນຂອງປະຊາຊົນ ຈາກໂທລະສັບພຽງໜ່ວຍດຽວ, ຫຼາຍການສະທ້ອນກ່ຽວກັບສະພາບແວດລ້ອມ, ຜັງເມືອງ ຫຼື ຊີວິດການເປັນຢູ່ຂອງປະຊາຊົນ ໃນປັດຈຸບັນແມ່ນບໍ່ຈຳເປັນຕ້ອງຄອຍຖ້າຈົນຮອດກອງປະຊຸມຢູ່ເຂດທີ່ພັກອາໄສອີກຕໍ່ໄປ, ແຕ່ໄດ້ຖືກສົ່ງກົງໄປຫາບັນດາກຸ່ມ Zalo, Fanpage ຫຼື ປະຕູປະກອບຄຳເຫັນອອນລາຍຂອງ ແນວໂຮມ. ດ້ວຍເຫດນັ້ນ, "ແນວໂຮມດີຈີຕອນ" ຈຶ່ງບໍ່ແມ່ນພຽງແຕ່ເລື່ອງຂອງຊອບແວ (Software) ຫຼື ແອັບພລິເຄຊັນ (Application) ເທົ່ານັ້ນ, ແຕ່ພວມປ່ຽນແປງວິທີການທີ່ວຽກງານ ແນວໂຮມ ເຂົ້າເຖິງ, ຮັບເອົາ ແລະ ຕອບຮັບຄຳເຫັນຂອງປະຊາຊົນ.
ຍສໝ - ວັນທີ 12 ພຶດສະພາ, ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ສະໄໝປີ 2026-2031 ໄດ້ໄຂຂຶ້ນຢ່າງສະຫງ່າຜ່າເຜີຍຢູ່ທີ່ ຮ່າໂນ້ຍ. ກ່າວຄຳເຫັນຊີ້ນຳກອງປະຊຸມໃຫຍ່, ທ່ານເລຂາທິການໃຫຍ່, ປະທານປະເທດ ໂຕເລິມ ໄດ້ເນັ້ນໜັກວ່າ: ກອງປະຊຸມໃຫຍ່ຄັ້ງນີ້ແມ່ນຂີດໝາຍເລີ່ມຕົ້ນຂອງໄລຍະແຫ່ງການພັດທະນາໃໝ່ຂອງ ແນວໂຮມປະເທດຊາດ ຫວຽດນາມ ດ້ວຍບົດບາດໃໝ່, ຮູບແບບການຈັດຕັ້ງໃໝ່ ແລະ ຄວາມຮຽກຮ້ອງຕ້ອງການຂອງໜ້າທີ່ໃໝ່; ພ້ອມທັງຮຽກຮ້ອງໃຫ້ ແນວໂຮມ ຕ້ອງແມ່ນບ່ອນເຕົ້າໂຮມຈິດໃຈຂອງປະຊາຊົນ, ສະທ້ອນໃຫ້ເຫັນເຖິງເຈດຈຳນົງຂອງປະຊາຊົນ ແລະ ປົກປ້ອງຜົນປະໂຫຍດອັນຊອບທຳຂອງປະຊາຊົນຢ່າງແທ້ຈິງ. ທ່ານເລຂາທິການໃຫຍ່, ປະທານປະເທດ ຍັງໄດ້ເນັ້ນໜັກເຖິງ 5 ກຸ່ມໜ້າທີ່ຈຸດສຸມຂອງ ແນວໂຮມປະເທດຊາດ ຫວຽດນາມ ໃນສະໄໝໃໝ່.
ຍສໝ - ວັນທີ 11 ພຶດສະພາ, ຢູ່ທີ່ສູນສົນທະນາໝາຍເລກ 4 ຂອງກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ສະໄໝປີ 2026-2031, ບັນດາຜູ້ແທນໄດ້ສະເໜີໃຫ້ສືບຕໍ່ປ່ຽນແປງໃໝ່ການເຄື່ອນໄຫວການທູດປະຊາຊົນ ຕາມທິດທາງທີ່ມີຄວາມເປັນມືອາຊີບ ແລະ ແທດຕົວຈິງ; ພ້ອມທັງສ້າງກົນໄກເສີມຂະຫຍາຍປະສິດທິຜົນແຫຼ່ງທຶນຂອງຊາວຫວຽດນາມຢູ່ຕ່າງປະເທດກວ່າ 6 ລ້ານຄົນ, ໂດຍສະເພາະແມ່ນຖັນແຖວປັນຍາຊົນ, ຊ່ຽວຊານ ແລະ ນັກທຸລະກິດພີ່ນ້ອງຮ່ວມຊາດຢູ່ຕ່າງປະເທດ.
ຍສໝ - ຊາວຫວຽດນາມ ບໍ່ວ່າຈະໄປຢູ່ໃສ ກໍຍັງຄົງເບິ່ງຫາບ້ານເກີດເມືອງນອນສະເໝີ. ດັ່ງນັ້ນ, ທຸກຄັ້ງທີ່ພາຍໃນປະເທດເກີດໄພທຳມະຊາດ ຫຼື ພະຍາດລະບາດ, ປະຊາຄົມຊາວຫວຽດນາມຢູ່ຕ່າງປະເທດ ຕ່າງກໍຟ້າວພາກັນບໍລິຈາກ ແລະ ຊ່ວຍເຫຼືອພີ່ນ້ອງຮ່ວມຊາດຢ່າງວ່ອງໄວ ພາຍຫຼັງການຮຽກຮ້ອງຂອງແນວໂຮມປະເທດຊາດ ຫວຽດນາມ.
ຍສໝ - ທ່າມກາງບັນຍາກາດອັນເກົ່າແກ່ຂອງ ວັນມ໋ຽວ – ກວກຕືຢາມ (Văn Miếu – Quốc Tử Giám), ມໍລະດົກແຫ່ງນີ້ບໍ່ໄດ້ງຽບສະຫງົບອີກຕໍ່ໄປ ແຕ່ຫາກໄດ້ຖືກ “ປຸກໃຫ້ຕື່ນຂຶ້ນ” ດ້ວຍແສງສີ, ສຽງ ແລະ ບັນດາກິດຈະກຳທີ່ມີການໂຕ້ຕອບທີ່ເຕັມໄປດ້ວຍອາລົມຄວາມຮູ້ສຶກ. ເມື່ອຍາມລາຕີກ້າວເຂົ້າມາ.
ຍສໝ - ທ່ານນາຍົກລັດຖະມົນຕີ ເລມິນຮຶງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ເດີນທາງມາຮອດ ຮ່າໂນ້ຍ, ສິ້ນສຸດການໄປເຄື່ອນໄຫວວຽກງານເຂົ້າຮ່ວມກອງປະຊຸມສຸດຍອດ ອາຊຽນ ຄັ້ງທີ 48 ແຕ່ລະຫວ່າງວັນທີ 7 ຫາ 8 ພຶດສະພາ ຢ່າງຈົບງາມ ຕາມຄຳເຊີນຂອງ ທ່ານປະທານາທິບໍດີ ແຫ່ງ ສາທາລະນະລັດ ຟີລິບປິນ. ປະຕູຂໍ້ມູນຂ່າວສານເອເລັກໂຕຣນິກຂອງລັດຖະບານ ຂໍສະເໜີບົດຕອບສຳພາດຂອງ ທ່ານຮອງລັດຖະມົນຕີ ດັ້ງຮວ່າງຢາງ ກ່ຽວກັບໝາກຜົນຂອງການເຂົ້າຮ່ວມກອງປະຊຸມສຸດຍອດ ອາຊຽນ 48 ຂອງທ່ານນາຍົກລັດຖະມົນຕີ ເລມິນຮຶງ.
ຍສໝ - ໃນຕອນຄໍ່າວັນທີ 8 ພຶດສະພາ, ຢູ່ ຮ່າໂນ້ຍ, ຄະນະຜູ້ແທນສະຫະພາບເອີຣົບ (EU) ປະຈຳ ຫວຽດນາມ ໄດ້ຈັດພິທີສະເຫຼີມສະຫຼອງວັນເອີຣົບ ສອງພັນຊາວຫົກ (Europe Day).
ຍສໝ - ວັນທີ 8 ພຶດສະພາ, ຢູ່ທີ່ ຮ່າໂນ້ຍ, ຜົນງານ "ສູດການຕັດຫຍິບເຊື້ອຍາວແບບຫຼ່ຽມ (ly vuông)" ຂອງນັກອອກແບບ ໂດ໋ຈິ່ງຮວ່າຍນາມ (Đỗ Trịnh Hoài Nam) ໄດ້ເປີດຕົວຢ່າງເປັນທາງການ ແລະ ເປັນກຽດໄດ້ຮັບການບັນທຶກສະຖິຕິໂລກ. ເຫດການດັ່ງກ່າວບໍ່ພຽງແຕ່ແມ່ນຂີດໝາຍອັນສະຫວ່າງສະໄຫວຂອງຂະແໜງແຟຊັນເທົ່ານັ້ນ, ແຕ່ຍັງແມ່ນການຢືນຢັນຢ່າງແຂງແຮງກ່ຽວກັບພະລັງຊີວິດອັນແຮງກ້າຂອງມໍລະດົກວັດທະນະທຳ ຫວຽດນາມ, ພ້ອມທັງຍົກລະດັບເຕັກນິກການຕັດຫຍິບເຊື້ອຍາວພື້ນເມືອງໃຫ້ກາຍເປັນລະບົບຄວາມຮູ້ທີ່ໄດ້ມາດຕະຖານເພື່ອກ້າວສູ່ລະດັບສາກົນ.
ຍສໝ - ງານບຸນ "ພວກເຮົາແມ່ນນຳກັນ– We Are Together" ຄັ້ງທີ 8 ບໍ່ພຽງແຕ່ແມ່ນກິດຈະກຳທາງດ້ານວັດທະນະທຳ ແລະ ການບັນເທີງເທົ່ານັ້ນ, ແຕ່ຍັງແມ່ນສານແຫ່ງຄວາມຜູກພັນ, ການແບ່ງປັນ ແລະ ການພັດທະນາແບບຍືນຍົງຂອງປະຊາຄົມຊາວຫວຽດນາມ ຢູ່ເກົາຫຼີ, ຜ່ານນັ້ນກໍໄດ້ປະກອບສ່ວນເຂົ້າໃນການເສີມສ້າງສາຍພົວພັນມິດທະພາບລະຫວ່າງສອງປະເທດ.
ຍສໝ - ໃນວັນທີ 8 ພຶດສະພາ, ຢູ່ສໍານັກງານໃຫຍ່ສະຫະພັນບັນດາອົງການຈັດຕັ້ງມິດພາບ ຫວຽດນາມ (VUFO), ສະມາຄົມມິດພາບ ຫວຽດນາມ - ອົດສະຕຣີ ແລະ ສະມາຄົມ ອົດສະຕຣີ - ຫວຽດນາມ ໄດ້ລົງນາມບົດບັນທຶກຄວາມເຂົ້າໃຈ (MOU) ກ່ຽວກັບການຮ່ວມມື ເພື່ອແນໃສ່ເພີ່ມທະວີສາຍພົວພັນມິດພາບ, ຊຸກຍູ້ການແລກປ່ຽນລະຫວ່າງປະຊາຊົນ ແລະ ຂະຫຍາຍການຮ່ວມມືໃນຫຼາຍດ້ານລະຫວ່າງ ຫວຽດນາມ ແລະ ອົດສະຕຣີ ໃນໄລຍະໃໝ່. ຂໍ້ຕົກລົງສະບັບນີ້ ມີເປົ້າໝາຍເຮັດໃຫ້ສາຍພົວພັນມິດພາບເລິກເຊິ່ງກວ່າເກົ່າ, ຍູ້ແຮງບັນດາກິດຈະກຳແລກປ່ຽນລະຫວ່າງປະຊາຊົນ ແລະ ເປີດໂອກາດການຮ່ວມມືຫຼາຍດ້ານລະຫວ່າງສອງປະເທດ.
ຍສໝ - ກ່ອນທີ່ຈະເລີ່ມວາລະກຽມຂອງກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ ຫວຽດນາມ ຄັ້ງທີ XI, ອາຍຸການ 2026-2031, ໃນຕອນເຊົ້າວັນທີ 11 ພຶດສະພາ, ຄະນະຜູ້ແທນທີ່ເຂົ້າຮ່ວມກອງປະຊຸມໃຫຍ່ ໂດຍແມ່ນທ່ານນາງ ບຸຍທິມິງຮວ່າຍ (Bùi Thị Minh Hoài) - ກຳມະການກົມການເມືອງ, ເລຂາທິການສູນກາງພັກ, ເລຂາຄະນະພັກແນວໂຮມປະເທດຊາດ, ບັນດາອົງການຈັດຕັ້ງມະຫາຊົນສູນກາງ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເປັນຫົວໜ້າຄະນະ ໄດ້ເຂົ້າຮ່ວມວາງພວງມາລາຢ້ຽມຢາມສຸສານປະທານ ໂຮ່ຈີມິນ ແລະ ຈຸດທູບລະນຶກເຖິງບັນດາວິລະຊົນຜູ້ເສຍສະຫຼະຊີວິດເພື່ອຊາດ ຢູ່ທີ່ອະນຸສອນສະຖານວິລະຊົນຜູ້ເສຍສະຫຼະຊີວິດເພື່ອຊາດ.
ກອງປະຊຸມໃຫຍ່ຜູ້ແທນທົ່ວປະເທດແນວໂຮມປະເທດຊາດ ຫວຽດນາມ ຄັ້ງທີ XI, ໄລຍະ 2026 – 2031 ຈະດຳເນີນແຕ່ວັນທີ 11 – 13 ພຶດສະພາ ຢູ່ຮ່າໂນ້ຍ.
ກອງປະຊມຄັ້ງທີ 2 ຂອງຄະນະປະຈຳສະພາແຫ່ງຊາດຈະໄດຳເນີນໃນຕອນເຊົ້າວັນທີ 11 ພຶດສະພາ 2026, ຢູ່ຫ້ອງປະຊຸມ ເຕິນຈ່າວ, ຫໍສະພາແຫ່ງຊາດ. ທ່ານ ເຈິ່ນແທັງເໝິນ ປະທານສະພາແຫ່ງຊາດ ຫວຽດນາມ ກ່າວໄຂກອງປະຊຸມ.
ຍສໝ - ພາຍໃຕ້ຫົວຂໍ້: "ສາມັກຄີ - ປະຊາທິປະໄຕ - ປ່ຽນແປງໃໝ່ - ປະດິດສ້າງ - ພັດທະນາ", ກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດ (MTTQ) ຫວຽດນາມ ຄັ້ງທີ XI ອາຍຸການ 2026-2031 ສືບຕໍ່ຢືນຢັນກຳລັງແຮງຂອງກຸ່ມມະຫາສາມັກຄີທົ່ວປວງຊົນທັງຊາດ ໃນຍຸກສະໄໝໃໝ່.
ຍສໝ - ພາຍຫຼັງເຫດການຝົນຕົກ ແລະ ນ້ຳຖ້ວມໃນທ້າຍປີ 2025, ຫຼາຍຄອບຄົວຢູ່ຕາແສງ ຮວາທິ້ງ (Hòa Thịnh) (ແຂວງ ດັກລັກ - Đắk Lắk) ຕ້ອງຕົກຢູ່ໃນສະພາບທີ່ບໍ່ມີທີ່ຢູ່ອາໄສ. ແຕ່ພຽງແຕ່ໄລຍະເວລາເດືອນປາຍເທົ່ານັ້ນ, ເຮືອນໃໝ່ຫຼາຍຫຼັງກໍໄດ້ຮັບການກໍ່ສ້າງໃຫ້ສຳເລັດທັນກ່ອນລະດູໃບໄມ້ປົ່ງ ຈາກແຫຼ່ງທຶນຊ່ວຍເຫຼືອຂອງລັດ, ການຮ່ວມແຮງຮ່ວມໃຈຂອງສັງຄົມ ແລະ ວິວັດທະນາການປຸກລະດົມ, ເຊື່ອມຕໍ່ການຊ່ວຍເຫຼືອຈາກລະບົບແນວໂຮມປະເທດຊາດ ຫວຽດນາມ.
ຍສໝ - ແຂວງ ດົ່ງທັບ ໄດ້ຜັນຂະຫຍາຍຫຼາຍມາດຕະການຢ່າງເດັດຂາດ ແລະ ເປັນເອກະພາບ ເພື່ອຕ້ານການຫາປາແບບຜິດກົດໝາຍ, ບໍ່ມີການລາຍງານ ແລະ ບໍ່ເປັນໄປຕາມລະບຽບການ (IUU).
ຍສໝ - ການຢ້ຽມຢາມລັດຖະກິດຂອງທ່ານເລຂາທິການໃຫຍ່, ປະທານປະເທດ ໂຕເລິມ (Tô Lâm) ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ໄປຍັງ ສາທາລະນະລັດ ອິນເດຍ ແຕ່ວັນທີ 5 ຫາວັນທີ 7 ພຶດສະພາ ຜ່ານມາ ໄດ້ສິ້ນສຸດລົງຢ່າງມີຜົນສຳເລັດຈົບງາມ ດ້ວຍຫຼາຍໝາກຜົນອັນພົ້ນເດັ່ນ, ສ້າງຂີດໝາຍອັນເລິກເຊິ່ງໃນສາຍພົວພັນສອງຝ່າຍ ຫວຽດນາມ – ອິນເດຍ.
ຍສໝ - ຕາມລາຍງານຂອງນັກຂ່າວພິເສດສຳນັກຂ່າວສານ ຫວຽດນາມ, ໃນຄືນວັນທີ 8 ພຶດສະພາ, ທ່ານນາຍົກລັດຖະມົນຕີ ເລມິງຮຶງ (Lê Minh Hưng) ແລະ ຄະນະຜູ້ແທນຂັ້ນສູງ ຫວຽດນາມ ໄດ້ເດີນທາງເຖິງ ຮ່າໂນ້ຍ, ສິ້ນສຸດການໄປເຂົ້າຮ່ວມກອງປະຊຸມສຸດຍອດອາຊຽນ (ASEAN) ຄັ້ງທີ 48 ຢູ່ທີ່ Cebu, ຟີລິບປິນ ໃນວັນທີ 7 ແລະ 8 ພຶດສະພາ ຢ່າງມີຜົນສຳເລັດຈົບງາມ.