ຍສໝ - ຕອນບ່າຍວັນທີ 19 ມີນາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມມິງຈີງ ໄດ້ໃຫ້ການຕ້ອນຮັບສະຫາຍ ຄຳເພົາ ເອີນທະວັນ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ຫວຽດນາມ ເນື່ອງໃນໂອກາດຮັບໜ້າທີ່ວຽກງານຢູ່ ຫວຽດນາມ.
ຍສໝ - ຕອນບ່າຍວັນທີ 15 ມີນາ, ຢູ່ຮ່າໂນ້ຍ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ໃຫ້ການຕ້ອນຮັບທ່ານນ່າງ ຄຳປາວ ເອີນທະວັນ - ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ປະຊາທິປະໄຕປະຊາຊົນ ລາວ. ການພົບປະເພື່ອແນໃສ່ປຶກສາຫາລືບັນດາມາດຕະການຊຸກຍູ້ການຮ່ວມມື ແລະ ການແລກປ່ຽນປະຊາຊົນລະຫວ່າງ 2 ປະເທດຢ່າງແທດຈິງ ແລະ ມີປະສິດທິຜົນ.
ຍສໝ - ຕອນເຊົ້າວັນທີ 6 ມີນາ, ຢູ່ແຂວງ ອຸດົມໄຊ ທາງພາກເໜືອຂອງ ລາວ, ໄດ້ດຳເນີນການສຳມະນາແລກປ່ຽນວຽກງານຄັ້ງທີ 12 ລະຫວ່າງຫ້ອງວ່າການສະພາແຫ່ງຊາດ ຫວຽດນາມ ແລະ ຄະນະເລຂາສະພາແຫ່ງຊາດ ລາວ.
ຍສໝ - ວົງເງິນການຄ້າ ຫວຽດນາມ-ລາວ ໃນເດືອນມັງກອນປີນີ້ ໄດ້ເພີ່ມຂຶ້ນຢ່າງແຮງ, ຮອດ 75,8% ເມື່ອທຽບໃສ່ໄລຍະດຽວກັນຂອງປີກາຍ, ບັນລຸໄດ້ 174,4 ລ້ານ ; ໃນນັ້ນ, ການສົ່ງອອກຂອງ ຫວຽດນາມ ໄປ ລາວ ບັນລຸໄດ້ 56,8 ລ້ານ USD.
ຍສໝ - ວັນທີ 7 ກຸມພາ, ຄະນະຜູ້ແທນສະຖານທູດລາວ ປະຈໍາ ຝະລັ່ງ ໂດຍທ່ານ ເອກອັກຄະລັດຖະທູດ ຟ້າມບີ່ງມິງ ຊີ້ແຈ້ງວ່າ ໄດ້ມາເຖິງສະຖານທູດ ຫວຽດນາມ ປະຈໍາ ຝະລັ່ງ ເພື່ອອວຍພອນປີໃໝ່ 2024 ດ້ວຍບັນຍາກາດອັນອົບອຸ່ນ ແລະ ສະໜິດສະໜົມ.
ຍສໝ - ໃນປີ 2024, ສະມາຄົມວາງເປົ້າໝາຍຮັບເອົາສະມາຊິກຕື່ມອີກຢ່າງໜ້ອຍສຸດແມ່ນ 70 ຄົນ, ສົມທົບກັບສະຫະພັນບັນດາອົງການຈັດຕັ້ງມິດຕະພາບແຂວງ, ບັນດາຫົວໜ່ວຍທີ່ກ່ຽວຂ້ອງປະຕິບັດໂຄງການ “ເສີມສ້າງສາຍພົວພັນມິດຕະພາບ” ຢ່າງມີປະສິດທິຜົນ, ຕ້ອນຮັບຄະນະຜູ້ແທນສະມາຄົມມິດຕະພາບລາວ-ຫວຽດນາມ ແຂວງໄຊສົມບູນ ມາຢ້ຽມຢາມແຂວງ ບັກຢາງ...
ຍສໝ - ໃນຕອນເຊົ້າວັນທີ 6 ມັງກອນ 2024, ພາຍຫຼັງການເຈລະຈາຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານນາຍົກລັດຖະມົນຕີ ລາວ ສອນໄຊ ສີພັນດອນ ໄດ້ເປັນສັກຂີພິຍານພິທີລົງນາມເອກະສານຮ່ວມມືລະຫວ່າງສອງປະເທດ.
ຍສໝ - ວັນທີ 6 ມັງກອນ 2024, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ພັນລະຍາພ້ອມ ທ່ານນາຍົກລັດຖະມົນຕີ ລາວ ສອນໄຊ ສີພັນດອນ ແລະ ພັນລະຍາ ໄດ້ໄປຢ້ຽມຢາມງານວາງສະແດງພາບຖ່າຍກ່ຽວກັບການພົວພັນຮ່ວມມືລະຫວ່າງ 2 ປະເທດ, ໂດຍສຳນັກຂ່າວສານ ຫວຽດນາມ ປະຕິບັດ.
ຍສໝ - ເປັນເວລາ 2 ວັນ ແຕ່ວັນທີ 19-20 ທັນວາ, ຢູ່ທີ່ແຂວງ ກວາງນິງ ສສ ຫວຽດນາມ, ໄດ້ຈັດກອງປະຊຸມສຳມະນາທິດສະດີ ຄັ້ງທີ 10 ລະຫວ່າງພັກຄອມມູນິດຫວຽດນາມ ແລະ ພັກປະຊາຊົນປະຕິວັດລາວ ພາຍໃຕ້ຫົວຂໍ້ ພັດທະນາວັດທະນະທຳ ແລະ ຄົນ ໃນຂະບວນວິວັດແຫ່ງການພັດທະນາປະເທດຊາດຕາມທິດທາງສັງຄົມນິຍົມ ຂອງຫວຽດນາມ ແລະ ຂອງລາວ. ບັນດາຜູ້ແທນທີ່ເຂົ້າຮ່ວມກອງປະຊຸມໄດ້ແລກປ່ຽນບົດຮຽນຂອງສອງພັກກ່ຽວກັບການນຳພາພັດທະນາວັດທະນະທຳ, ຄົນຕາມການກຳນົດທິດສັງຄົມນິຍົມ.
ຍສໝ - ໃນຊຸມປີມໍ່ໆມານີ້, ບັນດາການເຄື່ອນໄຫວອາສາສະໝັກຂອງຊາວໜຸ່ມນະຄອນ ໂຮ່ຈີມິນ, ຮ່າຕິ້ງ, ກວາງຈີ, ກວາງນາມ... ໄດ້ຮັບການຜັນຂະຫຍາຍຢູ່ຫຼາຍທ້ອງຖິ່ນຂອງລາວ. ບັນດາການເຄື່ອນໄຫວທີ່ແທດຈິງ ແລະ ມີປະສິດທິຜົນໄດ້ປະກອບສ່ວນເຂົ້າໃນການເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ - ລາວ.
ຍສໝ - ໂດຍປະຕິບັດຕາມການຊີ້ນຳຂອງ ລັດຖະບານສອງປະເທດກ່ຽວກັບການເພີ່ມທະວີການຮ່ວມມື ແລະ ພັດທະນາດ້ານພະລັງງານ, ພິເສດແມ່ນການນຳເຂົ້າໄຟຟ້າ ແລະ ຖ່ານຫີນຈາກລາວ, ວັນທີ 9 ທັນວາ, ທ່ານລັດຖະມົນຕີ ຫງວຽນຮົ່ງຢຽນ ໄດ້ເປັນປະທານກອງປະຊຸມຊຸກຍູ້ການຮ່ວມມືການຊື້ຂາຍຖ່ານຫີນລະຫວ່າງ ຫວຽດນາມ - ລາວ.
ຍສໝ - ບົດບັນທຶກຄວາມຊ່ວຍຈຳ ກ່ຽວກັບແຜນການຮ່ວມມືດ້ານສຳເນົາເອກະສານ ໃນປີ 2024 ໄດ້ລົງນາມໂດຍທ່ານ ດັ້ງແທງຕຸ່ງ - ຫົວໜ້າກົມບັນທຶກ ແລະ ສຳເນົາແຫ່ງລັດ, ກະຊວງພາຍໃນຫວຽດນາມ ແລະ ທ່ານ ທອງຈັນ ແກ້ວແສນຫອມ ຫົວໜ້າກົມຫໍສະໝຸດແຫ່ງຊາດ ກະຊວງພາຍໃນ ໃນຕອນເຊົ້າວັນທີ 6 ທັນວາ ຢູ່ຮ່າໂນ້ຍ.
ຍສໝ - ດ້ວຍບັນດາການເຄື່ອນໄຫວແລກປ່ຽນວັດທະນະທຳ, ກິລາ ແລະ ທ່ອງທ່ຽວ, ສັບປະດາວັດທະນະທຳ ແລະ ທ່ອງທ່ຽວຕາເວັນຕົກສຽງເໜືອ ແລະ ນະຄອນ ໂຮ່ຈີມິນ ຢູ່ແຂວງ ຫຼວງພະບາງ (ລາວ) ແມ່ນໂອກາດເພື່ອໃຫ້ປະຊາຊົນ ລາວ ແລະ ເພື່ອນມິດສາກົນ ໄດ້ຮັບຄວາມເຂົ້າໃຈກ່ຽວກັບພາກພື້ນຕາເວັນຕົກສ່ຽງເໜືອ ຫວຽດນາມ ແລະ ນະຄອນໂຮ່ຈີມິນ.
ຍສໝ - ຕາມຜູ້ຕາງໜ້າຂອງສຳນັກຂ່າວສານ ຫວຽດນາມ, ຕອນເຊົ້າວັນທີ 5 ທັນວາ, ຢູ່ນະຄອນຫຼວງ ວຽງຈັນ, ເນື່ອງໃນໂອກາດຢ້ຽມຢາມຂອງທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ, ທ່ານເລຂາທິການສະພາແຫ່ງຊາດ, ຫົວໜ້າຫ້ອງວ່າການສະພາແຫ່ງຊາດ ບຸ່ຍວັນເກື່ອງ ໄດ້ມີການພົບປະກັບທ່ານເລຂາທິການສະພາແຫ່ງຊາດລາວ ນາງ ປິ່ງຄຳ ລາຊະສິມມາ.
ຍສໝ - ຕາມຂ່າວສານຫວຽດນາມ, ໃນຂອບເຂດການຢ້ຽມຢາມທາງລັດຖະກິດຢູ່ລາວ, ຕອນຄ່ຳວັນທີ 5 ທັນວາ, ຢູ່ນະຄອນຫຼວງວຽງຈັນ, ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫວະ ພ້ອມດ້ວຍຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໄດ້ມີການພົບປະ. ຜູ້ຕາງໜ້າ 160 ວິສາຫະກິດຫວຽດນາມ ຢູ່ລາວ.
ຍສໝ - ທີ່ນະຄອນນິວຢອກ (ສະຫະລັດອາເມລິກາ), ຄະນະຜູ້ແທນຂັ້ນສູງຫວຽດນາມ ປະຈໍາ ສະຫະປະຊາຊາດ (ສປຊ) ໂດຍທ່ານເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຄະນະ ໄດ້ມາອວຍພອນຄະນະປະຈໍາລາວ ປະຈໍາ ສປຊ ໃນໂອກາດນີ້. ເນື່ອງໃນໂອກາດວັນຊາດ ສປປ ລາວ ຄົບຮອບ 48 ປີ (2 ທັນວາ 1975 – 2 ທັນວາ 2023) ແລະ ວັນເກີດຂອງປະທານ ໄກສອນ ພົມວິຫານ ໄດ້ຄົບຮອບ 103 ປີ (13 ທັນວາ 1920 – 13 ທັນວາ 2023).
ຍສໝ - ໃນວັນທີ 5 ທັນວານີ້, ກອງບັນຊາການທະຫານບົກຫວຽດນາມ ແລະ ລາວ ໄດ້ສົມທົບກັນຈັດຕັ້ງການກວດພະຍາດ ແລະ ຢາປົວພະຍາດໂດຍບໍ່ເສຍຄ່າໃຫ້ປະຊາຊົນຢູ່ເຂດຊາຍແດນບ້ານໜອງພະເມຍ, ເມືອງສະໜາມໄຊ, ແຂວງອັດຕະປື, ລາວ.
ຍສໝ - ຕາມສຳນັກຂ່າວສານຫວຽດນາມຢູ່ເຊີແນວ, ວັນທີ 1 ທັນວາ, ທ່ານນາງເອກອັກຄະລັດຖະທູດ ເລຖິຕວຽດໝ່າຍ, ຫົວໜ້າຄະນະຜູ້ແທນຖາວອນຫວຽດນາມ ປະຈຳສະຫະປະຊາຊາດ (ສປຊ), ອົງການການຄ້າໂລກ (WTO) ແລະ ບັນດາອົງການຜູ້ຕາງໜ້າສາກົນອື່ນໆຢູ່ນະຄອນ Geneva ໄດ້ນຳພາຄະນະຜູ້ແທນຫວຽດນາມ ໄປອວຍພອນຄະນະຜູ້ແທນຖາວອນລາວ ທີ່ນະຄອນເຈນີວາ ເນື່ອງໃນໂອກາດສະເຫຼີມສະຫຼອງ 48 ປີແຫ່ງວັນຊາດ ສປປ ລາວ (2 ທັນວາ 1975 – 2 ທັນວາ 2023).
ຍສໝ - ຕອນບ່າຍວັນທີ 22 ພະຈິກ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ໃຫ້ການຕ້ອນຮັບທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ລາວ ສະເຫຼີມໄຊ ກົມມະສິດ ທີ່ພວມຢ້ຽມຢາມ ຫວຽດນາມ ແລະ ເປັນປະທານຮ່ວມກອງປະຊຸມປຶກສາຫາລືການເມືອງຂັ້ນລັດຖະມົນຕີການຕ່າງປະເທດຄັ້ງທີ 10.
ຍສໝ - ການເດີນທາງກວ່າ 2.775 ກິໂລແມັດ, ນັກສິລະປິນ, ພະນັກງານໂຮງລະຄອນຫວຽດນາມ 34 ຄົນ ໄດ້ນຳເອົາສິລະປະລະຄອນເວທີຫວຽດນາມ ໄປຍັງລາວ, ໄດ້ເຜີຍແຜ່ບັນດາຄຸນຄ່າອັນດີງາມໃຫ້ປະຊາຊົນສອງປະເທດ. ນີ້ກໍແມ່ນການເຄື່ອນໄຫວເຊື່ອມຕໍ່ຊາວຫວຽດນາມ ປະຈຳທ້ອງຖິ່ນກັບບ້ານເກີດເມືອງນອນ, ພ້ອມກັນສືບຕໍ່ເສີມສ້າງສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດໃຫ້ຂຽວສົດງົດງາມຕະຫຼອດໄປ.
