 |
| ທ່ານຟ້າມຢາງນາມ, ຜູ້ອຳນາຍການພະແນກສາທານະລະສຸກ, ຫົວໜ້າຫ້ອງການຄະນະຊີ້ນຳປ້ອງກັນ, ສະກັດກັ້ນໂລກລະບາດໂຄວິດ - 19 ແຂວງດ້ຽນບຽນມອບເຄື່ອງຊ່ວຍເຫຼືອບັນດາແຂວງ ພາກເໜືອລາວ |
ຕອນເຊົ້າວັນທີ 11 ພຶດສະພາ, ຢູ່ເຂດຫຼັກໝາຍເລກ 113, ຂຶ້ນກັບດ່າຍຊາຍແດນສາກົນໄຕຈາງ, ຕາແສງນາອື, ເມືອງດ້ຽນບຽນ, ຄະນະຊີ້ນຳການປ້ອງກັນ, ສະກັດກັ້ນໂລກລະບາດໂຄວິດ - 19 ແຂວງດ້ຽນບຽນໄດ້ຈັດຕັ້ງການມອບວັດຖຸອຸປະກອນການແພດເພື່ອປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ແກ່ຜູ້ຕາງໜ້າ 6 ແຂວງທາງພາກເໜືອຂອງ ປະເທດສາທາລະນະລັດປະຊາທິປະໄຕປະຊາຊົນລາວ (ລວມມີ: ຜົ້ງສາລີ, ອຸດົມໄຊ, ຫຼວງພະບາງ, ບໍ່ແກ້ວ, ໄຊຍະບູລີ ແລະຫຼວງນ້ຳທາ).
ດ້ວຍງົບປະມານກ່ວາ 600 ລ້ານດົ່ງ, ຄະນະຊີ້ນຳການປ້ອງກັນ, ສະກັດກັ້ນໂລກລະບາດໂຄວິດ - 19 ແຂວງດຽນບຽນໄດ້ລົງທຶນເຂົ້າການຊື້ບັນດາອຸປະກອນການແພດທີ່ຈຳເປັນເພື່ອຮັບໃຊ້ໃຫ້ແກ່ວຽກງານປ້ອງກັນສະກັດກັ້ນໂລກລະບາດໂຄວິດ - 19 ໃຫ້ແກ່ 6 ແຂວງທາງພາກເໜືອລາວ, ແຕ່ລະແຂວງລວມມີ: ຜ້າອັດປາກດັງ 32.000 ອັນ, ຢາລ້າງມືຂ້າເຊື້ອ 200 ຕຸກ, ຊຸດປ້ອງກັນຕ້ານເຊື້ອລະດັບ 3 300 ຊຸດ.
ໂດຍໄດ້ຮັບຮູ້ວ່າ, ໃນໄລຍະທີ່ຜ່ານມາ, ໂລກລະບາດໂຄວິດ - 19 ຢູ່ 6 ແຂວງທາງພາກເໜືອຂອງ ລາວ ມີການຜັນແປຢ່າງສັບສົນດ້ວຍຈຳນວນຜູ້ຕິດເຊື້ອພະຍາດໂຄວິດ - 19 ເພີ່ມຂຶ້ນສູງ, ໃນຂະນະນັ້ນ, ຈຳນວນອຸປະກອນ, ວັດຖຸການແພດຂອງບັນດາແຂວງຍັງປະສົບກັບຄວາມຫຍຸ້ງຍາກ, ຂາດເຂີນຫຼາຍຢ່າງ. ເພາະສະນັ້ນ, ເລື່ອງໜູນຊ່ວຍວັດຖຸອຸປະກອນຂອງແຂວງດ້ຽນບຽນບໍ່ພຽງແຕ່ແບ່ງປັນຄວາມຫຍຸ້ງຍາກ, ລະດົມກຳລັງໃຈ ແລະ ໜູນຊ່ວຍວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ແກ່ບັນດາແຂວງທາງພາກເໜືອລາວເທົ່ານັ້ນ, ຫາກຍັງສະແດງໃຫ້ເປັນຈິດໃຈສາມັກຄີ, ມິດຕະພາບ, ການຮ່ວມມືສາກົນແບບສະໜິດຕິດພັນ, ໝັ້ນຄົງ ເປັນຕົ້ນແມ່ນໃນໄລຍະ ໂລກລະບາດໂຄວິດ - 19 ພວມຄຸມຄາມຄືໃນປັດຈຸບັນ.
ໂດຍໄດ້ຮັບວັດຖຸອຸປະກອນການແພດຂອງຄະນະຊີ້ນຳການປ້ອງກັນ, ສະກັດກັ້ນໂລກລະບາດໂຄວິດ - 19 ແຂວງດຽນບຽນ, ການນຳບັນດາແຂວງພາກເໜືອລາວ ໄດ້ສະແດງຄວາມຊົມເຊີຍ ແລະ ສົ່ງຄຳຂອບໃຈໄປຍັງການນຳແຂວງດຽນບຽນ, ພ້ອມທັງສະແດງຄວາມຫວັງວ່າ ໃນໄລຍະຈະມາເຖິງ ບັນດາແຂວງພາກເໜືອລາວ ແລະ ແຂວງດຽນບຽນ ຈະເພີ່ມທະວີການພົວພັນຮ່ວມມື, ມິດຕະພາບໃນທຸກຂົງເຂດ, ພ້ອມກັນສາມັກຄີກັນ, ມານະພະຍາຍາມປ້ອງກັນຕ້ານໂລກລະບາດໂຄວິດ - 19 ເພື່ອພັດທະນາການພົວພັນສອງຝ່າຍໃນສະພາບການໃໝ່ໃຫ້ດີກ່ວາອີກ.
 | ສະມາຄົມມິດຕະພາບ ຫວຽດນາມ - ອິນເດຍ ມອບເຄື່ອງຊາຍຫາຍໃຈ 100 ອັນໃຫ້ແກ່ປະຊາຊົນ ອິນເດຍ ຍສໝ - ໃນສະພາບການໂລກລະບາດໂຄວິດ - 19 ພວມມີການຜັນແປຢ່າງສັບສົນນັ້ນ, ພິທີໂດຍທ່ານ ລັດຖະມນຕີກະຊວງຖະແຫຼງຂ່າວ ແລະ ການສື່ສານ, ປະທານສະມາຄົມມິດຕະພາບ ຫວຽດນາມ - ອິນເດຍ ຫງວຽນແມັ້ງຮຸ່ງ ເປັນປະທານ ແລະ ໄດ້ຈັດຕັ້ງຕາມຮູບການທາງອອນລາຍ. |
 | ສະຖານທູດ ນິວຊີແລນ ອຸປະຖຳເງິນເປັນຈຳນວນ 800 ລ້ານ ເພື່ອປູກຕົ້ນໄມ້ປ່າຢູ່ແຂວງນິງທ້ວນ ຍສໝ - ໂຄງການເພື່ອແນໃສ່ຕອບສະໜອງຄຳຮຽກຮ້ອງຕ້ອງການຂອງລັດຖະບານ ຫວຽດນາມ ກ່ຽວກັບຂໍ້ສະເໜີຜັນຂະຫຍາຍຂໍ້ລິເລີ່ມປູກຕົ້ນໄມ້ 1 ຕື້ຕົ້ນໃນໄລຍະ 2021 – 2025, ໂຄງການຈະໄດ້ຮັບການຜັນຂະຫຍາຍຈາກພະແນກກະສິກຳ ແລະ ພັດທະນາຊົນນະບົດ ແຂວງນິງທ້ວນ, ຄະນະຄຸ້ມຄອງປ່າປ້ອງກັນເຂດແຄມທະເລ ທ້ວນນາມ ແລະ ໂຄງການປູກຕົ້ນໄມ້ຂຽວ, ໂຄງການຂຶ້ນກັບກອງທຶນດຳລົງຊີວິດ Foundation. |
 | ອົດສະຕາລີ ຊ່ວຍເຫຼືອ ຫວຽດນາມ ຂົນສົ່ງຜ້າອັດປາກດັງໜູນຊ່ວຍໃຫ້ ຕີມໍແລດສະແຕ ປ້ອງກັນ, ຕ້ານໂລກລະບາດໂຄວິດ - 19 ຍສໝ - ງວດສິນຄ້າຜ້າອັດປາກດັງ 810.000 ອັນຂອງ ຫວຽດນາມໜູນຊ່ວຍໃຫ້ ຕີມໍແລດສະແຕ ເພື່ອຕ້ານໂລກລະບາດໂຄວິດ - 19 ໄດ້ອົດສະຕາລີຊ່ວຍເຫຼືອສົ່ງໄປຍັງດ້ວຍການເດີນເຮືອໄປຍັງນະຄອນຫຼວງ Dili. |
ບຸນຄົງ
