 |
| ການນຳພະແນກກະສິກຳ ແລະ ພັດທະນາຊົນນະບົດ ແຂວງນິງທ້ວນ ແບ່ງປັນທາງອອນລາຍກ່ຽວກັບສະພາບການປ່ຽນແປງຂອງດິນຟ້າອາກາດຢູ່ ນິງທ້ວນ (ພາບ: ສະຖານທູດ ນິວຊີແລນປະຈຳຫວຽດນາມ) |
ກອງທຶນໜູນຊ່ວຍພັດທະນາປະຊາຄົມດຳລົງຊີວິດແບບຍືນຍົງ ແລະ ສະຖານທູດ ນິວຊີແລນ ໄດ້ປະກາດບ້ວງເງິນປະກອບທີ່ມີມູນຄ່າ 800 ລ້ານດົ່ງ ຈາກນິວຊີແລນ ໃຫ້ແກ່ໂຄງການ “ປູກຕົ້ນໄມ້ປ່າ” ຢູ່ນິງທ້ວນ.
ໂຄງການເພື່ອແນໃສ່ຕອບສະໜອງຄຳຮຽກຮ້ອງຕ້ອງການຂອງລັດຖະບານ ຫວຽດນາມ ກ່ຽວກັບຂໍ້ສະເໜີຜັນຂະຫຍາຍຂໍ້ລິເລີ່ມປູກຕົ້ນໄມ້ 1 ຕື້ຕົ້ນໃນໄລຍະ 2021 – 2025, ໂຄງການຈະໄດ້ຮັບການຜັນຂະຫຍາຍຈາກພະແນກກະສິກຳ ແລະ ພັດທະນາຊົນນະບົດ ແຂວງນິງທ້ວນ, ຄະນະຄຸ້ມຄອງປ່າປ້ອງກັນເຂດແຄມທະເລ ທ້ວນນາມ ແລະ ໂຄງການປູກຕົ້ນໄມ້ຂຽວ, ໂຄງການຂຶ້ນກັບກອງທຶນດຳລົງຊີວິດ Foundation.
ແບ່ງປັນທີ່ການໂອ້ລົມສົນທະນາທາງອອນລາຍ ກ່ຽວກັບການປະກາດບ້ວງເງິນນີ້ ໃນວັນທີ 10 ພຶດສະພາ, ທ່ານນາງ Tredene Dobson ເອກອັກຄະລັດຖະທູດ ນິວຊີແລນ ປະຈຳ ຫວຽດນາມ ເວົ້າວ່າ: “ສະຖານທູດ ນິວຊີແລນຮູ້ສຶກເອກອ້າງທະນົງໃຈ ເມື່ອປະກອບສ່ວນເຂົ້າໃນການປູກຕົ້ນໄມ້ປ່າຢູ່ແຂວງ ນິງທ້ວນຜ່ານໂຄງການ. ການປູກຕົ້ນໄມ້ປ່າ ສວມບົດບາດສຳຄັນ ສຳລັບອະນາຄົດໜ່ວຍໂລກ ຂອງເຮົາ ແລະ ນີ້ແມ່ນໝາກຜົນທີ່ເປັນໜ້າພາກພູມໃຈຂອງແຂວງ ນິງທ້ວນ”.
ຕາມທ່ານນາງ Tredene Dobson ແລ້ວ, ນິວຊີແລນມີຄວາມເຊື່ອໝັ້ນ ແລະ ລົງທຶນເຂົ້າບັນດາໝາກຜົນແບບຍືນຍົງ ແລະ ສິ່ງນີ້ໄດ້ນຳໃຊ້ຢ່າງແໜ້ນແຟ້ນ ໃຫ້ແກ່ບັນດາການເຄື່ອນໄຫວປົກປັກຮັກສາສິ່ງແວດລ້ອມຂອງພວກເຮົາ.
ປູກປ່າ ແມ່ນໜຶ່ງໃນບັນດາວິທີການທີ່ມີປະສິດທິຜົນທີ່ສຸດເພື່ອຈຳກັດເຫດການໜ່ວຍໂລກຮ້ອນຂຶ້ນ. ບັນດາໂຄງການທີ່ຄ້າຍຄືກັນ ພວມຊ່ວຍຟື້ນຟູໜ່ວຍໂລກຂອງພວກເຮົາ ແລະ ຫຼຸດຜ່ອນຜົນກະທົບຂອງການປ່ຽນແປງດິນຟ້າອາກາດ. ຍຸດທະສາດ “ປູກປ່າຮັກສານ້ຳ” ແມ່ນຍຸດທະສາດສ້າງກອງທຶນປະຊາຄົມໃຫ້ແກ່ໂຄງການ “ປູກຕົ້ນໄມ້ປ່າ” ນິງທ້ວນ.
ຍຸດທະສາດໄດ້ຮຽກຮ້ອງໃຫ້ປະຊາຄົມຮ່ວມແຮງຮ່ວມໃຈປະກອບສ່ວນເພື່ອພ້ອມກັນປະຕິບັດເປົ້າໝາຍປູກປ່າປ້ອງກັນແຄມທະເລທ້ວນນາມ, ຍິງທ້ວນ.
ໂຄງການປູກຕົ້ນໄມ້ປ່າ ຢູ່ແຂວງນິງຖ້ວນ ຈະປຸກຕົ້ນໄມ້ກ່ວາ 40.000 ຕົ້ນດ້ວຍເນື້ອທີ່ປ່າກ່ວາ 20 ແຮກຕາ ຢູ່ປ່າປ້ອງກັນແຄມທະເລເມືອງ ທ້ວນນາມ, ໃນເດືອນຕຸລາປີນີ້. ໂຄງການຈະແກ່ຍາວໃນໄລຍະ 5 ປີ (2021 - 2025), ລວມມີເວລາປູກ, ບົວລະບັດ ແລະ ປົກປ້ອງປ່າ, ເພື່ອແນໃສ່ຮັບປະກັນອັດຕາເຕີບໃຫຍ່ຂອງຕົ້ນໄມ້ທີ່ໄດ້ປູກໃໝ່.
 | ສະຖາບັນຄົ້ນຄ້ວາ ອົດສະຕາລີໃຫ້ຮູ້ວ່າ: ນິວຊີແລນ ແລະ ຫວຽດນາມ ມີການຮັບມືກັບໂລກລະບາດໂຄວິດ - 19 ດີທີ່ສຸດໃນໂລກ ຍສໝ - ທ່ານ Herve Lemahieu ນັກຄົ້ນຄວ້າສະຖາບັນ Lowy ໄດ້ກ່າວວ່າ ການປະເມີນຜົນແບບໂຕ້ຕອບຂອງບົດລາຍງານສະແດງໃຫ້ເຫັນວ່າບັນດາປະເທດນ້ອຍໆມີການຮັບມືກັບໂລກລະບາດຂອງ COVID-19 ທີ່ມີປະສິດຕິຜົນຫຼາຍກວ່າປະເທດໃຫຍ່. |
 | WB: ໝາກຜົນການສຶກສາຂອງ ຫວຽດນາມໄດ້ຈັດຢູ່ລຳດັບເທົ່າທຽມກັນກັບປະເທດໂຮນລັງ, ນິວຊີແລນ ແລະ ຊຸແອັດ. ຍສໝ - ຕາມບົດລາຍງານຂອງທະນາຄານໂລກ (WB), ການສຶກສາຫວຽດນາມຢືນຢູ່ລຳດັບທີ 15 ທຽບເທົ່າກັນກັບປະເທດໂຮນລັງ, ນິວຊີແລນ, ຊຸແອັດ. |
 | ທ່ານລັດຖະມົນຕີກະຊວງຕຳຫຼວດໂຕເລີມໃຫ້ການຕ້ອນຮັບເອກອັກຄະລັດຖະທູ ນິວຊີແລນ ຍສໝ - ທ່ານ ໂຕເລິມໄດ້ເນັ້ນໜັກວ່າ ກະຊວງຕຳຫຼວດ ຫວຽດນາມ ໄດ້ຕີລາຄາສູງການຊ່ວຍເຫຼືອຂອງໝູ່ຄະນະພະນັກງານສະຖານທູດ, ພິເສດແມ່ນ ທ່ານນາງ Wendy Matthews ເອກອັກຄະລັດຖະທູດ ເຊິ່ງມີການປະກອບສ່ວນຢ່າງຕັ້ງໜ້າຫຼາຍຢ່າງໃຫ້ແກ່ການພົວພັນລະຫວ່າງສອງປະເທດ. |
ບຸນຄົງ
