 |
| ການໂອ້ລົມທາງໂທລະສັບ ລະຫວ່າງ ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໄດ້ມີການໂອ້ລົມທາງໂທລະສັບກັບທ່ານລັດຖະມົນຕີການຕ່າງປະເທດ ກູບາ Bruno Rodriguez Parrilla (ພາບ: Baoquocte.vn) |
ຕອນເຊົ້າວັນທີ 7 ພຶດສະພາ, ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໄດ້ມີການໂອ້ລົມທາງໂທລະສັບກັບທ່ານລັດຖະມົນຕີການຕ່າງປະເທດ ກູບາ Bruno Rodriguez Parrilla ເພື່ອປຶກສາຫາລືທິດທາງ ແລະ ມາດຕະການເພື່ອສືບຕໍ່ເພີ່ມທະວີສາຍພົວພັນມິດຕະພາບແບບພິເສດ, ການຮ່ວມມືຮອບດ້ານແລະຄວາມໄວ້ເນື້ອເຊື່ອໃຈລະຫວ່າງ ຫວຽດນາມ ແລະ ກູບາ.
ທີ່ການໂອ້ລົມທາງໂທລະສັບ, ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ສະແດງຄວາມຊົມເຊີຍຕໍ່ຜົນສຳເລັດຂອງກອງປະຊຸມໃຫຍ່ຄັ້ງທີ 8 ຂອງພັກກອມມູນິດກູບາ (ແຕ່ວັນທີ 16-19 ເມສາ 2021) ແລະ ສະແດງຄວາມຊົມເຊີຍຕໍ່ທ່ານ Comrade Bruno Rodriguez Parrilla ເມື່ອໄດ້ຮັບການແຕ່ງຕັ້ງຄືນໃໝ່ຕຳແໜ່ງກຳມະການກົມການເມືອງພັກກອມມູນິດ ກູບາ; ພ້ອມດຽວກັນນີ້, ທ່ານກໍ່ໄດ້ສະແດງຄວາມປາດຖະໜາຢາກໃຫ້ກະຊວງການຕ່າງປະເທດຫວຽດນາມ ສືບຕໍ່ສົມທົບກັບກະຊວງການຕ່າງປະເທດກູບາ ເພື່ອສືບຕໍ່ປັບປຸງ ແລະ ຮັດແໜ້ນສາຍພົວພັນມິດຕະພາບ ແລະ ການຮ່ວມມືສອງຝ່າຍ; ຢັ້ງຢືນຄືນໃໝ່ຫຼັກໝັ້ນສະເໝີຕົ້ນສະເໝີປາຍ ຂອງ ຫວຽດນາມ ແມ່ນ ສາມັກຄີກັບ ກູບາ ແລະ ການສະໜັບສະໜູນຢ່າງແຂງແຮງສຳລັບມະຕິຂອງສະມັດຊາໃຫຍ່ສະຫະປະຊາຊາດ ເພື່ອຮຽກຮ້ອງໃຫ້ຢຸດຕິນະໂຍບາຍປິດລ້ອມ ແລະ ຂວ້ຳບາດຕໍ່ກູບາ.
ທ່ານລັດຖະມົນຕີການຕ່າງປະເທດ Bruno Rodriguez Parrilla ໄດ້ສະແດງຄວາມຊົມເຊຍຕໍ່ທ່ານລັດຖະມົນຕີການຕ່າງປະເທດ ຫວຽດນາມ ບຸນແທັງເຊີນ; ທ່ານກໍ່ສະແດງຄວາມຂອບອົກຂອບໃຈ ແລະຖືເປັນສຳຄັນນ້ຳໃຈສາມັກຄີ, ການໜູນຊ່ວຍອັນລ້ຳຄ່າຂອງ ຫວຽດນາມ ທີ່ສະຫງວຽນໃຫ້ແກ່ກູບາໃນໄລຍະທີ່ຜ່ານມາ, ໄດ້ຕີລາຄາສູງບົດບາດຂອງ ຫວຽດນາມ ໃນຖານະເປັນປະທານໝູນວຽນຂອງສະພາຄວາມໝັ້ນຄົງແຫ່ງສະຫະປະຊາຊາດ (ເດືອນມັງກອນ 2020 ແລະ ເດືອນເມສາ 2021).
ລັດຖະມົນຕີຕ່າງປະເທດທັງສອງທ່ານໄດ້ເຫັນດີເປັນເອກະພາບປະສານສົມທົບກັນຈັດຕັ້ງປະຕິບັດບັນດາຄຳໝັ້ນສັນຍາຂອງການນຳຂັ້ນສູງຂອງສອງປະເທດ, ໃນນັ້ນມີໝາກຜົນຂອງການໂອ້ລົມທາງໂທລະສັບໃນວັນທີ 5 ພຶດສະພາ ລະຫວ່າງ ທ່ານເລຂາທິການໃຫຍ່ ຫວຽດນາມ ຫງວຽນຝຸຈ້ອງ ແລະ ທ່ານເລຂາທິການຜູ້ທີໜຶ່ງ ຂອງ ພັກກອມມູນິດ ກູບາ Miguel Diaz-Canel; ສົ່ງເສີມການຢ້ຽມຢາມສອງຝ່າຍໃນລະດັບສູງເມື່ອມີເງື່ອນໄຂ. ໃນອະນາຄົດອັນໃກ້ນີ້, ສອງຝ່າຍຈະຮັກສາການຕິດຕໍ່ພົວພັນໃນທຸກລະດັບໂດຍຜ່ານຮູບແບບການໂອ້ລົມທາງໂທລະສັບ, ການໂອ້ລົມທາງອິນເຕີເນັດໃນສະພາບການລະບາດຂອງໂຄວິດ-19; ສົ່ງເສີມບັນດາກອບການຮ່ວມມືແລະກົ ນໄກຕ່າງໆເພື່ອຍົກສູງປະສິດທິຜົນຂອງການພົວພັນດ້ານເສດຖະກິດ - ການຄ້າ - ການລົງທຶນ; ຈັດຕັ້ງປະຕິບັດວາລະສອງຝ່າຍໃນປີ 2021, ເຊິ່ງເພີ່ມທະວີການແລກປ່ຽນຂໍ້ມູນຂ່າວສານ, ແລກປ່ຽນປະສົບການ ແລະປຶກສາຫາລືກ່ຽວກັບບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ, ປະສານງານຢ່າງໃກ້ຊິດແລະສະໜັບສະໜູນ ເຊິ່ງກັນ ແລະກັນໃນກຸ່ມອົງການຈັດຕັ້ງສາກົນ ແລະເວທີປາໄສຫຼາຍຝ່າຍເຊິ່ງສອງປະເທດເປັນສະມາຊິກ.
 | ຊຸກຍູ້ການພົວພັນຄູ່ຮ່ວມມືຍຸດທະສາດ ຫວຽດນາມ - ຍີ່ປຸ່ນ ຫຼາຍກວ່າອີກ ຍີ່ປຸ່ນ ຍາມໃດກໍຖືເປັນສຳຄັນ ແລະ ປາດຖະໜາຢາກຊຸກຍູ້ການພົວພັນຄູ່ຮ່ວມມືຍຸດທະສາດທີ່ເລິກເຊິ່ງກວ້າງຂວາງກັບ ຫວຽດນາມ; ຕີລາຄາສູງທີ່ຕັ້ງບົດບາດຂອງ ຫວຽດນາມຢູ່ພາກພື້ນ ແລະ ສາກົນ ແລະ ຈະສືບຕໍ່ຮ່ວມມື, ໜູນຊ່ວຍ ຫວຽດນາມ ໃນວິວັດການພັດທະນາ. |
 | ສະຖານທູດ ຫວຽດນາມ ປະຈຳ ອົດສະຕາລີ ຍົກອອກ 3 ໜ້າທີ່ໜູນຊ່ວຍປະຊາຄົມຊາວ ຫວຽດນາມ ຍສໝ - ເຂົ້າຮ່ວມກອງປະຊຸມມີທ່ານ ຫງວຽນເຕິດແທັງ ເອກອັກຄະລັດຖະທູດ ຫວຽດນາມ ປະຈຳ ອົດສະຕາລີ ພ້ອມກັບພະນັກງານ, ພາລະກອນສະຖານທູດ ແລະ ບັນດາກົງສູນໃຫຍ່ ຫວຽດນາມ ປະຈຳ ອົດສະຕາລີ, ບັນດາອົງການຕາງໜ້າ ຫວຽດນາມ ປະຈຳ ອົດສະຕາລີ, ຜູ້ຕາງໜ້າສະມາຄົມນັກທຸລະກິດ, ພູມປັນຍາ ແລະ ນັກສຶກສາ ຫວຽດນາມ ປະຈຳ ... |
 | ສະຖານທູດ ການາດາມອບເງິນເປັນຈຳນວນ 5000 USD ແລະ ເປີດນຳໃຊ້ເສັ້ນທາງແຫ່ງການກຸສົນຢູ່ ແຄ໊ງຮ່ວາ ຍສໝ - ທ່ານພັນໂທ Loic Roy, ທູດການປ້ອງກັນຊາດຂອງສະຖານທູດ ການາດາ ປະຈຳ ຫວຽດນາມ ໃຫ້ຮູ້ວ່າ ບັນດາການເຄື່ອນໄຫວທຳການກຸສົນດ້ວຍຄວາມສະໝັກໃຈໃນການຢ້ຽມຢາມຄືຂອງກຳປັ່ນທະຫານເຮືອ Regina ສະແດງໃຫ້ເປັນການພົວພັນຄູ່ຮ່ວມມືສາມັກຄີ, ຄວາມມິດຕະພາບລະຫວ່າງສອງປະເທດ ຫວຽດນາມ - ການາດາ. ປັດຈຸບັນ, ສອງປະເທດ ພວມຮ່ວມມືເປັນຢ່າງດີໃນຂົງເຂດປ້ອງກັນຊາດ. |
ບຸນຄົງ
