 |
| ພິທີເປີດນຳໃຊ້ຫ້ອງມູນເຊື້ອ (ພາບ: hanoimoi.com.vn) |
ເນື່ອງໃນໂອກາດສະເຫຼີມສະຫຼອງ 46 ປີແຫ່ງວັນປົດປ່ອຍທາງພາກໃຕ້, ທ້ອນໂຮມປະເທດຊາດເປັນເອກະພາບ (ວັນທີ 30 ເມສາ 1975 – 30 ເມສາ 2021). ວັນທີ 29 ເມສາ, ໜ່ວຍສະມາຄົມມິດຕະພາບ ຫວຽດນາມ - ລາວ ເຮືອນລວມໝູ່ເລກທີ 79 – 81 ຖະໜົນລີ໊ນາມເດ໊ ໄດ້ຈັດຕັ້ງພິທີເປີດນຳໃຊ້ຫ້ອງມູນເຊື້ອຂອງເຮືອນລວມໝູ່. ການສ້າງຫ້ອງມູນເຊື້ອເພື່ອແນໃສ່ຈົດຈຳມູນເຊື້ອຂອງຄົນລຸ້ນກອ່ນ, ເຊີດຊູຈິດໃຈຂອງປະຊາຊົນຢູ່ເຮືອນລວມໝູ່ ໃນບັນດາການເຄື່ອນໄຫວ ແລະ ຮັກສາການພົວພັນສາມັກຄີ ມິດຕະພາບພິເສດແບບສະໜິດແໜ້ນລະຫວ່າງ ຫວຽດນາມ - ລາວ.
ເຂົ້າຮ່ວມພິທີມີທ່ານເອກອັກຄະລັດຖະທູດ ສາທາລະນະລັດປະຊາທິປະໄຕປະຊາຊົນ ລາວ ປະຈຳ ຫວຽດນາມ ແສງເພັດ ຮຸ່ງບຸນຍວງ, ທ່ານ ເກິ໊ນວຽດແອັງ ຮອງປະທານຜູ້ປະຈຳການສະຫະພັນອົງການມິດຕະພາບຫວຽດນາມ, ຜູ້ຕາງ້ໜາຄະນະຕິດຕໍພົວພັນ ທະຫານອາສາສະໝັກ ແລະ ນັກຊ່ຽວຊານການທະຫານ ຊ່ວຍເຫຼືອລາວ ແລະ ພໍ່ແມ່ພີ່ນ້ອງຂອງບັນດາຄອບຄົວທະຫານເສຍສະຫຼະຊີວິດເພື່ອຊາດຢູ່ເຮືອນລວມໝູ່.
ກ່າວຄຳເຫັນທີ ພິທີ, ທ່ານນາງ ຫງວຽນທິກິມແອັງ, ຫົວໜ້າໜ່ວຍມິດຕະພາບ ຫວຽດນາມ - ລາວ ເຮືອນລວມໝູ່ ເລກທີ 79 – 81 ຖະໜົນລີ໊ນາມເດ໊ ໃຫ້ຮູ້ວ່າ: ປີ 1959, ຄະນະປະຕິດງານພາກຕາເວັນອອກ ໄດ້ສ້າງຕັ້ງເພື່ອແນໃສ່ຊ່ວຍເຫຼືອໃຫ້ແກ່ການປະຕິວັດລາວໃນໄລຍະຕໍ່ສູ້ຕ້ານອາເມລິກາ. ຄະນະທີ່ມີສຳນັກງານລັບ ຢູ່ເຮືອນເລກທີ 79 – 81 ຖະໜົນ ລີ໊ນາມເດ໊ ໂດຍທ່ານພົນເອກ ຫວໍງວຽນຢາບ ເປັນຫົວໜ້າຄະນະ.
ການສ້າງຫ້ອງມູນເຊື້ອ ເພື່ອແນໃສ່ຈົດນຳມູນເຊື້ອຂອງຄົນລຸ້ນກ່ອນ, ເຊີດຊູຈິດໃຈ ຂອງປະຊາຊົນດຳລົງຊີວິດຢູ່ເຮືອນລວມໝູ່ໃນບັນດາການເຄື່ອນໄຫວ, ບັນດາຂະບວນການຢູ່ທ້ອງຖິ່ນ ຜ່ານບັນດາໄລຍະ ແລະ ການຮັກສາການພົວພັນສາມັກຄີ ແບບພິເສດລະຫວ່າງ ຫວຽດນາມ ລາວ. ບັນດາລຸ້ນລູກຫຼານມານີ້ສາມາດຮູ້ສຶກເອກອ້າງທະນົງໃຈຕໍ່ປູຍາຕາຍາຍຂອງຕົນ, ກ່ຽວກັບເຮືອນລວມໝູ່ ແລະ ສືບຕໍ່ພັນທະເສີມຂະຫຍາຍມູນເຊື້ອຂອງຄົນລຸ້ນກ່ອນ.
ທ່ານນາງ ຫງວຽນທິກິມແອັງ ໃຫ້ຮູ້ວ່າ: ເຮືອນລວມໝູ່ ເລກທີ 79 – 81 ມີຜູ້ເຂົ້າຮ່ວມການປະຕິວັດ ລາວ 75 ຄົນ, ມີຫຼາຍຄົນໄດ້ຮຽງບ່າຮຽງໄລ່ເປັນເວລາ ແຕ່ 30 – 40 ປີ, ມີບາງຄົນຖືກພວກລ່າເມືອງຂຶ້ນຝລັ່ງກັດຕົວຈຳຄຸກ, ໃນເຮືອນມີທະຫານເສຍສະຫຼະຊີວິດ 3 ຄົນ ເມື່ອພວມປະຕິບັດໜ້າທີ່ສາກົນຢູ່ລາວ”.
ແບ່ງປັນຄວາມຮູ້ສຶກຂອງຕົນເມື່ອໄດ້ຮັບຊົມບັນດາວັດຖຸ ແລະ ຮູບພາບຂອງການເຄື່ອນໄຫວທີ່ໄດ້ວາງສະແດງ, ທ່ານ ເອກອັກຄະລັດຖະທູດ ແສງເພັດຮຸ່ງບຸນຍວງ ເນັ້ນໜັກວ່າ ປະຊາຊົນລາວບັນດາເຜົ່າຍາມໃດກໍ່ຈາລຶກ ຄຸນງາມຄວາມດີອັນຍິ່ງໃຫຍ່ນັ້ນ.
 | ສູນກາງຄະນະຊາວໜຸ່ມ ຫວຽດນາມ ມອບຜ້າອັດປາກໃຫ້ສູນກາງຄະນະຊາວໜຸ່ມປະຊາຊົນປະຕິວັດລາວ ເພື່ອປະກອບສ່ວນເພີ່ມທະວີຄວາມສາມາດໃນການປ້ອງກັນ, ຕ້ານພະຍາດໂຄວິດ-19 ຍສໝ - ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດລາວ ປະຈໍາ ຫວຽດນາມ ໄດ້ສະແດງຄວາມປິຕິຊົມຊື່ນທີ່ໄດ້ຕ້ອນຮັບຄະນະຜູ້ແທນສູນກາງຄະນະຊາວໜຸ່ມກອມມູນິດໂຮ່ຈີມິນ ມາຢ້ຽມຢາມ, ລະດົມກໍາລັງໃຈ ແລະມອບຜ້າອັດປາກ ໃຫ້ສູນກາງຄະນະຊາວໜຸ່ມປະຊາຊົນປະຕິວັດລາວ ເພື່ອປະກອບສ່ວນເພີ່ມທະວີຄວາມສາມາດໃນການປ້ອງກັນ, ຕ້ານພະຍາດໂຄວິດ-19. |
 | ແຂວງກວ໋າງບິ່ງ ໄດ້ຈັດຕັ້ງພິທີມອບຮັບອຸປະກອນປ້ອງກັນ, ຕ້ານພະຍາດໂຄວິດ-19 ໃຫ້ແຂວງຄໍາມ່ວນ, ລາວ ຍສໝ - ທ່ານວັນໄຊ ພອງສະຫວັນ ເລຂາພັກແຂວງ, ເຈົ້າແຂວງໆຄໍາມ່ວນ ໄດ້ສະແດງຄວາມຂອບອົກຂອບໃຈຕໍ່ຄວາມເອົາໃຈໃສ່, ໜູນຊ່ວຍຢ່າງທັນການຂອງອົງຄະນະພັກ, ອໍານາດການປົກຄອງ, ປະຊາຊົນແຂວງກວ໋າງບິ່ງ ທີ່ມີຕໍ່ແຂວງຄໍາມ່ວນ. |
 | ເລຂາທິການໃຫຍ່, ປະທານປະເທດຫວຽດນາມ ໄດ້ສົ່ງໂທລະເລກຢື້ຢາມຖາມຂ່າວເລຂາທິການໃຫຍ່, ປະທານປະເທດລາວ ກ່ຽວກັບສະພາບການໂລກລະບາດ ໂຄວິດ - 19 ຍສໝ - ມາຮອດປັດຈຸບັນ ຕົວເລກຜູ້ຕິດເຊື້ອສະສົມຢູ່ປະເທດ ລາວ ມີ 672 ຄົນ. ໃນນີ້ ປິ່ນປົວດີ 50 ຄົນ ແລະ ຍັງປິ່ນປົວຢູ່ສະຖານທີ່ຕ່າງໆກໍານົດໄວ້ທົ່ວປະເທດຈໍານວນ 622 ຄົນ. |
ບຸນຄົງ
