| ເຈື່ອງຊາ ໃນປະຈຸບັນ | |
| ທ່ານ ຫງວຽນຊວນຟຸກ ປະທານປະເທດຫວຽດນາມ ໄດ້ໄປຢ້ຽມຢາມ ແລະ ມອບຂອງຂັວນໃຫ້ແກ່ຄອບຄົວເປົ້າໝາຍນະໂຍບາຍ ທີ່ເຂົ້າຮ່ວມບັ້ນຮົບ ໂຮ່ຈີມິນ |
 |
| ທ່ານເລຂາທິການໃຫຍ່ ຄະນະບໍລິຫານງານສູນກາງພັກ ກອມມູນິດ ຫວຽດນາມ ຫງວຽນຝູຈ້ອງ.ພາບ: TTXVN |
ໂດຍໄດ້ຮັບຂ່າວສະພາບການໂລກລະບາດໂຄວິດ - 19 ພວມແຜ່ລະບາດ ຢູ່ ລາວ, ທ່ານເລຂາທິການໃຫຍ່ ຄະນະບໍລິຫານງານສູນກາງພັກ ກອມມູນິດ ຫວຽດນາມ ຫງວຽນຝູຈ້ອງ, ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ສົ່ງໂທລະເລກຢື້ຢາມຖາມຂ່າວທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ.
ເນື້ອໃນຂອງໂທລະເລກດັ່ງກ່າວມີຕອນຂຽນວ່າ, ພັກ, ລັດ ແລະ ປະຊາຊົນ ຫວຽດນາມ ຍາມໃດກໍເອົາໃຈໃສ່, ຕິດຕາມຢ່າງໃກ້ຊິດ ແລະ ແບ່ງເບົາຕໍ່ຄວາມຫຍຸ້ງຍາກ ເຊິ່ງປະເທດ ລາວ ພວມປະເຊີນໜ້າ ຍ້ອນໂລກລະບາດໂຄວິດ - 19 ກໍ່ຂຶ້ນ. ຫວຽດນາມ ຍາມໃດກໍກຽມພ້ອມທີ່ຈະຮ່ວມມື, ໜູນຊ່ວຍ, ແບ່ງປັນປະສົບການ, ຮຽງບ່າຮຽງໄຫຼ່ ພ້ອມກັບ ລາວ ໃນການ ຕໍ່ສູ້ຕ້ານໂລກລະບາດໂຄວິດ - 19 ເພື່ອໃຫ້ສອງປະເທດພວກເຮົາ ພ້ອມກັນນຳປະເທດກັບຄືນສູ່ສະພາບເປັນປົກກະຕິໂດຍໄວ, ສືບຕໍ່ພັດທະນາເສດຖະກິດ - ສັງຄົມ ແລະ ຍົກສູງຊີວິດການເປັນຢູ່ຂອງປະຊາຊົນ. ຫວຽດນາມ ຕີລາຄາສູງບັນດາມາດຕະການ ເຊິ່ງພັກ, ລັດຖະບານ ລາວ ໄດ້ ແລະ ກຳລັງຜັນຂະຫຍາຍໃນວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ແລະ ເຊື່ອໝັ້ນວ່າ, ພາຍໃຕ້ການຊີ້ນຳນຳພາຂອງພັກປະຊາຊົນປະຕິວັດ ລາວ ໂດຍທ່ານ ທອງລຸນ ສີສຸລິດ ນຳໜ້າ, ການບໍລິຫານທີ່ເດັດດ່ຽວຂ້ຽວຂາດຂອງລັດຖະບານ, ຄວາມສາມັກຄີ ແລະ ຄວາມເປັນເອກະພາບໃນທົ່ວລະບົບການເມືອງ ແລະ ຄວາມເຫັນດີເຫັນພ້ອມຂອງປະຊາຊົນ, ການສະໜັບສະໜູນຈາກໝູ່ປະຊາຊົນ, ແນ່ນອວ່າ ລາວ ຈະສະກັດກັ້ນ ແລະ ຈຳກັດລະດັບການແຜ່ລະບາດ ແລະ ຄວບຄຸມໂລກລະບາດໂຄວິດ - 19 ໄດ້ໃນໄລຍະເວລາໄວທີ່ສຸດ.
ມາຮອດປັດຈຸບັນ ຕົວເລກຜູ້ຕິດເຊື້ອສະສົມຢູ່ປະເທດ ລາວ ມີ 672 ຄົນ. ໃນນີ້ ປິ່ນປົວດີ 50 ຄົນ ແລະ ຍັງປິ່ນປົວຢູ່ສະຖານທີ່ຕ່າງໆກໍານົດໄວ້ທົ່ວປະເທດຈໍານວນ 622 ຄົນ. ປັດຈຸບັນ ຢູ່ ປະເທດລາວມີການລະບາດຂອງພະຍາດໂຄວິດ-19 ຢ່າງຮຸນແຮງ ແລະ ກະຈາຍເປັນວົງກວ້າງ ເພື່ອສະກັດກັ້ນບໍ່ໃຫ້ເຊື້ອພະຍາດດັ່ງກ່າວທະວີຄວາມຮຸນແຮງ ລັດຖະບານ ລາວ ກໍຄືຄະນະສະເພາະຈຶ່ງອອກມາດຕະການຕ້ານ ແລະ ຄວບຄຸມພະຍາດດັ່ງກ່າວ ດ້ວຍການປິດການເຂົ້າ-ອອກ ບັນດາແຂວງ, ເມືອງ ລວມເຖິງບ້ານໃນ ຂອບເຂດທົ່ວປະເທດ. ປຸກລະດົມໃຫ້ປະຊາຊົນ ຢູ່ເຮືອນ, ຢຸດການອອກນອກເຮືອນ ແລະ ການເຄື່ອນໄຫວກິດຈະກຳທາງສັງຄົມຕ່າງໆ ຊຶ່ງທັງໝົດນີ້ອາດສ້າງຄວາມຫຍຸ້ງຍາກໃຫ້ແກ່ການດຳລົງຊີວິດຂອງປະຊາຊົນ ແຕ່ເພື່ອຮັບ ປະກັນຄວາມປອດໄພຂອງທຸກຄົນ ກໍມີຄວາມຈຳເປັນທີ່ພວກເຮົາຕ້ອງປະຕິບັດມາດຕະການດັ່ງກ່າວຢ່າງເຂັ້ມງວດ.
 | ມະຫາໄຊລະດູບານໃຫມ່ ໃນປີ 1975 ໄດ້ສ້າງບາດລ້ຽວອັນຍິ່ງໃຫຍ່ໃນປະຫວັດສາດຂອງຊາດ ຫວຽດນາມ ຍສໝ - ຜົນງານແບບຍືນຍົງຊື່ງຫວຽດນາມ ບັນລຸໄດ້ໃນທຸກຂົງເຂດໃນ 46 ປີຜ່ານມາ ນັບແຕ່ເມື່ອປະເທດຊາດທ້ອນໂຮມເປັນເອກະພາບ ໄດ້ສ້າງພື້ນຖານ ແລະ ປະຖົມປັດໄຈສຳຄັນເພື່ອໃຫ້ ຫວຽດນາມ ສືບຕໍ່ປ່ຽນແປງໃຫມ່ ແລະ ພັດທະນາຢ່າງແຮງ, ຮອບດ້ານກວ່າອີກໃນໄລຍະໃຫມ່. |
 | ແກ້ໄຂຜົນຮ້າຍຢ້ອນຫຼັງຈາກສົງຄາມ ແມ່ນແຫຼ່ງກຳລັງໜູນເພື່ອຊຸກຍູ້ການພົວພັນລະຫວ່າງ ຫວຽດນາມ - ອາເມລິກາ ຍສໝ - ການແກ້ໄຂຜົນຮ້າຍຢ້ອນຫຼັງຈາກສົງຄາມຍາມໃດກໍແມ່ນສ່ວນໜຶ່ງທີ່ສຳຄັນໃນການພົວພັນລະຫວ່າງສອງປະເທດ ຫວຽດນາມ ແລະ ອາເມລິກາ ນັບແຕ່ເມື່ອຫັນການພົວພັນທາງການທູດເປັນປົກກະຕິເມື່ອປີ 1995. |
 | ອາຣັບບີ ຊະອຸດິ ໜູນຊ່ວຍຊາວ ຫວຽດນາມ ຜູ້ທີ່ປະສົບກັບຄວາມຫຍຸ້ງຍາກ ວັນທີ 28 ເມສາ ຢູ່ ຮ່າໂນ້ຍ, ສູນກາງສະພາກາແດງ ຫວຽດນາມ ໄດ້ຮັບບ້ວງເງິນໜູນຊ່ວຍດ້ວຍມູນຄ່າກວ່າ 166.000 USD ຈາກ ສູນຊ່ວຍເຫຼືອ ແລະ ມະນຸດສະທຳ ກະສັດ Salman, ອາຣັບບີ ຊະອຸດິ ຊ່ວຍເຫຼືອໃຫ້ບັນດາຄອບຄົວ ຫວຽດນາມ ທີ່ປະສົບກັບຄວາມຫຍຸ້ງຍາກ. |
ໄຊພອນ
