ຫວ່າງແລ້ວນີ້, ເວທີປາໄສອາຊີ ປົວອາວ ໄດ້ໄຂຂຶ້ນຢູ່ນະຄອນປົວອາວ ແຂວງ ໄຮໜາມ ປະເທດຈີນຕາມຮູບການທາງອອນລາຍສົມທົບກັບການຈັດຂຶ້ນຢູ່ຫໍປະຊຸມ. ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ມີບົດກ່າວປາໄສທາງອອນລາຍໃນພິທີໄຂເວທີປາໄສ.
 |
| ທ່ານ ຫງວຽນຊວນຟຸກ ປະທານປະເທດ ຫວຽດນາມ. (ພາບ: TTXVN) |
ທີ່ເວທີປາໄສ, ບັນດາການນຳໄດ້ເນັ້ນໜັກເຖິງ ຄວາມຈຳເປັນຕ້ອງເພີ່ມທະວີການປະສານສົມທົບລະຫວ່າງບັນດາປະເທດ, ຄື: ຮັບມືຕໍ່ການລະບາດຂອງພະຍາດ COVID-19, ໂດຍສະເພາະແມ່ນ ຮັບປະກັນແຫຼ່ງຢາວັກຊີນສຳລັບປະຊາຊົນ; ການຟື້ນຟູເສດຖະກິດໂດຍການສົ່ງເສີມການຄ້າ ແລະ ການລົງທືນແບບເສລີ, ຮັບປະກັນການດຳເນີນງານ ຂອງລະບົບຕ່ອງໂສ້ການສະໜອງໃນພາກພື້ນ, ເຊື່ອມຕໍ່ພື້ນຖານໂຄງລ່າງ, ພັດທະນາເສດຖະກິດດີຈີຕອນ; ຍູ້ແຮງການຮ່ວມມືດ້ານວິທະຍາສາດ ແລະ ເຕັກໂນໂລຢີ, ຍົກສູງຄຸນນະພາບແຫຼ່ງຊັບພະຍາກອນມະນຸດ; ເພີ່ມທະວີການຮ່ວມມື ເພື່ອຮັບມືກັບການປ່ຽນແປງຂອງດິນຟ້າອາກາດ, ປະຕິບັດສັນຍາປາຣີ ກ່ຽວກັບການປ່ຽນແປງດິນຟ້າອາກາດ.
ທ່ານ ຫງວຽນຊວນຟຸກ ປະທານປະເທດຫວຽດນາມ ຕີລາຄາສູງຜົນງານຂອງເວທີປາໄສໃນຕະຫຼອດ 20 ປີຜ່ານມາ, ປາດຖະໜາວ່າເວທີປາໄສສືບຕໍ່ແມ່ນບ່ອນແລກປ່ຽນລະຫວ່າງນັກການເມືອງ, ນັກຄົ້ນຄວ້າ, ວິສາຫະກິດບັນດາປະເທດກ່ຽວກັບບັນດາບັນຫາສໍາຄັນຂອງພາກພື້ນ. ທ່ານປະທານປະເທດ ເນັ້ນໜັກເຖິງບາງຂົງເຂດທີ່ບັນດາປະເທດຕ້ອງເອົາໃຈໃສ່ເປັນພິເສດ ນັ້ນແມ່ນ: ຍູ້ແຮງການຮ່ວມມືໃນການຄວບຄຸມ, ສະກັດກັ້ນໂລກພະຍາດ, ຮັບປະກັນກາລະໂອກາດສໍາຜັດກັບວັກຊິນດ້ວຍລາຄາທີ່ເໝາະສົມ; ຮັກສາເສດຖະກິດມະຫາພາກໃຫ້ເປັນປົກກະຕິ, ສ້າງຄວາມສະດວກດ້ານການຄ້າ, ການລົງທຶນ, ຮັບປະກັນລະບົບສະໜອງ, ຊຸກຍູ້ການຜະລິດ, ສ້າງວຽກເຮັດງານທໍາ; ລະດົມຊັບພະຍາກອນໃຫ້ແກ່ການພັດທະນດ້ານເສດຖະກິດແບບຍືນຍົງ ແລະກວມລວມ, ມຸ່ງໄປເຖິງການປະຕິບັດບັນດາເປົ້າໝາຍພັດທະນາແບບຍືນຍົງ 2030; ແລະສ້າງພື້ນຖານໂຄງລາງຄົບຊຸດ ແລະພັດທະນາຊັບພະຍາກອນມະນຸດໃຫ້ແກ່ການຫັນປ່ຽນດີຈີຕອນ.
ກ່ຽວກັບການຮ່ວມມື ຫວຽດນາມ-ຈີນ, ທ່ານປະທານປະເທດຫວຽດນາມ ຫງວຽນຊວນຟຸກ ຢືນຢັນວ່າ ຫວຽດນາມຫວັງຢາກເພີ່ມທະວີການຮ່ວມມືຮອບດ້ານ, ມີປະສິດທິຜົນ, ສະເໝີພາບ, ຕ່າງຝ່າຍຕ່າງມີຜົນປະໂຫຍດກັບຈີນ, ພ້ອມກັນຜ່ານຜ່າໂລກລະບາດ, ຮັກສາສະພາບແວດລ້ອມສັນຕິພາບ, ສະຖຽນລະພາບ ແລະ ຊຸກຍູ້ການພົວພັນຮ່ວມມືລະຫວ່າງ 2 ປະເທດໃຫ້ນັບມື້ນັບພັດທະນາ.
 | ທ່ານນາຍົກລັດຖະມົນຕີຫງວຽນຊວນຟຸກ ໃຫ້ການຕ້ອນຮັບທ່ານເອກອັກຄະລັດຖະທູດສາທາລະນະລັດອົດສະຕາລີ ຍສໝ - ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Ingolf Schroeder ແລະ ບັນດາສະມາຊິກຂອງບໍລິສັດ AT&S ທີ່ມາຫວຽດນາມເພື່ອຄົ້ນຄ້ວາ, ລົງທຶນແລະ ດຳເນີນທຸລະກິດຢູ່ຫວຽດນາມ. |
 | ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການໂອ້ລົມທາງໂທລະສັບກັບທ່ານນາຍົກລັດຖະມົນຕີສິງກະໂປ ຍສໝ - ໃນວັນທີ 10 ມີນາ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການໂອ້ລົມໂທລະສັບກັບ ທ່ານນາຍົກລັດຖະມົນຕີສິງກະໂປ Lee Hsien Loong ເພື່ອປຶກສາຫາລືກ່ຽວກັບການພົວພັນສອງຝ່າຍ ແລະ ບັນດາບັນຫາພາກພື້ນ ແລະ ສາກົນເຊິ່ງສອງຝ່າຍມີຄວາມສົນໃຈຮ່ວມກັນ. |
 | ທ່ານນາຍົກລັດຖະມົນຕີຫງວຽນຊວນຟຸກ ຕ້ອນຮັບລັດຖະມົນຕີກະຊວງຕຳຫຼວດປະເທດຈີນ ຍສໝ - ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ ເຈົາເຄືອຈື້, ລັດຖະມົນຕີກະຊວງຕຳຫຼວດປະເທດຈີນ ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ ແລະ ເປັນປະທານຮ່ວມກອງປະຊຸມຄັ້ງທີ 7 ກ່ຽວກັບການຮ່ວມມືປ້ອງກັນ ແລະ ຕ້ານອາຊະຍາກຳ. |
ຄຳຮຸ່ງ
