| ເພື່ອນມິດສາກົນສືບຕໍ່ສົ່ງສານອວຍພອນທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ | |
| ທ່ານ ປະທານາທິບໍດີລັດເຊຍ Vladimir Putin ໄດ້ສົ່ງຄຳອວຍພອນປີໃໝ່ໄປຍັງທ່ານ ເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ |
ເນື່ອງໃນໂອກາດທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ສືບຕໍ່ໄດ້ຮັບການເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງພັກ ກອມມູນິດ ຫວຽດນາມ ຊຸດທີ 13, ບັນດາປະມຸກ ແລະ ຜູ້ນຳຫຼາຍປະເທດໃນທົ່ວໂລກໄດ້ສົງສານອວຍພວນ.
 |
| ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ. (ພາບ: TTXVN) |
ໃນຈົດໝາຍອວຍພອນຂອງປະທານາທິບໍດີສະຫະພັນລັດເຊຍ, ທ່ານ Vladimir Putin ໄດ້ຂຽນວ່າ: “ສະຫະພັນລັດເຊຍ ໄດ້ຕີລາຄາສູງການປະກອບສ່ວນຂອງທ່ານຫງວຽນຝູຈ້ອງ ໃນການເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໃນປະຈຸບັນ. ຂ້າພະເຈົ້າຄິດວ່າ, ດ້ວຍຄວາມມານະພະຍາຍາມຮ່ວມກັນ, ພວກເຮົາຈະສືບຕໍ່ຊຸກຍູ້ການເຈລະຈາສອງຝ່າຍທີ່ມີລັກສະນະສ້າງສັນ ແລະ ການຮ່ວມມືຢ່າງມີປະສິດທິຜົນໃນທຸກຂົງເຂດ. ສິ່ງດັ່ງກ່າວໄດ້ຕອບສະໜອງຜົນປະໂຫຍດຂອງປະຊາຊົນລັດເຊຍ ແລະ ຫວຽດນາມຢ່າງສົມບູນ, ປະກອບສ່ວນຮັບປະກັນສະຖຽນລະພາບ ແລະ ຄວາມໝັ້ນຄົງຢູ່ພາກພື້ນອາຊີ - ປາຊີຟິກ. ພວກຂ້າພະເຈົ້າຂໍອວຍພອນ ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ຈົ່ງມີສຸຂະພາບເຂັ້ມແຂງ, ສະຫງົບສຸກ ແລະ ປະສົບຜົນສຳເລັດໃໝ່ຫຼາຍຢ່າງ".
ໃນຈົດໝາຍອວຍພອນທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ, ທ່ານປະທານາທິບໍດີ ອາເມລິກາ Joe Biden ໄດ້ສະແດງຄວາມເຄົາລົບຕໍ່ບັນດາຄຳໝັ້ນສັນຍາຂອງທ່ານເລຂາທິການໃຫຍ່ ຫງວຽນຝູຈ້ອງ ໃນການຊຸກຍູ້ການຮ່ວມມື ແລະ ສາຍພົວພັນຍຸດທະສາດ ຫວຽດນາມ - ອາເມລິກາ, ພ້ອມທັງປາດຖະໜາວ່າ ຈະສືບຕໍ່ເພີ່ມທະວີການພົວພັນລະຫວ່າງສອງປະເທດ ແລະ ອວຍພອນໃຫ້ທ່ານເລຂາທິການໃຫຍ່ ປະສົບຜົນສຳເລັດໃນຖານະອັນສູງສົ່ງຂອງຕົນ.
ໃນຈົດໝາຍອວຍພອນຂອງທ່ານຍີ່ປຸ່ນ Suga Yoshihide ໄດ້ມີຕອນຂຽນວ່າ: “ຂ້າພະເຈົ້າມີຄວາມປິຕິຊົມຊື່ນເປັນຢ່າງຍິ່ງ ເມື່ອພວກເຮົາໄດ້ເຫັນດີເປັນເອກະພາບຈະສືບຕໍ່ນຳການພົວພັນລະຫວ່າງສອງປະເທດ ໃຫ້ພັດທະນາກວ່າອີກ, ອັນໄດ້ສະແດງໃຫ້ເຫັນຄວາມສະໜິດຕິດພັນອັນເລິກເຊິ່ງລະຫວ່າງ ຍີ່ປຸ່ນ ແລະ ຫວຽດນາມ.”
ສ່ວນໃນຈົດໝາຍອວຍພອນຂອງທ່ານປະທານາທິບໍດີ ສ.ເກົາຫຼີ Moon Jae –in ໄດ້ຂຽນວ່າ: “ຂ້າພະເຈົ້າ ຕີລາຄາສູງຕໍ່ຄວາມມານະພະຍາຍາມຂອງທ່ານເລຂາທິການໃຫຍ່ ໃນການພັດທະນາສາຍພົວພັນສອງປະເທດ ສ.ເກົາຫຼີ ແລະ ຫວຽດນາມ ໃນໄລຍະຜ່ານມາ.”
ທ່ານປະທານາທິບໍດີ ຝລັ່ງ Emmanuel Macron ໄດ້ຂຽນໃນຈົດໝາຍອວຍພອນທ່ານເລຂາທິການໃຫຍ່ ຫງວຽນຝູຈ້ອງ ວ່າ “ຂ້າພະເຈົ້າ ປາດຖະໜາວ່າ ສອງປະເທດຈະພ້ອມກັນຊຸກຍູ້ ແລະ ເຮັດໃຫ້ສາຍພົວພັນລະຫວ່າງສອງປະເທດ, ໂດຍສະເພາະໃນຂົງເຂດເສດຖະກິດ, ວັດທະນະທຳ, ສາທາລະນະສຸກ...
 | ຮັດແໜ້ນ ແລະ ພັດທະນາສາຍພົວພັນມິດຕະພາບຫວຽດນາມ - ຈີນ ຍສໝ - ທ່ານລັດຖະມົນຕີກະຊວງຕຳຫຼວດປະເທດຈີນ ໄດ້ສະແດງຄວາມຂອບໃຈຢ່າງຈິງໃຈ ຕໍ່ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຟູຈ້ອງ ທີ່ໄດ້ສະຫລະເວລາເພື່ອຕ້ອນຮັບຄະນະຜູ້ແທນປະເທດຈີນ; ສະແດງຄວາມຊົມເຊີຍສຳເລັດຜົນຂອງກອງປະຊຸມໃຫຍ່ຄັ້ງທີ XIII ຂອງພັກກອມມູນິດຫວຽດນາມ. |
 | ເອກອັກຄະລັດຖະທູດຕ່າງປະເທດເຂົ້າຢືນສານຕາຕັ້ງເຖິງທ່ານເລຂາທິການໃຫຍ່,ປະທານປະເທດຫວຽດນາມ ຫງວຽນຝູຈ້ອງ ຍສໝ - ທີ່ການຕ້ອນຮັບ, ທ່ານເລຂາທິການໃຫຍ່,ປະທານປະເທດຫວຽດນາມ ຫງວຽນຝູຈ້ອງ ໄດ້ຍິນດີຕ້ອນຮັບບັນດາເອກອັກຄະລັດຖະທູດຜູ້ມີອຳນາດເຕັມແຫ່ງປະເທດ ແອັດສະປາຍ, ອີຣານ ແລະ ຟີລິບປິນ. |
 | ທ່ານ ຫງວຽນຝຸຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ມີການສົນທະນາທາງໂທລະສັບກັບທ່ານ ທອງລຸນ ສີສຸລິດເລຂາທິການໃຫຍ່ ພັກປະຊາຊົນປະຕິວັດລາວ ຍສໝ - ທ່ານ ຫງວຽນຝຸຈ້ອງ ເລຂາທິການໃຫຍ່, ປະທານປະເທດຫວຽດນາມ ຊົມເຊີຍພັກປະຊາຊົນ ປະຕິວັດລາວ ຈັດຕັ້ງກອງປະຊຸມໃຫຍ່ຄັ້ງທີ XI ສໍາເລັດຜົນ ແລະ ຊົມເຊີຍທ່ານ ທອງລຸນ ສີສຸລິດ ໄດ້ຮັບການເລືອກຕັ້ງເປັນ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ ສະໄໝທີ XI. |
ຄຳຮຸ່ງ
