 | ເວທີປາໄສແມ່ຍິງ ຫວຽດນາມ ຢູ່ ເອີລົບ ໜູນຊ່ວຍຊາວ ຫວຽດນາມ ທີ່ໄດ້ຮັບຄວາມເສຍຫາຍຍ້ອນໄຟໄໝ້ຢູ່ ໂປໂລຍ |
| ການທູດປະຊາຊົນ - ກຸນແຈຄຳທີ່ຜູກພັນສາຍພົວພັນມິດຕະພາບລະຫວ່າງ ຫວຽດນາມ ແລະ ສະຫະພັນ ລັດເຊຍ |
 |
| ວັນທີ 20 ມິຖຸນາ, ຢູ່ໂຮງລະຄອນໃຫຍ່ (ຮ່າໂນ້ຍ), ທ່ານປະທານາທິບໍດີ ສະຫະພັນ ລັດເຊຍ Vladimir Putin ໄດ້ເຂົ້າຮ່ວມການພົບປະກັບບັນດາການນໍາຂອງສະມາຄົມມິດຕະພາບ ຫວຽດນາມ - ລັດເຊຍ ແລະ ບັນດາອະດີດນັກສຶກສາ ຫວຽດນາມ ທີ່ຮໍ່າຮຽນຢູ່ ລັດເຊຍ. |
 |
| ທ່ານປະທານປະເທດ ໂຕ່ເລິມ ໄດ້ເຂົ້າຮ່ວມການພົບປະກັບການນຳສະມາຄົມມິດຕະພາບ ຫວຽດນາມ - ລັດເຊຍ ແລະ ບັນດາອະດີດນັກສຶກສາ ຫວຽດນາມ ທີ່ຮ່ຳຮຽນຢູ່ ລັດເຊຍ. |
 |
| ການພົບປະຄັ້ງນີ້ໄດ້ດຳເນີນໄປດ້ວຍບັນຍາກາດແຫ່ງຄວາມສະໜິດສະໜົມ, ອົບອຸ່ນ ແລະ ເຕັມໄປດ້ວຍນ້ຳໃຈມິດຕະພາບ ໂດຍມີການເຂົ້າຮ່ວມຂອງແຂກຮັບເຊີນເກືອບ 400 ທ່ານ ເຊິ່ງເປັນຄົນທີ່ເຄີຍຕິດພັນ, ຮັກແພງປະເທດຊາດ, ປະຊາຊົນ, ວັດທະນະທຳ ລັດເຊຍ. |
 |
ກ່າວຄຳປາໄສທີ່ການພົບປະ, ທ່ານປະທານາທິບໍດີ Vladimir Putin ສະແດງຄວາມປິຕິຊົມຊື່ນທີ່ໄດ້ກັບຄືນມາຢ້ຽມຢາມ ຫວຽດນາມ; ຮູ້ສຶກຕື້ນຕັນໃຈທີ່ໄດ້ພົບປະກັບບັນດາເພື່ອນມິດ ຫວຽດນາມ ແລະ ຍາມໃດກໍ່ໄດ້ຮັບຄວາມຮັກແພງອັນອົບອຸ່ນຈາກບັນດາລຸ້ນອະດີດນັກສຶກສາ ຫວຽດນາມ ທີ່ຮ່ຳຮຽນຢູ່ ສະຫະພັນ ລັດເຊຍ, ເພື່ອນມິດທີ່ສຸດອົກສຸດໃຈຂອງ ລັດເຊຍ, ຜູ້ມີເວລາໃກ້ຊິດຕິດພັນ ແລະ ເຂົ້າໃຈກ່ຽວກັບປະເທດຊາດ ແລະ ປະຊາຊົນ ລັດເຊຍ. |
 |
| ທ່ານປະທານາທິບໍດີ Vladimir Putin ຕີລາຄາສູງບັນດາການປະກອບສ່ວນອັນສຳຄັນຂອງບັນດາລຸ້ນອະດີດນັກສຶກສາ ຫວຽດນາມ ຢູ່ສະຫະພັນ ລັດເຊຍ ໃນການພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອໃນຫຼາຍປີຜ່ານມາ. ທ່ານ ໄດ້ສະແດງຄວາມປາດຖະໜາວ່າ ບັນດາລຸ້ນອະດີດນັກສຶກສາ ຫວຽດນາມ ຈະສືບຕໍ່ເປັນຂົວເຊື່ອມຕໍ່ໃຫ້ລຸ້ນໜຸ່ມ ຫວຽດນາມ ໄດ້ເຂົ້າໃຈເລິກເຊິ່ງກວ່າກ່ຽວກັບວັດທະນະທຳ, ປະເທດຊາດ ແລະ ປະຊາຊົນ ລັດເຊຍ, ປະກອບສ່ວນຮັກສາ ແລະ ພັດທະນາການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດ. |
 |
| ທ່ານປະທານາທິບໍດີ ສະຫະພັນ ລັດເຊຍ Vladimir Putin ແລະ ທ່ານປະທານປະເທດ ຫວຽດນາມ ໂຕ່ເລິມ ໄດ້ຮັບຟັງການແບ່ງປັນຂອງບັນດາອະດີດນັກສຶກສາ ຫວຽດນາມ ຢູ່ ລັດເຊຍ. ບັນດາອະດີດນັກຮຽນໄດ້ແບ່ງປັນຄວາມຊົງຈຳອັນເລິກເຊິ່ງ ແລະ ຄວາມໃກ້ຊິດຕິດພັນລະຫວ່າງປະຊາຊົນສອງປະເທດ; ສະແດງຄວາມຂອບໃຈຢ່າງຈິງໃຈຕໍ່ການເອົາໃຈໃສ່ ແລະ ຊີ້ນຳຂອງລັດຖະບານສອງປະເທດ ເພື່ອເຮັດໃຫ້ປະຊາຊົນສອງປະເທດເຂົ້າໃຈກັນຕື່ມອີກ. |
 |
| ກ່າວຄຳປາໄສທີ່ການພົບປະ, ທ່ານປະທານປະເທດ ໂຕ່ເລິມ ຢືນຢັນວ່າ: ຊາວ ຫວຽດນາມ ຫຼາຍລຸ້ນຄົນ, ນັບທັງບັນດາຜູ້ທີ່ບໍ່ເຄີຍໄປຮອດ ລັດເຊຍ, ແຕ່ຍາມໃດກໍ່ຮັກແພງປະເທດຊາດ, ປະຊາຊົນ, ວັດທະນະທຳ, ຈິດວິນຍານ ແລະ ພາສາຂອງ ລັດເຊຍ ຜ່ານບັນດາປຶ້ມ, ຮູບເງົາ ແລະ ບັນດາເລື່ອງລາວຂອງຜູ້ທີ່ເຄີຍໄດ້ໄປຮອດ ລັດເຊຍ. ທ່ານປະທານປະເທດ ຫວຽດນາມ ເນັ້ນໜັກວ່າ ປະຊາຊົນ ຫວຽດນາມ ຍາມໃດກໍ່ສະແດງຄວາມຂອບອົກຂອບໃຈຢ່າງເລິກເຊິ່ງ ແລະ ຈົດຈຳຄວາມສະໜິດຕິດພັນ ແລະ ຊື່ສັດບໍລິສຸດຂອງບັນດາເພື່ອນມິດ ລັດເຊຍ. |
 | ນັກສຶກສາລາວ ຢູ່ ກວາງຫງາຍ ຊອກຮູ້ມູນເຊື້ອປະຫວັດສາດ ແລະ ວັດທະນະທຳ ຫວຽດນາມ ຍສໝ - ວັນທີ 25 ພຶດສະພາ, ພະແນກການຕ່າງປະເທດແຂວງ ກວາງຫງາຍ ໄດ້ຈັດຕັ້ງໂຄງການ Homestay ປີ 2024 ໃຫ້ແກ່ນັກສຶກສາລາວ ທີ່ກຳລັງຮໍ່າຮຽນສຶກສາຢູ່ ກວາງຫງາຍ. |
 | ບຸນເຕັດພື້ນເມືອງບຸນປີໃໝ່ ແລະ Chol Chnam Thmay ໄດ້ຮັບການຈັດຕັ້ງຢູ່ຫຼາຍແຂວງ, ນະຄອນຢູ່ ຫວຽດນາມ ຍສໝ - ເດືອນເມສາ, ເນື່ອງໃນໂອກາດບຸນເຕັດພື້ນເມືອງ (ລາວ) ແລະ Chol Chnam Thmay (ກຳປູເຈຍ), ມີຫຼາຍຫຼາຍການພົບປະແລກປ່ຽນ, ພົບປະກັບນັກສຶກສາ ລາວ ແລະ ກຳປູເຈຍ ໄດເດຳເນີນຢູ່ບັນດາແຂວງ ໄທງວຽນ, ດົ່ງນາຍ, ແທງຮວ໋າ. ການເຄື່ອນໄຫວປະກອບສ່ວນເຂົ້າໃນການເພີ່ມທະວີການພົບປະແລກປ່ຽນ, ການຕິດພັນ, ຄວາມສາມັກຄີ ແລະ ມິດຕະພາບລະຫວ່າງ 3 ... |
ມິງດຶກ
