| ເພີ່ມທະວີການເພີ່ມບູນຄູນສ້າງມິດຕະພາບ, ພັດທະນາກາລະໂອກາດຮ່ວມມືລົງທຶນລະຫວ່າງຫວຽດນາມ ແລະກູບາ | |
| ກູບາ ສະເຫຼີມສະຫຼອງ 60 ປີ ແຫ່ງການພົວພັນທາງການທູດກັບຫວຽດນາມ |
 |
| ທ່ານນາງ Indira Lopez Arguelles ຫົວໜ້າກົງສູນໃຫຍ່ ສາທາລະນະລັດກູບາ ປະຈຳ ນະຄອນໂຮ່ຈີມິນ ກ່າວຄຳເຫັນທີ່ພິທີ (ພາບ: TTXVN) |
ວັນທີ 6 ມັງກອນ, ສະຫະສະມາຄົມບັນດາອົງການມິດຕະພາບນະຄອນໂຮ່ຈີມິນ ໄດ້ຈັດຕັ້ງການພົບປະເພື່ອສະເຫຼີມສະຫຼອງ 62 ປີແຫ່ງວັນຊາດ ສາທາລະນະລັດ ກູບາ (1ມັງກອນ 1959 – 1 ມັງກອນ 2021).
ທ່ານນາງ Indira Lopez Arguelles ຫົວໜ້າກົງສູນໃຫຍ່ ສາທາລະນະລັດກູບາປະຈຳນະຄອນໂຮ່ຈີມິນ, ຜູ້ຕາງໜ້າສະມາຄົມນັກຮົບເກົ່າ ແລະ ບາງພະແນກ, ຂະແໜງການຂອງນະຄອນໂຮ່ຈີມິນ ແລະ ຕາງໜ້າປະຊາຄົມຊາວກູບາອາໄສແລະດຳລົງຊີວິດ, ເຮັດວຽກ, ຮ່ຳຮຽນຢູ່ນະຄອນໂຮ່ຈີມິນພ້ອມກັນເຂົ້າຮ່ວມພິທີ.
ອວຍພອນວັນຊາດ ກູບາ, ທ່ານນາງ ເຈືອງທິຮ່ຽນ, ປະທານສະມາຄົມມິດຕະພາບ ຫວຽດນາມ ກູບາ ນະຄອນໂຮ່ຈີມິນໄດ້ເນັ້ນໜັກວ່າ, ກ່ວາ 50 ປີທີ່ຜ່ານມາ ດ້ວຍການຜັນປ່ຽນຫຼາຍຢ່າງ ແຕ່ການພົວພັນຊື່ສັດບໍລິສຸດ ສະໜິດຕິພັນລະຫວ່າງ ຫວຽດນາມ ແລະ ກູລາ ນັບມື້ນັບໝັ້ນຄົງເຂັ້ມແຂງ, ເລິກເຊິ່ງ ແລະ ອົບອຸ່ນກ່ວາເກົ່າ. ເຖິງວ່າຫາງຈາກກັນດ້ານພູມີປະເທດກໍ່ຕາມ ແຕ່ຫວຽດນາມ ແລະ ກູບາຍັງໃກ້ຊິດກັນດ້ວຍແນວຄິດ ແລະ ສາຍໃຈຂອງສອງຊາດ ເຊິ່ງສັນຍາລັກຢ່າງ ລະອຽດນັ້ນແມ່ນຮູບກາບຂອງການນຳປະທານໂຮ່ຈີມິນ ແລະ ປະທານ Fidel Castro.
ຕາມທ່ານນາງ ເຈືອງທິງຮ່ຽນແລ້ວ, ປັດຈຸບັນ, ການພົວພັນສາມັກຄີ, ມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານລະຫວ່າງ ຫວຽດນາມ - ກູບາໄດ້ຮັບການປັບປຸງ ແລະ ພັດທະນາຢ່າງບໍ່ຢຸດຢັ້ງໃນທຸກຂົງເຂດດ້ວຍບັນດາໝາກຜົນທີ່ເປັນໜ້າຊື່ນຊົມ. ສະຫະສະມາຄົມບັນດາອົງການມິດຕະພາບນະຄອນໂຮ່ຈີມິນ, ສະມາຄົມມິດຕະພາບ ຫວຽດນາມ - ກູບາ ນະຄອນໂຮ່ຈີມິນ ໄດ້ໃຫ້ຄຳໝັ້ນສັນຍາວ່າ ໃນປີ 2021 ຈະສືບຕໍ່ສົມທົບກັບກົງສູນໃຫຍ່ກູບາປະຈຳ ນະຄອນໂຮ່ຈີມິນຢ່າງແໜ້ນແຟ້ນເພື່ອຈັດຕັ້ງບັນດາເຫດການມິດຕະພາບ, ວັດທະນະທຳ, ການສະແດງສິລະປະ, ການພົວພັນປະຊາຊົນ, ປະກອບສ່ວນເຂົ້າໃນການສືບຕໍ່ປັບປຸງ, ເພີ່ມທະວີແລະ ພັດທະນາການພົວພັນສາມັກຄີມິດຕະພາບທີ່ເປັນມູນເຊື້ອພິເສດລະຫວ່າງປະຊາຊົນຫວຽດນາມ ແລະ ປະຊາຊົນກູບາ.
ໂດຍຂອບໃຈສະຫະສະມາຄົມບັນດາອົງການມິດຕະພາບນະຄອນໂຮ່ຈີມິນ ໄດ້ຈັດຕັ້ງພິທີສະເຫຼີມສະຫຼອງວັນສຳຄັນຂອງປະເທດກູບາ, ທ່ານນາງ Indira Lopez Arguelles ໄດ້ແບ່ງປັນບັນດາຜົນສຳຄັນເຊິ່ງລັດຖະບານ ແລະ ປະຊາຊົນກູບາບັນລຸໄດ້ໃນວິວັດການສ້າງ, ປົກປັກຮັກສາ ແລະ ພັດທະນາປະເທດຊາດ, ທ່ານນາງກໍ່ຢັ້ງຢືນວ່າ ເຖິງວ່າໃນບໍ່ວ່າສະພາບການໃດກໍ່ຕາມ, ກູບາຍາມໃດກໍ່ຮຽງບ່າຮຽງໄລ່ກັບຫວຽດນາມ, ມານະພະຍາຍາມຮັກສາ ແລະ ຊຸກຍູ້ການພົວພັນສາມັກຄີມິດຕະພາບລະຫວ່າງ ສອງປະເທດ, ສອງຊາດໃຫ້ນັບມື້ນັບພັດທະນາ.
ທ່ານນາງ Indira Lopez Arguelles ຢັ້ງຢືນວ່າ, ກົງສູນໃຫຍ່ ກູບາປະຈຳນະຄອນໂຮ່ຈີມິນຈະສືບຕໍ່ມານະພະຍາຍາມຈົນສຸດຄວາມສາມາດຂອງຕົນເພື່ອກາຍເປັນຂົວເຊື່ອມຕໍ່ມິດຕະພາບລະຫວ່າງປະຊາຊົນກູບາ ແລະ ປະຊາຊົນຫວຽດນາມ, ຈັດຕັ້ງບັນດາການເຄື່ອນໄຫວພົວພົນມິດຕະພາບເພື່ອຊຸກຍູ້ການພົວພັນທາງການຄ້າ, ການຮ່ວມມືລົງທຶນ ແລະ ການທູດປະຊາຊົນ, ສົມທົບກັນຜັນຂະຫຍາຍບັນດາການເຄື່ອນໄຫວໂຄສະນາ ສຶກສາຄົນລຸ້ນໜຸ່ມຂອງສອງປະເທດຮັກສາ, ພັດທະນາການພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງ ກູບາ ແລະ ຫວຽດນາມ ນຳມາເຊິ່ງຜົນປະໂຫຍດ ແລະ ຄວາມຈະເລີນຮຸ່ງເຮືອງມາໃຫ້ແກ່ສອງປະເທດ.
 | ເພີ່ມທະວີການເພີ່ມບູນຄູນສ້າງມິດຕະພາບ, ພັດທະນາກາລະໂອກາດຮ່ວມມືລົງທຶນລະຫວ່າງຫວຽດນາມ ແລະກູບາ ຍສໝ - ທ່ານນາງ ກົງສຸນໃຫຍ່ສາທາລະນະລັດກູບາ ປະຈຳ ນະຄອນໂຮ່ຈີມິນ Indira Lopez Arguelles ໄດ້ຢືນຢັນວ່າ ກູບາຍາມໃດກໍ່ພ້ອມແລ້ວທີ່ຈະສືບຕໍ່ຊ່ວຍເຫຼືອຫວຽດນາມໃນບັນດາຂົງເຂດຄື: ການສຶກສາ, ວັດທະນະທຳ, ການທ່ອງທ່ຽວ ແລະ ສາທາລະນະສຸກ. |
 | ກູບາ ສະເຫຼີມສະຫຼອງ 60 ປີ ແຫ່ງການພົວພັນທາງການທູດກັບຫວຽດນາມ ຍສໝ - ທ່ານນາຍົກລັດຖະມົນຕີກູບາ Manuel Marrero Cruz ໄດ້ທົບທວນຄືນການພັດທະນາຢ່າງຕໍ່ເນື່ອງຂອງສາຍພົວພັນສອງຝ່າຍໃນຫລາຍປີຜ່ານມາ ດ້ວຍການຢ້ຽມຢາມຂອງບັນດາການນຳຂັ້ນສູງ, ກໍ່ຄືເລື່ອງ ຫວຽດນາມເປັນຄູ່ຮ່ວມມືດ້ານການຄ້າໃຫຍ່ອັນທີສອງ ແລະ ນັກລົງທຶນໃຫຍ່ທີ່ສຸດຂອງ ກູບາ ຢູ່ພາກພື້ນອາຊີ - ໂອເຊຍເນຍ. |
 | ຫວຽດນາມ ພັດທະນາການພົວພັນຄູ່ຮ່ວມມືຍຸດທະສາດກັບ ກູບາ ຍສໝ - ທ່ານ Raul Castro ເລຂາ ຜູ້ທີໜຶ່ງພັກກອມມູນິດ ກູບາ ໄດ້ຢັ້ງຢືນວ່າ: ພັກ, ລັດ ແລະ ປະຊາຊົນ ກູບາຈະເຮັດຈົນສຸດຄວາມສາມາດຂອງຕົນເພື່ອປົກປັກຮັກສາ ແລະ ສືບທອດໃຫ້ແກ່ຄົນລຸ້ນຫລັງ ກ່ຽວກັບການພົວພັນພິເສດລະຫວ່າງ ສອງປະເທດ, ທ່ານກໍ່ແບ່ງປັນບັນດາຄວາມເສຍກາຍໂດຍໄພທຳມະຊາດກໍ່ຂຶ້ນ ຢູ່ຫວຽດນາມ ໃນໄລຍະທີ່ຜ່ານມາ. |
ບຸນຄົງ
