| ເພີ່ມທະວີການຮ່ວມມືດ້ານປ້ອງກັນຊາດສອງຝ່າຍ ຫວຽດນາມ - ກູບາ | |
| ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບເອກອັກຄະລັດຖະທູດກູບາ |
 |
| ການນຳຂັ້ນສູງກູບາເຂົ້າຮ່ວມພິທີ (ພາບ: TTXVN) |
ພິທີສະເຫຼີມສະຫຼອງການພົວພັນທາງການທູດລະຫວ່າງ ກູບາ - ຫວຽດນາມ ຄົບຮອບ 60 ປີໄດ້ດຳເນີນໃນຫວ່າງແວ້ງນີ້, ຢູ່ທີ່ຫໍປະຕິວັດ, ສຳນັກງານໃຫຍ່ຂອງສະພາລັດກູບາ ໂດຍມີການເຂົ້າຮ່ວມຂອງທ່ານພົນຈັດຕະວາ Raúl Castro Ruz, ເລຂາທີໜຶ່ງ ຂອງພັກກອມມູນິດ ກູບາ, ທ່ານປະທານປະເທດ Miguel Díaz-Canel Bermúdez, ທ່ານປະທານສະພາແຫ່ງຊາດ ແລະສະພາລັດ Esteban Lazo Hernández ແລະ ທ່ານນາຍົກລັດຖະມົນຕີ Manuel Marrero Cruz.
ໃນບົດກ່າວປາໄສຢ່າງເປັນທາງການ, ທ່ານນາຍົກລັດຖະມົນຕີກູບາ Manuel Marrero Cruz ໄດ້ທົບທວນຄືນການພັດທະນາຢ່າງຕໍ່ເນື່ອງຂອງສາຍພົວພັນສອງຝ່າຍໃນຫລາຍປີຜ່ານມາ ດ້ວຍການຢ້ຽມຢາມຂອງບັນດາການນຳຂັ້ນສູງ, ກໍ່ຄືເລື່ອງ ຫວຽດນາມເປັນຄູ່ຮ່ວມມືດ້ານການຄ້າໃຫຍ່ອັນທີສອງ ແລະ ນັກລົງທຶນໃຫຍ່ທີ່ສຸດຂອງ ກູບາ ຢູ່ພາກພື້ນອາຊີ - ໂອເຊຍເນຍ.
ທ່ານນາຍົກລັດຖະມົນຕີກູບາ ຢືນຢັນຄວາມຕັດສິນໃຈສືບຕໍ່ສືບທອດມໍລະດົກຂອງປະທານໂຮ່ຈີມິນ ແລະ ຜູ້ນຳການປະຕິວັດປະຫວັດສາດ Fidel Castro Ruz, ພ້ອມທັງເນັ້ນໜັກວ່າ ຕໍ່ໜ້າບັນດາສິ່ງທ້າທາຍຂອງສະພາບການສາກົນທີ່ສັບສົນໃນປະຈຸບັນ, ກູບາ ແລະ ຫວຽດນາມ ຈະສືບຕໍ່ຮຽງບ່າຮຽງໄລ່ ແລະຈະຍາດເອົາໄຊຊະນະຄືໃນປະຫວັດສາດ.
ສ່ວນທ່ານເອກອັກຄະລັດຖະທູດ ເລແທັງຕຸງ ຢືນຢັນວ່າປະຊາຊົນ ຫວຽດນາມ ບໍ່ເຄີຍລືມ ການຊ່ວຍເຫຼືອ ທີ່ມີຄຸນຄ່າ ແລະ ສຸດຈິດສຸດໃຈຂອງກູບາ ໃນສົງຄາມຕໍ່ຕ້ານປົດປ່ອຍຊາດ ແລະ ທ້ອນໂຮມປະເທດຊາດເປັນເອກະພາບ, ທ່ານກໍ່ໃຫ້ຮູ້ວ່າ ຫວຽດນາມຈະສືບຕໍ່ຫຼັກໝັ້ນ ສະໜັບສະໜູນປະຊາຊົນ ກູບາ ໃນການຕໍ່ສູ້ກັບນະໂຍບາຍ ການປິດລ້ອມ ແລະ ຄຳສັ່ງຂວ້ຳບາດຂອງອາເມລິກາ.
ເມື່ອແບ່ງປັນທັດສະນະຂອງຕົນກ່ຽວກັບບັນດາຂົງເຂດທີ່ມີທ່າແຮງເພື່ອໃຫ້ສອງປະເທດພັດທະນາການຮ່ວມມື, ທ່ານເອກອັກຄະລັດຖະທູດ ເລແທັງຕຸ່ງ ເນັ້ນໜັກວ່າ 60 ປີແຫ່ງຄວາມສາມັກຄີ, ມິດຕະພາບ ແລະ ການຮ່ວມມືລະຫວ່າງສອງປະເທດທີ່ຜ່ານມາ ແມ່ນມໍລະດົກອັນລ້ຳຄ່າ ແລະ ເປັນພື້ນຖານອັນໜັກແໜ້ນເພື່ອໃຫ້ປະຊາຊົນຂອງສອງປະເທດສືບຕໍ່ຂຽ ໜ້າປະຫວັດສາດທີ່ເປັນໜ້າພາກພູມໃຈຂອງສາຍພົວພັນສອງປະເທດ, ຕອບສະໜອງໄດ້ຄວາມມຸ້ງຫວັງ ແລະ ຜົນປະໂຫຍດຂອງແຕ່ລະປະເທດ.
 | ເພີ່ມທະວີການຮ່ວມມືດ້ານປ້ອງກັນຊາດສອງຝ່າຍ ຫວຽດນາມ - ກູບາ ຍສໝ - ພ້ອມກັບການທູດລັດ, ການທູດປະຊາຊົນ, ການພົວພັນດ້ານປ້ອງກັນຊາດ ລະຫວ່າງສອງປະເທດຫວຽດນາມ - ກູບາ ໄດ້ຮັບການເພີ່ມທະວີເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ, ໄດ້ຮັບການຕີລາຄາສູງຈາກການນຳສອງປະເທດ. |
 | ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບເອກອັກຄະລັດຖະທູດກູບາ ຍສໝ - ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ຢືນຢັນວ່າ ປະຊາຊົນຫວຽດນາມ ຈື່ຈຳຄຳ ເວົ້າຢ່າງໝັ້ນຄົງຕະຫຼອດການ ຂອງທ່ານປະທານາ Fidel Castro, ວ່າ "ສຳລັບຫວຽດນາມ, ກູບາພ້ອມທີ່ຈະອຸທິດເລືອດຂອງຕົນ." |
 | ພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ກູບາ ຍສໝ - ຕອນເຊົ້າວັນທີ 29 ພະຈິກ, ຢູ່ນະຄອນໂຮ່ຈີມິນ, ສະຫະພັນບັນດາອົງການມິດຕະພາບນະຄອນໂຮ່ຈີມິນ ໄດ້ຈັດພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ - ກູບາ (2 ທັນວາ 1960- ວັນທີ 2 ທັນວາປີ 2020) ແລະ 30 ປີແຫ່ງວັນສ້າງຕັ້ງສະມາຄົມມິດຕະພາບຫວຽດນາມ - ກູບານະຄອນໂຮ່ຈີມິນ (1990-2020). |
ບຸນຄົງ
