| ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເຂົ້າຮ່ວມກອງປະຊຸມສຸດຍອດ G20 | |
| ທ່ານນາຍົກລັດຖະມົນຕີຫວຽດນາມ ສົ່ງສານດ້ານການທູດ ເຖິງເວທີປາໄສສັນຕິພາບປາຣີຄັ້ງທີ 3 |
ໃນວັນທີ 24 ພະຈິກ, ທ່ານນາຍົກລັດຖະມົນຕີຫງວຽນຊວນຟຸກ ແລະ ທ່ານນາຍົກລັດຖະມົນຕີກຳປູເຈຍ Samdech Techo Hun Sen ໄດ້ມີການໂອ້ລົມສົນທະນາດ້ວຍຮູບແບບອອນລາຍ ເພື່ອແລກປ່ຽນບັນດາມາດຕະການຊຸກຍູ້ການພົວພັນຮ່ວມມືຫວຽດນາມ - ກຳປູເຈຍ ໃນອາຊຽນ ແລະ ບັນດາບັນຫາສາກົນ, ຂົງເຂດເຊິ່ງຕ່າງຝ່າຍຕ່າງມີຄວາມສົນໃຈນໍາກັນ.
ທີ່ການພົບປະ, ທ່ານນາຍົກລັດຖະມົນຕີ Hun Sen ໄດ້ສະແດງຄວາມຊົມເຊີຍ ຕໍ່ຜົນສຳເລັດທັງຢູ່ພາຍໃນ ແລະ ຕ່າງປະເທດຂອງຫວຽດນາມໃນຊຸມປີຜ່ານມາ, ໂດຍສະເພາະ ແມ່ນການຈັດຕັ້ງກອງປະຊຸມສຸດຍອດອາຊຽນຄັ້ງທີ 37 ແລະ ກອງປະຊຸມລະດັບສູງ ທີ່ກ່ຽວຂ້ອງທີ່ປະສົບຜົນສຳເລັດ, ມີຫຼາຍຂໍ້ລິເລີ່ມທີ່ປະກອບສ່ວນເຂົ້າ ໃນການສ້າງປະຊາຄົມອາຊຽນທີ່ເປັນເອກະພາບ ແລະ ເຂັ້ມແຂງ.
 |
| ທ່ານນາຍົກລັດຖະມົນຕີຫງວຽນຊວນຟຸກ ແລະ ທ່ານນາຍົກລັດຖະມົນຕີກຳປູເຈຍ Hun Sen. (ພາບ: TTXVN) |
ທ່ານນາຍົກລັດຖະມົນຕີ Hun Sen ໄດ້ຢືນຢັນວ່າ ກຳປູເຈຍ ຈະຮ່ວມມືກັບຫວຽດນາມ ໃນຖານະເປັນສະມາຊິກອາຊຽນ ແລະ ສືບຕໍ່ສະໜັບສະໜູນ ຫວຽດນາມ ໃນຖານະເປັນສະມາຊິກບໍ່ປະຈໍາການຂອງສະພາຄວາມໝັ້ນຄົງສະຫະປະຊາຊາດ ອາຍຸການ 2020-2021, ພ້ອມກັນນັ້ນ ທ່ານນາຍົກລັດຖະມົນຕີ Hun Sen ໄດ້ສະແດງຄວາມເຊື່ອໝັ້ນວ່າ ຫວຽດນາມຈະສືບຕໍ່ຄວບຄຸມໂລກລະບາດ COVID-19 ໄດ້ດີ, ຟື້ນຟູ ແລະ ພັດທະນາເສດຖະກິດ - ສັງຄົມໂດຍໄວ.
ສ່ວນທ່ານນາຍົກລັດຖະມົນຕີຫງວຽນຊວນຟຸກ ໄດ້ສະແດງຄວາມຂອບໃຈ ທ່ານນາຍົກລັດຖະມົນຕີ Hun Sen ທີ່ໄດ້ສົ່ງຈົດໝາຍແບ່ງປັນຄວາມເສຍຫາຍ ຍ້ອນໄພນ້ຳຖ້ວມຢູ່ເຂດພາກກາງຫວຽດນາມ ເມື່ອມໍ່ໆມານີ້. ທ່ານນາຍົກລັດຖະມົນຕີຫງວຽນຊວນຟຸກ ຕີລາຄາສູງຕໍ່ຜົນສຳເລັດຂອງກຳປູເຈຍ ໃນການປ້ອງກັນ ແລະ ຄວບຄຸມພະຍາດ COVID-19 ແລະ ຮັກສາສະຖຽນລະພາບທາງສັງຄົມ, ສືບຕໍ່ການພັດທະນາເສດຖະກິດ. ທ່ານນາຍົກລັດຖະມົນຕີຫງວຽນຊວນຟຸກ ກໍ່ໄດ້ສະແດງຄວາມຂອບໃຈ ຕໍ່ກຳປູເຈຍ ທີ່ໄດ້ມີການສະໜັບສະໜູນຫວຽດນາມ ໃນປີປະທານອາຊຽນ 2020.
ທີ່ການສົນທະນາ, ນາຍົກລັດຖະມົນຕີສອງທ່ານ ໄດ້ເຫັນດີສືບຕໍ່ເພີ່ມທະວີການພົວພັນທີ່ໄວ້ເນື້ອເຊື່ອໃຈ, ສະໜິດຕິດພັນ, ນຳການພົວພັນຮ່ວມມືລະຫວ່າງສອງປະເທດ ໃຫ້ພັດທະນາຢ່າງແຮງ; ຮ່ວມມືຢ່າງແໜ້ນແຟ້ນໃນຂອບອາຊຽນ; ພະຍາຍາມ ເພື່ອເພີ່ມມູນຄ່າການຄ້າສອງຝ່າຍ; ເພີ່ມທະວີການຮ່ວມມືດ້ານປ້ອງກັນຊາດ - ປ້ອງກັນຄວາມສະຫງົບ, ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍຢູ່ເຂດຊາຍແດນ.
ສອງຝ່າຍຍັງໄດ້ເຫັນດີເປັນເອກະພາບ ໃນການປະສານງານຈັດຕັ້ງປະຕິບັດຂໍ້ຕົກລົງ ແລະ ສັນຍາທີ່ໄດ້ລົງນາມເປັນຢ່າງດີ; ຊຸກຍູ້ການຈັດຕັ້ງກອງປະຊຸມຄະນະກຳມະການຮ່ວມ ຫວຽດນາມ - ກຳປູເຈຍ ຄັ້ງທີ 18 ໃນເວລາທີ່ເໝາະສົມ.
 | ທ່ານນາຍົກລັດຖະມົນຕີ ສປປ.ລາວ ໄດ້ຕີລາຄາສູງຕໍ່ບັນດາຜົນສຳເລັດຂອງອາຊຽນ ແລະ ຫວຽດນາມ ຍສໝ - ທ່ານນາຍົກລັດຖະມົນຕີ ສປປ.ລາວ ໄດ້ຮຽກຮ້ອງໃຫ້ບັນດາຜູ້ນຳອາຊຽນ ຕ້ອງການພະຍາຍາມ ເພື່ອຟື້ນຟູບັນດາພາກສ່ວນເສດຖະກິດທີ່ໄດ້ຮັບຜົນກະທົບຈາກພະຍາດ COVID-19 ແລະ ສືບຕໍ່ໃຫ້ການຮ່ວມມືໃນການຄົ້ນຄວ້າແລະ ພັດທະນາວັກຊີນປ້ອງກັນ ແລະ ຕ້ານພະຍາດ. |
 | ນາຍົກລັດຖະມົນຕີຫວຽດນາມ ໂອ້ລົມທາງໂທລະສັບກັບນາຍົກລັດຖະມົນຕີໄທ ຍສໝ - ໃນສະພາບການທີ່ທັງສອງປະເທດຫວຽດນາມ ແລະ ໄທ ໄດ້ຄວບຄຸມການລະບາດຂອງພະຍາດ COVID-19 ຢ່າງມີປະສິດທິຜົນ, ນາຍົກລັດຖະມົນຕີທັງສອງທ່ານ ໄດ້ເຫັນດີເປັນເອກະພາບ ໃນການຊຸກຍູ້ການພົວພັນຮ່ວມມືສອງຝ່າຍຕື່ມອີກ. |
 | ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ຕ້ອນຮັບທ່ານ Samdech Techo Hun Sen ນາຍົກລັດຖະມົນຕີກໍາປູເຈຍ ໃນລະຫວ່າງວັນທີ 6-8 ທັນວາ 2018, ທ່ານ Samdech Techo Hun Sen ນາຍົກລັດຖະມົນຕີ ນໍາໜ້າຄະນະຜູ້ແທນຂັ້ນສູງລັດຖະບານລາຊະອານາຈັກ ກໍາປູເຈຍ ມາຢ້ຽມຢາມຫວຽດນາມ ຢ່າງເປັນທາງການ. |
ຄຳຮຸ່ງ
