| ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຈະເປັນປະທານກອງປະຊຸມຂັ້ນສູງອາຊຽນຄັ້ງທີ 37 ດຳເນີນແຕ່ວັນທີ 12-15 ພະຈິກ | |
| ທ່ານນາຍົກລັດຖະມົນຕີ ຫງວຽນຊວັນຟຸກ ເຂົ້າຮ່ວມກອງປະຊຸມ ກ່ຽວກັບການປ່ອຍເງິນລົງທຶນ ODA |
ວັນທີ 6 ພະຈິກ, ທ່ານນາຍົກລັດຖະມົນຕີຫງວຽນຊວນຟຸກ ໄດ້ມີການໂອ້ລົມທາງໂທລະສັບກັບທ່ານ Prayut Chan-o-cha - ນາຍົກລັດຖະມົນຕີໄທ ເພື່ອປຶກສາຫາລື ກ່ຽວກັບການຮ່ວມມືສອງຝ່າຍຫວຽດນາມ - ໄທ ແລະ ການຮ່ວມມືພາກພື້ນ ກ່ອນເວລາກອງປະຊຸມສຸດຍອດອາຊຽນ 37.
ທ່ານ Prayut Chan-o-cha - ນາຍົກລັດຖະມົນຕີໄທ ອີກເທື່ອໜຶ່ງໄດ້ສົ່ງຖາມຂ່າວຄາວ ມາຍັງບັນດາການນຳ ແລະ ປະຊາຊົນຫວຽດນາມ ກ່ຽວກັບສະພາບນໍ້າຖ້ວມຢູ່ບັນດາແຂວງພາກກາງ ແລະ ປະກາດວ່າລັດຖະບານໄທ ຈະສະໜັບສະໜູນຫວຽດນາມ 30.000 ໂດລາ ເພື່ອປະກອບສ່ວນເຂົ້າໃນການຊ່ວຍ ປະຊາຊົນຫວຽດນາມຜ່ານຜ່າຄວາມຫຍຸ້ງຍາກ ພາຍຫຼັງທີ່ໄພພິບັດທຳມະຊາດ.
 |
| ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການໂອ້ລົມທາງໂທລະສັບກັບ ທ່ານນາຍົກລັດຖະມົນຕີ ປະເທດໄທ. (ພາບ: vietnamplus) |
ທ່ານນາຍົກລັດຖະມົນຕີ Prayut Chan-o-cha ກໍ່ສະແດງຄວາມຊົມເຊີຍຫວຽດນາມ ໃນການຮັບມືຢ່າງມີປະສິດທິຜົນ ຕໍ່ການລະບາດຂອງພະຍາດ COVID-19, ໃນຂະນະທີ່ສືບຕໍ່ຟື້ນຟູ ແລະ ພັດທະນາເສດຖະກິດ - ສັງຄົມ, ແມ່ນປະເທດໜຶ່ງດຽວ ໃນອາຊຽນທີ່ມີການເຕີບໂຕໃນທາງບວກໃນປີ 2020.
ທີ່ການໂອ້ລົມສົນທະນາ, ສອງຝ່າຍ ໄດ້ສະແດງຄວາມເພິ່ງພໍໃຈ ຕໍ່ການພັດທະນາອັນດີງາມຂອງການພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ ໃນຊຸມປີຜ່ານມາ, ທັງໃນຂອບສອງຝ່າຍ ກໍ່ຄືໃນບັນດາເວທີປາໄສພາກພື້ນ ແລະ ລະດັບສາກົນ. ໃນສະພາບການທີ່ທັງສອງປະເທດຫວຽດນາມ ແລະ ໄທ ໄດ້ຄວບຄຸມການລະບາດຂອງພະຍາດ COVID-19 ຢ່າງມີປະສິດທິຜົນ, ນາຍົກລັດຖະມົນຕີທັງສອງທ່ານ ໄດ້ເຫັນດີເປັນເອກະພາບ ໃນການຊຸກຍູ້ການພົວພັນຮ່ວມມືສອງຝ່າຍຕື່ມອີກ.
ສອງຝ່າຍ ຈະຊຸກຍູ້ການແລກປ່ຽນແຜນການເປີດຖ້ຽວການຄ້າຄືນໃໝ່, ເຈລະຈາກ່ຽວກັບລະບຽບຂໍ້ກຳນົດບູລິມະສິດ ການເຂົ້າ - ອອກເມືອງລະຫວ່າງສອງປະເທດ; ຮັກສາ ແລະ ຊຸກຍູ້ກົນໄກການຮ່ວມມືສອງຝ່າຍຢ່າງມີປະສິດທິຜົນ, ໃນນັ້ນມີການຈັດຕັ້ງກອງປະຊຸມຄະນະລັດຖະບານຮ່ວມຫວຽດນາມ - ໄທຄັ້ງທີ 4 ໃນເວລາທີ່ເໝາະສົມ; ລົງນາມໃນແຜນການປະຕິບັດການເພີ່ມທະວີຄູ່ຮ່ວມມືຍຸດທະສາດຫວຽດນາມ - ໄທ ໄລຍະ 2020-2025.
ທ່ານນາຍົກລັດຖະມົນຕີ Prayut Chan-o-cha ໄດ້ຕີລາຄາສູງ ບົດບາດການນຳຂອງຫວຽດນາມ ໃນຖານະເປັນປະທານອາຊຽນ 2020; ຊົມເຊີຍຄວາມມານະພະຍາຍາມ ແລະ ຂໍ້ລິເລີ່ມຂອງຫວຽດນາມ ໃນການຊຸກຍູ້ການຮ່ວມມືພາຍໃນອາຊຽນ ແລະ ບັນດາຄູ່ຮ່ວມມື; ຢືນຢັນ ສືບຕໍ່ຮ່ວມມືຢ່າງແໜ້ນແຟ້ນ ແລະ ສະໜັບສະໜູນຫວຽດນາມ ໄດ້ສຳເລັດບົດບາດເປັນປະທານອາຊຽນ 2020 ແລະ ສະມາຊິກບໍ່ປະຈໍາຂອງສະພາຄວາມໝັ້ນຄົງສະຫະປະຊາຊາດ ອາຍຸການ 2020-2021.
 | ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ພົບປະກັບຜູ້ອຳນວຍການທະນາຄານໂລກ ປະຈຳ ຫວຽດນາມ ຍສໝ - ທ່ານນາຍົກລັດຖະມົນຕີຫວຽດນາມ ໄດ້ສະແດງຄວາມຫວັງວ່າ ທ່ານນາງ Carolyn Turk - ຜູ້ອຳນວຍການທະນາຄານໂລກ ປະຈຳ ຫວຽດນາມ ຈະພ້ອມກັບລັດຖະບານ ຫວຽດນາມ ເພື່ອສຳເລັດເປົ້າໝາຍຄວບຄູ່ໃນການປ້ອງກັນ ແລະ ຕ້ານການລະບາດຂອງພະຍາດ COVID-19 ແລະ ຟື້ນຟູພື້ນຖານເສດຖະກິດ. |
 | ທ່ານນາຍົກລັດຖະມົນຕີ ຍີ່ປຸ່ນ ແລະ ພັນລະຍາ ເລີ່ມຕົ້ນການຢ້ຽມຢາມ ຫວຽດນາມ ຢ່າງເປັນທາງການ ທ່ານ Suga Yoshihide ກໍ່ແມ່ນນາຍົກລັດຖະມົນຕີຄົນທີ 2 ເລືອກ ຫວຽດນາມ ເປັນປະເທດໄປຢ້ຽມຢາມຄັ້ງທຳອິດພາຍຫລັງດຳລົງຕຳແໜ່ງເປັນນາຍົກລັດຖະມົນຕີ. |
 | ທ່ານນາຍົກລັດຖະມົນຕີ ຫງວຽນຊວນຟຸກ ຕ້ອນຮັບຫົວໜ້າຜູ້ຕາງໜ້າອົງການອະນາໄມໂລກ WHO ປະຈຳ ຫວຽດນາມ ຍສໝ - ຕອນເຊົ້າວັນທີ 14 ມີນາ, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫວຽນຊວັນຟຸກ ໄດ້ໃຫ້ການຕ້ອນຮັບທ່ານ ປອ Kidong Park, ຫົວໜ້າຜູ້ຕາງໜ້າອົງການອະນາໄມໂລກ (WHO) ປະຈຳຫວຽດນາມ. |
ຄຳຮຸ່ງ
