ເອກອັກຄະລັດຖະທູດລາວ ປະຈໍາ ຫວຽດນາມ ຕີລາຄາສູງວຽກງານບໍາລຸງສ້າງຊັບພະຍາກອນມະນຸດຂອງແຂວງເຊີນລາ ໃຫ້ແກ່ບັນດາແຂວງພາກເໜືອຂອງລາວ
	ກອງປະຊຸມ ພົບປະແລກປ່ຽນປະສົບການໃນການປະຕິບັດງານ ຂອງສະມາຄົມນັກຮົບເກົ່າ ແຂວງເຊີນລາ ສສ ຫວຽດນາມ ແລະ ອຸດົມໄຊ

ແຂວງເຊີນລາຢູ່ທາງພາກຕາເວັນຕົກສ່ຽງເໜືອຂອງປະເທດ ຫວຽດນາມ, ມີເສັ້ນຊາຍແດນ 250 ກີໂລແມັດ ຕິດພັນກັບປະເທດ ສປປ.ລາວ. ນີ້ແມ່ນເງື່ອນໄຂອັນສະດວກເພື່ອໃຫ້ແຂວງເຊີນລາເພີ່ມທະວີການພົວພັນມິດຕະພາບ, ການຮ່ວມມືຮອບດ້ານກັບ 8 ແຂວງພາກເໜືອລາວ ແມ່ນ: ຫົວພັນ, ຫຼວງພະບາງ, ບໍ່ແກ້ວ, ອຸດົມໄຊ, ພົງສະລີ, ຫຼວງນ້ຳທາ, ໄຊຍະບູລີ ແລະ ຊຽງຂວາງ.

ແຂວງເຊີນລາມອບຜ້າບັງປາກໃຫ້ ແຂວງຫົວພັນ ແລະ ຫຼວງພະບາງ - ສາທາລະນະລັດປະຊາທິປະໄຕປະຊາຊົນລາວ. (ພາບ: thoidai.com.vn)

ໃນໄລຍະ 2015 – 2020, ເຖິງວ່າປະສົບກັບຄວາມຫຍຸ້ງຍາກກໍ່ຕາມແຕ່ບາງແຂວງເຊີນລາໄດ້ໜູນຊ່ວຍສ້າງໂຄງການ 20 ແຫ່ງຄື: ໂຮງຮຽນ, ສຳນັກງານເຮັດວຽກ…ໃຫ້ແກ່ບາງແຂວງພາກເໜືອລາວ. ບັນດາໂຄງການໄດ້ກໍ່ສ້າງສຳເລັດ ແລະນຳເຂົ້າການເຄື່ອນໄຫວ, ປະກອບສ່ວນໜູນຊ່ວຍບັນດາແຂວງຂອງປະເທດເພື່ອນພັດທະນາເສດຖະກິດ - ສັງຄົມ. ຄຽງຄູ່ກັນນັ້ນ, ແຂວງເຊີນລາ ຍັງມີແຜນນະໂຍບາຍສ້າງເງື່ອນໄຂເພື່ອໃຫ້ບັນດາເມືອງໃນແຂວງຈັດຕັ້ງການແຮກສ່ຽວ ແລະຮ່ວມມືກັບເມືອງຕ່າງໆ.

ໄລຍະທີ່ຜ່ານມາ, ແຂວງເຊີນລາໄດ້ປະຕິບັດໂຄງການໜູນຊ່ວຍພັດທະນາການປູກຕົ້ນໄມ້ກິນໝາກ, ປູກຫຍ້າ ແລະ ລ້ຽງງົວພັນຊິ້ນຢູ່ແຂວງອຸດົມໄຊ, ໂຄງການໜູນຊ່ວຍ, ແນະນຳເຕັກນິກບົວລະບັດສວນຕົ້ນໄມ້ຕາມຮູບການໜູນຊ່ວຍຮູບການປູກສວນຕົ້ນໄມ້ກິນໝາກຢູ່ສູນສົ່ງເສີມກະສິກຳແຂວງບໍ່ແກ້ວ… ພ້ອມທັງສ້າງເງື່ອນໄຂໃຫ້ແກ່ປະຊາຊົນ ແລະ ວິສາຫະກິດຂອງສອງປະເທດຮ່ວມມືພັດທະນາການເຄື່ອນໄຫວດ້ານການຄ້າ.

ນັບແຕ່ປີ 2015 – 2019 ເປັນຕົ້ນມາ, ມູນຄ່າສິນຄ້າສົ່ງອອກຜ່ານບັນດາດ່າຍຊາຍແດນໃນບໍລິເວນແຂວງກັບປະເທດລາວບັນລຸໄດ້ກ່ວາ 9 ລ້ານ USD, ມູນຄ່າສິນຄ້າຊື້ຂາຍຂອງປະຊາຊົນຢູ່ເຂດຊາຍແດນບັນລຸສະເລ່ຍ 1,5 ລ້ານ USD/ປີ.

ຄຽງຄູ່ກັບການຮ່ວມມື, ແລກປ່ຽນເສດຖະກິດ, ທຸກໆປີ ເຊີນລາ ແລະ ບັນດາແຂວງພາກເໜືອລາວ ກໍ່ໄດ້ເພີ່ມທະວີການຮ່ວມມື, ແລກປ່ຽນປະສົບການໃນການຄຸ້ມຄອງບໍລິຫານລັດ ແລະ ຈັດຕັ້ງຫຼາຍການເຄື່ອນໄຫວພົວພັນແລກປ່ຽນວັດທະນະທຳ, ສິລະປະ, ກິລາ…

ກ່ຽວກັບການຮ່ວມມືໃນຂົງເຂດການສຶກສາ - ບຳລຸງສ້າງ, ໃນໄລຍະ 2015 ມາຮອດປັດຈຸບັນ, ເຊີນລາສືບຕໍ່ຕ້ອນຮັບນັກສຶກສາລາວ 1.365 ຄົນໃນນັ້ນມີ ນັກສຶກສາໄດ້ຈົບການສຶກສາ 1.206 ຄົນ.

ກ່ຽວກັບການຮ່ວມມືສາທາລະນະສຸກ, ຍາມໃດເຊີນລາກໍ່ສ້າງເງື່ອນໄຂສະດວກເພື່ອໃຫ້ປະຊາຊົນຂອງປະເທດລາວມາກວດ ກາແລະ ປິ່ນປົວພະຍາດຢູ່ບັນດາໂຮງໝໍຂັ້ນເມືອງ, ຫ້ອງກລິນິກພາກພື້ນ, ປ້ອມການແພດເຂດຊາຍແດນ. ພ້ອມທັງຮັກສາການແລກປ່ຽນຂໍ້ມູນຂ່າວສານສະພາບການໂລກລະລາດ.

ພິເສດແມ່ນໃນວັນທີ 12 ເມສາ, ໂດຍໄດ້ຮັບການມອບສິດຈາກການນຳຄະນະກຳມະການປະຊາຊົນແຂວງເຊີນລາ, ພະແນກສາທາລະນະສຸກ ແລະ ພະແນກການຕ່ງປະເທດແຂວງເຊີນລາໄດ້ມອບຜ້າອັດປາກ - ດັງ 30.000 ອັນໃຫ້ແກ່ອົງຄະນະພັກ, ອຳນາດການປົກຄອງ ແລະ ປະຊາຊົນ 2 ແຂວງຫົວພັນ ແລະ ຫຼວງພະບາງ.

ການນຳແຂວງເຊີນລາໄດ້ຢັ້ງຢືນວ່າຍາມໃດກໍ່ພ້ອມແລ້ວທີ່ຈະສົມທົບຢ່າງແໜ້ນແຟ້ນ, ແລກປ່ຽນປະສົບການ, ຮ່ວມແຮງຮ່ວມໃຈກັບບັນດາແຂວງຂອງລາວໃນການຜັນຂະຫຍາຍບັນດາມາດຕະການທີ່ຈຳເປັນດ້ວຍຄວາມຕັດສິນໃຈຍູ້ໂລກລະບາດໃຫ້ຖອຍໄປໂດຍໄວ.

ເຊີນລາກໍ່ຮັກສາການແລກປ່ຽນຂໍ້ມູນຂ່າວສານສະພາບການເປັນປະຈຳບັນດາເຫດການທີ່ກ່ຽວຂ້ອງເຖິງການປ້ອງກັນຊາດ ປ້ອງກັນຄວາມສະຫງົບ, ຮັກສາກົນໄກແລກປ່ຽນການພົບປະ, ແຈ້ງໃຫ້ຊາບກ່ຽວກັບສະພາບການທີ່ກ່ຽວຂ້ອງເຖິງໜ້າທີ່ປົກປັກຮັກສາອະທິປະໄຕຄວາມໝັ້ນຄົງເຂດຊາຍແດນລະຫວ່າງສອງປະເທດ. ພ້ອມກັນນັ້ນກໍ່ແມ່ນບັນດາການເຄື່ອນໄຫວເພີ່ມທະວີການໂຄສະນາ, ເຜີຍແຜ່ການສຶກສາກົດໝາຍກ່ຽວກັບການຮັບປະກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍ, ຂົງເຂດນຳເຂົ້າສົ່ງອອກ, ການອົບພະຍົບແບບຊະຊາຍ.

ອາດຈະເຫັນໄດ້ວ່າ, ແຂວງເຊີນລາ ແລະ ບັນດແຂວງທາງພາກເໜືອ ຂອງລາວ ໄດ້ສະແດງໃຫ້ເຫັນການສົມທົບກັນຢ່າງແໜ້ນແຟ້ນໃນຂົງເຂດປົກປັກຮັກສາສຸຂະພາບ ແລະ ຄວາມປອດໄພໃຫ້ແກ່ປະຊາຊົນ. ສິ່ງນີ້ບໍ່ພຽງແຕ່ປະກອບສ່ວນຮັກສາການພົວພັນຮ່ວມມື, ພົວພັນແລກປ່ຽນ, ສົມທົບກັນແບ່ງປັນຂໍ້ມູນຂ່າວສານ ແລະ ໜູນຊ່ວຍເຊິ່ງກັນ ແລະກັນ ພ້ອມກັນຜ່ານຜ່າສິ່ງທ້າທາຍ, ຫາກຍັງປັບປຸງ, ເພີ່ມພູນຄູນສ້າງການພົວພັນ, ນ້ຳໃຈໄມ້ຕິຈິດມິດຕະພາບພິເສດລະຫວ່າງ ຫວຽດນາມ - ລາວ.

ຫວຽດນາມ ໄດ້ມອບໃບຢັ້ງຢືນການສຳເລັດການແຍກອອກຫ່າງ ໃຫ້ນັກສຶກສາລາວ ຈຳນວນ 7 ຄົນ ຍສໝ - ພາຍຫຼັງປະຕິບັດການແຍກຫ່າງພາຍໃນ 14 ມື້ ແລະ ການທົດສອບວິເຄາະ 2 ຄັ້ງດ້ວຍຜົນການວິໄຈບໍ່ມີປະກົດການຂອງພະຍາດ SASR-CoV-2, ນັກສຶກສາລາວຈຳນວນ 7 ຄົນທີ່ກຳລັງສຶກສາຢູ່ມະຫາວິທະຍາໄລ ໃຕຫງວຽນ ໄດ້ຮັບໃບຢັ້ງຢືນການສຳເລັດການແຍກອອກຫ່າງ ແລະ ໄດ້ກັບຄືນໄປໂຮງຮຽນ.

ເປີດກວ້າງເສັ້ນທາງເດີນລົດສາກົນ ດ້ຽນບຽນ-ພາກເໜືອລາວ ຍສໝ - ປະຈຸບັນແຂວງດ້ຽນບຽນ ມີເສັ້ນທາງການເດີນລົດສາກົນ, ນັ້ນແມ່ນເສັ້ນທາງການຂົນສົ່ງກັບບັນດາແຂວງພາກເໜືອຂອງ ສປປ ລາວ. ຂະແໜງຄົມມະນາຄົມ ແລະ ບັນດາບໍລິສັດຂົນສົ່ງ ຂອງແຂວງກຳລັງສົ່ງເສີມຫຼາຍມາດຕະການໃນການຍົກລະສູງຄຸນນະພາບຂອງການຂົນສົ່ງ-ໂດຍສານ ເພື່ອຊຸກຍູ້ການຄົມມະນາຄົມ ໄປຍັງປະເທດລາວອ້າຍນ້ອງໃຫ້ຫຼາຍຂື້ນກວ່າເກົ່າ.

ໄຊຊະນະ ພາກເໜືອລາວ - ແມ່ນສັນຍາລັກແຫ່ງຄວາມສາມັກຄີ, ຕໍ່ສູ້ ຂອງ ຫວຽດ-ລາວ ຍ​ສ​ໝ - ເມື່ອ 65 ປີກ່ອນ, ແຕ່ວັນທີ 13 ເມສາ ຫາ 18 ພຶດສະພາ ປີ 1953, ຄັ້ງທໍາອິດ, ກໍາລັງສູນກາງຂອງຫວຽດນາມ ໄດ້ເຄື່ອນພົນສູ່ ປະເທດລາວ, ປະສານສົມທົບກັບກອງກຳລັງ ປະເທດລາວ ເປີດບັ້ນຮົບ ຕີທຳລາຍ ຈັກກະພັດ ຝລັ່ງ ປົດປ່ອຍພື້ນທີ່, ການຂະຫຍາຍພື້ນຖານ ...