ກະຊວງປ້ອງກັນປະເທດຣັດເຊຍ ໄດ້ປະດັບຫຼຽນກາເສີມສ້າງມິດຕະພາບ ໃຫ້ແກ່ກອງທັບປະຊາຊົນລາວ

	ພິທີໄຂການນຳໃຊ້ຫ້ອງທົດລອງຂອງອູ່ສ້ອມແປງເຮືອບິນທະຫານອາກາດ ລະຫວ່າງກອງທັບລາວ - ຣັດເຊຍ
	ຫວຽດນາມ ໄດ້ສັ່ງຊື້ວັກຊີນຕ້ານ COVID-19 ຈຳນວນ 50 - 150 ລ້ານປະລິມານ ຈາກ ຣັດເຊຍ

ພິທີປະດັບຫຼຽນກາ ໂດຍການຮ່ວມຂອງ ທ່ານ ວາຣາດີເມຍ ກາຣີນິນ - ເອກອັກຄະລັດຖະທູດ ວິສາມັນຜູ້ມີອຳນາດເຕັມແຫ່ງ ສ.ຣັດເຊຍ ປະຈຳ ສປປ ລາວ: ສະຫາຍ ພົນຕີ ອ່ອນສີ ແສນສຸກ - ຮອງລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ, ມີຄະນະຊີ້ນຳ, ຄະນະຮັບຜິດ ຊອບໜ່ວຍງານກວດກູ້ລະເບີດບໍ່ທັນແຕກ ແລະ ພະນັກງານ - ນັກຮົບສອງກອງທັບລາວ-ຣັດ ເຊຍເຂົ້າຮ່ວມ.

ກະຊວງປ້ອງກັນປະເທດຣັດເຊຍ ໄດ້ປະດັບຫຼຽນກາເສີມສ້າງມິດຕະພາບ ໃຫ້ແກ່ກອງທັບປະຊາຊົນລາວ. (ພາບ: kongthap.la)

ສະຫາຍ ພົນຕີ ອ່ອນສີ ແສນສຸກ ໄດ້ກ່າວວ່າ: ສອງປະເທດລາວ - ຣັດເຊຍ ມີສາຍພົວພັນມິດຕະພາບ ແລະ ການຮ່ວມມືທີ່ເປັນ ມູນເຊື້ອອັນດີງາມມາແຕ່ຍາວ ນານຈົນເຖິງປັດຈຸບັນ, ເຊິ່ງມູນເຊື້ອດັ່ງກ່າວໄດ້ຮັບການສືບທອດເສີມຂະຫຍາຍນັບມື້ກ້າວສູ່ລວງເລິກ ໃນທຸກຂົງເຂດວຽກງານ, ສະແດງອອກໃນການປະຕິບັດໜ້າທີ່ວຽກງານຕົວຈິງ, ຜົນງານຕົວຈິງໃນການຮ່ວມມືການກວດກູ້ ແລະ ທໍາລາຍລະເບີດບໍ່ທັນແຕກ ທີ່ໂພນສະຫວັນ ເມືອງແປກ ແຂວງຊຽງຂວາງ ໃນສົກ 2019- 2020.

ເຊິ່ງຜົນໄດ້ຮັບຕົວຈິງທີ່ ໄດ້ຮັບຮອງຈາກຄະນະກຳມະການຄຸ້ມຄອງລະເບີດແຫ່ງຊາດ ແມ່ນສາມາດກວດກູ້ລະເບີດບໍ່ທັນແຕກໄດ້ທັງໝົດ 10,15 ເຮັກຕາ, ລະເບີດກວດກູ້ໄດ້ມີ ບົ່ມບີ 500 ປອນ 1 ໜ່ວຍ, ບົ່ມບີຊະນິດຕ່າງໆ 111 ໜ່ວຍ, ມິນ 1 ໜ່ວຍ ແລະ ລະເບີດບໍ່ທັນແຕກຊະນິດອື່ນໆອີກຈຳນວນ 724 ໜ່ວຍ ລວມທັງໝົດ 876 ໜ່ວຍ, ຜົນສຳເລັດຄັ້ງນີ້ຢັ້ງຢືນເຖິງປະສິດທິຜົນໃນການຮ່ວມມື ລະຫວ່າງກອງທັບປະຊາຊົນລາວ ແລະ ກຳລັງປະກອບອາວຸດ ສ ຣັດເຊຍ ປະກອບສ່ວນຮັດ ແໜ້ນສາຍພົວພັນມິດຕະພາບ, ການຮ່ວມມືທີ່ມີປະສິດທິຜົນ ລະຫວ່າງ 2 ປະເທດ ລາວ-ຣັດເຊຍ, ທັງເປັນການປະກອບສ່ວນອັນສຳຄັນ ໃຫ້ແກ່ລັດຖະບານລາວ - ຣັດເຊຍ ໃນການແກ້ໄຂບັນຫາລະເບີດບໍ່ທັນແຕກ ທີ່ເປັນການກົດໜ່ວງຖ່ວງດຶງ ການພັດທະນາເສດຖະກິດ - ສັງຄົມ ແລະ ການດໍາລົງຊີວິດທີ່ເປັນປົກກະຕິຂອງປະຊາຊົນລາວ ໃຫ້ຫຼຸດໜ້ອຍຖອຍລົງ ແລະ ໝົດໄປໃນອະນາຄົດຂ້າງໜ້າ.

ຕໍ່ຜົນສຳເລັດດັ່ງກ່າວ, ກະຊວງປ້ອງກັນປະເທດ ສ.ຣັດເຊຍ ຈິ່ງໄດ້ປະດັບຫຼຽນກາເສີມສ້າງມິດຕະພາບທາງດ້ານການທະຫານ ໃຫ້ແກ່ການນຳ ແລະ ພະນັກງານ - ນັກຮົບກອງທັບປະຊາຊົນລາວ ຈຳນວນ 20 ສະຫາຍ ທີ່ມີຜົນງານດີເດັ່ນປະກອບສ່ວນເຮັດສຳເລັດໜ້າທີ່ ໃນການກວດກູ້ລະເບີດບໍ່ທັນແຕກທີ່ຕົກຄ້າງຢູ່ເດີ່ນບິນທົ່ງໄຫຫີນ ແຂວງຊຽງຂວາງ, ຮ່ວມກັບກອງກວດກູ້ມິນສາກົນກອງທັບ ສ.ຣັດເຊຍ ໃນສົກປີ 2019-2020. ໃຫ້ກຽດປະດັບ ໂດຍ ທ່ານ ວາຣາດີເມຍ ກາຣີ ນິນ - ເອກອັກຄະລັດຖະທູດ ແຫ່ງ ສ ຣັດເຊຍ ປະຈຳ ສປປ ລາວ.

ລັດຖະມົນຕີກະຊວງປ້ອງກັນປະເທດຫວຽດນາມ ຢ້ຽມຢາມ ແລະ ເຮັດວຽກກັບສູນເຂດຮ້ອນຫວຽດນາມ - ຣັດເຊຍ ຍສໝ - ຕອນບ່າຍວັນທີ 7 ກໍລະກົດ, ຢູ່ຮ່າໂນ້ຍ, ທ່ານພົນເອກ ໂງຊວນລິກ - ກຳມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ລົງຢ້ຽມຢາມ ແລະ ເຮັດວຽກກັບສູນເຂດຮ້ອນຫວຽດນາມ - ລັດເຊຍ.

ພົນລະເມືອງຫວຽດນາມເກືອບ 300 ຄົນ ຈາກຣັດເຊຍ ກັບຄືນປະເທດ ຍສໝ - ບັນດາອົງການທີ່ມີໜ້າທີ່ຂອງຫວຽດນາມ, ຫ້ອງການຜູ້ຕາງໜ້າ ຫວຽດນາມ ຢູ່ ລັດເຊຍ ແລະ ບໍລິສັດການບິນແຫ່ງຊາດຫວຽດນາມ ໄດ້ສົມທົບກັບບັນດາອົງການທີ່ມີໜ້າທີ່ຂອງ ລັດເຊຍ ເພື່ອນໍາສົ່ງພົນລະເມືອງຫວຽດນາມ ເກືອບ 300 ຄົນ ຈາກຣັດເຊຍ ກັບຄືນປະເທດ.

ພະຍາດ Covid-19: ສະຖານທູດຫວຽດນາມ ປະຈຳ ຣັດເຊຍ ປະຕິບັດການນຳສົ່ງພົນລະເມືອງຫລາຍກວ່າ 340 ຄົນ ກັບຄືນປະເທດ ຍສໝ - ໃນວັນທີ 12 ແລະ 13 ພຶດສະພາ, ອຳນາດການປົກຄອງຫວຽດນາມ, ຫ້ອງການຜູ້ຕາງໜ້າ ຫວຽດນາມປະ ຈຳ ລັດເຊຍ ແລະ ການບິນແຫ່ງຊາດຫວຽດນາມ (Vietnam Airlines) ໄດ້ສົມທົບ ກັບ ອຳນາດການປົກຄອງລັດເຊຍ ນຳເອົາຫລາຍກ່ວາ 340 ຄົນເປັນພົນລະເມືອງຫວຽດນາມກັບຄືນປະເທດຈາກນະຄອນຫຼວງ Moscow - ຣັດເຊຍ.