ຫວຽດ​ນາມ​ເປັນ​ເຈົ້າ​ການ​ສະ​ເໜີ ແລະ ເຂົ້າ​ຮ່ວມ​ບັນ​ດາ​ຂໍ້​ລິ້ເລີ່ມໃນ​ພາກ​ພື້ນ​ເພື່ອ​ແນ​ໃສ່​ຊຸກ​ຍູ້​ການ​ຟື້ນ​ຟູ​ເສດ​ຖະ​ກິດ​ໃນ​ພາກ​ພື້ນ ແລະ ໂລກ

	ອາ​ຊຽນຟື້ນ​ຟູ​ເສດ​ຖະ​ກິດ​ພາຍຫຼັງ​ໂລກພະຍາ​ດ ໂຄ​ວິດ – 19
	ຮ່ວມ​ແຮງ​ຮ່ວມ​ໃຈ​ເພື່ອ​ປະ​ຊາ​ຄົມ​ອ​າ​ຊຽນ​ ສະ​ໜິດ​ຕິດ​ພັນ ແລະ ເປັນ​ເຈົ້າ​ການ​ຮັບ​ມື

ພ​າບ​ປະ​ກອບ

ກອງປະຊຸມບັນດາລັດຖະມົນຕີເສດຖະກິດອາຊຽນ ທາງອອນລາຍ ຄັ້ງທີ 52 (AEM-52) ແລະ ການເຈລະຈາ, ປຶກສາຫາລືຂັ້ນລັດຖະມົນຕີເສດຖະກິດຂອງອາຊຽນ ກັບບັນດາຄູ່ຮ່ວມມືຢູ່ນອກກຸ່ມ, ໄດ້ຈັດ​ຕັ້ງ​ແຕ່ວັນທີ 25 - 29 ສິງຫາ, ຢູ່ຮ່າໂນ້ຍ, ຫວຽດ​ນາມ.

ທີ່ກອງປະຊຸມ , ບັນດາລັດຖະມົນຕີໄດ້ພິຈາລະນາ, ປຶກສາຫາລື ແລະ ຮັບຮອງເອົາເອກະສານຫຼັກ​ແຫຼ່ງບາງສະບັບໂດຍກອງປະຊຸມອາວຸໂສເສດຖະກິດອາຊຽນ (SEOM) ຍື່ນສະເໜີ. ກ່າວຄຳເຫັນຢູ່ທີ່ນີ້, ທ່ານລັດຖະມົນຕີກະຊວງອຸດສາຫະກຳການຄ້າຫວຽດນາມ ເຈິ່ນຕ໊ວນແອັງ, ໃຫ້ຮູ້ວ່າ.

“ທຸກ​ປະ​ເທດ​ມີ​ຄວາມ​ເຫັນ​ດີ​ເປັນ​ເອ​ກະ​ພາບສູງຕໍ່ບັນດາຂໍ້ລິເລີ່ມ ແລະ ບັນດາເນື້ອໃນເຊິ່ງຫວຽດນາມ ພ້ອມກັນຍົກອອກມາ. ຂ້າພະເຈົ້າຍົກຕົວຢ່າງຄື: ບັນດາມາດຕະການຂອງພວກເຮົາໃນການເພີ່ມທະວີລັກສະນະເຊື່ອມຕໍ່ ພິເສດແມ່ນລະຫວ່າງບັນດາວິສາຫະກິດຂະໜາດກາງ ແລະ ນ້ອຍຜ່ານບັນດາໂຄງການໜູນຊ່ວຍພາກລັດ; ການເພີ່ມທະວີການຫັນເປັນດີຈີຕອນກວ່າອີກ ໂດຍອີງໃສ່ພື້ນຖານເພີ່ມທະວີການນຳໃຊ້ເຕັກໂນໂລຊີຂໍ້ມູນຂ່າວສານ ແລະ ສ້າງລັດຖະບານເອເລັກໂຕນິກ ກໍຄືມຸ່ງໄປເຖິງເປົ້າໝາຍເສດຖະກິດດີຈີຕອນ…”

ແລະກໍ່ໃນວັນດຽວກັນ, ກ່າວຄຳເຫັນທີ່ກອງປະຊຸມລັດຖະມົນຕີເສດຖະກິດອາຊຽນ - ສະພາເຂດການຄ້າເສລີອາຊຽນ (AFTA) ຄັ້ງທີ 34, ທ່ານລັດຖະມົນຕີ ເຈິ່ນຕ໊ວນແອງ ຢັ້ງ​ຢືຍວ່າ: ດ້ວຍສິ່ງທ້າທາຍຫຼາຍຢ່າງໃນຕໍ່ໜ້າ ໄດ້ຮຽກຮ້ອງໃຫ້ອາຊຽນ ຕ້ອງມີຍຸດທະສາດໃຫ້ເໝາະສົມເພື່ອຍົກສູງກຳລັງຄວາມສາມາດໃນການຜະລິດ, ຮັດແຄບຊ່ອງຫວ່າງລະຫວ່າງບັນດາປະເທດສະມາຊິກ, ຈາກນັ້ນກ້າວໄປເຖິງຕະຫຼາດລວມໃຫ້ແກ່ທັງກຸ່ມ.

ນາຍົກລັດຖະມົນຕີ ຫວຽດນາມ ເຂົ້າຮ່ວມເວທີປາໄສການດຳເນີນທຸລະກິດ ອາຊຽນ ຍ​ສ​ໝ - ໃນເວລາ 3 ວັນ, ແຕ່ວັນທີ 25-27 ສິງຫາ, ເວທີປາໄສການ​ດຳ​ເນີນທຸລະກິດອາຊຽນ 2020 ດຶງດູດໄດ້​ການ​ເຂົ້າ​ຮ່ວມ​ຂອງການນຳຂັ້ນສູງບັນດາວິສາຫະກິດ ແລະ ອົງການຈັດຕັ້ງມາຈາກອາຊີ, ຕາເວັນອອກກາງ, ເອີຣົບແລະອາເມລິກາໃນບັນດາກອງປະຊຸມປຶກສາຫາລືກ່ຽວກັບທ່າອ່ຽງພວ​ມພົ້ນເດັ່ນຂຶ້ນ ອາດຈະໄດ້ ກຳນົດອະນາຄົດຂອງພາກພື້ນ.

ອາ​ຊຽນຟື້ນ​ຟູ​ເສດ​ຖະ​ກິດ​ພາຍຫຼັງ​ໂລກພະຍາ​ດ ໂຄ​ວິດ – 19 ​ຍ​ສ​ໝ - ບັນດາ ລັດຖະມົນຕີ ໄດ້ສະ​ເໜີໃຫ້ປະຊາຄົມວິສາຫະກິດອາຊຽນ ສົມ​ທົບ​ກັບລັດຖະບານຢ່າງແໜ້ນ​ແຟ້ນກວ່າເກົ່າໃນການປະຕິບັດບັນດາເປົ້າໝາຍທີ່ໄດ້ ຍົກ​ອອກໃນແຜນການ​ເຄື່ອນ​ໄຫວຮ່າໂນ້ຍ ແລະ ແຜນການ​ເຄື່ອນ​ໄຫວໂດຍອາຊຽນ ແລະ ບັນດາຄູ່ຮ່ວມມືຕ່າງປະເທດຢູ່ນອກ​ກຸ່ມທີ່​ໄດ້ ຮັບ​ຮອງ​ເອົາຈາກ ຍີ່​ປຸ່ນ ແລະ ບັນ​ດາ​ຄູ່​ຮ່ວມ​ມື ອາຊຽນ +3 ເພື່ອປ້ອງກັນ, ສະ​ກັດ​ກັ້ນ ແລະ ຫຼຸດຜ່ອນຜົນກະທົບທາງດ້ານເສດຖະກິດຈາກ ໂລກພະຍາ​ດ ໂຄ​ວິດ – 19 ໃນພາກພື້ນ

ກອງປະຊຸມເຈົ້າໜ້າທີ່ອາວຸໂສພະລັງານອາຊຽນທາງອອນລາຍ ຍ​ສ​ໝ - ກອງປະຊຸມເພື່ອເປັນເອກະພາບເນື້ອໃນຕົ້ນຕໍຂອງການຮ່ວມມືດ້ານພະລັງງານອາຊຽນໃນປີ 2020 ແມ່ນ: ສືບຕໍ່ຈັດຕັ້ງປະຕິບັດເນື້ອໃນວຽກງານໃນຂອບການຮ່ວມມືອາຊຽນໃນເຄືອຂ່າຍແລະອົງການຈັດຕັ້ງທີ່ມີຄວາມຊ່ຽວຊານ; ພ້ອມດຽວກັນນີ້, ປະສານສົມທົບກັບບັນດາປະເທດສະມາຊິກແລະອົງການຈັດຕັ້ງສາກົນເພື່ອຈັດຕັ້ງປະຕິບັດ 8 ບຸລິມະສິດຂອງການຮ່ວມມືດ້ານພະລັງງານອາຊຽນໃນປີ 2020.