 |
| ບັນດາຜູ້ແທນASEAN BAC ຫວຽດນາມເຂົ້າຮ່ວມກອງປະຊຸມ (ພາບ: TTXVN) |
ຕອນບ່າຍວັນທີ 24 ສິງຫາ, ພາຍໃຕ້ການເປັນປະທານຂອງທ່ານ ເຈິ່ນຕວັນແອງ ລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ, ກອງປະຊຸມປຶກສາຫາລືທາງອອນລາຍ ຂອງລັດຖະມົນຕີເສດຖະກິດ ອາຊຽນ ກັບສະພາທີ່ປຶກສາການດຳເນີນທຸລະກິດ ອາຊຽນ (ASEAN BAC) ໄດ້ດຳເນີນ ດ້ວຍການເຂົ້າຮ່ວມຂອງບັນດາລັດຖະມົນຕີເສດຖະກິດ ອາຊຽນ, ເລຂາທິການໃຫຍ່ອາຊຽນ ແລະ ຜູ້ຕາງໜ້າຂອງສະພາທີ່ປຶກສາການດຳເນີນທຸລະກິດ ອາຊຽນ. ທີ່ກອງປະຊຸມ, ບັນດາລັດຖະມົນຕີເສດຖະກິດ ອາຊຽນ ໄດ້ຕີລາຄາສູງຕໍ່ຂໍ້ລິເລີ່ມຂອງ ສະພາການດຳເນີນທຸລະກິດ ອາຊຽນ ແລະ ຖືວ່າ ການສົມທົບກັນຢ່າງແໜ້ນແຟ້ນ ລະຫວ່າງລັດຖະບານ ແລະ ປະຊາຄົມວິສາຫະກິດແມ່ນຈຳເປັນທີ່ສຸດ ບໍ່ພຽງແຕ່ໃນວຽກງານຮັບມືກັບ ໂລກພະຍາດ ໂຄວິດ – 19 ເທົ່ານັ້ນ ຫາກຍັງເປັນການສົ່ງເສີມການເຊື່ອມໂຍງເສດຖະກິດພາຍໃນອາຊຽນກໍ່ຄືລະຫວ່າງອາຊຽນແລະບັນດາປະເທດຄູ່ຮ່ວມມື, ເປັນຕົ້ນແມ່ນຕໍ່ໜ້າບັນດາສິ່ງທ້າທາຍຂອງຍຸກສະໄໝໃໝ່.
ຄຽງຄູ່ກັນນັ້ນ, ສະພາທີ່ປຶກສາການດຳເນີນທຸລະກິດອາຊຽນກໍ່ໄດ້ສະເໜີກ່ຽວກັບບັນດາຂໍ້ສະເໜີແນະເພື່ອແນໃສ່ເພີ່ມທະວີການສົມທົບກັນລະຫວ່າງລັດຖະບານ ແລະ ປະຊາຄົມວິສາຫະກິດ ອາຊຽນໃນການຮັບມືກັບບັນດາຜົນກະທົບຂອງໂລກລະບາດ Covid – 19 ແລະ ສ້າງແຜນການຟື້ນຟູ້ເສດຖະດພາຍຫຼັງໂລກລບາດ.
ບັນດາລັດຖະມົນຕີໄດ້ຮັບຮອງເອົາສະພາບການຜັນຂະຫຍາຍບັນດາການເຄື່ອນໄຫວຂອງ ASEAN BAC ໃນໄລຍະທີ່ຜ່ານມາລວມມີ: ໂຄງການຕາໜ່າງ Digital Stars, ໂຄງການເຊື່ອງໂຍງເຕີບໂຕແບບອັດສະລິຍະໃນອາຊຽນ, ຍົກສູງຕາໜ່າງໃຫ້ຄຳປຶກສາໃຫ້ແກ່ບັນດາວິສາຫະກິດອາຊຽນ (AMEN), ໂຄງການເຊື່ອມໂຍງການຄ້າ ດີຈີຕອນ.
ບັນດາ ລັດຖະມົນຕີ ໄດ້ສະເໜີໃຫ້ປະຊາຄົມວິສາຫະກິດອາຊຽນ ສົມທົບກັບລັດຖະບານຢ່າງແໜ້ນແຟ້ນກວ່າເກົ່າໃນການປະຕິບັດບັນດາເປົ້າໝາຍທີ່ໄດ້ ຍົກອອກໃນແຜນການເຄື່ອນໄຫວຮ່າໂນ້ຍ ແລະ ແຜນການເຄື່ອນໄຫວໂດຍອາຊຽນ ແລະ ບັນດາຄູ່ຮ່ວມມືຕ່າງປະເທດຢູ່ນອກກຸ່ມທີ່ໄດ້ ຮັບຮອງເອົາຈາກ ຍີ່ປຸ່ນ ແລະ ບັນດາຄູ່ຮ່ວມມື ອາຊຽນ +3 ເພື່ອປ້ອງກັນ, ສະກັດກັ້ນ ແລະ ຫຼຸດຜ່ອນຜົນກະທົບທາງດ້ານເສດຖະກິດຈາກ ໂລກພະຍາດ ໂຄວິດ – 19 ໃນພາກພື້ນແລະ ປັບປຸງລະບົບສະໜອງໃນພາກພື້ນ, ປະກອບສ່ວນເຂົ້າໃນການຟື້ນຟູເສດຖະກິດໃນພາກພື້ນພາຍຫລັງໂລກພະຍາດ ໂຄວິດ – 19.
 | ຜັນຂະຫຍາຍ ປ້ອມທະຫານຄົງທີ່ 84 ແຫ່ງຢູ່ລຽບຕາມເສັ້ນຊາຍແດນຫວຽດ - ລາວ ເພື່ອປ້ອງກັນ, ສະກັດກັ້ນໂລກລະບາດ Covid - 19 ຍສໝ - ເພື່ອປ້ອງກັນບໍ່ໃຫ້ເກີດການລະບາດຂອງ Covid-19 ນັບແຕ່ທ້າຍເດືອນກໍລະກົດປີ 2020 ຈົນເຖິງປະຈຸບັນ, ທະຫານປ້ອງກັນຊາຍແດນແຂວງກວາງຈີ້ ໄດ້ຈັດຕັ້ງປະຕິບັດ ແລະ ປົກປັກຮັກສາປ້ອມທະຫານຄົງທີ່ 84 ແຫ່ງ ຢ່າງເປັນປະຈຳ. |
 | ບັນດາປະເທດອາຊຽນ + 3 ຕີລາຄາສູງຄວາມມານະພະຍາຍາມໃນການຈັດຕັ້ງບັນດາເຫດການອາຊຽນຂອງຫວຽດນາມ ບໍ່ຫົວຊາຕໍ່ໂລກລະບາດ Covid – 19 ຍສໝ - ໃນສະພາບການໂລກລະບາດ Covid – 19 ຍັງຄົງມີການຜັນແປຢ່າງສັບສົນ, ບັນດາປະເທດໄດ້ສະແດງຄວາມຕັດສິນໃຈເພີ່ມທະວີການຮ່ວມມືໃນການຮັບມືຜ່ານບັນດາຂໍ້ລິເລີ່ມຂອງການນຳອາຊຽນ + 3 ຢູ່ກອງປະຊຸມສຸດຍອດພິເສດກ່ຽວກັບ ໂລກລະບາດ Covid – 19 ທີ່ໄດ້ຈັດຂຶ້ນໃນເດືອນເມສາທີ່ຜ່ານມາ. |
 | ຫວຽດນາມຍົກອອກ 3 ກຸ່ມວິທີການຟື້ນຟູເສດຖະກິດໄລຍະຫຼັງ ໂລກລະບາດ Covid – 19 ຍສໝ - ເພື່ອແນໃສ່ໜູນຊ່ວຍການຟື້ນຟູເສດຖະກິດບັນດາປະເທດສະມາຊິກໄລຍະຫຼັງ ໂລກລະບາດ Covid – 19, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ຍົກອອກ 3 ກຸ່ມວິທີການແກ້ໄຂຢ່າງລະອຽດ. |
ບຸນຄົງ
