ຮ່ວມແຮງຮ່ວມໃຈເພື່ອປະຊາຄົມອາຊຽນ ສະໜິດຕິດພັນ ແລະ ເປັນເຈົ້າການຮັບມື

15:30 | 28/07/2020

ຍສໝ - ບົດຂຽນໃຫ້ຮູ້ວ່າ ຫວຽດນາມເຂົ້າຮ່ວມອາຊຽນແຕ່ປີ 1995 ໂດຍແມ່ນໜຶ່ງໃນບັນດາຂີດໝາຍສຳຄັນທີ່ສຸດໃນປະຫວັດສາດທາງການທູດຂອງຫວຽດນາມ ນັບແຕ່ປະຕິວັດສິງຫາ 1945 ກໍ່ຄືວິວັດແຫ່ງການພັດທະນາຂອງອາຊຽນ.

	ອາຊຽນມຸ່ງໄປສູ່ເປົ້າໝາຍລົງນາມ RCEP ໃນປີ 2020
	ອາຊຽນຕັດສິນໃຈສ້າງທະເລຕາເວັນອອກທີ່ມີການຮ່ວມມື ແລະ ຄວາມປອດໄພ

ຮ ວມ ແຮງ ຮ ວມ ໃຈ ເພ ອ ປະ ຊາ ຄ ມ ອ າ ຊຽນ ສະ ໜ ດ ຕ ດ ພ ນ ແລະ ເປ ນ ເຈ າ ການ ຮ ບ ມ

ທ່ານ ຟ້າມບິ່ງມິງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມທາງອອນລາຍລະຫວ່າງ ລັດຖະມົນຕີກະຊວງການຕ່າງປະເທດ ອາຊຽນ - EU (ພາບ: TTXVN)

ວັນທີ 28 ກໍລະກົດ ປີ 2020 ແມ່ນວັນສ້າງຂີດໝາຍ ຄົບຮອບ 25 ແຫ່ງວັນຫວຽດນາມ ເຂົ້າຮ່ວມ ອາຊຽນ ຢ່າງເປັນຢ່າງທາງການ. ພິເສດແມ່ນໃນປີນີ້, ພິທີສະເຫຼີມສະຫຼອງ ເຫດການນີ້ກົງກັບເວລາຫວຽດນາມຮັບດຳລົງຕຳແໜ່ງສຳຄັນແມ່ນປະທານໝູນວຽນຄັ້ງທີ 2 ຂອງ ອາຊຽນ. ເນື່ອງໃນໂອກາດນີ້, ທ່ານ ຟ້າມບິ່ງມິງຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ໄດ້ມີບົດຂຽນວ່າ: “25 ປີແຫ່ງວັນຫວຽດນາມ ເຂົ້າຮວມອາຊຽນ: ຮ່ວມແຮງຮ່ວມໃຈເພື່ອປະຊາຄົມທີ່ສະໜິດຕິດພັນ ແລະ ເປັນເຈົ້າການໃນການຮັບມື”.

ບົດຂຽນໃຫ້ຮູ້ວ່າ ຫວຽດນາມເຂົ້າຮ່ວມອາຊຽນແຕ່ປີ 1995 ໂດຍແມ່ນໜຶ່ງໃນບັນດາຂີດໝາຍສຳຄັນທີ່ສຸດໃນປະຫວັດສາດທາງການທູດຂອງຫວຽດນາມ ນັບແຕ່ປະຕິວັດສິງຫາ 1945 ກໍ່ຄືວິວັດແຫ່ງການພັດທະນາຂອງອາຊຽນ. ເຫດການປະຫວັດສາດນີ້ມີຄວາມໝາຍສຳຄັນ, ນຳພາກພື້ນອາຊີຕາເວັນອອກສ່ຽງໃຕ້ຈາກສູ້ຢັນກັນ ກາຍເປັນໂອ້ລົມສົນທະນາ, ແຕ່ ສົງໄສກັນ ກາຍເປັນໄວ້ເນື້ອເຊື່ອໃຈ, ແຕ່ແບ່ງແຍກກັນ ກາຍເປັນສາມັກຄີກັນ.

ສ່ວນອາຊຽນ, ເລື່ອງຮັບຫວຽດນາມກາຍເປັນສະມາຊິກທີ 7 ຊ່ວຍຍູ້ໄວວິວັດການເປີດກ້ວາງສະມາຄົມອອກໄປສູ່ 10 ປະເທດໃນພາກພື້ນ, ຜ່ານນັ້ນ ປັບປຸງສັນຕິພາບ, ສະຖຽນລະພາບຢູ່ພາກພື້ນທີ່ມີຄວາມສຳຄັນພິເສດດ້ານພູມີສາດ ການເມືອງ ແລະ ເສດຖະກິດ, ແມ່ນສູນເຊື່ອມຕໍ່ປາຊີຟິກ ແລະ ມະຫາສະມຸດອິນເດຍ. ເມື່ອຫວຽດນາມເຂົ້າຮ່ວມອາຊຽນ, ອາຊຽນຫາກໍ່ແມ່ນພາກພື້ນໃໝ່ຫາກໍ່ອອກຈາກສົງຄາມເຢັນ, ທີ່ຕັ້ງ, ບົດບາດ ແລະ ຂອບຂະໜາດດ້ານເສດຖະກິດຂອງອາຊຽນຍັງນ້ອຍ. ແຕ່ວ່າ 25 ປີທີ່ຜ່ານມາ ໄດ້ເຫັນປະຈັກຕາການປ່ຽນແປງຢ່ງແຮງຂອງ ສະມາຄົມ, ມາຮອດປັດຈຸບັນ, ທັງ 10 ປະເທດອາຊຽນ ໄດ້ກາຍເປັນກຸ່ມໜຶ່ງທີ່ເປັນຈິດໜຶ່ງໃຈດຽວດ້ວຍອິດທີພົນຊື່ສຽງທີ່ນັບມື້ນັບສູງຂຶ້ນໃນອາຊີ.

ໂດຍເປັນປະທານອາຊຽນ 2020, ຫວຽດນາມ ໄດ້ພ້ອມກັບບັນດາປະເທດສະມາຊິກກຳນົດຫົວຂໍ້ລວມໃຫ້ແກ່ປີ 2020 ແມ່ນ ສະໜິດຕິດພັນ ແລະ ເປັນເຈົ້າການຮັບມື” ເພື່ອແນໃສ່ຍູ້ແຮງວິວັດແຫ່ງການສ້າງປະຊາຄົມ ແລະເສີມຂະຫຍາຍບົດບາດຂອງອາຊຽນໃນໂລກທີ່ເຕັມໄປດ້ວຍການປ່ຽນແປງ. ໃນ 7 ເດືອນທີ່ຜ່ານມາ, ບັນດາຄວາມມານະພະຍາຍາມຂອງຫວຽດນາມ ໃນບົດບາດເປັນປະທານອາຊຽນ ໄດ້ສະແດງໃຫ້ເຫັນຈິດໃຈສະໜິດຕິດພັນ, ເປັນເຈົ້າການຮັບມື. ອາຊຽນໄດ້ຮັບປະກັນການຜັນຂະຫຍາຍບັນດາເປົ້າໝາຍການຮ່ວມມື, ເຊື່ອມໂຍງລະຫວ່າງອາຊຽນ ໃນປີ 2020ຢ່າງມີປະສິດທິຜົນ, ຜ່ານຜ່າບັນດາຄວາມຫຍຸ້ງຍາກ, ສິ່ງທ້າທາຍ, ຄວບຄຸມໂລກລະບາດ Covid – 19 ໂດຍພື້ນຖານ, ພ້ອມທັງດຳເນີນການແກ້ໄຂຜົນຮ້າຍຢ້ອນຫຼັງຈາກໂລກລະບາດ ໂດຍໄວ.

ອາຊຽນມານະພະຍາຍາມປະຕິບັດບັນດາໜ້າທີ່ຄວບຄູ່: ທັງປ້ອງກັນໂລກລະບາດ ແລະ ທັງຜັນຂະຫຍາຍການກໍ່ສ້າງປະຊາຄົມ

ຍສໝ - ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດຫວຽດນາມແລ້ວ, ຫວຽດນາມ ໄດ້ລົງມືກະກຽມໃຫ້ແກ່ປີປະທານອາຊຽນ 2020 ແຕ່ດົນແລ້ວ. ເມື່ອໂລກລະບາດ Covid – 19 ຫາກໍ່ເກີດຂຶ້ນ, ຫວຽດນາມໄດ້ປ່ຽນແປງບັນດາວິທິການໃຫ້ເໝາະສົມກັບສະພາບການໃໝ່ໂດຍໄວ.

ຫວຽດນາມເຂົ້າຮ່ວມເວທີປາໄສທາງອອນລາຍ ອາຊຽນ - ອົດສະຕາລີ ຄັ້ງທີ 32

ຍສໝ - ທ່ານຫົວໜ້າຄະນະຝ່າຍອົດສະຕາລີ ຢັ້ງຢືນວ່າ ລັດຖະບານອົດສະຕາລີ ໃຫ້ຄຳໝັ້ນສັນຍາຈະໜູນຊ່ວຍ, ສ້າງເງື່ອນໄຂສະດວກໃຫ້ແກ່ພົນລະເມືອງ ແລະ ນັກສຶກສາບັນດາປະເທດ ອາຊຽນທີ່ພວມເຮັດວຽກ ແລະ ຮ່ຳຮຽນຢູ່ອົດສະຕາລີໃນໄລຍະປະສົບຄວາມຫຍຸ້ງຍາກນີ້.

ອາຊຽນໃຫ້ຄຳໝັ້ນສັນຍາຮັບປະກັນຄວາມໝັ້ນຄົງດ້ານສະບຽງອາຫານໃນໄລຍະເກີດໂລກລະບາດ Covid – 19

ຍສໝ - ອາຊຽນຈະສືບຕໍ່ຮ່ວມມືເພື່ອແນໃສ່ຮັບປະກັນການສະໜອງສະບຽງອາຫານຢ່າງຄົບຖ້ວນ, ມີຄຸນນະພາບ, ປອດໄພ ເພື່ອຕອບສະໜອງຄວາມຮຽກຮ້ອງຕ້ອງການຂອງປະຊາຊົນ ໃນພາກພື້ນ ແລະ ພາຍຫຼັງເກີດໂລກລະບາດ Covid - 19.

ບຸນຄົງ