ລັດຖະມົນຕີການຕ່າງປະເທດລາວ ຖືວ່າ ຫວຽດນາມໄດ້ມີການປະກອບສ່ວນສໍາຄັນຫຼາຍຢ່າງໃນຖານະຕໍາແໜ່ງເປັນປະທານ ກໍ່ຄືໃນຖານະຕໍາແໜ່ງເປັນສະມາຊິກຂອງອາຊຽນ

	ຊຸກຍູ້ຮ່ວມມືລະຫວ່າງບາງທ້ອງຖິ່ນຂອງຫວຽດນາມ ກັບບັນດາແຂວງພາກເໜືອຂອງລາວ
	ການແຂ່ງຂັນບານເຕະມິດຕະພາບສາກົນ - ຮັດແໜ້ນຄວາມສາມັກຄີລະຫວ່າງກະຊວງຕໍາຫຼວດຫວຽດນາມ ແລະ ບັນດາອົງການຜູ້ຕາງໜ້າຕ່າງປະເທດປະຈໍາຫວຽດນາມ

ທ່ານ ສະເຫຼີມໄຊ ກົມມະສິດ ລັດຖະມົນຕີການຕ່າງປະເທດລາວ ຕອບສຳພາດຕໍ່ນັກຂ່າວສໍານັກຂ່າວສານຫວຽດນາມ ຢູ່ນະຄອນຫຼວງວຽງຈັນ.(ພາບ:Vietnam+)

ນັ້ນແມ່ນຂໍ້ສັງເກດຂອງທ່ານ ສະເຫຼີມໄຊ ກົມມະສິດ ລັດຖະມົນຕີການຕ່າງປະເທດລາວ ກ່ຽວກັບບັນດາການປະກອບສ່ວນ ແລະບົດບາດຂອງຫວຽດນາມ ພາຍຫຼັງ 25 ປີທີ່ເຂົ້າເປັນສະມາຊິກອາຊຽນ.

ທ່ານ ສະເຫຼີມໄຊ ກົມມະສິດ ໃຫ້ຮູ້ວ່າ ກ່ຽວກັບດ້ານການເມືອງ, ຫວຽດນາມ ໄດ້ເຂົ້າເປັນສະມາຊິກຂອງອາຊຽນ ປີ 1995 ໄດ້ເປີດຊ່ອງທາງໃຫ້ແກ່ບັນດາປະເທດລາວ, ມຽນມາ ແລະກໍາປູເຈຍ ເຂົ້າເປັນສະມາຊິກ, ນໍາອາຊຽນ ຈາກສະມາຄົມບັນດາປະເທດທີ່ມີລະບົບການເມືອງຄືກັນກ່ອນນີ້, ເປັນສະມາຄົມບັນດາປະເທດທີ່ມີການຮ່ວມມື, ບໍ່ຈໍາແນກຄວາມແຕກຕ່າງທາງດ້ານລະບົບການເມືອງ.

ແລະ ຖືວ່າ ນີ້ແມ່ນຄວາມໝາຍສໍາຄັນທີ່ສຸດ ສະແດງໃຫ້ເຫັນວ່າ ອາຊຽນ ຢູ່ພາກພື້ນອາຊີ-ປາຊີຟິກ ໄດ້ເພີ່ມທະວີກ່ຽວກັບການຮ່ວມມື, ໝັ້ນຄົງຕາມຫຼັກການຮ່ວມມືຫຼາຍຝ່າຍ, ຊ່ວຍໃຫ້ສາຍພົວພັນຮ່ວມມືຫຼາຍຝ່າຍນີ້ນໍາເອົາຜົນປະໂຫຍດຕົວຈິງມາໃຫ້ບັນດາປະເທດໃນພາກພື້ນ, ພິເສດແມ່ນໃຫ້ແກ່ບັນດາປະເທດອາຊີຕາເວັນອອກສ່ຽງໃຕ້. ທ່ານ ໃຫ້ຂໍ້ສັງເກດວ່າເລື່ອງຫວຽດນາມ ເຂົ້າເປັນສະມາຊິກອາຊຽນ ໄດ້ປະກອບສ່ວນສໍາຄັນໃຫ້ແກ່ຂົງເຂດການເມືອງ, ເສດຖະກິດ ແລະການຮ່ວມມື.

ໃນຕະຫຼອດ 25 ປີຜ່ານມາ, ຫວຽດນາມ ໄດ້ດໍາລົງຕໍາແໜ່ງເປັນປະທານອາຊຽນ 3 ຄັ້ງແລ້ວ ແລະໄດ້ມີການປະກອບສ່ວນສໍາຄັນຫຼາຍຢ່າງໃນຖານະເປັນປະທານ ກໍ່ຄືໃນຖານະເປັນສະມາຊິກຂອງອາຊຽນ. ພິເສດແມ່ນໃນປີ 2020, ຫວຽດນາມ ເປັນປະທານອາຊຽນ ແມ່ນສໍາຄັນທີ່ສຸດ, ສິ່ງນີ້ໄດ້ສະແດງອອກຜ່ານຫົວຂໍ້ຂອງອາຊຽນ 2020 ທີ່ວ່າ “ສະໜິດຕິດພັນ ແລະເປັນເຈົ້າການຮັບມື”.

ທ່ານ ສະເຫຼີມໄຊ ກົມມະສິດ ໄດ້ເນັ້ນໜັກວ່າ ດ້ວຍການນໍາພາຂອງຫວຽດນາມ, ອາຊຽນ ໄດ້ຈັດຕັ້ງຫຼາຍກອງປະຊຸມສຸດຍອດ, ເສີມຂະຫຍາຍຫຼາຍຂໍ້ລິເລີ່ມ, ນີ້ແມ່ນບັນດາຜົນງານທີ່ພົ້ນເດັ່ນຂອງຫວຽດນາມ ໃນຖານະຕໍາແໜ່ງເປັນປະທານອາຊຽນ 2020.

ພ້ອມທັງ ໃຫ້ຂໍ້ສັງເກດວ່າ ປີ 2020 ແມ່ນໜຶ່ງປີມີຄວາມຫຍຸ້ງຍາກ ແລະສິ່ງທ້າທາຍຫຼາຍຢ່າງ, ເຖິງຢ່າງໃດກໍ່ຕາມ, ມາຮອດປະຈຸບັນ ຫວຽດນາມ ບັນລຸໄດ້ຫຼາຍໝາກຜົນທີ່ພົ້ນເດັ່ນໃນຖານະຕໍາແໜ່ງເປັນປະທານອາຊຽນ. ບົດບາດຂອງຫວຽດນາມ ໃນປີ 2020 ບໍ່ພຽງແຕ່ສະແດງອອກຜ່ານເລື່ອງເປັນປະທານອາຊຽນ ເທົ່ານັ້ນຫາກຍັງສະແດງອອກຜ່ານເລື່ອງຫວຽດນາມ ໄດ້ຮັບການເລືອກຕັ້ງເປັນກໍາມະການບໍ່ປະຈໍາການສະພາຄວາມໝັ້ນຄົງສະຫະປະຊາຊາດ ໄລຍະ 2020-2021 ອີກດ້ວຍ.

ນາຍົກລັດຖະມົນຕີລາວ ຕີລາຄາສູງລະດັບຄວາມຄືບໜ້າ ແລະຄຸນນະພາບຂອງກິດຈະກໍາຫໍສະພາແຫ່ງຊາດລາວຫຼັງໃໝ່ ເຊິ່ງແມ່ນຂອງຂວັນຂອງຫວຽດນາມ ຍສໝ - ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ໄດ້ຕີລາຄາສູງຕໍ່ຄວາມມານະພະຍາຍາມ, ຈິດໃຈຮັບຜິດຊອບຂອງບັນດາພະນັກງານ, ນັກຮົບພົນລະພາກຫຼວງ 11 ພາຍຫຼັງການກໍ່ສາງເປັນເວລາກວ່າ 700 ມື້.

ນັກ​ສຶກ​ສາ​ລາວ​ກ່​ວາ 400 ຄົນ​ໄດ້​ຮັບ​ການ​ແຍກ​ຕົວ ​ຍ​ສໝ - ມີ​ນັກ​ສຶກ​ສາ​ລາວ​ກ່​ວາ 400 ຄົນ ​ພາຍຫຼັງ​ເຂົ້າ​ເມືອງ​ຫວຽດ​ນາມ​ຜ່ານ​ດ່ານ​ຊາຍ​ແດນສາ​ກົນ ເກົ່າ​ແຈວ, ເມືອງ ເຮືອງ​ເຊີນ ໄດ້​ຮັບ​ການ​ແຍກ​ຕົວ​ໃນ​ວັນ​ທີ 22 ກໍ​ລະ​ກົດ.

ມອບຂອງຂວັນ 250 ພູດ ໃຫ້ແກ່ບັນດາທະຫານເສຍອົງຄະ, ຄອບຄົວທີ່ມີຄຸນງາມຄວາມດີ ເຊິ່ງເປັນສະມາຊິກຂອງສະມາຄົມມິດຕະພາບຫວຽດນາມ - ລາວ; ຫວຽດນາມ - ກຳປູເຈຍ ຍສໝ - ວັນທີ 22 ກໍລະກົດ, ສະມາຄົມກາແດງແຂວງດົ່ງນາຍໄດ້ມອບຂອງຂວັນ 100 ພູດ ໃຫ້ແກ່ບັນດາທະຫານເສຍອົງຄະ, ຄອບຄົວທີ່ມີຄຸນງາມຄວາມດີ ເຊິ່ງເປັນສະມາຊິກຂອງສະມາຄົມມິດຕະພາບ ຫວຽດນາມ - ລາວ ຢູ່ ເມືອງວິ້ງກູຍ ແລະ ນະຄອນບຽນຮວ່າ.