| WB ໃຫ້ຄໍາໝັ້ນສັນຍາໜູນຊ່ວຍຫວຽດນາມ ພັດທະນາພະລັງງານແບບຍືນຍົງ | |
| WB ຫວຽດນາມມີໂອກາດທີ່ດີໃນການເພີ່ມປະສິດທິພາບຜົນຜະລິດ |
 |
| ທ່ານຫງວຽນຊວັນຟຸກ ນາຍົກລັດຖະມົນຕີ ຫວຽດນາມ ໄດ້ໃຫ້ການຕ້ອນຮັບທ່ານ Ousmane Dione ຜູ້ອຳນວຍການທະນາຄານໂລກ (ພາບ: TTXVN) |
ຕອນບ່າຍວັນທີ 22 ມິຖຸນາ, ຢູ່ຮ່າໂນ້ຍ, ທ່ານ ຫງວຽນຊວັນຟຸກ ນາຍົກລັດຖະມົນຕີ ຫວຽດນາມ ໄດ້ໃຫ້ການຕ້ອນຮັບທ່ານ Ousmane Dione ຜູ້ອຳນວຍການທະນາຄານໂລກ (WB) ເມື່ອເຂົ້າຢ້ຽມອຳລາເນື່ອງໃນໂອກາດສິນສຸດອາຍຸການປະຕິບັດງານຢູ່ຫວຽດນາມ.
ກ່າວຄຳເຫັນທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ສະແດງຄວາມຂອບໃຈຕໍ່ WB ທີ່ມີບັນດາການປະກອບສ່ວນສຳຄັນເຂົ້າວິວັດການພັດທະນາຂອງຫວຽດນາມ, ໃນນັ້ນທັງມີບັນດາໂຄງການລົບລ້າງຄວາມອຶດຫິວຫຼຸດຜ່ອນຄວາມທຸກຍາກ, ໜູນຊ່ວຍບັນດາບ້ວງເງິນກູ້ຢຶມ, ໃຫ້ຄຳປຶກສາດ້ານເຕັກນິກໃຫ້ແກ່ບັນດາຂົງເຂດດ້ານການເງິນ, ທະນາຄານ. ທ່ານນາຍົກລັດຖະມົນຕີຕີລາຄາສູງ ຕໍ່ທ່ານ Ousmane Dione ໂດຍແມ່ນ ເພື່ອນມິດທີ່ສະໜິດສະໜົມຂອງຫວຽດນາມ, ເປັນຜູ້ທີ່ມີການປະກອບສ່ວນຫຼາຍຢ່າງໃຫ້ແກ່ການພົວພັນລະຫວ່າງທະນາຄານໂລກ ແລະ ຫວຽດນາມ, ທ່ານກໍ່ສະເໜີວ່າ ໃນຖານະຕຳແໜ່ງເປັນຜູ້ອຳນວຍການແຫ່ງຊາດ WB ໃຫ້ແກ່ 4 ປະເທດ ອາຟຼິກກາ ໃນໄລຍະຈະມາເຖິງ, ທ່ານ ຈະແມ່ນຂົວເຊື່ອມຕໍ່ເປີດກ້ວາງການສົ່ງອອກສິນຄ້າຂອງຫວຽດນາມໄປຍັງຕະຫຼາດ ອາຟຼິກກາ.
ສ່ວນທ່ານ Ousmane Dione ໄດ້ເນັ້ນໜັກວ່າ ອາຍຸການ 4 ປີທີ່ປະຕິບັດງານຢູ່ ຫວຽດນາມແມ່ນໄລຍະທີ່ເປັນໜ້າຈົດຈຳທີ່ສຸດສຳລັບທ່ານ. ທ່ານກໍ່ອວຍພອນໃຫ້ຫວຽດນາມເມື່ອປະສົບຜົນສຳເລັດໃນການຮັບມືກັບໂລກລະບາດ Covid – 19, ກາຍເປັນແບບຢ່າງໃນທົ່ວໂລກ, ໃນຜົນສຳເລັດດັ່ງກ່າວຕ້ອງເວົ້າເຖິງການບໍລິຫານ, ຊີ້ນຳຢ່າງຂ້ຽວຂາດຂອງລັດຖະບານຫວຽດນາມ. ທ່ານກໍ່ສະແດງຄວາມຊົມເຊີຍຕໍ່ຂໍ້ສະເໜີແນະນະໂຍບາຍບາງສະບັບຂອງ WB ທີ່ໄດ້ລັດຖານຫວຽດນາມຮັບເອົາ, ພ້ອມທັງຖືວ່າ: ປັດຈຸບັນ, ເລື່ອງກຳແໜ້ນກາລະໂອກາດຟື້ນຟູໄລຍະຫຼັງ Covid – 19 ແມ່ນເໝາະສົມກັບຫວຽດນາມທີ່ສຸດ. ທ່ານ ຢັ້ງຢືນວ່າ WB ແລະ ຜູ້ອຳນວຍການຕໍ່ໄປ ຈະຄຽງປ່າຄຽງໄລ່ກັບຫວຽດນາມໃນຕະຫຼອດຂະບວນວິວັດການພັດທະນາ.
 | WB ໃຫ້ຄໍາໝັ້ນສັນຍາໜູນຊ່ວຍຫວຽດນາມ ພັດທະນາພະລັງງານແບບຍືນຍົງ ທະນາຄານໂລກ (WB) ຫາກໍ່ປະກາດບົດລາຍງານຍຸດທະສາດ ແລະຂໍ້ກຳນົດການປະມູນໂຄງການໄຟຟ້າແສງຕາເວັນຢູ່ຫວຽດນາມ. ບົດລາຍງານແມ່ນໝາກຜົນການຮ່ວມມືດ້ານເຕັກນິກລະຫວ່າງ WB ແລະລັດຖະບານຫວຽດນາມ ໃນສອງປີຜ່ານມາແນໃສ່ເປີດກວ້າງຂອບຂະໜາດ ແລະການຄຸ້ມຄອງແຫຼ່ງພະລັງງານແສງຕາເວັນຢູ່ຫວຽດນາມ ຢ່າງມີປະສິດທິຜົນ. |
 | WB ຫວຽດນາມມີໂອກາດທີ່ດີໃນການເພີ່ມປະສິດທິພາບຜົນຜະລິດ ຍສໝ - ເຖີງແມ່ນວ່າຫວຽດນາມຈະມີທ່າແຮງບົ່ມຊ້ອນທຸກດ້ານໃນການພັດທະນາໃຫ້ປະສົບຜົນສໍາເລັດ, ແຕ່ກໍ່ຍັງມີຄວາມຈຳເປັນທີ່ຈະຕ້ອງມີການປະຕິຮູບຢ່າງເຂັ້ມແຂງເພື່ອໃຫ້ປະເທດຊາດສາມາດຄ້ວາໂອກາດໃນອານາຄົດ ແລະ ຄຸ້ມຄອງປ້ອງກັນອັດຕາຄວາມສຽ່ງ, ອຳນວຍການຂອງທະນາຄານໂລກ (WB) ປະຈໍາຫວຽດນາມໄດ້ພິນິໄສໃນເວທີກອງປະຊຸມການພັດທະນາ ແລະ ປະຕິຮູບຫວຽດນາມ ປີ 2019 (VRDF) ໃນຕອນເຊົ້າຂອງວັນທີ່ 19/9 ທີ່ຜ່ານມານີ້. |
 | ທ່ານນາຍົກລັດຖະມົນຕີຫວຽດນາມ ຫງວຽນ ຊົນ ຟຸກ ຕ້ອນຮັບຜູ້ອໍານວຍການແຫ່ງຊາດທະນາຄານໂລກ (WB) ປະຈໍາ ຫວຽດນາມ ວັນທີ 05 ມິຖຸນາ, ຢູ່ສໍານັກງານນາຍົກ, ທ່ານນາຍົກລັດຖະມົົນຕີຫວຽດນາມ ຫງວຽນ ຊົນ ຟຸກ ໄດ້ໃຫ້ກຽດຕ້ອນຮັບທ່ານ Ousmane Dione ຜູ້ອໍານວຍການແຫ່ງຊາດທະນາຄານໂລກ (WB) ປະຈໍາຫວຽດນາມ. |
ບຸນຄົງ
