HUFO ໄດ້ມອບຜ້າບັງປາກ ແລະ ນ້ຳຢາລ້າງມື ເພື່ອຊ່ວຍເຫຼືອປະຊາຊົນມາເລເຊຍໃນການຕ້ານພະຍາດ COVID-19

	HUFO ໄດ້ມອບເງິນຈຳນວນ 100 ລ້ານດົ່ງ ເພື່ອຊ່ວຍເຫຼືອປະຊາຊົນຊາວບຸນກາຣີໃນການຕໍ່ສູ້ກັບ COVID-19
	ຫວຽດນາມ ຈະສືບຕໍ່ຮ່ວມມືກັບ ອີຕາລີ ໃນການປ້ອງກັນ ແລະ ຕ້ານກັບພະຍາດ COVID-19

ຕໍ່ໜ້າສະພາບການທີ່ສັບສົນຂອງການລະບາດ ພະຍາດ COVID-19, ດ້ວຍຈິດໃຈສາມັກຄີ, ຮັກແພງຊ່ວຍເຫຼືອກັນ, ສະຫະພັນບັນດາອົງການມິດຕະພາບ ນະຄອນໂຮ່ຈີມິນ HUFO ໄດ້ມາຢ້ຽມຢາມສະຖານກົງສຸນມາເລເຊຍ ປະຈຳນະຄອນໂຮ່ຈີມິນ ແລະ ມອບບັນດາເຄື່ອງອຸປະກອນການແພດທີ່ຈຳເປັນ ເພື່ອສະໜັບສະໜູນປະເທດມາເລເຊຍ ໃນການຕໍ່ສູ້ກັບພະຍາດ COVID-19.

HUFO ໄດ້ມອບຜ້າບັງປາກ ແລະ ນ້ຳຢາລ້າງມື ເພື່ອຊ່ວຍເຫຼືອປະຊາຊົນມາເລເຊຍໃນການຕ້ານພະຍາດ COVID-19. (ພາບ: HUFO)

ການມອບເຄື່ອງອຸປະກອນການແພດໃນຄັ້ງນີ້ ປະກອບມີຜ້າບັງປາກ ຈຳນວນ 7,500 ແຜ່ນ ແລະ ນ້ຳຢາລ້າງມື 100 ລິດ ເພື່ອຊ່ວຍເຫຼືອປະຊາຊົນມາເລເຊຍ ໃນການປ້ອງກັນ ແລະ ຕ້ານພະຍາດ COVID-19 ໃຫ້ມີປະສິດທິຜົນ.

ໃນຊຸມປີມໍ່ໆມານີ້, HUFO ໄດ້ປະຕິບັດຫຼາຍກິດຈະກຳ ເພື່ອໜູນຊ່ວຍເພື່ອນມິດສາກົນ, ຄື: ຈັດຕັ້ງການຂົນຂວາຍ, ບໍລິຈາກເງິນ ແລະ ມອບຂອງຂວັນ ເພື່ອສະໜັບສະໜູນປະຊາຊົນກູບາ; ມອບຜ້າບັງປາກ ແລະ ນ້ຳຢາລ້າງມືໃຫ້ແກ່ກົງສຸນໃຫຍ່ປະເທດໄທ ແລະ ສະຖານກົງສຸນຝຣັ່ງປະຈຳນະຄອນໂຮ່ຈີມິນ.

ບໍ່ພຽງແຕ່ສະໜັບສະໜູນຢ່າງຕັ້ງໜ້າ ກັບເພື່ອນມິດຂອງປະເທດອື່ນໆເທົ່ານັ້ນ, HUFO ຍັງໄດ້ຊ່ວຍເຫຼືອປະຊາຊົນພາຍໃນປະເທດຢ່າງປະສິດທິຜົນ ເພື່ອແກ້ໄຂ ແລະ ຜ່ານຜ່າຜົນກະທົບທີ່ເກີດຈາກພະຍາດ COVID-19.

ໃນອະນາຄົດ, ສະຫະພັນບັນດາອົງການມິດຕະພາບ ນະຄອນໂຮ່ຈີມິນ HUFO ຈະສືບຕໍ່ປະສານງານ ແລະ ສົມທົບກັບບັນດາອົງການ, ກົມກອງຕ່າງໆ ເພື່ອສະໜັບສະໜູນ ບັນດາສຳນັກງານການຕ່າງປະເທດ, ປະຊາຄົມສາກົນ ທີ່ດຳລົງຊີວິດ, ເຮັດວຽກ ແລະ ສຶກສາຢູ່ນະຄອນໂຮ່ຈີມິນ ເພື່ອຊ່ວຍພວກເຂົາຜ່ານຜ່າສິ່ງທ້າທາຍຕ່າງໆ ເກີດຈາກໂດ້ຍພະຍາດ COVID-19.

ທົ່ວ​ໂລກ​ມີ​ຜູ້​ຕິດ​ເຊື້ອພະ​ຍາດ Covid – 19 ເກືອບ 5,5 ລ້ານ​ຄົນ ຍສໝ - ທົ່ວໂລກໄດ້ຢັ້ງຢືນມີຜູ້ຕິດເຊື້ອພະຍາດCovid -19 ເກືອບ 5,5 ລ້ານຄົນ, ໃນນັ້ນມີເກືອບ 346.500 ຄົນເສຍຊີວິດ.

HUFO ໄດ້ມອບເງິນຈຳນວນ 100 ລ້ານດົ່ງ ເພື່ອຊ່ວຍເຫຼືອປະຊາຊົນຊາວບຸນກາຣີໃນການຕໍ່ສູ້ກັບ COVID-19 ຍສໝ - ໃນຕອນເຊົ້າວັນທີ 24 ພຶດສະພາ, ເນື່ອງໃນໂອກາດສະເຫລີມສະຫລອງວັນວັດທະນະທຳ ແລະ ໂຕອັກສອນ Xlavơ, ສະຫະພັນບັນດາອົງການມິດຕະພາບນະຄອນໂຮ່ຈິມິນ ໄດ້ມອບເງິນ 100 ລ້ານດົ່ງ ເພື່ອໜູນຊ່ວຍຊາວບຸນກາຣີໃນການປ້ອງກັນ ແລະ ຄວບຄຸມ COVID-19.

ອະດີດຮອງນາຍົກລັດຖະມົນຕີເຢຍລະມັນເຊື້ອສາຍຫວຽດນາມ: ໂລກມີຄວາມສົນໃຈຕໍ່ ຫວຽດນາມພາຍຫຼັງ ໂລກລະບາດ Covid – 19 ຍສໝ - ຫວ່າງມໍ່ໆມານີ້, ທ່ານ ປອ.ທາງການແພດ Philipp Rösler ອະດີດຮອງນາຍົກລັດ ຖະມົນຕີເຢຍລະມັນ ເຊື້ອສາຍ ຫວຽດນາມຖືວ່າ ຫວຽດນາມພວມໄດ້ຮັບຄວາມສົນໃຈຈາກ ໂລກ ກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19.