ກ່າວຄຳເຫັນທີ່ການໄຂຊຸດຝືກອົບຮົມ, ຕາງໜ້າກົມການຕ່າງປະເທດ - ກະຊວງປ້ອງກັນປະເທດ, ທ່ານພົນໂທ ເລດຶກເກືອງ, ຫົວໜ້າກົມແຜນການສັງລວມໃຫ້ຮູ້ວ່າ ປະຈຸບັນ, ສະພາບການໂລກ ແລະ ພາກພື້ນມີຄວາມສັບສົນ, ການເພີ່ມທະວີ ແລະ ຮັດແໜ້ນສາຍພົວພັນສາມັກຄີແບບພິເສດ, ການຮ່ວມມືຮອບດ້ານລະຫວ່າງຫວຽດນາມ - ລາວເວົ້າລວມ ແລະ ກອງທັບສອງປະເທດເວົ້າສະເພາະ ແມ່ນບັນຫາ ສຳຄັນຂອງສອງປະເທດ, ເຊິ່ງມີຄວາມໝາຍຍຸດທະສາດພື້ນຖານ ແລະ ຍາວນານ.
 |
ບັນດານັກສຳມະນາກອນ ເຂົ້າຮ່ວມເປີດຫ້ອງອົບຮົມ ໄດ້ຖ່າຍຮູບຮ່ວມກັນ. (ພາບ: qdnd.vn)
ນີ້ແມ່ນໜ້າທີ່ ແລະ ຄວາມຮັບຜິດຊອບອັນໃຫຍ່ຫຼວງ ຂອງບັນດາອົງການພົວພັນຕ່າງປະເທດປ້ອງກັນຊາດຂອງສອງປະເທດ. ເພື່ອປະຕິບັດວຽກງານດັ່ງກ່າວໃຫ້ປະສົບຜົນສຳເລັດ, ຕ້ອງຈຳເປັນມີການສ້າງຖັນແຖວໜຶ່ງທີ່ມີຄວາມຮູ້ ແລະ ທັກສະກ່ຽວກັບການເຊື່ອມໂຍງເຂົ້າກັບສາກົນ, ເກັ່ງພາສາຕ່າງປະເທດ, ຮັບປະກັນຕອບສະໜອງ ຄວາມຮຽກຮ້ອງຊັ້ນສູງ ໃນສະພາບການໂລກາພິວັດໃນປະຈຸບັນ. ສະນັ້ນ, ການຝຶກອົບຮົມ ແລະ ແລກປ່ຽນປະສົບການກ່ຽວກັບວຽກງານການປະຕິບັດໜ້າທີ່ການທູດ ລະຫວ່າງສອງປະເທດແມ່ນມີຄວາມຈຳເປັນທີ່ສຸດ.
ນີ້ແມ່ນຄັ້ງທຳອິດທີ່ ກະຊວງປ້ອງກັນປະເທດຂອງສອງປະເທດຈັດຕັ້ງຊຸດອົບຮົມກ່ຽວກັບວຽກງານປ້ອງກັນປະເທດ. ໃນເວລາປະມານ 20 ວັນ, ພະນັກງານກອງທັບປະຊາຊົນລາວຈະໄດ້ແນະນຳຫົວຂໍ້ຕ່າງໆກ່ຽວກັບສະພາບການໂລກ ແລະ ພາກພື້ນໃນປະຈຸບັນ; ນະໂຍບາຍການຕ່າງປະເທດ, ການປ້ອງກັນປະເທດຂອງຫວຽດນາມ; ຂະບວນການຮ່ວມມືດ້ານການທະຫານ - ປ້ອງກັນປະເທດຈຳນວນໜຶ່ງ ໃນອາຊຽນ; ຫຼາຍຫົວຂໍ້ກ່ຽວກັບກົດ ໝາຍ ສາກົນກ່ຽວກັບຊາຍແດນ, ເຂດແດນ, ທະເລແລະການບິນ; ທັກສະ ຈຳນວນໜຶ່ງ ໃນການຈັດກິດຈະກຳ ພາຍນອກເຊັ່ນ: ຂະບວນການຈັດກິດຈະກຳ ປ້ອງກັນປະເທດສອງຝ່າຍ, ພະນັກງານຕ້ອນຮັບ, ທັກສະການຄົ້ນຄວ້າ, ການສັງເຄາະ, ການວິເຄາະຂໍ້ມູນ, ການຄາດຄະເນສະຖານະການສາກົນ...
（ຄຳຮຸ່ງ）
