 |
ທ່ານ ນາງ ປານີ ຢາທໍ່ຕູ້, ປະທານສະພາແຫ່ງຊາດ ສປປ ລາວ ຢ້ຽມຢາມ ແລະ ເຮັດວຽກກັບກຸ່ມບໍລິສັດ Vingroup
 |
 |
 |
ໃນຕອນບ່າຍຂອງວັນທີ 6 ມີນາ, ທີ່ການເຮັດວຽກ, ທ່ານ ນາງ ປານີ ຢາທໍ່ຕູ້ ແລະ ຄະນະຜູ້ແທນຂັ້ນສູງແຫ່ງຊາດລາວໄດ້ຕີລາຄາສູງຕໍ່ຮູບແບບທຸລະກິດຂອງກຸ່ມບໍລິສັດ Vingroup ແລະ ບັນດາຜົນງານເຊິ່ງກຸ່ມບໍລິສັດ Vingroup ບັນລຸໄດ້, ໂດຍສະເພາະແມ່ນຮູບແບບບັນດາເຂດຕົວເມືອງຂອງກຸ່ມບໍລິສັດ Vingroup. ທ່ານ ນາງ ປານີ ຢາທໍ່ຕູ້ ກໍ່ສະແດງຄວາມປາດຖະໜາວ່າກຸ່ມບໍລິສັດ Vingroup ຈະມີການຄົ້ນຄ້ວາສຶກສາໃນການລົງທຶນເຂົ້າໃນຕະຫຼາດລາວ.
ທ່ານ ຫງວຽນ ວຽດ ກວາງ, ຮອງປະທານ ທັງເປັນ ຜູ້ອຳນວຍການໃຫຍ່ກຸ່ມບໍລິສັດ Vingroup ໄດ້ໃຫ້ຮູ້ວ່າກຸ່ມບໍລິສັດ Vingroup ພວມເປີດກ້ວາງກິດຈະກໍາດຳເນີນທຸລະກິດຕ່າງໆອອກສູ່ນອກປະເທດ ສສ ຫວຽດນາມ ແລະ ສປປ ລາວ ກໍ່ເປັນສາຖານທີ່ທີ່ເຕັມໄປດ້ວຍຄວາມສາມາດບົ່ມຊ້ອມ. ທ່ານ ຫງວຽນ ວຽດ ກວາງ ກໍ່ໄດ້ໃຫ້ຮູ້ອີກວ່າ ກຸ່ມບໍລິສັດ Vingroup ກໍາລັງມີການສືກສາຄົ້ນຄ້ວາໃນການພັດທະນາບີ່ຫໍ້ Vinpearl ຢູ່ ສປປ ລາວ.
（ໄຊພອນ）
