 | ຫວຽດນາມ - ມົງໂກລີ: 70 ປີແຫ່ງການພົວພັນມິດຕະພາບ ແລະການຮ່ວມມືຮອບດ້ານ |
| ຊຸກຍູ້ການຮ່ວມມື, ແລກປ່ຽນວັດທະນະທຳ, ຊາວໜຸ່ມລະຫວ່າງ ຫວຽດນາມ - UAE |
ກ່າວຄຳປາໄສທີ່ເວທີປາໄສການຮ່ວມມືດ້ານການລົງທຶນ ຫວຽດນາມ - ສ.ເກົາຫຼີ 2024 ໃນວັນທີ 21 ພະຈິກ, ທ່ານຮອງນາຍົກລັດຖະມົນຕີຜູ້ປະຈຳການ ຫງວຽນຮວ່າບິ່ງ ໄດ້ຕີລາຄາສູງບັນດາໝາກຜົນແຫ່ງການຮ່ວມມືລະຫວ່າງ 2 ປະເທດໃນ 3 ທົດສະວັດຜ່ານມາ. ເນັ້ນໜັກວ່າ, ການພົວພັນດ້ານເສດຖະກິດລະຫວ່າງ ຫວຽດນາມ ແລະ ສ.ເກົາຫຼີ ໄດ້ກາຍເປັນເສົາຄ້ຳສຳຄັນໃນການພົວພັນທາງການທູດ, ເປີດກາລະໂອກາດຮ່ວມມືຢ່າງເລິກເຊິ່ງກວ້າງຂວາງໃນບັນດາຂົງເຂດຄື: ເຕັກໂນໂລຢີສູງ, ການຄ້າ, ການລົງທຶນ.
ທ່ານຮອງນາຍົກລັດຖະມົນຕີຜູ້ປະຈຳການ ຫງວຽນຮວ່າບິ່ງ ຢືນຢັນວ່າ ລັດຖະບານ ຫວຽດນາມ ຍາມໃດກໍ່ສົ່ງເສີມບັນດາວິສາຫະກິດ ສ.ເກົາຫຼີ ເປີດກວ້າງການຮ່ວມມືລົງທຶນເຂົ້າໃນບັນດາຂົງເຂດທີ່ ສ.ເກົາຫຼີ ມີທ່າແຮງ ແລະ ຫວຽດນາມ ມີຄວາມຕ້ອງການດຶງດູດ ແລະ ໃຫ້ບຸລິມະສິດສູງຄື ເຕັກໂນໂລຢີສູງ, ເອເລັກໂຕນິກ, ເຄິ່ງຊັກນຳໄຟຟ້າ, ປັນຍາປະດິດ (AI), ການກໍ່ສ້າງພື້ນຖານໂຄງລ່າງ, ພະລັງງານທົດແທນ, ພະລັງງານໃຫມ່ (hydrogen), ເຕັກໂນໂລຢີຊີວະພາບ, ນະວັດຕະກໍາ, ບຳລຸງສ້າງຊັບພະຍາກອນມະນຸດທີ່ມີຄຸນນະພາບສູງ ...
 |
| ບັນດາຜູ້ແທນຖ່າຍຮູບທີ່ລະນຶກຢູ່ເວທີປາໄສການຮ່ວມມືດ້ານການລົງທຶນ ຫວຽດນາມ - ສ.ເກົາຫຼີ ປີ 2024. (ພາບ: ໜັງສືພິມເອເລັກໂຕນິກຂອງລັດຖະບານ). |
ທ່ານຮອງນາຍົກລັດຖະມົນຕີຜູ້ປະຈຳການ ຫງວຽນຮວ່າບິ່ງ ສະເໜີໃຫ້ວິສາຫະກິດຂະໜາດໜ້ອຍ ແລະ ກາງຂອງ ສ.ເກົາຫຼີ ເພີ່ມທະວີການຮ່ວມມືເຊື່ອມຕໍ່ການດຳເນີນທຸລະກິດກັບບັນດາວິສາຫະກິດຂະໜາດໜ້ອຍ ແລະ ກາງຂອງ ຫວຽດນາມ ດ້ວຍຈິດໃຈຕ່າງຝ່າຍຕ່າງມີຜົນປະໂຫຍດ.
ທ່ານຮອງນາຍົກລັດຖະມົນຕີຜູ້ປະຈຳການ ເນັ້ນໜັກວ່າ ບົນຈິດໃຈ “ຜົນປະໂຫຍດກົມກຽວ, ຄວາມສ່ຽງແບ່ງປັນ”, ຫວຽດນາມ ໃຫ້ຄຳໝັ້ນສັນຍາຫຼັກການ “3 ຮັບປະກັນ” ແລະ “3 ຮ່ວມກັນ”.
ລະອຽດ, “3 ຮັບປະກັນ” ລວມມີ: ຮັບປະກັນເຂດເສດຖະກິດທີ່ມີທຶນລົງທຶນຈາກຕ່າງປະເທດ ຍາມໃດກໍ່ເປັນພາກສ່ວນທີ່ສຳຄັນຂອງເສດຖະກິດ; ເຄົາລົບ, ສົ່ງເສີມ, ສ້າງເງື່ອນໄຂສະດວກທີ່ສຸດໃຫ້ພາກພື້ນນີ້ພັດທະນາໃນໄລຍະຍາວ, ຮ່ວມມື ແລະ ແຂ່ງຂັນຢ່າງປອດໃສ, ສະເໝີພາບ.
ຮັບປະກັນສິດ ແລະ ຜົນປະໂຫຍດທີ່ຖືກຕ້ອງຕາມກົດໝາຍຂອງນັກລົງທຶນ. ຮັບປະກັນຄວາມໝັ້ນຄົງທາງດ້ານການເມືອງ, ຄວາມເປັນລະບຽບຮຽບຮ້ອຍຄວາມປອດໄພທາງສັງຄົມ; ຄວາມໝັ້ນຄົງດ້ານນະໂຍບາຍ, ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດຢ່າງບໍ່ຢຸດຢັ້ງ ເພື່ອໃຫ້ບັນດານັກລົງທຶນມີຄວາມອຸ່ນອຽນໃຈໃນການດຳເນີນທຸລະກິດ, ການເຄື່ອນໄຫວໄລຍະຍາວຢູ່ ຫວຽດນາມ.
ພ້ອມກັນນັ້ນ, “3 ຮ່ວມກັນ”, ລວມມີ: ການຮັບຟັງ ແລະ ເຂົ້າໃຈຮ່ວມກັນລະຫວ່າງວິສາຫະກິດ, ລັດ ແລະ ປະຊາຊົນ; ແບ່ງປັນວິໄສທັດ ແລະ ການເຄື່ອນໄຫວຮ່ວມມື, ໜູນຊ່ວຍເຊິ່ງກັນ ແລະ ກັນ ເພື່ອພັດທະນາຢ່າງວ່ອງໄວ ແລະ ຍືນຍົງ; ເຮັດວຽກຮ່ວມກັນ, ມີຜົນປະໂຫຍດຮ່ວມກັນ, ໄຊຊະນະຮ່ວມກັນ ແລະ ພັດທະນາຮ່ວມກັນ.
ທ່ານ ຫງວຽນຮວ່າບິ່ງ ສະເໜີໃຫ້ວິສາຫະກິດ ສ.ເກົາຫຼີ ສືບຕໍ່ລົງທຶນ, ເປີດກວ້າງການລົງທຶນເຂົ້າ ຫວຽດນາມ, ຮ່ວມມືການບຳລຸງສ້າງແຫຼ່ງຊັບພະຍາກອນມະນຸດຄຸນນະພາບສູງ, ພິເສດແມ່ນໃນບັນດາຂົງເຂດເຄິ່ງຊັກນຳໄຟຟ້າ, AI, ຫັນເປັນດິຈິຕອນ, ການຫັນເປັນຂຽວ (hydrogen), ພະລັງງານທົດແທນ, ເຕັກໂນໂລຢີຊີວະພາບ, ຕົວເມືອງອັດສະລິຍະ...
ພ້ອມກັນນັ້ນ, ກໍ່ເອົາໃຈໃສ່ໜູນຊ່ວຍ, ສ້າງເງື່ອນໄຂໃຫ້ບັນດາວິສາຫະກິດ ຫວຽດນາມ ເຂົ້າຮ່ວມໃນຕ່ອງໂສ້ມູນຄ່າຂອງບັນດາກຸ່ມບໍລິສັດ, ພິເສດແມ່ນບັນດາຂົງເຂດທີ່ ຫວຽດນາມ ມີຄວາມສາມາດບົ່ມຊ້ອນ ແລະ ຕ້ອງການ. ຖື ຫວຽດນາມ ແມ່ນຈຸດໝາຍຍຸດທະສາດກໍ່ສ້າງສູນຄົ້ນຄວ້າ ແລະ ພັດທະນາ, ນຳໃຊ້ເຕັກໂນໂລຢີສູງ.
ໂດຍມີບັນດາຄຳສະເໜີ, ປຶກສາໃຫ້ລັດຖະບານ, ບັນດາກະຊວງ, ຂະແໜງການສູນກາງຢ່າງເປັນປະຈຳ ເພື່ອລົບລ້າງສິ່ງກີດຂວາງໃນຂະບວນການຜະລິດ, ດຳເນີນທຸລະກິດ ແລະ ສຳເລັດລະບອບລະບຽບການນະໂຍບາຍເພື່ອປັບປຸງສະພາບແວດລ້ອມແຫ່ງການລົງທຶນ ແລະ ດຳເນີນທຸລະກິດ.
“ລັດຖະບານ ຫວຽດນາມ ຍາມໃດກໍ່ຮັບຟັງ, ຮ່ວມເດີນທາງ, ໜູນຊ່ວຍ ແລະ ສ້າງເງື່ອນໄຂສະດວກທຸກຢ່າງໃຫ້ບັນດານັກລົງທຶນຕ່າງປະເທດ ເວົ້າລວມ ແລະ ບັນດານັກລົງທຶນ ສ.ເກົາຫຼີ ເວົ້າສະເພາະ ລົງທຶນການດຳເນີນທຸລະກິດຢ່າງສະດວກ, ມີປະສິດທິຜົນ ແລະ ຍືນຍົງຢູ່ ຫວຽດນາມ. ຜົາສຳເລັດຂອງເຂົາເຈົ້າຍັງເປັນຜົນສໍາເລັດຂອງພວກຂ້າພະເຈົ້າ", ທ່ານຮອງນາຍົກລັດຖະມົນຕີ ກ່າວຄຳປາໄສ.
ໂດຍເເບ່ງປັນທີ່ເວທີປາໄສ, ທ່ານ Kim Ki Mun - ປະທານສະມາຄົມວິສາຫະກິດຂະໜາດນ້ອຍ ແລະ ກາງ ສ.ເກົາຫຼີ ໃຫ້ຮູ້ວ່າ ປະຈຸບັນ, ບັນດາວິສາຫະກິດ ສ.ເກົາຫຼີ ກໍ່ປາດຖະໜາຢາກລົງທຶນເຂົ້າ ຫວຽດນາມ. ຄວາມຄ້າຍຄືກັນດ້ານວັດທະນະທຳຂອງສອງປະເທດແມ່ນປັດໄຈທີ່ເຮັດໃຫ້ຊາວ ສ.ເກົາຫຼີ ມີຄວາມອຸ່ນອຽນໃຈເມື່ອເຂົ້າມາລົງທຶນຢູ່ຫວຽດນາມ.
 | VUFO, UNDP ຢູ່ ຫວຽດນາມ ສືບຕໍ່ຊຸກຍູ້ການຮ່ວມມືເພື່ອພັດທະນາ ຍສໝ - ນີ້ແມ່ນເນື້ອໃນຂອງການພົບປະແລກປ່ຽນລະຫວ່າງທ່ານ ຟ່ານແອງເຊີນ, ປະທານສະຫະພັນບັນດາອົງການມິດຕະພາບຫວຽດນາມ (VUFO) ແລະ ທ່ານນາງ Ramla Khalidi, ຫົວໜ້າຜູ້ຕາງໜ້າໂຄງການພັດທະນາສະຫະປະຊາຊາດ (UNDP) ປະຈຳ ຫວຽດນາມ, ໃນວັນທີ 28 ສິງຫາ ຢູ່ຮ່າໂນ້ຍ. |
 | ຫວຽດນາມ - ການາດາ ເພີ່ມທະວີການຮ່ວມມືດ້ານວັດທະນະທຳ, ສິລະປະ, ການພົບປະແລກປ່ຽນປະຊາຊົນ ຍສໝ - ນີ້ແມ່ນເນື້ອໃນຂອງການພົບປະແລກປ່ຽນລະຫວ່າງທ່ານ ຟ່ານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO) ແລະ ທ່ານ Shawn Steil, ເອກອັກຄະລັດຖະທູດ ການາດາ ປະຈຳ ຫວຽດນາມ, ໃນຕອນເຊົ້າວັນທີ 27 ສິງຫາ ຢູ່ ຮ່າໂນ້ຍ. |
ມີງດຶກ
