 |
ຄະນະຜູ້ແທນກອງພົນ 324 ທະຫານເຂດ 4 ກອງທັບປະຊາຊົນຫວຽດນາມ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ກອງພົນທີ 1 ກອງທັບປະຊາຊົນລາວ.
ກອງພົນ 324 ທະຫານເຂດ 4 ກອງທັບປະຊາຊົນຫວຽດນາມ ໃນຄັ້ງນີ້ ກໍເພື່ອປະຕິບັດຕາມ ແຜນການຮ່ວມມືແຮກສ່ຽວ ລະຫວ່າງກອງພົນທີ 1 ກັບກອງ ພົນ 324 ໃນຄັ້ງວັນທີ1 ເມສາ 2012 ທີ່ຕາແສງລາມເຊິນເມືອງ ໂດເລືອງ ແຂວງເຫງະອານ ເຊິ່ງ ອະນຸມັດໂດຍສອງກະຊວງປ້ອງ ກັນປະເທດລາວ-ຫວຽດນາມ ແລະ ອີງຕາມບົດບັນທຶກຊ່ວຍ ຈໍາ ໃນວັນທີ 17ກໍລະກົດ 2018 ທີ່ສອງຝ່າຍໄດ້ເຊັນສັນຍາກັນທີ່ ສໍານັກງານກອງພົນ 324 ແລະ ເປັນການເສີມຂະຫຍາຍສາຍພົວ ພັນຄວາມສາມັກຄີໄມຕີຈິດມິດ ຕະພາບ ທີ່ເປັນມູນເຊື້ອລະຫວ່າງ ສອງພັກ, ສອງລັດ ແລະ ສອງ ກອງທັບ, ໂດຍສະເພາະກໍແມ່ນ ລະຫວ່າງກອງພົນ 324 ແລະ ກອງພົນທີ 1 ໃຫ້ໝັ້ນຄົງຄະນົງ ແກ່ນ ແລະ ກໍເພື່ອເປັນການລົງ ເລີກສາຍພົວພັນຮ່ວມມືການພົວ ພັນແຮກສ່ຽວແບບພິເສດຂອງ ສອງກົມກອງທີ່ມີມາແຕ່ດົນນານ, ມາຮອດປັດຈຸບັນແມ່ນ ຄົບຮອບ 7 ປີພໍດີ( ປີ 2012-2019 ).
ການພົວພັນຮ່ວມມືແຮກສ່ຽວໃນ ຄັ້ງນີ້ແມ່ນປະຕິບັດຕາມທິດທາງ ປັບປຸງກໍ່ສ້າງກອງທັບປະຊາຊົນ ລາວໃຫ້ໜັກແໜ້ນເຂັ້ມແຂງ, ເປັນ ກອງທັບທີ່ມີແບບແຜນແລະທັນ ສະ ໄໝຂຶ້ນເທື່ອລະກ້າວ. ອີງຕາມ ຄວາມເປັນເອກະພາບຂອງ ສອງ ກົມກອງລະຫວ່າງກອງພົນທີ 1 ກັບ ກອງພົນ 324 ທະຫານ ເຂດ 4 ກອງທັບປະຊາຊົນຫວຽດນາມ ເພື່ອແລກປ່ຽນບົດຮຽນດ້ານ ແບບແຜນວິທີເຮັດວຽກເຊິ່ງກັນ ແລະ ກັນ ແນໃສ່ປັບປຸງກໍ່ສ້າງ ກົມກອງພ້ອມກັນເຮັດສໍາເລັດ ໜ້າທີ່ອັນມີກຽດສະຫງ່າຂອງ ຕົນ ແລະ ເພື່ອເຮັດໃຫ້ການຮ່ວມ ມືກ້າວເຂົ້າສູ່ລວງເລິກ ແລະ ບັນ ລຸໄດ້ໝາກຜົນຕົວຈິງ. ບົນພື້ນ ຖານແນວທາງແຜນນະໂຍບາຍ ຂອງພັກ, ໜ້າທີ່ການເມືອງຂອງ ກົມກອງ, ກອງພົນທີ 1 ແລະ ກອງ ພົນ 324 ທະຫານ ເຂດ 4 ກອງທັບ ປະຊາຊົນຫວຽດນາມໄດ້ເອກະ ພາບ ແລະ ຮັບຮອງເອົາເນື້ອ ໃນທິດທາງການ ຮ່ວມມືປະຈໍາປີ 2019 ເຊິ່ງມີ ເນື້ອໃນດັ່ງນີ້:
ໜຶ່ງ, ຈະສືບຕໍ່ເພີ່ມທະວີເປັນເຈົ້າການ ຮັດສາແໜ້ນສາຍພົວພັນ, ຄວາມ ສາມັກຄີມິດຕະພາບແບບພິເສດ ທີ່ເປັນມູນເຊື້ອ ແລະ ການຮ່ວມ ມືຮອບດ້ານທີ່ມີມາແຕ່ດົນນານ ລະຫວ່າງສອງກອງທັບ ກໍຄືສອງ ກອງພົນ ແລະ ເປັນເຈົ້າການ ປະສານສົບທົບແລກປ່ຽນບົດ ຮຽນ ແລະ ແຈ້ງໃຫ້ກັນຮັບຊາບ ຢ່າງລະອຽດໃນທຸກຂົງເຂດ ວຽກງານ ທີ່ສໍາຄັນ; ສອງ, ຈະຈັດ ຕັ້ງພົບປະແລກປ່ຽນ ແລະ ຖອດ ຖອນບົດ ຮຽນເຊິ່ງກັນ ແລະ ກັນ, ຜັດປ່ຽນກັນເປັນເຈົ້າພາບ ເຊັນບົດບັນທຶກຊ່ວຍຈໍາໃນແຕ່ ລະປີ; ສາມ, ກອງພົນ 324 ເຊີນຄະ ນະກອງພົນທີ 1 ກອງທັບປະ ຊາຊົນລາວ; ຕົວແທນອົງການ; ພະແນກການ; ກອງພັນໃຫຍ່ ໄປ ຢ້ຽມຢາມ ແລະ ເຮັດວຽກ ພ້ອມ ເຊັນບົດບັນທຶກ ຊ່ວຍຈໍາ ຈໍານວນ 20 ສະຫາຍ ໃນລະຫວ່າງເດືອນ 6-7 ປີ 2020 ກໍານົດບໍ່ໃຫ້ກາຍ 5-7 ວັນ.ສີ່, ຜ່ານການປຶກສາ ຫາລື ກອງພົນ 324 ເຫັນດີເອກະ ພາບຈະໃຫ້ການຊ່ວຍເຫຼືອບໍາ ລຸງພະນັກງານວິຊາສະເພາະ ດ້ານເຕັກນິກກົນຈັກກໍານົດເວ ລາ 20-30 ວັນ ໃນຈໍານວນ 15-20 ສະຫາຍ; ສຳລັບຄໍາສະ ເໜີຂອງກອງພົນທີ 1 ກ່ຽວກັບ ການນໍາເອົາພະນັກງານ-ນັກ ຮົບທີ່ມີພື້ນຖານຄວາມຮູ້ໃນ ການ ເວົ້າພາສາ ຫວຽດນາມ ໄປບໍາລຸງ ພາສາ ຫວຽດນາມຢູ່ກອງພົນ 324 ນັ້ນ ກອງພົນ 324 ຈະນໍາ ສະເໜີ ເພື່ອຂໍຄໍາເຫັນຈາກທະ ຫານເຂດ 4 ແລະ ກະຊວງປ້ອງ ກັນປະເທດ ສສ ຫວຽດນາມ ແລ້ວຈະລາຍງານໃຫ້ຮູ້ພາຍຫຼັງ.
ເພື່ອໃຫ້ເນື້ອໃນບົດບັນທຶກ ຊ່ວຍຈໍາມີຄວາມໝາຍສໍາຄັນ ແລະ ປາກົດຜົນເປັນຈິງ ທັງສອງ ຝ່າຍກໍໄດ້ລົງນາມໃນບົດບັນ ທຶກແຜນການຮ່ວມມືແຮກສ່ຽວ ໃນປີ 2019 ໃນວັນທີ 4 ເມສາ 2019, ເຊິ່ງຕາງໜ້າຝ່າຍກອງ ພົນທີ 1 ໂດຍແມ່ນ ສະຫາຍ ພົນ ຈັດຕະວາ ສາຍໃຈ ກົມມະສິດ ຮອງເລຂາ ຄະນະພັກ ຫົວໜ້າ ການທະຫານ ກອງພົນທີ 1 ແລະ ຕາງໜ້າຝ່າຍກອງພົນ 324 ທະ ຫານເຂດ 4 ກອງທັບ ປະຊາຊົນ ຫວຽດນາມ ໂດຍ ສະຫາຍ ພັນ ເອກ ເລຮົງ ເຢິນ ຫົວໜ້າກອງ ພົນ 324 ເຊິ່ງເຂົ້າຮ່ວມເປັນສັກ ຂີພະຍານຂອງສະຫາຍ ພົນຕີ ສີ ດາລໍ່ ຈົງເຕັງເຈ້ຍຊ້າ ຮອງຫົວ ໜ້າກົມໃຫຍ່ເສນາທິການກອງ ທັບ.
（ແຫຼ່ງຂໍ້ມູນ： ໂກຮັງ ພັນທະວົງ /ນສພ ກອງທັບ）
