 | ສະເຫຼີມສະຫຼອງ 80 ປີແຫ່ງວັນກອງທັບປະຊາຊົນ ຫວຽດນາມ ຢູ່ ລັດເຊຍ, ອິນເດຍ ແລະ ອົດສະຕາລີ |
| ຊຸກຍູ້ຄວາມສາມາດບົ່ມຊ້ອມໃນການຮ່ວມມືດ້ານການທ່ອງທ່ຽວລະຫວ່າງ ຫວຽດນາມ ແລະ ກວາງຊີ, ຈີນ |
ການຮ່ວມມືດ້ານປ້ອງກັນປະເທດຊາດ ຫວຽດນາມ - ຈີນ ນັບມື້ນັບແທ້ຈິງ
ວັນທີ 16 ທັນວາ, ຢູ່ນະຄອນຫຼວງ ປັກກິ່ງ, ສະຖານທູດ ຫວຽດນາມ ປະຈຳ ຈີນ ໄດ້ຈັດພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ (22 ທັນວາ 1944 - 22 ທັນວາ 2024) ແລະ 35 ປີແຫ່ງວັນວັນບຸນປ້ອງກັນຊາດທົ່ວປວງຊົນ (22 ທັນວາ 1989 - 22 ທັນວາ 2014).
ເຂົ້າຮ່ວມພິທີມີທ່ານເອກອັກຄະລັດຖະທູດ ຫວຽດນາມ ປະຈຳ ຈີນ ຟ້າມຊາວມາຍ, ທີ່ປຶກສາຝ່າຍປ້ອງກັນຊາດທ່ານພັນເອກ ຫງວຽນວັນຮວ່ານ; ທ່ານພົນໂທ ເວືອງເກື່ອງ, ຜູ້ບັນຊາການທະຫານເຂດສູນກາງ, ທະຫານປົດປ່ອຍປະຊາຊົນ ຈີນ, ບັນດານາຍທະຫານຂັ້ນສູງຂອງກອງທັບ ຈີນ, ຜູ້ຕາງໜ້າບັນດາກະຊວງ, ຂະແໜງການຂອງຈີນ; ບັນດາທີ່ປຶກສາຝ່າຍປ້ອງກັນຊາດຂອງບັນດາປະເທດຢູ່ຈີນ ແລະ ຜູ້ຕາງໜ້າປະຊາຄົມຊາວ ຫວຽດນາມ ຢູ່ປະເທດປະຈຳຖິ່ນ.
 |
| ພິທີມີການເຂົ້າຮ່ວມຂອງບັນດາຜູ້ແທນ ຈີນ ແລະ ສາກົນ. (ພາບ: ສຳນັກຂ່າວສານ ຫວຽດນາມ) |
ກ່າວຄຳປາໄສທີ່ພິທີສະເຫຼີມສະຫຼອງ, ທ່ານເອກອັກຄະລັດຖະທູດ ຟ້າມຊາວມາຍ ໄດ້ຫວນຄືນປະຫວັດສາດ 80 ປີແຫ່ງການກໍ່ສ້າງ, ຕໍ່ສູ້ ແລະ ເຕີບໂຕຂອງກອງທັບປະຊາຊົນ ຫວຽດນາມ. ນີ້ແມ່ນກອງທັບປະຕິວັດທີ່ມາຈາກປະຊາຊົນ, ຕໍ່ສູ້ເພື່ອປະຊາຊົນ, ສົມຄວນແມ່ນກຳລັງການເມືອງພິເສດ, ກຳລັງຕໍ່ສູ້ທີ່ມີຄວາມຈົງຮັກພັກດີ, ໄວ້ເນື້ອເຊື່ອໃຈຂອງພັກ, ລັດ ແລະ ປະຊາຊົນ ຫວຽດນາມ.
ຕາມທ່ານເອກອັກຄະລັດຖະທູດ ຟ້າມຊາວມາຍ ແລ້ວ, ການປ້ອງກັນປະຊາດຂອງຫວຽດນາມ ແມ່ນພື້ນຖານປ້ອງກັນຊາດທົ່ວປວງຊົນ, ມີລັກສະນະສັນຕິພາບ ແລະ ປ້ອງກັນຕົວເອງ; ຕັ້ງໜ້າ, ເປັນເຈົ້າການ, ພາກພຽນຕ້ານ, ຍູ້ຖອຍຄວາມສ່ຽງຈາກສົງຄາມ.
ໃນຊຸມປີມໍ່ໆມານີ້, ກອງທັບປະຊາຊົນ ຫວຽດນາມ ຍາມໃດກໍ່ຕັ້ງໜ້າຍູ້ແຮງການເຊື່ອມໂຍງສາກົນ ແລະ ການທູດປ້ອງກັນຊາດ ທັງແງ່ມຸມສອງຝ່າຍ ແລະ ຫຼາຍຝ່າຍ ບັນລຸໄດ້ໝາກຜົນຕົວຈິງ; ຕັ້ງໜ້າເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງສະຫະປະຊາຊາດ, ການຮ່ວມມືສາກົນ ປະກອບສ່ວນເຂົ້າໃນການສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ໃນໂລກຢ່າງຕັ້ງໜ້າ. ການທູດປ້ອງກັນຊາດ ໄດ້ກາຍເປັນໜຶ່ງໃນບັນດາເສົາຄ້ຳຂອງການພົວພັນຕ່າງປະເທດຂອງພັກ ແລະ ການທູດແຫ່ງລັດ, ແມ່ນຊ່ອງທາງສຳຄັນເພື່ອສ້າງ ແລະ ປັບປຸງຄວາມໄວ້ເນື້ອເຊື່ອໃຈຍຸດທະສາດ, ກໍ່ສ້າງ ແລະ ພັດທະນາການພົວພັນມິດຕະພາບຂອງຫວຽດນາມ ກັບບັນດາປະເທດ, ບັນດາອົງການສາກົນ, ປະກອບສ່ວນຍົກສູງຖານະ ແລະ ອິດທິພົນຂອງປະເທດ , ປະຊາຊົນ ແລະ ກອງທັບປະຊາຊົນ ຫວຽດນາມ.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ຈີນ ຟ້າມຊາວມາຍ. (ພາບ: ສຳນັກຂ່າວສານ ຫວຽດນາມ) |
ໂດຍຕີລາຄາສູງການພົວພັນສອງຝ່າຍລະຫວ່າງສອງປະເທດໃນໄລຍະຜ່ານມາ, ທ່ານເອກອັກຄະລັດຖະທູດ ຟ້າມຊາວມາຍ ຢືນຢັນວ່າ ຫວຽດນາມ ຍາມໃດກໍ່ຖືການພັດທະນາການພົວພັນມິດຕະພາບ ແລະ ການຮ່ວມມືກັບ ຈີນ ແມ່ນຄວາມຕ້ອງການພາວະວິໄສ, ການເລືອກຍຸດທະສາດ ແລະ ບູຣິມະສິດແຖວໜ້າໃນນະໂຍບາຍການຕ່າງປະເທດຂອງຕົນ . ບົນພື້ນຖານການພົວພັນອັນດີງາມລະຫວ່າງສອງພັກ ແລະ ສອງປະເທດ, ການພົວພັນດ້ານການປ້ອງກັນຊາດ ຫວຽດນາມ - ຈີນ ຍາມໃດກໍ່ຖືເປັນໜຶ່ງໃນບັນດາເສົາຄ້ຳທີ່ສຳຄັນ, ເປີດກວ້າງຢ່າງບໍ່ຢຸດຢັ້ງ ປະກອບສ່ວນເພື່ອຫັນການນຳພາຍຸດທະສາດຂອງການນຳຂັ້ນສູງຂອງສອງປະເທດໃຫ້ປະກົດຜົນເປັນຈິງ. ຄຽງຂ້າງນັ້ນ, ການແລກປ່ຽນ, ການຮ່ວມມືດ້ານການປ້ອງກັນຊາດລະຫວ່າງກອງທັບສອງປະເທດ ຫວຽດນາມ ແລະ ຈີນ ນັບມື້ນັບແທ້ຈິງກວ່າ. ການຮ່ວມມືດ້ານປ້ອງກັນປະເທດສອງຝ່າຍໄດ້ຮັບການຜັນຂະຫຍາຍຢ່າງຕັ້ງໜ້າ ດ້ວຍຫລາຍການເຄື່ອນໄຫວສຳຄັນໃນທຸກຂົງເຂດ...
ແລກປ່ຽນການປ້ອງກັນຊາດ ແທງຮວ່າ - ຫົວພັນ (ລາວ)
ກ່ອນໜ້ານັ້ນ, ວັນທີ 15-16 ທັນວາ, ຢູ່ເຂດດ່ານຊາຍແດນສາກົນນາແມວ, ເມືອງ ກວານເຊີນ, ແຂວງ ແທງຮວ່າ (ຫວຽດນາມ) ແລະ ດ່ານຊາຍແດນນ້ຳໂສຍ, ແຂວງ ຫົວພັນ (ລາວ) ໄດ້ດຳເນີນການພົບປະແລກປ່ຽນດ້ານປ້ອງກັນຊາດກຳລັງປະກອບອາວຸດສອງແຂວງ, ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 35 ປີແຫ່ງວັນບຸນປ້ອງກັນຊາດທົ່ວປວງຊົນ.
 |
| ຖັນແຖວແພດໝໍ, ພະຍາບານຂອງແຂວງ ແທງຮວ່າ ແລະ ແພດທະຫານກອງທັບ ລາວ ໄດ້ກວດພະຍາດ ແລະ ແຈກຢາຍຢາໃຫ້ປະຊາຊົນ. (ພາບ: ສຳນັກຂ່າວສານ ຫວຽດນາມ) |
ໃນຂອບເຂດຂອງລາຍການ, ຖັນແຖວແພດໝໍ, ພະຍາບານຂອງແຂວງ ແທງຮວ່າ ແລະ ແພດທະຫານກອງທັບລາວ ໄດ້ກວດພະຍາດ ແລະ ແຈກຢາຍຢາໃຫ້ປະຊາຊົນເກືອບ 450 ຄົນຢູ່ 2 ແຂວງເຂດຊາຍແດນ; ມອບຂອງຂວັນ 70 ພູດໃຫ້ບັນດາຄອບຄົວນະໂຍບາຍ, ນັກຮຽນທຸກຍາກແຕ່ຮຽນເກັ່ງ... ພ້ອມກັນນັ້ນ, 2 ແຂວງກໍ່ໄດ້ລົງນາມໃນຂໍ້ຕົກລົງແລກປ່ຽນດ້ານປ້ອງກັນຊາດ, ໃນນັ້ນ ເນັ້ນເຖິງການສືບຕໍ່ປັບປຸງ ແລະ ເພີ່ມທະວີການພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານລະຫວ່າງ ແທງຮວ່າ - ຫົວພັນ; ເພີ່ມທະວີການຮ່ວມມືທາງດ້ານການເມືອງ ແລະ ການທູດ; ຍູ້ແຮງການໂຄສະນາເຜີຍແຜ່, ສຶກສາອົບຮົມໃຫ້ພະນັກງານ, ສະມາຊິກພັກ, ປະຊາຊົນ, ພິເສດແມ່ນລຸ້ນໜຸ່ມຂອງສອງຝ່າຍໃຫ້ຮັບຮູ້ຢ່າງເລິກເຊິ່ງກ່ຽວກັບປະຫວັດສາດ, ຄວາມສາມັກຄີທີ່ເປັນມູນເຊື້ອ ແລະ ເພີ່ມພູນຄູນສ້າງຢ່າງຕັ້ງໜ້າໃຫ້ແກ່ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ແລະ ສອງແຂວງແທງຮວ່າ - ຫົວພັນ.
ຕາມນັ້ນແລ້ວ, ສອງແຂວງໄດ້ຕັ້ງໜ້າແລກປ່ຽນຂໍ້ມູນຂ່າວສານ ແລະ ແບ່ງປັນປະສົມການກ່ຽວກັບວຽກງານກໍ່ສ້າງພັກ, ລະບົບການເມືອງ, ພັດທະນາເສດຖະກິດ - ສັງຄົມ, ປະຕິບັດໜ້າທີ່ການທະຫານປ້ອງກັນປະເທດ, ການປ້ອງກັນຊາດ - ປ້ອງກັນຄວາມສະຫງົບ. ກອງບັນຊາການທະຫານແຂວງ ແທງຮວ່າ ສືບຕໍ່ສົມທົບກັນເປີດຊຸດບຳລຸງສ້າງ, ຝຶກອົບຮົມບັນດາເນື້ອໃນກ່ຽວກັບການເມືອງ ແລະ ການທະຫານໃຫ້ແກ່ພະນັກງານກຳລັງປະກອບອາວຸດ; ເພີ່ມທະວີການປະຕິບັດເນື້ອໃນການຮ່ວມມືລະຫວ່າງບັນດາພະແນກ, ຄະນະ, ຂະແໜງການ ແລະ ຮັກສາການພົວພັນຮ່ວມມືມິດຕະພາບລະຫວ່າງບັນດາຕາແສງລຽບຕາມຊາຍແດນຂອງ 2 ແຂວງຢ່າງມີປະສິດທິຜົນ; ຊຸກຍູ້ການພົວພັນການທູດປະຊາຊົນ, ພິເສດແມ່ນລະຫວ່າງປະຊາຊົນສອງຟາກຊາຍແດນ.
 |
| ສອງແຂວງໄດ້ປູກຕົ້ນໄມ້ທີ່ລະນຶກ ແລະ ໄດ້ທາສີຫຼັກໝາຍອະທິປະໄຕຊາຍແດນ. (ພາບ: ສຳນັກຂ່າວສານ ຫວຽດນາມ) |
2 ຝ່າຍກໍ່ເພີ່ມທະວີຮູບແບບການແລກປ່ຽນຢູ່ເຂດຊາຍແດນ; ໜູນຊ່ວຍ ແລະ ຊ່ວຍເຫຼືອປະຊາຊົນຢູ່ເຂດຊາຍແດນພັດທະນາເສດຖະກິດ ແລະ ຫຼຸດຜ່ອນຄວາມທຸກຍາກແບບຍືນຍົງ. ພ້ອມກັນນັ້ນ, ກໍ່ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ; ສ້າງຄວາມຮັກແພງມິດຕະພາບ ແລະ ຄວາມສາມັກຄີ; ການຮ່ວມມືສະໜິດຕິດພັນທີ່ແທດຈິງ ແລະ ມີປະສິດທິຜົນລະຫວ່າງກຳລັງປະກອບອາວຸດ, ອຳນາດການປົກຄອງທ້ອງຖິ່ນ ແລະ ປະຊາຊົນ 2 ແຂວງ ແລະ 2 ຟາກຊາຍແດນ.
ລາຍການແລກປ່ຽນດ້ານການປ້ອງກັນຊາດຂອງກຳລັງປະກອບອາວຸດ 2 ແຂວງ ແທງຮວ່າ - ຫົວພັນ ດ້ວຍຫຼາຍການເຄື່ອນໄຫວທີ່ມີຄວາມໝາຍ ສືບຕໍ່ຢືນຢັນການຊຸກຍູ້ການຮ່ວມມືທີ່ແທດຈິງລະຫວ່າງກຳລັງປ້ອງກັນຊາຍແດນ 2 ແຂວງ, ພັດທະນາເສດຖະກິດ, ການພົບປະແລກປ່ຽນປະຊາຊົນ, ຍົກສູງສະຕິການປົກປັກຮັກສາຊາຍແດນຂອງອຳນາດການປົກຄອງທ້ອງຖິ່ນ ແລະ ປະຊາຊົນຢູ່ເຂດຊາຍແດນ, ຮ່ວມມືກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ສະຖຽນລະພາບ, ການຮ່ວມມື ແລະ ພັດທະນາ, ປະກອບສ່ວນນຳການຮ່ວມມືດ້ານປ້ອງກັນຊາດສອງຝ່າຍ ຫວຽດນາມ - ລາວ ນັບມື້ນັບເຂົ້າເລີກເຊິ່ງ ແລະ ມີປະສິດທິຜົນ. ລາຍການໄດ້ສົ່ງສານກ່ຽວກັບຄວາມສາມັກຄີ, ສະໜັບສະໜູນເຊິ່ງກັນ ແລະ ກັນ, ສືບຕໍ່ປັບປຸງຄວາມໄວ້ເນື້ອເຊື່ອໃຈດ້ານການເມືອງ, ສ້າງພື້ນຖານອັນໜັກແໜ້ນໃຫ້ແກ່ການພົວພັນ ຫວຽດນາມ - ລາວ ພັດທະນາຮອບດ້ານ ແລະ ຍືນຍົງ...
 | ຍສໝ - ຕ້ອງຢັ້ງຢືນວ່າ ປະຫວັດສາດຕິດພັນກັນສະໜິດແໜ້ນອັນຍາວນານ ແລະມູນເຊື້ອສາມັກຄີຊ່ວຍເຫຼືອ, ອຸ້ມຊູ້ຊ່ວຍເຫຼືອເຊິ່ງກັນ ແລະກັນລະຫວ່າງສອງຊາດພວກເຮົາບໍ່ແມ່ນຍ້ອນຄວາມປາດຖະໜາຢຢາກພາວະວິໄສຂອງຝ່າຍໃດຝ່າຍໜຶ່ງ ເຊິ່ງເລີ່ມຈາກຕົວຈິງວ່າ ຫວຽດນາມ ແລະລາວ ແມ່ນສອງປະເທດບ້ານໃກ້ເຮືອນຄຽງຕິດພັນກັນສະໜິດແໜ້ນ, ພູຜາປ່າດົງແມ່ນ້ຳລຳເຊຫຼາຍສາຍຕິດຈອດກັນ, ອີງຫຼັງໃສ່ສາຍພູຫຼວງໃຫຍ່ໂຕມະໂຫຖານ, ຮ່ວມກິນນ້ຳແມ່ນ້ຳຂອງ, ມີຫຼາຍຈຸດຄ້າຍຄືກັນດ້ານປະຫວັດສາດ, ເສດຖະກິດ, ວັດທະນະທຳ, ປະຊາຊົນສອງປະເທດອົງອາດກ້າແກ່ນຕ້ານສັດຕູຜູ້ຮຸກຮານ, ເຕັມໄປດ້ວຍຄວາມເມດຕາ, ຕ່າງຝ່າຍຕ່າງມີຜົນປະໂຫຍດກ່ຽວກັບເອກະລາດ, ເປັນເຈົ້າຕົນເອງ ແລະຄວາມມຸ່ງມາດປາດຖະໜາອັນຊອບທຳກ່ຽວກັບສັນຕິພາບ, ພັດທະນາ. |
 | ຍສໝ - ປະຫວັດສາດຂອງການພົວພັນສາກົນມີການພົວພັນຮ່ວມມື, ເປັນພັນທະມິດ, ສະໜັບສະໜູນເຊິ່ງກັນ ແລະກັນ ເພື່ອຄວາມຄົງຕົວ ແລະຂະຫຍາຍຕົວຂອງປະເທດຕົນໃນດ້ານຕ່າງໆເປັນຕົ້ນດ້ານການເມືອງ, ຄວາມໝັ້ນຄົງເສດຖະກິດ, ການຄ້າ, ການລົງທຶນ ແລະວັດທະນະທຳສັງຄົມ, ແຕ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ ລາວ-ຫວຽດນາມ ແມ່ນສາຍພົວພັນແບບພິເສດມີໜຶ່ງບໍ່ມີສອງຢູ່ໃນໂລກ ຊຶ່ງເປັນກົດເກນແຫ່ງການເພີ່ມທະວີການພົວພັນຮ່ວມມືສອງຝ່າຍເຂົ້າສູ່ລວງເລິກ ແລະລວງກວ້າງ. |
ແທັງຮັ່ງ
