ນັກຊ່ຽວຊານສາກົນຕີລາຄາສູງບົດບາດ, ຜົນງານຂອງກອງທັບ ຫວຽດນາມ

	ຮ່ວມມືລະຫວ່າງບັນດາໂຮງຮຽນກອງທັບຫວຽດນາມ-ລາວ ຢ່າງແໜ້ນແຟ້ນ, ມີປະສິດທິຜົນ ແລະຮອບດ້ານກວ່າອີກ
	ຊາວໜຸ່ມກອງທັບຫວຽດນາມ ແລະລາວ ແລກປ່ຽນວິຊາການວຽກງານຊາວໜຸ່ມ

ນາຍພົນ P.K Chakravorty, ອະດີດທີ່ປຶກສາຝ່າຍປ້ອງກັນຊາດ ອິນເດຍ ປະຈຳ ຫວຽດນາມ (1996-1999), ໃຫ້ຮູ້ວ່າ: ກອງທັບປະຊາຊົນ ຫວຽດນາມ ແມ່ນກຳລັງທະຫານທີ່ຕົນມີການພົວພັນແລກປ່ຽນຢ່າງເລິກເຊິ່ງ. “ກອງທັບປະຊາຊົນ ຫວຽດນາມ ແມ່ນໜຶ່ງໃນບັນດາກອງທັບມືອາຊີບທີ່ສຸດ, ໄດ້ຍາດເອົາບັນດາໄຊຊະນະອັນສໍາຄັນຕໍ່ພວກລ່າເມືອງຂຶ້ນ ຝະລັ່ງ, ຈັກກະພັດ ອາເມລິກາ, ຊ່ວຍເຫຼືອປະຊາຊົນ ກໍາປູເຈຍ ໂຄ່ນລົ້ມລະບອບຂ້າລ້າງເຜົ່າພັນ Pol Pot. ພາຍໃຕ້ການນໍາພາຂອງພັກກອມມູນິດ ຫວຽດນາມ, ກອງທັບ​ປະຊາຊົນ ຫວຽດນາມ ໄດ້​ມີ​ການ​ພັດທະນາ​ຢ່າງ​ບໍ່​ຢຸດ​ຢັ້ງ ​ແລະ ບັນລຸ​ໄດ້​ບັນດາ​ຜົນງານ​ອັນ​ໃຫຍ່​ຫຼວງ”, ທ່ານ​​ພິນິດໄສ.

ນາຍພົນ P.K Chakravorty ຕີ​ລາຄາ​ສູງ​ຍຸດ​ທະ​ສາດ​ການຫັນ​ກອງທັບ​ປະຊາຊົນ​ ຫວຽດນາມ ​ໃຫ້​ທັນ​ສະ​ໄໝ​ທີ່​ໄດ້​ລິ​ເລີ່​ມ​ແຕ່​ປີ 2016, ດ້ວຍ​ຈຸດໝາຍ​ຫັນ​ເປັນ​ທັນ​ສະ​ໄໝ​ຢ່າງ​ສົມບູນໃນ ​ປີ 2030. ທ່ານໃຫ້ຄຳເຫັນວ່າ, ຫວຽດນາມ ​ໄດ້​ປະຕິບັດ​ບັນດາ​ຄຳ​ໝັ້ນ​ສັນຍາ​ສາກົນໂດຍ​ໄວ ​ນັບ​ແຕ່​ປີ 2020 ​, ພ້ອມກັນນັ້ນ ກໍ່ປະກອບສ່ວນ​ຕັ້ງໜ້າ​ເຂົ້າ​ໃນ​ພາລະກິດ​ຮັກສາ​ສັນຕິພາບ​ຂອງ​ສະຫະ​ປະຊາ​ຊາດ.

ກຸ່ມນາຍທະຫານກອງທັບບົກທີ່ພິທີການເດີນສວນສະໜາມ, ແຫ່ຂະບວນ​​ສະ​ເຫຼີມ​ສະ​ຫຼອງ 70 ປີ​ແຫ່ງ​ວັນ​ໄຊ​ຊະ​ນະ​ ດ້ຽນ​ບຽນ​ຝູ, ເດືອນ​ພຶດ​ສະ​ພາ ປີ 2024.

ທ່ານສາດສະດາຈານ Carl Thayer, ຊ່ຽວຊານວິທະຍາຄານປ້ອງກັນຊາດ ອົດສະຕຣາລີ, ມະຫາວິທະຍາໄລ New South Wales ກໍ່ຕີລາຄາສູງການສ້າງຕັ້ງ ແລະ ພັດທະນາຂອງກອງທັບປະຊາຊົນ ຫວຽດນາມ ໃນຕະຫຼອດ 80 ປີຜ່ານມາ ກໍ່ຄືບົດບາດຂອງກຳລັງນີ້ໃນການປົກປ້ອງພື້ນຖານເອກະລາດອັນໝັ້ນແກ່ນຂອງປະເທດຊາດ.

​ດ້ວຍການ​ສົ່ງ​ທະຫານ​ເພດ​ຍິງ​ເຂົ້າ​ຮ່ວມ​ບັນດາ​ກຳລັງ​ນີ້, ທ່ານສາດສະດາຈານ Carl Thayer ​ພິນິດໄສ​ວ່າ: ຫວຽດນາມ ​ໄດ້​ສະ​ແດງ​ໃຫ້​ເຫັນ​ຄວາມ​ຄ່ອງ​ຕົວ, ຄວາມ​ສະຫຼາດ​ສ່ອງ​ໃສ ​ແລະ ສິ່ງເຫຼົ່ານັ້ນຈະຊ່ວຍເປັນປະໂຫຍດດ້ານ​ວັດທະນະທຳ​ຫຼາຍ​ຢ່າງ, ​ໄດ້​ສ້າງ​ຄວາມ​ປະ​ທັບ​ໃຈ​ອັນ​ດີງາມ​ຫຼາຍ​ຢ່າງ​ໃນ​ສາຍ​ຕາປະຊາຄົມ​ສາກົນ.

ຕາມ​ທ່ານ​ສາດສະດາຈານ Carl Thayer ​ແລ້ວ, ປະຈຸ​ບັນ ຫວຽດນາມ ​ໄດ້​ບືນຕົວຂຶ້ນ, ຮ່ວມ​ມື​ກັບ​ບັນດາ​ປະ​ເທດ​ໃຫຍ່ ​ແລະ ປະກອບສ່ວນເປັນທີ່ຍອມຮັບ​ເຂົ້າ​ໃນພື້ນຖານ​ສັນຕິພາບ​ຂອງ​ໂລກ. ຫວຽດນາມ ​ຢືນ​ອັນ​ດັບ​ທີ 20 ​ໃນ​ບັນດາ​ປະ​ເທດ​ປະກອບສ່ວນ​ເຂົ້າ​ໃນ​ກຳລັງ​ຮັກສາ​ສັນຕິພາບ​ຂອງ​ສະຫະ​ປະຊາ​ຊາດ. ນີ້ແມ່ນ​ກຳລັງປົກ​ປ້ອງຮັກສາ​, ບໍ່ມີສຳ​ພັນທະ​ມິດ ແລະ ກຳລັງປະກອບສ່ວນ​ເຂົ້າ​ໃນຄວາມ​ສະຖຽນ​ລະ​ພາບ​ທົ່ວໂລກ. ຕາມການຕີລາຄາຂອງທ່ານ, ນັ້ນແມ່ນສິ່ງທີ່ຍອດຍິ່ງທີ່ສຸດ.

ສານກ່ຽວກັບນໍ້າໃຈສາມັກຄີມິດຕະພາບ, ການຊ່ວຍເຫຼືອເຊິ່ງກັນແລະກັນລະຫວ່າງ ຫວຽດນາມ - ລາວ - ກໍາປູເຈຍ: ນໍາການຮ່ວມມືລະຫວ່າງກອງທັບ ຫວຽດນາມ-ລາວ-ກໍາປູເຈຍ ຂຶ້ນສູ່ລະດັບສູງໃໝ່ ຍສໝ - ໂດຍແມ່ນສາມປະເທດບ້ານໃກ້ເຮືອນຄຽງທີ່ສະໜິດສະໜົມ, ຫວຽດນາມ, ລາວ ແລະກໍາປູເຈຍ ມີການພົວພັນມິດຕະພາບທີ່ເປັນມູນເຊື້ອ, ມີຄວາມສະໜິດຕິດພັນກັນມາແຕ່ບູຮານນະການ.

ຊຸກຍູ້ການຮ່ວມມືລະຫວ່າງຂະແໜງໂຄສະນາອົບຮົມກອງທັບ ຫວຽດນາມ ແລະ ລາວ ຍສໝ - ຕອນບ່າຍວັນທີ 6 ມິຖຸນາ, ຢູ່ຮ່າໂນ້ຍ, ທ່ານພົນຕີ ຫງວຽນວັນດຶກ, ຫົວໜ້າກົມໂຄສະນາອົບຮົມ, ກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນຈາກກົມໂຄສະນາອົບຮົມ, ກົມປະກັນສັງຄົມ, ກົມກໍ່ສ້າງພື້ນຖານໂຄງລ່າງ, ກົມໃຫຍ່ການເມືອງກອງທັບປະຊາຊົນລາວ ນໍາໂດຍ ພັນເອກ ວິລະໄຊ ສົມສັກ, ຮອງຫົວໜ້າກົມໂຄສະນາອົບຮົມ.