 |
ກອງປະຊຸມປືກສາຫາລື ລະຫວ່າງ ສະຫະພັນ ແມ່ຍິງ ກ້ວາງນາມ ແລະ ສະຫະພັນ ແມ່ຍິງ ເຊກອງ.( ພາບ: daidoanket.vn)
ໂດຍສັນຍາການຮ່ວມມື ຕັ້ງແຕ່ປີ 2016-2018 ສະມາຄົມແມ່ຍິງສອງແຂວງຂ້າງເທິງໄດ້ສຸມໃສ່ວຽກງານມູນເຊື້ອ, ປຸກລະດົມພະນັກງານ, ສະມາຊິກສະມາຄົມ, ແມ່ຍິງທົ່ວທັງສອງແຂວງ ເວົ້າລວມ ແລະ ເຂດຊາຍແດນເວົ້າສະເພາະ ຈັດຕັ້ງປະຕິບັດຢ່າງເຂັ້ມງວດລະບຽບກົດໜາຍຂອງຊາຍແດນ ລະຫວ່າງສອງປະເທດ ຫວຽດນາມ-ລາວ; ໂຄສະນາເຜີຍແຜ່ປຸກລະດົມຂົນຂວາຍ ສະມາຊິກສະມາຄົມແມ່ຍິງ ເຂົ້າຮ່ວມຢ່າງຕັ້ງໜ້າໃນການປົກປັກຮັກສາ ສິດອັນຊອບທຳ, ຄວາມໝັ້ນຄົງຊາຍແດນແຫ່ງຊາດ ແລະ ກໍ່ສ້າງຄອບຄົວທີ່ມີຄວາມສຸກ ແມ່ນໄດ້ຮັບຄວາມສົນໃຈຈາກສະມາຄົມແມ່ຍິງທັງສອງປະເທດ ໃນການຊຸກຍູ້ ແລະ ໂຄສະນາເຜີຍແຜ່ລົງເລິກໃນພະນັກງານ, ສະມາຊິກ, ແມ່ຍິງ...
ທັງສອງອົງການ ໄດ້ຮ່ວມກັນຄູນສ້າງ ແລະ ປະສ່ວນຢ່າງຫຼວງຫຼາຍໃນບົດບາດການເປັນຂົວຕໍ່ທີ່ສຳຄັນໃນວຽກງານການຮັກສາ ແລະ ພັດທະນາ ຄວາມສຳພັນ, ຄວາມສາມັກຄີອັນແໜ້ນແຟ້ນ. ສະມາຄົມແມ່ຍິງ ແຂວງກ້ວາງນາມ ໄດ້ຊ່ວຍເຫຼືອຍູ້ໜູນ ສະມາຄົມແມ່ຍິງ ແຂວງເຊກອງ ສ້າງເຮືອນມິດຕະພາບ ໃຫ້ແມ່ຍິງທຸກຍາກ, ມອບເຄື່ອງຄອມພິມເຕີ້ ແລະ ທຶນການສຶກສາ ໃຫ້ນັກຮຽນລາວ ທີ່ຮຽນດີ ແລະ ກຳລັງສຶກສາຮຳ່ຮຽນຢູ່ ມະຫາວິທະຍາໄລ ກ້ວາງນາມ...
ໃນກອງປະຊຸມ ປຶກສາຫາລື ຕ່າງໜ້າໃຫ້ແກ່ການນຳ ຂອງສອງອົງການກໍ່ໄດ້ລາຍງານສະພາບການຂອງສອງຝ່າຍໃຫ້ກັນແລະກັນ ແບ່ງປັນບົດຮຽນ ປະສົບການໃນການເຄື່ອນໄຫວ ວຽກງານ ພັດທະນາ ສະມາຄົມ ແລະ ສ້າງຂະບວນການຂອງແມ່ຍິງ ກ່ຽວກັບການກໍ່ສ້າງອົງການຈັດຕັ້ງແມ່ຍິງ ໃຫ້ມີຄວາມເຂັ້ມແຂງ . ແມ່ຍິງຕ້ອງຊ່ວຍເຫຼືອເຊິ່ງກັນແລະກັນ ພັດທະນາເສດຖະກິດ, ຫຼຸດຜ່ອນຄວາມທຸກຍາກ, ກໍ່ສ້າງຄອບຄົວທີ່ມີຄວາມສຸກ... ປະກອບສ່ວນເຂົ້າໃນສາຍສຳພັນມິດຕະພາບ ນຳ້ໃຈສາມັກຄີ ຮັກແພງ ລະຫວ່າງ ສອງຊາດ ເວົ້າລວມ ແລະ ສາຍສຳພັນຂອງແມ່ຍິງສອງແຂວງເວົ້າສະເພາະ.
（ຫັດທະບູນ）
