 | ເພີ່ມທະວີການພົວພັນ ແລະ ສະໜັບສະໜູນການພັດທະນາຂອງປະຊາຄົມຊາວ ຫວຽດນາມ ຢູ່ ຍີ່ປຸ່ນ |
| ຫວຽດນາມ - ແບນຊິກ ຊຸກຍູ້ການຮ່ວມມືດ້ານວິທະຍາສາດ, ຄົ້ນຄວ້າ ແລະ ບຳລຸງສ້າງ |
ຕາມປະຕູຂໍ້ມູນເອເລັກໂຕນິກຂອງກະຊວງສຶກສາ ແລະ ບຳລຸງສ້າງ ແລ້ວ, ທ່ານລັດຖະມົນຕີ ຫງວຽນກິມເຊີນ ໄດ້ຕີລາຄາສູງບັນດາການປະກອບສ່ວນຢ່າງຕັ້ງໜ້າ ແລະ ແທດຈິງຂອງທ່ານ Takebe ໃນການຊຸກຍູ້ການພົວພັນຮ່ວມມືມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ຍີ່ປຸ່ນ, ພິເສດແມ່ນໃນຂົງເຂດສຶກສາ ແລະ ພັດທະນາແຫຼ່ງຊັບພະຍາກອນມະນຸດ.
ທ່ານລັດຖະມົນຕີໄດ້ຮັບຮູ້ຄວາມຄືບໜ້າຢ່າງເຂັ້ມແຂງຂອງມະຫາວິທະຍາໄລ ຫວຽດນາມ - ຍີ່ປຸ່ນ ໃນໄລຍະມໍ່ໆມານີ້. ທ່ານກໍ່ຕີລາຄາສູງວິໄສທັດ ແລະ ທິດທາງການຝຶກອົບຮົມຂອງໂຮງຮຽນ, ພິເສດແມ່ນໃນຂົງເຂດຫັນເປັນດິຈິຕອນ, ຫັນເປັນສີຂຽວ - ບັນດາຂົງເຂດສຳຄັນຮັບໃຊ້ຄວາມຕ້ອງການພັດທະນາແບບຍືນຍົງຂອງສອງປະເທດ.
 |
| ທ່ານລັດຖະມົນຕີ ຫງວຽນກິມເຊີນ (ທີ 6 ຈາກຂວາ) ແລະ ທ່ານ Takebe Tsutomu (ທີ 5 ຈາກຊ້າຍ) ພ້ອມດ້ວຍສະມາຊິກທັງສອງຝ່າຍ. (ພາບ: ກະຊວງສຶກສາ ແລະ ບຳລຸງສ້າງ) |
ທ່ານລັດຖະມົນຕີປາດຖະໜາວ່າ ຍີ່ປຸ່ນ ຈະສືບຕໍ່ໜູນຊ່ວຍ ຫວຽດນາມ ໃນການບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ, ພິເສດແມ່ນບັນດາຂະແໜງການເຕັກໂນໂລຢີສູງ, ເຄິ່ງຊັກນຳໄຟຟ້າ, ທາງລົດໄຟຄວາມໄວສູງ.
ກ່ຽວກັບເລື່ອງສະເໜີລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືລະຫວ່າງລັດຖະບານສອງປະເທດ ກ່ຽວກັບການພັດທະນາມະຫາວິທະຍາໄລຫວຽດນາມ - ຍີ່ປຸ່ນ ໃນເດືອນເມສາ 2025, ທ່ານລັດຖະມົນຕີໃຫ້ຮູ້ວ່າ ກະຊວງສຶກສາ ແລະ ບຳລຸງສ້າງ ສົມທົບກັບມະຫາວິທະຍາໄລແຫ່ງຊາດ ຫວຽດນາມ, ຮ່າໂນ້ຍ ກໍ່ສ້າງພື້ນຖານນິຕິກຳ ແລະ ກະກຽມບັນດາຂັ້ນຕອນຕາມລະບຽບການ.
2 ຝ່າຍຢືນຢັນຄືນໃໝ່ຄຳໝັ້ນສັນຍາຊຸກຍູ້ການພັດທະນາມະຫາວິທະຍາໄລ ຫວຽດນາມ - ຍີ່ປຸ່ນ ແລະ ພິຈາລະນາຮັກສາກົນໄກການເງິນສະເພາະໃຫ້ມະຫາວິທະຍາໄລ. ນອກຈາກນັ້ນ, ສອງຝ່າຍກໍ່ເຫັນດີເປັນເອກະພາບ ເພື່ອຊຸກຍູ້ໂຄງການໃໝ່ຈຳນວນໜຶ່ງດ້ວຍການສະໜັບສະໜູນຈາກອົງການຮ່ວມມືສາກົນຍີ່ປຸ່ນ (JICA) ກ່ຽວກັບການຄົ້ນຄວ້າວິທະຍາສາດການສຶກສາ ແລະ ການພັດທະນາການສຶກສາທົ່ວໄປ. ເພີ່ມທະວີການພົບປະ, ແລກປ່ຽນນັກຮຽນ, ນັກສຶກສາ, ຄູສອນ ແລະ ຄູອາຈານລະຫວ່າງບັນດາສະຖາບັນການສຶກສາຂອງສອງປະເທດ.
ທ່ານລັດຖະມົນຕີ ຫງວຽນກິມເຊີນ ປາດຖະໜາວ່າ ຍີ່ປຸ່ນ ສືບຕໍ່ຜັນຂະຫຍາຍໂຄງການທຶນສຶກສາພັດທະນາຊັບພະຍາກອນມະນຸດ (JDS) ໄລຍະໃໝ່, ເປີດກ້ວາງທຶນສຶກສາໄລຍະສັ້ນໃຫ້ແກ່ພະນັກງານ, ໜູນຊ່ວຍນັກສຶກສາສາກົນ ຫວຽດນາມ. ທ່ານກໍ່ສະເໜີໃຫ້ ຍີ່ປຸ່ນ ຄຸ້ມຄອງບໍລິສັດ ຍີ່ປຸ່ນ ທີ່ຮັບສະໝັກຄົນງານ ຫວຽດນາມ ຢ່າງເໝາະສົມ ແລະ ສະຖານທູດ ຍີ່ປຸ່ນ ປະຈຳ ຫວຽດນາມ ຈັດຕັ້ງການສຳມະນາປະຈຳປີ ກ່ຽວກັບຂໍ້ມູນຂ່າວສານກ່ຽວກັບນັກສຶກສາສາກົນ ແລະ ນັກຝຶກງານວິຊາການ ປະຈຳປີ.
ກ່າວຄຳປາໄສທີ່ການພົບປະ, ທ່ານ Takebe Tsutomu ເນັ້ນໜັກວ່າ ະຫາວິທະຍາໄລ ຫວຽດນາມ - ຍີ່ປຸ່ນ ແມ່ນໂຄງການທີ່ເປັນສັນຍາລັກໃຫ້ແກ່ການພົວພັນຮ່ວມມືລະຫວ່າງ 2 ປະເທດ. ໂຮງຮຽນມຸ່ງໄປເຖິງເປົ້າໝາຍກາຍເປັນສູນບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງບໍ່ພຽງແຕ່ສຳລັບຫວຽດນາມ ແລະ ຍີ່ປຸ່ນເທົ່ານັ້ນ ຫາກຍັງສຳລັບພາກພື້ນ ແລະ ໃນໂລກ.
ທ່ານໃຫ້ຮູ້ວ່າ ໂຮງຮຽນຈະສືບຕໍ່ດຶງດູດວິສາຫະກິດຂະໜາດນ້ອຍ ແລະ ກາງ ຍີ່ປຸ່ນ ເຂົ້າມາລົງທຶນຢູ່ ຫວຽດນາມ, ພ້ອມນັ້ນ, ຍູ້ແຮງການສົ່ງນັກຮຽນຫວຽດນາມ ໄປ ຍີ່ປຸ່ນ ເພື່ອຍາດແຍ່ງປະສົບການ, ກ່ອນທີ່ຈະກັບຄືນເມືອປະກອບສ່ວນພັດທະນາເສດຖະກິດ - ສັງຄົມຂອງປະເທດ.
 | ບັນດາການເຄື່ອນໄຫວທີ່ອຸດົມສົມບູນໃນງານບຸນວັດທະນະທຳຫວຽດນາມ ຢູ່ Sakai, ຍີ່ປຸ່ນ ຍສໝ - ແຕ່ວັນທີ 29-30 ມີນາ, “ວັນບຸນວັດທະນະທຳ ຫວຽດນາມ 2025” ຈະດຳເນີນຢູ່ ຍີ່ປຸ່ນ. ນີ້ແມ່ນເຫດການ ໄດ້ຈັດຂຶ້ນເພື່ອສະເຫຼີມສະຫຼອງວັນຄົບຮອບ 50 ປີແຫ່ງການປົດປ່ອຍພາກໃຕ້ ແລະ ໂຮມປະເທດຊາດເປັນເອກະພາບ (30 ເມສາ 1975 - 30 ເມສາ 2025), ຄົບຮອບ 80 ... |
 | ຂີດໝາຍໃໝ່ໃນການຮ່ວມມື ແລະ ການພົບປະແລກປ່ຽນປະຊາຊົນລະຫວ່າງ ຫວຽດນາມ - ສິງກະໂປ ຍສໝ - ວັນທີ 26 ມີນາ, ຢູ່ຮ່າໂນ້ຍ, ພາຍໃຕ້ການເປັນສັກຂີພິຍານຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີ ສິງກະໂປ Lawrence Wong, ທ່ານ ຮອງປະທານກອງທຶນສາກົນສິງກະໂປ Lian Wee Cheow ແລະ ທ່ານຮອງປະທານ - ເລຂາໃຫຍ່ສະມາຄົມມິດຕະພາບ ຫວຽດນາມ - ... |
ມີງດຶກ
