ຜ່ານມາໄດ້ 20 ປີ ແລ້ວພາຍຫຼັງສ້າງຕັ້ງ ແລະ ພັດທະນາ, ຄະນະກຳມາທິການບໍລິຫານ ກ່ຽວກັບ ອົງການທີ່ບໍ່ຂື້ນກັບລັດຖະບານ ດ້ານການຕ່າງປະເທດ ໄດ້ປະກອບສ່ວນສຳຄັນໃຫນການປະສານຮັດແໜ້ນວຽກງານການຄຸ້ມຄອງ ແລະ ການປຸກລະດົມການຊ່ວຍເຫຼືອ ທີ່ບໍ່ຂື້ນກັບລັດຖະບານ ດ້ານການຕ່າງປະເທດ(PCPNN).
ພາຍຫຼັງປະເທດຊາດໄດ້ຮັບເອກກະລາດ, ຕໍ່ກັບຜົນເສຍຫາຍຈາກສົງຄາມ, ອົງການທີ່ບໍ່ຂື້ນກັບລັດຖະບານ ດ້ານການຕ່າງປະເທດ ແລະ ເພື່ອນມິດສາກົນໄດ້ມາຍັງຫວຽດນາມເພື່ອຊ່ວຍເຫຼືອ ຫວຽດນາມ ເພື່ອບັນເທົາຕໍ່ຜົນເສຍຫາຍຈາກສົງຄາມ. ພິເສດ ເມື່ອຫວຽດນາມ ຈັດຕັ້ງປະຕິບັດຕາມແນວທາງປ່ຽນແປງໃໝ່ ດ້ວຍແນວຄິດການທູດໃໝ່, ຈຳນວນ ອົງການ TCPCPNN ມາທີ່ຫວຽດນາມ ເພີ່ມຂື້ນຢ່າງຊັດເຈນ, ຫຼາກຫຼາຍກວ່າເກົ່າ, ຂົງເຂດການເຄື່ອນໄຫວກໍ່ກວ້າງຂື້ນ.
ຕົ້ນປີ 90 ຂອງສະໄໝກ່ອນ ມີຫຼາຍຮ້ອຍ TCPCPNN ເຄື່ອນໄຫວຢູ່ທີ່ຫວຽດນາມ . ຕໍ່ກັບສະພາບການດັ່ງກ່າວໄດ້ຕັ້ງບັນຫາຂື້ນມາວ່າ ການເຄື່ອນໄຫວປຸກລະດົມ ແລະ ການຄຸ້ມຄອງ ບັນດາອົງການ TCPCPNN ຈະເປັນແນວໃດ.
ຕໍ່ກັບສະພາບການດັ່ງກ່າວ ໃນນາມເປັນອົງການເຮັດວຽກກ່ຽວກັບພົວພັນການທູດປະຊາຊົນ, ສະຫະພັນ ອົງການມິດຕະພາບຫວຽດນາມ(VUFO) ໄດ້ສະເໜີ ແລະ ໄດ້ຮັບການຕົກລົງເຫັນດີຈາກອົງການຂັ້ນສູງ. ວັນທີ 24 ພຶດສະພາ 1996 ລັດຖະບານໄດ້ສ້າງຕັ້ງຄະນະກຳມາທິການ ບໍລິຫານງານ ກ່ຽວກັບອົງການບໍ່ຂື້ນກັບລັດຖະບານ ແລະ ພາຍຫຼັງໄດ້ປ່ຽນມາເປັນ ຄະນະບໍລິຫານ ອົງການ TCPCPNN. ນີ້ແມ່ນກົນໄກສະເພາະກິດປະກອບມີ 9 ອົງການສະມາຊິກ ໂດຍ VUFO ເປັນອົງການສູງສຸດ ກ່ຽວກັບການຈັດຕັ້ງປະຕິບັດ ປຸກລະດົມ ແລະ ພົວພັນກັບບັນດາ ອົງການ TCPCPNN ເປັນອົງການປະຈຳ.
ຕົ້ນແບບທີ່ເປັນເອກະລັກ ດ້ວຍການເຄື່ອນໄຫວທີ່ພົ້ນເດັ່ນ
ພາຍຫຼັງສ້າງຕັ້ງແລະ ພັດທະນາມາໄດ້ 20 ປີ ຜ່ານຜ່າມາທຸກສະພາບການທັງດີແລະບໍ່ດີສະຫຼັບກັນໄປ, ມາຮອດປະຈຸບັນ ຄະນະກຳມາທິການ ຫວນຄືນເບິ່ງນີ້ຄື ກົນໄກສະເພາະກິດທີ່ມີປະສິດທິຜົນທີ່ສຸດ ໃນການຈັດຕັ້ງປະຕິບັດການຄຸ້ມຄອງການເຄື່ອນໄຫວຂອງ ບັນດາອົງການ TCPCPNN.ຖ້າກ່າວເຖິງຜົນສຳເລັດໃນ 2 ທົດສະວັດທີ່ຜ່ານມາ, ກ່ອນອື່ນແມ່ນຕ້ອງເລົ່າເຖິງການກໍ່ຕັ້ງຂອງຄະນະກຳມາທິການ ໄດ້ສ້າງບັນດານິຕິກຳ ສະດວກໃຫ້ແກ່ ອົງການ TCPCPNN ສາມາດຈັດຕັ້ງປະຕິບັດການເຄື່ອນໄຫວ ຊ່ວຍເຫຼືອມະນຸດສະທຳ ມີປະສິດທິດຜົນທີ່ສຸດ ແຕ່ພ້ອມກັນນັ້ນກໍ່ຮັບປະກັນຄວາມຮັບຜິດຊອບຂອງບັນດາກະຊວງ, ທະບວງ, ທ້ອງຖິ່ນ ໃນການພົວພັນ ກັບບັນດາ ອົງການ PCPNN. ພິເສດ ໃນປີ 2012, ລັດຖະບານໄດ້ ອອກດຳລັດ ເລກທີ 12 ກ່ຽວກັບການຈົດທະບຽນ ແລະ ຄຸ້ມຄອງການເຄື່ອນໄຫວ ຂອງອົງການ PCPNN ນີ້ອາດຈະຖືວ່າເປັນບາດກ້າວໃໝ່, ສະແດງເຖິງການປ່ຽນແປງໃໝ່ໃນການປະຕິບັດວຽກຂອງອົງການ PCPNN. ເບື້ອງໜື່ງເປັນການຍົກລະດັບກ່ຽວກັບຂອບເຂດນິຕິກຳຮັບປະກັນຂໍ້ຜູກມັດສູງຂື້ນກວ່າເກົ່າ ພ້ອມກັນນັ້ນສະແດງເຖິງການປ່ຽນແປງໃໝ່ໃນການເຮັດວຽກງານ PCPNN ໃນມຸມຂອງລັດ.
 |
ຄະນະກຳມາທິການ ຈັດກອງປະຊຸມແບ່ງປັນຂໍ້ມູນຂ່າວສານກັບ TCPCPNN ເພື່ອຍົກລະດັບປະສິດທິພາບໃນການເຮັດວຽກ. (ພາບ: TL)
ໃຫ້ຄວາມກະຈ່າງແຈ້ງກ່ຽວກັບບັນຫານີ້ ທ່ານ ໂດນຕ໋ວນຟອງ, ຮອງປະທານ ແລະ ເລຂາທິການໃຫຍ່ຂອງ VUFO, ຮອງປະທານຄະນະກໍາມະການ ກ່າວວ່າ: ໃນໄລຍະຜ່ານມາ, ອົງການ TCPCPNN ເຂົ້າມາປະເທດວຽດນາມຕ້ອງໄດ້ຍື່ນໃບອະນຸຍາດເຄື່ອນໄຫວ. ອີງຕາມ ດຳລັດ ເລກທີ 12 ບັນດາອົງການ TCPCPNN ລົງທະບຽນການເຄື່ອນໄຫວພາຍໃຕ້ ຮູບການ 3 ແບບຄື: ໃບຢັ້ງຢືນຈົດທະບຽນ, ໃບຢັ້ງຢືນຈົດທະບຽນ ສ້າງຫ້ອງການຂອງໂຄງການ, ແລະ ໃບຢັ້ງຢືນຈົດທະບຽນ ສ້າງຕັ້ງຫ້ອງການຕົວແທນຢູ່ຫວຽດນາມ.
ຄຽງຄູ່ກັນນັ້ນ ດ້ວຍຂໍ້ກຳນົດທີ່ສະດວກຂື້ນຄື: ໄລຍະເວລາຂອງທະບຽນມີອາຍຸສູງຂື້ນເພື່ອໃຫ້ພວກເຮົາສົ່ງເສີມບັນດາໂຄງການໃຫຍ່ ແລະ ໄລຍະເວລາຍາວກ່ວາເກົ່າ; ພ້ອມກັນນັ້ນຂໍ້ກຳນົດຕົວຈິງກ່ຽວກັບສິດ, ໜ້າທີ່ຂອງໂຄງການ PCPNN ເຂົ້າຫວຽດນາມ, ຂໍ້ກຳນົດກ່ຽວກັບໜ້າທີ່ຂອງບັນດາອົງການຂອງຫວຽດນາມ ຈາກ ສູນກາງ ເຖິງ ທ້ອງຖິ່ນ ໃນການຮ່ວມມືຂອງບັນດາ ອົງການ PCPNN.
ນອກນີ້ວຽກງານການແບ່ງປັນກ່ຽວກັບຂໍ້ມູນ, ການຊີ້ນຳ, ນຳພາອັນຄົບຖ້ວນ, ທັນເວລາ ກໍ່ແມ່ນຈຸດສຳຄັນພົ້ນເດັ່ນຂອງຄະນະກຳມາທິການ. ບັນດາກອງປະຊຸມ, ການເຄື່ອນໄຫວແບ່ງປັນຂໍ້ມູນຂ່າວສານລະຫວ່າງ ບັນດາອົງການເຂົ້າຮ່ວມກົນໄກຂອງຄະນະກຳມາທິການ, ລະຫວ່າງຄະນະກຳມາທິການ ແລະ ທ້ອງຖິ່ນ, ລະຫວ່າງຄະນະກຳມາທິການ ແລະ ບັນດາອົງການ TCPCPNN ໄດ້ຮັບການຈັດຕັ້ງຢ່າງຕໍ່ເນື່ອງລຽນຕິດ. ເມື່ອເປັນແນວນັ້ນ ບັນດາຄູ່ຮ່ວມມືສາມາດອັບເດດຂໍ້ມູນຂ່າວສານໄດ້ໄວ, ແນ່ນອນ ຈາກນັ້ນເຮັດໃຫ້ສ້າງໄດ້ທິດທາງທີ່ເໝາະສົມໃນການຈັດຕັ້ງປະຕິບັດງານຂອງ TCPCPNN.
ແບ່ງປັນກ່ຽວກັບບັນຫານີ້, ທ່ານ ໂດນຕ໋ວນຟອງ ກ່າວວ່າ: "ມີຫນ້ອຍ ປະເທດທີ່ມີອົງການເຫຼັກເປັນ ຈຸດປະສານງານແຫ່ງຊາດເພື່ອສະຫນອງຂໍ້ມູນທີ່ຈໍາເປັນ, ຕອບຄຳຖາມໄດ້ຢ່າງເຕັມທີ່ ແລະ ລະອຽດໃຫ້ກັບອົງການ TCPCPNN. ດັ່ງນັ້ນ, ກົນໄກຂອງຄະນະກໍາມະການ ຊ່ວຍຫຼຸດຜ່ອນ ເວລາທີ່ໃຊ້ໃນການສໍາຫຼວດເບື້ອງຕົ້ນຂອງອົງການຈັດຕັ້ງ; ພ້ອມກັນນັ້ນມັນຍັງຊ່ວຍໃຫ້ການປະສານງານໃນການເຄື່ອນໄຫວ, ໂຄງການ ແລະ ແຜນການຂອງອົງການ PCPNN ສອດຄ່ອງກັບຄວາມຕ້ອງການ ແລະ ບູລິມະສິດແຫ່ງຊາດ. ນອກຈາກນັ້ນ, ກົນໄກຂອງຄະນະກໍາມະການຍັງຊ່ວຍເຫຼືອໃນການປະສານງານໂຄງການ ແລະແຜນການ ບໍ່ຊ້ຳຊ້ອນກັນກັບ ເຂດອື່ນໃນຂອບເຂດທົ່ວປະເທດ ຫຼືທ້ອງຖິ່ນ. "
ການກະທົບອັນຕັ້ງໜ້າ
ຜ່ານຜ່າ 20 ແຫ່ງການເຄື່ອນໄຫວ ຄະນະກຳມາທິການໄດ້ບັນລຸຜົນສຳເລັດທີ່ດີ ຕໍ່ກັບວຽກງານທີ່ຖືກມອບໝາຍໃຫ້. ນະໂຍບາຍ ແລະ ວິໄສທັດໃນການຊີ້ນຳ ວຽກງານຂອງ ອົງການ PCPNN ໄດ້ຖືກ ຄະນະກຳມາທິການ ແລະ ບັນດາອົງການທີ່ເຂົ້າຮ່ວມໃນກົນໄກຂອງ ຄະນະກຳມາທິການ ສະເໜີ ແລະ ມີຄຸນຄ່າຍາວນານ. ລະບົບເອກສານ ນິຕິກຳ ຕ່າງໆ ນັບມື້ນັບໄດ້ຮັບການປັບປຸງ ໃຫ້ສົມບູນກວ່າເກົ່າ. ໂຄງຮ່າງການຄຸ້ມຄອງກ່ຽວກັບ ອົງການ PCPNN ຈາກ ສູນກາງ ເຖິງ ທ້ອງຖິ່ນນັບມື້ນັບໄດ້ຮັບການເສີມສ້າງ ແລະ ຍົກສູງດັບຄວາມຮູ້ຄວາມສາມາດ.
 |
ຕ່າງໜ້າ SC, ພະນັກງານ, ຄູອາຈານ ຂົນເຄື່ອງຊ່ວຍເຫຼືອຂອງອົງການ SC ໃຫ້ ໂຮງຮຽນມັດທະຍົມ ນ້ຳພຳ ທີ່ປະສົບໄພພິບັດ ປີ 2017. (ພາບ: PY)
ອົງການຊ່ວຍເຫຼືອເດັກນ້ອຍ ( Save the Children / SC )ເລີ່ມດໍາເນີນງານຢູ່ປະເທດຫວຽດນາມໃນຊຸມປີ 1990ຂອງສະຕະວັດທີ່ຜ່ານມາ. ໂດຍມີການສະຫນັບສະຫນູນຈາກລັດຖະບານຂອງຫວຽດນາມ ແລະ ຄະນະກໍາມະການ, ມາຮອດປະຈຸບັນ SC ໄດ້ມີຫຼາຍກວ່າ 20 ແຂວງ ແລະ ຕົວເມືອງໃນທົ່ວປະເທດເຮັດວຽກໃນເຂດການປົກປ້ອງເດັກ, ສິດທິເດັກ, ການສຶກສາ, ສາທາລະນະສຸກ, ພັດທະນາຊາວໜຸ່ມ, ການຊ່ວຍເຫຼືອສຸກເສີນ ... ແລະໂຄງການຈໍານວນຫນຶ່ງ, ໂຄງການທີ່ມີປະສິດຕິພາບ.
ອຳນວຍການ ບັນດາປະເທດ ອົງການ SC Dragana Strinic ໄດ້ແບ່ງປັນວ່າ: “SC ຕີລາຄາສູງ ການຊ່ວຍເຫຼືອຂອງຄະນະກຳມາທິການ ໃນວຽກງານການວາງແຜນ ແລະທິດທາງຕໍ່ໜ້າຂອງອົງການ TCPCPNN ເຊື່ອໝັ້ນແລະ ເຮັດຕາມ ຂໍ້ກຳນົດ ຂອງກົດໝາຍ ຫວຽດນາມ. ຕໍ່ກັບອົງການ SC ຂອງພວກເຮົາ ໄດ້ຮັບການຊ່ວຍເຫຼືອຍູ້ໜູນໃນວຽກງານການເຊື່ອມຕໍ່ກັບບັນດາແຂວງນະຄອນພາຍໃນປະເທດ ແລະ ມີໂອກາດໄດ້ຮັບຂໍ້ມູນຂ່າວສານໂດຍກົງ ກ່ຽວກັບ ເດັກນ້ອຍ, ປະຊາຊົນທີ່ຕ້ອງການຄວາມຊ່ວຍເຫຼືອ. ອັນນີ້ແມ່ນພື້ນຖານ ໃຫ້ SC ສາມາດສະເໜີ ບັນດາໂຄງການມີເປົ້າໝາຍຕົວຈິງ, ເໝາະສົມກັບຄວາມຮຽກຮ້ອງຕ້ອງການຂອງເດັກນ້ອຍແຕ່ລະເຂດ. ຍ້ອນແນວນັ້ນວຽກງານການຊ່ວຍເຫຼືອເດັກນ້ອຍ ຂອງ SC ນັບມື້ນັບໄດ້ຮັບປະສິດທິຜົນສູງ ”
ໜື່ງໃນຂົງເຂດທີ່ SC ໃຫ້ຄວາມເອົາໃຈໃສ່ ແມ່ນການຊ່ວຍເຫຼືອຮີບດ່ວນໃຫ້ແກ່ເດັກນ້ອຍເຂດພູດອຍຫ່າງໄກສອກຫຼີກທີ່ໄດ້ຮັບຜົນກະທົບຈາກໄພທຳມະຊາດ. ຍ້ອນການປະສານຮ່ວມມືຂອງ ຄະນະກຳມາທິການ ແລະ VUFO, SC ໄດ້ຮັບຂໍ້ມູນຂ່າວສານອັນທັນການ, ເຮັ່ງດ່ວນ ກ່ຽວກັບຄວາມຕ້ອງການຂອງມວນມະຫາຊົນ ທີ່ປະສົບໄພ. ນອກນັ້ນໃນບາງເຫດການທີ່ເຮັ່ງດ່ວນສະເພາະໜ້າ, ຄະນະກຳມາທິການ ແລະ VUFO ກໍ່ໄດ້ສ້າງຄວາມສະດວກໃຫ້ SC ກໍ່ຄືອົງການ TCPCPNN ເຂົ້າຮ່ວມໃນການຕີລາຄາ ລົງເຖິງສະຖານທີ່ຕົວຈິງໃນທ້ອງຖິ່ນ ເພື່ອປະສານງານຊ່ວຍເຫຼືອເຂດທີ່ປະສົບໄພພິບັດ. ຈາກນັ້ນ ອົງການ TCPCPNN ສາມາດເຂົ້າເຖິງປະຊາຊົນ ຊ່ວຍເຫຼືອຢ່າງທັນການ ແລະ ມີປະສິດທິຜົນ.
ຕີລາຄາກ່ຽວກັບປະສິດທິຜົນຂອງການເຄື່ອນໄຫວຂອງຄະນະກຳມາທິການ, ການນຳກະຊວງການຕ່າງປະເທດ, ຫົວໜ້າຄະນະຮັບຜິດຊອບ ບຸ່ຍແທັງເຊີນໃຫ້ຮູ້ວ່າ: “ກົນໄກຂອງງຄະນະກຳມາທິການ ໄດ້ປະກອບສ່ວນຢ່າງຕັ້ງໜ້າ, ທັງຮັບປະກັນ ສ້າງເງື່ອນໄຂສະດວກເພື່ອສົ່ງເສີມໃຫ້ບັນດາອົງການ TCPCPNN ເຄື່ອນໄຫວແທດເໝາະກັບເປົ້າໝາຍ, ຄວາມຕ້ອງການຂອງຫວຽດນາມ ພ້ອມກັນນັ້ນເໝາະສົມກັບກົດໝາຍຫວຽດນາມ; ປະກອບສ່ວນເຂົ້າໃນຂະບວນການການພັດທະນາ ເສດຖະກິດ ສັງຄົມ ຂອງຫວຽດນາມ, ປະຕິບັດຕາມ ເປົ້າໝາຍ ພັດທະນາສະຫະສະວັດຂອງ ສະຫະປະຊາຊາດ ”.
| ມື້ເຊົ້ານີ້ ວັນທີ 5 ກໍລະກົດ 2018 ທີ່ຮ່າໂນ້ຍ , ຄະນະບໍລິຫານກ່ຽວກັບ ອົງການທີ່ບໍ່ຂື້ນກັບລັດຖະບານ ດ້ານການຕ່າງປະເທດ ຈະຈັດຕັ້ງກອງປະຊຸມສະຫຼຸບການເຄື່ອນໄຫວຂອງຄະນະກຳມາທິການ. ຄາດຄະເນວ່າ ນາຍົກລັດຖະມົນຕີ ຫງວ໋ຽນຊົນຟຸ໋ກ ຈະເຂົ້າຮ່ວມ ແລະ ຊີ້ນຳກອງປະຊຸມນີ້. ນີ້ແມ່ນໂອກາດດີ ເພື່ອຕີລາຄາຄືນການເຄື່ອນໄຫວຂອງຄະນະກຳມາທິການໃນ 20 ປີທີ່ຜ່ານມາ ກ່ຽວກັບຜົນສຳເລັດຂອງການຈັດຕັ້ງປະຕິບັດໜ້າທີ່, ພະລະກິດຂອງຄະນະກຳມາທີການ, ກົນໄກປະສານສົມທົບ ລະຫວ່າງບັນດາອົງການທີ່ເຂົ້າຮ່ວມກັບຄະນະກຳມາທິການ, ຈາກນັ້ນສະເໜີທິດທາງ, ມາດຕະການແກ້ໄຂ ເພື່ອເພີ່ມທະວີ ປະສິດທິຜົນການເຄື່ອນໄຫວຂອງຄະນະກຳມາທິການໃນຕໍ່ໜ້າ. |
（ຫັດທະບູນ）
