 | ນະຄອນໂຮ່ຈິມິນ: ເປີດຕົວສາຂາສະມາຄົມມິດຕະພາບຫວຽດນາມ - ກຳປູເຈຍ ຢູ່ເມືອງ ບິ່ງແຈ໋ງ |
| ຫຼາຍການເຄື່ອນໄຫວການຄ້າໃນງານບຸນໝາກໄມ້ຫວຽດນາມ ຢູ່ຈີນ |
ເນື້ອໃນຂອງງານວາງສະແດງປະກອບມີ 3 ພາກສ່ວນ:
ພາກທີ I: ຮອຍຍ່າງການປະຕິວັດ - ຂຸດຄົ້ນແຫຼ່ງນ້ຳໃຈມິດຕະພາບ. ໃນພາລະກິດປະຕິວັດຂອງປະທານໂຮ່ຈິມິນ, ຈີນແມ່ນສະຖານທີ່ທີ່ເພິ່ນມີເວລາເຄື່ອນໄຫວປະຕິວັດທີ່ຍາວນານທີ່ສຸດ ແລະ ມີເພື່ອນມິດຫຼາຍທີ່ສຸດ. ຊຸມປີ 1920, ຜູ້ນຳ ຫງວຽນອ໋າຍກວກ - ໂຮ່ຈີມິນ ໄດ້ໄປ ກວາງໂຈ່ ແລະ ຮົ່ງກົງ ເພື່ອເຂົ້າຮ່ວມບັນດາການເຄື່ອນໄຫວຂອງພັກກອມມູນິດຈີນ, ທັງສ້າງກຳລັງແຮງປະຕິວັດຫວຽດນາມ. ຫຼາຍສະຖານທີ່ຂອງປະເທດຈີນ ໄດ້ມີບັນດາຂີດໝາຍ, ສະແດງໃຫ້ເຫັນການຕໍ່ສູ້ຢ່າງບໍ່ອິດເມື່ອຍເພື່ອພາລະກິດປະຕິວັດຂອງເພິ່ນ, ພ້ອມກັບບັນດາຈຸດເວລາອັນສະຫງ່າລາສີຂອງການຕໍ່ສູ້ຄຽງຂ້າງປະຊາຊົນສອງປະເທດຫວຽດນາມ - ຈີນ ນັ້ນແມ່ນຈຸດເລີ່ມຕົ້ນຂອງມູນເຊື້ອອັນດີງາມ, ຍາມໃດກໍ່ສະໜັບສະໜູນເຊິ່ງກັນ ແລະ ກັນໃນວິວັດການຕໍ່ສູ້ປະຕິວັດຫວຽດນາມ ແລະ ຈີນ.
 |
| ບັນດາຜູ້ແທນໄດ້ຕັດແຖບຜ້າເປີດງານວາງສະແດງ “ຮອຍຍ່າງ ໂຮ່ຈີມິນ ຢູ່ຈີນ”. (ພາບ: ຫໍພິພິທະພັນ ໂຮ່ຈີມິນ) |
ພາກທີ II: ທົ່ວປະເທດຈີນ - ຝັງເລິກນ້ຳໃຈມິດຕະພາບ. ພາຍຫຼັງການສ້າງຕັ້ງສາທາລະນະລັດປະຊາຊົນຈີນ, ພິເສດແມ່ນໃນຊຸມປີສຸດທ້າຍຂອງຊີວິດ, ທ່ານປະທານ ໂຮ່ຈິມິນ ໄດ້ໄປຢ້ຽມຢາມມິດຕະພາບ ຈີນ ເປັນປະຈຳ, ໄດ້ພົບປະ, ໂອ້ລົມສົນທະນາກັບການນຳພັກ, ລັດຈີນ ຢ່າງສະໜິດສະໜົມ. ພ້ອມກັນນັ້ນ, ໃນໂອກາດດັ່ງກ່າວ, ທ່ານຍັງໄດ້ໄປຢ້ຽມຢາມບັນດາສະຖານທີ່ກໍ່ສ້າງ, ນິຄົມກະເສດ, ໂຮງງານ, ໂຮງຮຽນ, ທັດສະນີຍະພາບ ແລະ ຣີສອດຢູ່ຫຼາຍບ່ອນ. ຄວາມຮັກແພງອ້າຍນ້ອງທີ່ສະໜິດສະໜົມຂອງທ່ານກັບປະຊາຊົນຈີນ ຍັງຄົງຢູ່ໃນໃຈຂອງຫລາຍຄົນຢູ່ທີ່ນີ້. ສາມາດເວົ້າວ່າ ປະທານ ໂຮ່ຈີມິນ ໄດ້ອຸທິດຕະຫຼອດຊີວິດຂອງຕົນເພື່ອຊຸກຍູ້ ແລະ ພັດທະນາການພົວພັນມິດຕະພາບລະຫວ່າງປະຊາຊົນຫວຽດນາມ - ຈີນ, ແມ່ນຜູ້ເປີດປະຕູໃຫ້ແກ່ການພົວພັນມິດຕະພາບລະຫວ່າງສອງປະເທດ ແລະ ຍາມໃດກໍ່ໄດ້ຮັບຄວາມເຄົາລົບນັບຖື, ຄວາມຄິດເຖິງຈາກຄົນຈີນ ທຸກຄົນ.
ພາກທີ III: ຂີດໝາຍ ໂຮ່ຈີມິນ - ນ້ຳໃຈມິດຕະພາບຈະຍືນຍົງຕະຫຼອດໄປ. ສາຍພົວພັນມິດຕະພາບ ຫວຽດນາມ - ຈີນ ໂດຍປະທານໂຮ່ຈິມິນ ແລະ ປະທານປະເທດ ເມົາເຈີຕຸງ ຕັ້ງພື້ນຖານ ແລະ ເພີ່ມພູນຄູນສ້າງ ສືບຕໍ່ໄດ້ຮັບການສືບທອດ, ພັດທະນາຈາກຄົນລຸ້ນຫຼັງ, ກາຍເປັນຊັບສົມບັດລວມອັນລ້ຳຄ່າຂອງສອງພັກ, ສອງລັດ ແລະ ປະຊາຊົນສອງປະເທດ ຈີນ. ປະຈຸບັນ, ບັນດາສະຖານທີ່ທີ່ມີຮອຍຍ່າງເຄື່ອນໄຫວປະຕິວັດຂອງປະທານໂຮ່ຈີມິນ ຢູ່ຈີນ ຍັງຄົງໄດ້ຮັບການຮັກສາ, ເສີມຂະຫຍາຍຄຸນຄ່າ, ກາຍເປັນບ່ອນແດງ ເພື່ອສຶກສາມູນເຊື້ອປະຕິວັດ, ຈັດຕັ້ງການເຄື່ອນໄຫວແລກປ່ຽນໃຫ້ບັນດາປະຊາຊົນທຸກຂັ້ນຂອງສອງປະເທດ, ພິເສດແມ່ນລຸ້ນໜຸ່ມ. ນີ້ບໍ່ພຽງແຕ່ແມ່ນບັນດາຮ່ອງຮອຍທີ່ລະນຶກທີ່ສຳຄັນກ່ຽວກັບປະທານ ໂຮ່ຈີມິນ ຢູ່ຈີນ ເທົ່ານັ້ນ, ຫາກຍັງແມ່ນມໍລະດົກທາງຈິດໃຈອັນລ້ຳຄ່າ, ການເຊື່ອມຕໍ່ ແລະ ສົ່ງເສີມນ້ຳໃຈມິດຕະພາບ “ທັງເປັນສະຫາຍ, ທັງເປັນອ້າຍນ້ອງ” ຂອງສອງປະເທດຫວຽດນາມ - ຈີນ.
 |
| ນັກທ່ອງທ່ຽວໄປຢ້ຽມຢາມງານວາງສະແດງ. (ພາບ: ຫໍພິພິທະພັນ ໂຮ່ຈີມິນ) |
ກ່າວຄຳປາໄສທີ່ພິທີໄຂງານວາງສະແດງ, ທ່ານ ປອ ຫວູແມ້ງຮ່າ, ຜູ້ອຳນວຍການຫໍພິພິທະພັນໂຮ່ຈິມິນ ໃຫ້ຮູ້ວ່າ “ງານວາງສະແດງ “ຮອຍຍ່າງ ໂຮ່ຈິມິນ ຢູ່ຈີນ” ແມ່ນການເຄື່ອນໄຫວວັດທະນະທຳຢ່າງເເທດຈິງ, ມີກຳລັງແຜ່ກະຈາຍຢ່າງກ້ວາງຂວາງ, ປະກອບສ່ວນເພີ່ມພູນຄູນສ້າງ “ນ້ຳໃຈມິດຕະພາບ ຫວຽດນາມ-ຈີນ ໃຫ້ຂຽວສົດງົດງາມຕະຫຼອດໄປ” ຄືຄຳຂອງປະທານ ໂຮ່ຈີມິນ ເຄີຍກ່າວ. ດ້ວຍ ກວ່າ 200 ເອກະສານ, ຮູບພາບ, ວັດຖຸພັນທີ່ພົ້ນເດັ່ນທີ່ໄດ້ແນະນຳໃຫ້ປະຊາຊົນ, ໃນນັ້ນມີບັນດາວັດຖຸພັນທີ່ພິເສດ, ເປັນເອກະລັກສະເພາະ, ງານວາງສະແດງ “ຮອຍຍ່າງ ໂຮ່ຈິມິນ ຢູ່ຈີນ” ໄດ້ສະແດງໃຫ້ເຫັນຢ່າງເລິກເຊິ່ງເຖິງບັນດາການເຄື່ອນໄຫວປະຕິວັດຂອງປະທານ ໂຮ່ຈິມິນ ຢູ່ຈີນ ໂດຍຜ່ານບັນດາໄລຍະ. ຄວາມຮັກແພງສະໜິດສະໜົມຂອງເພິ່ນທີ່ມີຕໍ່ບັນດາສະຫາຍ, ເພື່ອນມິດ ແລະ ປະຊາຊົນຈີນ ຍັງຄົງຢູ່ໃນໃຈຂອງຫລາຍຄົນຢູ່ທີ່ນີ້. ປະຈຸບັນ, ບັນດາສະຖານທີ່ລະນຶກການເຄື່ອນໄຫວປະຕິວັດຂອງປະທານ ໂຮ່ຈິມິນ ຢູ່ຈີນ ໄດ້ຮັບການຮັກສາ, ເສີມຂະຫຍາຍຄຸນຄ່າຈາກພັກ, ລັດ, ອຳນາດການປົກຄອງທຸກຂັ້ນ ແລະ ປະຊາຊົນຈີນ, ກາຍເປັນບ່ອນແດງ ເພື່ອສຶກສາມູນເຊື້ອປະຕິວັດ, ການຈັດຕັ້ງການເຄື່ອນໄຫວແລກປ່ຽນໃຫ້ບັນດາປະຊາຊົນທຸກຊັ້ນວັນນະຂອງສອງປະເທດ, ພິເສດແມ່ນລຸ້ນໜຸ່ມ".
ງານວາງສະແດງຄັ້ງນີ້ ຈັດຂຶ້ນຢູ່ຫໍພິພິທະພັນ ໂຮ່ຈິມິນ ແຕ່ວັນທີ 11 ພະຈິກ 2024 ຫາທ້າຍເດືອນເມສາ 2025.
 | ນະຄອນ ໂຮ່ຈິມິນ: ແຈ້ງຂໍ້ມູນກ່ຽວກັບມະຕິເລກທີ 98 ໃຫ້ຊາວຫວຽດນາມ ທີ່ອາໄສຢູ່ ແຟງລັງ ຍສໝ - ແຕ່ວັນທີ 13-14 ກັນຍາ (ຕາມເວລາທ້ອງຖິ່ນ), ສະຖານທູດ ຫວຽດນາມ ປະຈຳ ແຟງລັງ ແລະ ຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ (HCMC) ໄດ້ຈັດຕັ້ງກອງປະຊຸມແຈ້ງຂໍ້ມູນເຜີຍແຜ່ກ່ຽວກັບມະຕິເລກທີ 98/2023/QH15 ຂອງສະພາແຫ່ງຊາດ ແລະ ໂຄງການນະໂຍບາຍເສີມຂະຫຍາຍຢ່າງມີສິດທິຜົນແຫຼ່ງກຳລັງການສົ່ງເງິນຕາຕ່າງປະເທດກັບຄືນມາປະເທດ ຂອງຊາວຫວຽດນາມ ທີ່ອາໄສຢູ່ຕ່າງປະເທດ ບົນບໍລິເວນນະຄອນ ໂຮ່ຈິມິນ ... |
 | ຜູ້ຊົງຄຸນວຸດທິມິດຕະພາບ ຈີນ ປະກອບສ່ວນພັດທະນາການພົວພັນ ຫວຽດນາມ-ຈີນ ແບບຍືນຍົງ ຍສໝ - ທ່ານເລຂາທິການໃຫຍ່, ປະທານປະເທດ ໂຕເລີມ ເຊື່ອໝັ້ນວ່າ ຜູ້ແທນແຕ່ລະຄົນທີ່ເຂົ້າຮ່ວມການພົບປະ, ບໍ່ວ່າຈະເປັນໃຜ ຫຼື ດຳລົງຕຳແໜ່ງໃດກໍ່ຕາມ, ລ້ວນແຕ່ມີຄວາມປາຖະໜາລວມອັນໃຫຍ່ຫຼວງ ແມ່ນສາຍພົວພັນຫວຽດນາມ - ຈີນ “ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ". |
ມີງດຶກ
