ຮູບພາບທະຫານລຸງໂຮ່ ຂ້າມຊາຍແດນແຫ່ງຊາດ, ກາຍເປັນສັນຍາລັກອັນສູງສົ່ງ

	ເປີດງານວາງສະແດງຮູບພາບ “ປະເທດຊາດຢູ່ຝັ່ງທະເລ” ຢູ່ລາວ
	ບັນດາຮູບພາບທຳອິດຂອງທີມແຂ່ງລົດຈັກນ້ຳ UIM-ABP Aquabike World Championship 2024

ບັນດາວຽກງານທີ່ຈິງໃຈ ແລະເລິກເຊິ່ງນັ້ນ ໄດ້ຊ່ວຍແຜ່ຂະຫຍາຍຄວາມງາມ, ຄຸນຄ່າວັດທະນະທໍາທະຫານລຸງໂຮ່ ທັງແມ່ນຄວາມງາມວັດທະນະທໍາຂອງຊາດຫວຽດນາມ ໃນໂລກ ດ້ວຍຄວາມຮັກແພງ, ເຄົາລົບນັບຖື ແລະສະໜັບສະໜູນຂອງມ່ວນມະນຸດ. ຮູບພາບທະຫານລຸງໂຮ່ ໄດ້ຮັບຄວາມເຊື່ອໝັ້ນຮັກແພງຈາກປະຊາຊົນ ລາວ ເວົ້າສະເພາະ ເວົ້າລວມແມ່ນເພື່ອນມິດສາກົນ, ແລະຖືນັ້ນແມ່ນສັນຍາລັກອັນສູງສົ່ງ.

1. ປະຫວັດສາດການພົວພັນສາກົນ ມີຫຼາຍການພົວພັນຮ່ວມມື, ຮ່ວມສໍາພັນ, ຊ່ວຍເຫຼືອເຊິ່ງກັນແລະກັນ ແຕ່ການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະການຮ່ວມມືຮອບດ້ານ ລາວ-ຫວຽດນາມ, ຫວຽດນາມ-ລາວ ແມ່ນການພົວພັນພິເສດ, ມີໜຶ່ງບໍ່ມີສອງໃນໂລກ. ໃນນັ້ນ, ຮູບພາບທະຫານລຸງໂຮ່ ແມ່ນສັນຍາລັກທີ່ເປັນແບບຢ່າງໃຫ້ແກ່ນໍ້າໃຈສາມັກຄີລະຫວ່າງສອງຊາດ, ສອງກອງທັບ ທີ່ຍາມໃດກໍມີຄວາມສັດຊື່ບໍລິສຸດຜູດຜ່ອງ, ຈົ່ງຮັກພັກດີ, ຈິງໃຈ ແລະເລິກເຊິ່ງ.

ການພົວພັນພິເສດ ລາວ-ຫວຽດນາມ, ຫວຽດນາມ-ລາວ ໂດຍ ປະທານ ໂຮ່ຈີມິນ, ປະທານ ໄກສອນ ພົມວິຫານ ແລະປະທານ ສຸພານຸວົງ ເປັນຜູ້ກໍ່ຕັ້ງ, ເພີ່ມພູນຄູນສ້າງ ແລະການນໍາພັກ, ລັດ ຮຸ່ນຕ່າງໆ, ປະຊາຊົນສອງປະເທດ ໄດ້ເສີມຂະຫຍາຍ. ການພົວພັນ ລາວ-ຫວຽດນາມ ກາຍເປັນກົດເກນເປັນຕາຍ ແລະເປັນກໍາລັງແຮງເພື່ອໃຫ້ການປະຕິວັດສອງປະເທດ ຍາດໄດ້ໄຊຊະນະອັນໃຫຍ່ຫຼວງ. ການພົວພັນ ຫວຽດນາມ-ລາວ ແມ່ນຊັບສົມບັດລວມອັນລໍ້າຄ່າຂອງສອງຊາດ ໄດ້ຮັບການຫຼໍ່ຫຼອມດ້ວຍ 4 ຄໍາສັບທີ່ວ່າ: ນໍ້າໃຈສະຫາຍ, ນໍ້າໃຈສາມັກຄີ, ນໍ້າໃຈອ້າຍນ້ອງ, ນໍ້າໃຈເພື່ອນມິດ.

ລາວ ແລະຫວຽດນາມ ແມ່ນສອງປະເທດບ້ານໃກ້ເຮືອນຄຽງ, ຮ່ວມກັນດໍາລົງຊີວິດໃນແຫຼມອິນດູຈີນ, ມີພູຜາປ່າໄມ້ແມ່ນໍ້າລໍາເຊຕິດຈອດກັນ, ຮ່ວມລໍາແມ່ນໍ້າຂອງ, ຕ່າງກໍ່ອີງຫຼັງໃສ່ສາຍພູຫຼວງທີ່ໃຫຍ່ໂຕມະໂຫຖານ ແລະມີການພົວພັນອັນສະໜິດສະໜົມມາແຕ່ດົນນານ, ພ້ອມກັນຕໍ່ສູ້ຕ້ານສັດຕູໂຕດຽວກັນ. ຈຸດພິເສດເຫຼົ່ານັ້ນ ໄດ້ຮັດແໜ້ນສອງປະເທດພວກເຮົາ, ກາຍເປັນກ້ອນກໍາລັງແຮງລວມ, ສະໜິດຕິດພັນ, ແບ່ງທຸກແບ່ງສຸກ ແລະຮ່ວມເປັນຮ່ວມຕາຍນໍາກັນໃນຕະຫຼອດໄລຍະປະຫວັດສາດ. ປະທານ ໂຮ່ຈີມິນ ເຄີຍເວົ້າວ່າ: “ສອງຊາດ ລາວ-ຫວຽດ ໄດ້ ຝັງຄວາມຮັກຢູ່ໃນໃຈ / ຮົ່ງຮ່າທັງແມ່ຂອງ ບໍ່ເລິກປຸນປານໄດ້”. ປະທານ ໄກສອນ ພົມວິຫານ ເຄີຍຢັ້ງຢືນວ່າ: “ໃນປະຫວັດສາດຂອງການພົວພັນໂລກ ໄດ້ມີຫຼາຍແບບຢ່າງ ທີ່ດີງາມກ່ຽວກັບນໍ້າໃຈກໍາມະຊີບສາກົນ, ແຕ່ບໍ່ມີບ່ອນໃດ ແລະບໍ່ມີຄວາມສາມັກຄີຮ່ວມສໍາພັນສູ້ຮົບໃດ ພິເສດ, ຍາວນານ ແລະຮອບດ້ານ ຄື ລາວ - ຫວຽດນາມ”.

ລາຍການສະແດງສິລະປະ “ຄວາມໄວ້ເນື້ອເຊື່ອໃຈຕະຫຼອດໄປ” ໃນຂອບເຂດງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນຫວຽດນາມ-ລາວ ຄັ້ງທີສອງ, ປີ 2024. ພາບ: dangcongsan.vn

ຄວາມສາມັກຄີ, ຮ່ວມສໍາພັນ ລາວ-ຫວຽດນາມ ໃນການຕໍ່ສູ້ຕ້ານສັດຕູລວມ ແມ່ນພະຍານຫຼັກຖານທີ່ສະແດງໃຫ້ເຫັນຢ່າງຈະແຈ້ງ, ພົ້ນເດັ່ນໃຫ້ຄຸນຄ່າຂອງການພົວພັນພິເສດ. ໃນຊຸມປີເດືອນແຫ່ງສົມຄາມ ແລະໃນພາຍໜ້າ, ກອງທັບປະຊາຊົນຫວຽດນາມ ໄດ້ຄຽງບ່າຄຽງໄຫຼ່ກັນຕໍ່ສູ້, “ເຂົ້າເມັດຫັກຜັກເສັ້ນໜຶ່ງ ກໍແບ່ງປັນກັນກິນ” ພ້ອມກັບກອງທັບ ແລະປະຊາຊົນລາວ ຍາດໄດ້ໄຊຊະນະອັນໃຫຍ່ຫຼວງ. ໃນສະໄໝຕໍ່ສູ້ກູ້ຊາດ, ການເສຍສະຫຼະຂອງທະຫານອາສາສະໝັກ ແລະຊ່ຽວຊານການທະຫານຫວຽດນາມ, ກໍຄືເລືອດເນື້ອຂອງນັກຮົບຫວຽດນາມ ໄດ້ປະສານເຂົ້າກັບເລືອດເນື້ອຂອງນັກຮົບລາວ. ຄືດັ່ງຄຳຍ້ອງຍໍຂອງການນຳພັກ, ລັດ ແລະປະຊາຊົນລາວ ທີ່ວ່າ: “ຢູ່ປະເທດລາວ, ບໍ່ມີບ່ອນໃດທີ່ບໍ່ມີຮອຍຕີນ ຂອງທະຫານອາສາສະໝັກຫວຽດນາມ, ບໍ່ມີໄຊຊະນະໃດທີ່ບໍ່ມີການເສຍສະຫຼະ ແລະການປະກອບສ່ວນຂອງທະຫານອາສາສະໝັກຫວຽດນາມ”.

ປະຊາຊົນ ລາວ ບັນດາເຜົ່າ ຍາມໃດກໍຈົດຈໍາ ແລະຮູ້ບຸນຄຸນຕໍ່ການຊ່ວຍເຫຼືອອັນລໍ້າຄ່າທີ່ບໍ່ມີຫຍັງສາມາດປຽບທຽບໄດ້ຂອງທະຫານຫວຽດນາມ ໃນພາລະກິດຕໍ່ສູ້ກູ້ຊາດເພື່ອເອກະລາດ, ອິດສະຫຼະພາບໃຫ້ແກ່ປະຊາຊົນ ລາວ ໃນເມື່ອກ່ອນ.

2. ໃນການຕໍ່ສູ້ຕ້ານສັດຕູໂຕດຽວກັນ ເພື່ອຍາດເອົາເອກະລາດມາໃຫ້ສອງປະເທດນັ້ນ, ທະຫານລຸງໂຮ່ ແມ່ນນັກຮົບກໍາມະຊີບສາກົນອັນສູງສົ່ງ. ມາຮອດສະໄໝສັນຕິພາບ, ເມື່ອອອກຈາກກອງທັບ, ບັນດາສະຫາຍຍັງສືບຕໍ່ອຸທິດສ່ວນ, ໂຄສະນາເຜີຍແຜ່, ສຶກສາອົບຮົມໃຫ້ລູກຫຼານເຂົ້າໃຈຢ່າງເລິກເຊິ່ງກ່ຽວກັບການພົວພັນສາມັກຄີພິເສດ ແລະສືບຕໍ່ສືບທອດມູນເຊື້ອອັນສະຫງ່າງາມຂອງສອງປະເທດ, ສອງກອງທັບ.

ທະຫານລຸງໂຮ່ ສືບຕໍ່ເປັນເພື່ອນທີ່ໄວ້ເນື້ອເຊື່ອໃຈ, ຊ່ວຍເຫຼືອປະເທດລາວ ພັດທະນາເສດຖະກິດ, ວັດທະນະທໍາ, ສັງຄົມ. ໂຄງການໂທລະຄົມມະນາຄົມ Unitel ດ້ວຍການໜູນຊ່ວຍຂອງກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ກໍ່ສ້າງ ແລະພັດທະນານັ້ນ ໄດ້ປະກອບສ່ວນຊຸກຍູ້ວິວັດການຫັນເປັນທັນສະໄໝ ແລະເຊື່ອມຕໍ່ປະຊາຊົນລາວ, ສ້າງເງື່ອນໄຂພັດທະ ນາເສດຖະກິດ-ສັງຄົມຂອງປະເທດລາວ. ພົ້ນເດັ່ນແມ່ນໂຄງການຫໍສະພາແຫ່ງຊາດລາວ ຫຼັງໃໝ່ ເຊິ່ງເປັນຂອງຂວັນຂອງພັກ, ລັດຫວຽດນາມ ໂດຍແມ່ທັບນ້ອບ 11 ກໍ່ສ້າງ. ກິດຈະກຳແມ່ນສັນຍາລັກແຫ່ງນໍ້າໃຈມິດຕະພາບລະຫວ່າງສອງປະເທດ. ໃນການຮ່ວມມືພັດທະນາເຂດຊາຍແດນ, ທະຫານລຸງໂຮ່ ໄດ້ຊ່ວຍເຫຼືອບັນດາທ້ອງຖິ່ນຂອງລາວ ກໍ່ສ້າງກິດຈະການຮັບໃຊ້ຊີວິດດ້ານວັດຖຸ ແລະຈິດໃຈຂອງປະຊາຊົນ, ໜູນຊ່ວຍການສຶກສາ, ສາທາລະນະສຸກ, ຄວາມໝັ້ນຄົງຢູ່ເຂດຊາຍແດນ, ຮັບປະກັນໃຫ້ການດຳລົງຊີວິດຂອງປະຊາຊົນ ເປັນປົກກະຕິ. ໃນການສຶກສາ ແລະກໍ່ສ້າງທະຫານ, ນັກຮຽນທະຫານລາວ ນັບຫຼາຍພັນຄົນ ໄດ້ຮັບການກໍ່ສ້າງຢູ່ວິທະຍາຄານ, ໂຮງຮຽນຕ່າງໆຂອງກອງທັບປະຊາຊົນຫວຽດນາມ, ປະກອບສ່ວນກໍ່ສ້າງພະນັກງານທະຫານລາວ ຮຸ່ນຕ່າງໆ ທີ່ມີຄວາມຮູ້, ລະດັບວິຊາສະເພາະ ແລະຄວາມເອກອ້າງທະນົງໃຈຕໍ່ຊາດ, ພ້ອມແລ້ວທີ່ຈະຮັບໃຊ້ປະເທດຊາດ.

ຮັບຮູ້ການອຸທິດສ່ວນ, ການປະກອບສ່ວນນັ້ນ, ພັກ, ລັດລາວ ແລະກອງທັບປະຊາຊົນ ລາວ ໄດ້ມອບນາມມະຍົດ, ລາງວັນອັນສູງສົ່ງ ໃຫ້ໝູ່ຄະນະ, ບຸກຄົນ ທະຫານອາສາສະໝັກ ແລະຊ່ຽວຊານທະຫານຫວຽດນາມ ທີ່ເຄີຍສູ້ຮົບ ແລະພະນັກງານ, ນັກຮົບປະຕິບັດງານຢູ່ລາວ. ປະຊາຊົນລາວ ບັນດາເຜົ່າ ເຊື່ອໝັ້ນຮັກແພງ ຖື ທະຫານລຸງໂຮ່ ຄື ຍາດຕິພີ່ນ້ອງ, ອ້າຍນ້ອງໃນຄອບຄົວຂອງຕົນ.

ປັດຈຸບັນ, ສະພາບການໂລກ ແລະພາກພື້ນ ສືບຕໍ່ຜັນແປຢ່າງໄວວາ ແລະຄາດເດົາໄດ້ຍາກ, ຊ້ອນແຝງໄພນາບຂູ່ເຖິງຄວາມໝັ້ນຄົງ, ຫຼາຍການພົວພັນສະຫຼັບກັນຢ່າງສັບສົນ. ແຕ່ນໍ້າໃຈຮັກແພງຂອງປະຊາຊົນລາວ ຕໍ່ທະຫານຫວຽດນາມ ຈະບໍ່ຈືດຈາງຕະຫຼອດໄປ ແລະຍາມໃດກໍໄດ້ຮັບການເສີມສ້າງຢູ່ສະເໝີ.

ຫວ່າງແລ້ວນີ້, ທີ່ຮ່າໂນ້ຍ, ໃນການພົບປະສັງສັນສະເຫຼີມສະຫຼອງ 75 ປີແຫ່ງວັນມູນເຊື້ອທະຫານອາສາສະໝັກ ແລະຊ່ຽວຊານຫວຽດນາມ ຢູ່ລາວ (30-10-1949 / 30-10-2024), ຕາງໜ້າການນໍາພັກ, ລັດລາວ, ທ່ານພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກປະຊາຊົນປະຕິວັດ ລາວ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ ໄດ້ເຂົ້າຮ່ວມ ແລະກ່າວຄໍາເຫັນ ໂດຍຢັ້ງຢືນ ວ່າ: “ພັກ, ລັດຖະບານ, ກອງທັບ ແລະປະຊາຊົນລາວ ຮັບຮູ້ຢ່າງເລິກເຊິ່ງວ່າ ໃນຜືນແຜ່ນດິນທີ່ຮັກແພງຂອງພວກຂ້າພະເຈົ້າ, ແຕ່ເໜືອຮອດໃຕ້ ມີຢອດເຫື່ອ ແລະເລືອດເນື້ອຂອງນັກຮົບປະຕິວັດສອງປະເທດ ໃນພາລະກິດຕໍ່ສູ້ຍາດເອົາເອກະລາດຂອງລາວ. ບໍ່ມີໃຜສາມາດນັບໄດ້ມີຫ້ວຍນ້ຳລຳເຊ, ພູຜາປ່າໄມ້ບໍ່ຈັກວ່າເທົ່າໃດ ໃນປະເທດລາວ ທີ່ນັກຮົບປະຕິວັດສອງປະເທດ ໄດ້ໄປຜ່ານສູ້ຮົບຕ້ານສັດຕູໂຕດຽວກັນ. ເຖິງວ່າຫຼາຍທົດສະວັດ ໄດ້ຜ່ານໄປ, ສອງປະເທດພວກເຮົາ ໄດ້ພ້ອມກັນກໍ່ສ້າງສັງຄົມນິຍົມໃນ 40 ກວ່າປີຜ່ານມາແລ້ວ ແຕ່ການຈົດຈໍາ, ຮູ້ບຸນຄຸນຂອງພັກ, ລັດຖະບານ ແລະປະຊາຊົນລາວ ທີ່ມີຕໍ່ການອຸທິດສ່ວນ ແລະການເສຍສະຫຼະອັນໃຫຍ່ຫຼວງຂອງກອງທັບ ແລະປະຊາຊົນຫວຽດນາມ ອ້າຍນ້ອງ ທີ່ສະຫງວນໃຫ້ແກ່ພາລະກິດປະຕິວັດຂອງລາວ ແມ່ນບໍ່ສາມາດຈາງຫາຍໄປ ແລະຍັງຝັງເລິກຢູ່ໃນຫົວໃຈຂອງປະຊາຊົນລາວ ຕະຫຼອດໄປ. ພວກຂ້າພະເຈົ້າ ໃຫ້ຄໍາໝັ້ນສັນຍາວ່າ ບໍ່ວ່າໃນໄລຍະໃດ, ສະພາບການໃດ, ພັກ, ລັດຖະບານ, ບັນດາກໍາລັງປະກອບອາວຸດ ແລະປະຊາຊົນລາວ ບັນດາເຜົ່າ ກໍ່ພ້ອມກັບພັກ, ລັດຖະບານ, ກອງທັບ ແລະປະຊາຊົນຫວຽດນາມ ອ້າຍນ້ອງ ຮັກສາ ແລະເສີມຂະຫຍາຍການພົວພັນທີ່ຫາຍາກລະຫວ່າງສອງປະເທດ ໃຫ້ໝັ້ນຄົງຂະໜົງແກ່ນ ໄປຊົ່ວກາລະນານ, ສົມກັບການເສຍສະຫຼະອັນໃຫຍ່ຫຼວງຂອງນັກຮົບທະຫານອາສາສະໝັກ ແລະຊ່ຽວຂານຫວຽດນາມ ທີ່ເຮັດໜ້າທີ່ສາກົນ ຢູ່ລາວ”.

3. ໂດຍແມ່ນລູກຜູ້ໜຶ່ງຂອງປະເທດລາວ, ໄດ້ໄປຮັບໜ້າທີ່ຢູ່ຫວຽດນາມ, ຂ້າພະເຈົ້າ ຮູ້ສຶກເປັນກຽດ ເມື່ອມີຫຼາຍໂອກາດໄດ້ພົບປະກັບທະຫານລຸງໂຮ່, ໄດ້ຮັບຟັງຫຼາຍເລື່ອງທີ່ເຕັມໄປດ້ວຍຄວາມຮັກແພງ ທີ່ ທະຫານຫວຽດນາມ, ບັນດາສະຫາຍທະຫານອາສາສະໝັກ ແລະຊ່ຽວຊານການທະຫານຫວຽດນາມ ໄດ້ສະຫງວນໃຫ້ແກ່ປະຊາຊົນພວກຂ້າພະເຈົ້າ.

ໃນຊຸມປີເດືອນແຫ່ງການຕໍ່ສູ້ຢ່າງດຸເດືອດ, ນໍ້າໃຈມິດຕະພາບແບບພິເສດລະຫວ່າງຫວຽດນາມ ແລະລາວ ໄດ້ສະແດງໃຫ້ເຫັນຢ່າງຈະແຈ້ງຜ່ານ ແຕ່ລະການກະທໍາ ແລະການເສຍສະຫຼະຂອງທະຫານອາສາສະໝັກຫວຽດນາມ. ໜຶ່ງໃນບັນດາເລື່ອງລາວທີ່ສະເທືອນໃຈ ແລະໜ້າເຄົາລົບນັບຖືທີ່ສຸດ ນັ້ນແມ່ນຮູບພາບນັກຮົບຫວຽດນາມ ໄດ້ເອົາຕົນເອງເປັນສິ່ງກໍາບັງລູກປືນ ເພື່ອປົກປ້ອງໃຫ້ການນໍາລາວ ເມື່ອປະເຊີນໜ້າກັບໄພອັນຕະລາຍ, ຍອມເສຍສະຫຼະຊີວິດ ເພື່ອຮັບປະກັນຄວາມປອດໄພ ໃຫ້ແກ່ສະຫາຍ, ອ້າຍນ້ອງຂອງຕົນ. ນັ້ນແມ່ນສະຫາຍ ເລທ້ຽວຮຸຍ - ທະຫານອາສາສະໝັກ ທີ່ໄດ້ເອົາຕົນເອງເປັນສິ່ງກໍາບັງລູກປືນໃຫ້ສະເດັດເຈົ້າ ສຸພານຸວົງ (ສະເດັດເຈົ້າ ສຸພານຸວົງ ໃນຄາວນັ້ນແມ່ນ ລັດຖະມົນຕີກະຊວງການຕ່າງປະເທດ, ຜູ້ບັນຊາການສູງສຸດບັນດາກໍາລັງປະກອບອາວຸດ ປະເທດລາວ, ຫົວໜ້າກອງທະຫານປະສົມ ລາວ-ຫວຽດ ຢູ່ພາກກາງລາວ) ແລະລາວໄດ້ເສຍສະຫຼະຊີວິດຢ່າງພິລະອາດຫານ ໃນວັນທີ 21 ມີນາ 1946.

ເລື່ອງລາວທີ່ສະເທືອນໃຈນັ້ນ ບໍ່ພຽງແຕ່ແມ່ນພະຍານຫຼັກຖານໃຫ້ນໍ້າໃຈສາມັກຄີສະໜິດຕິດພັນລະຫວ່າງສອງຊາດ, ສອງກອງທັບ ເທົ່ານັ້ນ ຫາກຍັງ ເປັນສັນຍາລັກອັນສູງສົ່ງແຫ່ງນໍ້າໃຈຈົ່ງຮັກພັກດີ ແລະການເສຍສະຫຼະທີ່ບໍ່ມີເງື່ອນໄຂ ເຊິ່ງບັນດານັກຮົບຫວຽດນາມ ໄດ້ສະຫງວນໃຫ້ແກ່ການນໍາລາວ. ສໍາລັບປະຊາຊົນລາວ, ບັນດາການກະທໍາທີ່ກ້າຫານເດັດດ່ຽວນັ້ນ ແມ່ນພະຍານຫຼັກຖານໃຫ້ແກ່ນໍ້າໃຈເພື່ອນມິດ, ຖານສະຫາຍອັນສູງສົ່ງ, ເປັນແວ່ນແຍງອັນໃສແຈ້ງກ່ຽວກັບນໍ້າໃຈສັດຊື່ບໍລິສຸດລະຫວ່າງສອງຊາດອ້າຍນ້ອງ, ຍອມເສຍສະຫຼະເພື່ອກັນ ໃນສະຖານະການອັນຕະລາຍ. ຮູບພາບບັນດານັກຮົບຫວຽດນາມ ເອົາຕົນເອງເປັນສິ່ງກໍາບັງລູກປືນ ໄດ້ກາຍເປັນສັນຍາລັກແຫ່ງນໍ້າໃຈສາມັກຄີສາກົນອັນສູງສົ່ງ, ແຫ່ງນໍ້າໃຈທະຫານລຸງໂຮ່ ທີ່ຈົ່ງຮັກພັກດີ, ຍອມເສຍສະຫຼະຊີວິດ ແລະພ້ອມແລ້ວທີ່ຈະປົກປັກຮັກສາ ໃຫ້ແກ່ບັນດາຄຸນຄ່າສັນຕິພາບ ເຊິ່ງທັງສອງຊາດ ລ້ວນແຕ່ເຄົາລົບນັບຖື.

ສໍາລັບຂ້າພະເຈົ້າ, ຮູບພາບທະຫານລຸງໂຮ່ ຍາມໃດກໍແມ່ນສັນຍາລັກແຫ່ງນໍ້າໃຈເມດຕາຈິດ, ຄວາມສຸດອົກສຸດໃຈ ແລະຄວາມຮັບຜິດຊອບອັນສູງສົ່ງ. ການພົບປະຄັ້ງຕ່າງໆ, ບັນດາເລື່ອງລາວ ແລະການຊ່ວຍເຫຼືອຂອງທະຫານລຸງໂຮ່ ໄດ້ສ້າງຄວາມປະທັບໃຈອັນເລິກເຊິ່ງໃນຫົວໃຈຂ້າພະເຈົ້າ. ເຖິງວ່າ ໃນສະໄໝສົງຄາມ ຫຼື ສະໄໝສັນຕິພາບ, ບັນດາສະຫາຍ ຍາມໃດກໍພ້ອມແລ້ວທີ່ຈະຊ່ວຍເຫຼືອ, ໜູນຊ່ວຍ ແລະຮ່ວມເດີນທາງກັບປະຊາຊົນລາວ ຄື ດັ່ງອ້າຍນ້ອງຄີງຂອງຕົນ.

ເຫັນປະຈັກຕາບັນດາຊ່ຽວຊານທະຫານຫວຽດນາມ, ຜູ້ທີ່ໄປຊ່ວຍລາວ ກໍ່ສ້າງ ແລະພັດທະນາກໍາລັງການທະຫານໃນໄລຍະສັນຕິພາບ, ຂ້າພະເຈົ້າ ຍາມໃດກໍຮູ້ສຶກໄດ້ຄວາມເຂັ້ມງວດ, ເປັນມືອາຊີບ ແຕ່ຈິງໃຈທີ່ສຸດຂອງບັນດາສະຫາຍ. ທະຫານຫວຽດນາມ ບໍ່ພຽງແຕ່ແມ່ນຜູ້ທີ່ເກັ່ງດ້ານວິຊາສະເພາະ ເທົ່ານັ້ນ ຫາກຍັງເປັນເພື່ອນທີ່ສະໜິດສະໜົມ, ຍາມໃດກໍຮັບຟັງ ແລະແບ່ງປັນທຸກຄວາມຫຍຸ້ງຍາກ, ເຖິງວ່າໃນວຽກງານ ຫຼື ໃນຊີວິດການເປັນຢູ່. ຍ້ອນການໜູນຊ່ວຍ ແລະຊີ້ບອກຂອງຊ່ຽວຊານ, ກອງທັບປະຊາຊົນລາວ ນັບມື້ນັບໝັ້ນຄົງເຂັ້ມແຂງ. ພະນັກງານໜຸ່ມຮຸ່ນຕ່າງໆໃນກອງທັບປະຊາຊົນລາວ ໄດ້ມີໂອກາດຮຽນຮູ້, ເຕີບໃຫຍ່ຂະຫຍາຍຕົວໃນສະພາບແວດ ລ້ອມທີ່ເຕັມໄປດ້ວຍຄວາມຮັກແພງ ແລະສຸດອົກສຸດໃຈ. ສໍາລັບຂ້າພະເຈົ້າ ແລະປະຊາຊົນລາວ ຫຼາຍຄົນແລ້ວ, ນັກຮົບກອງທັບປະຊາຊົນຫວຽດນາມ ແຕ່ລະຄົນ ລ້ວນແຕ່ເປັນສ່ວນໜຶ່ງໃນຫົວໃຈຂອງພວກຂ້າພະເຈົ້າ, ເປັນຮູບພາບອັນສູງສົ່ງ, ດີງາມ ແລະໜ້າເຄົາລົບນັບຖືຕະຫຼອດໄປ.

ໃນສະໄໝຕໍ່ສູ້ກູ້ຊາດ, ທະຫານລຸງໂຮ່ ບໍ່ພຽງແຕ່ອາສາສະໝັກ ເຮັດໜ້າທີ່ສາກົນຊ່ວຍປະຊາຊົນ ລາວ ເທົ່ານັ້ນ ຫາກຍັງຊ່ວຍເຫຼືອປະຊາຊົນ ກໍາປູເຈຍ ຫຼຸດພົ້ນອອກຈາກການດັບສູນເຊື້ອຊາດ. ໃນຊຸມປີມໍ່ໆມານີ້, ພະນັກງານ, ນັກຮົບກອງທັບປະຊາຊົນຫວຽດນາມ ຍັງຕັ້ງໜ້າເຂົ້າຮ່ວມກໍາລັງຮັກສາສັນຕິພາບຂອງສະຫະປະຊາຊາດ. ບັນດາວຽກງານທີ່ຈິງໃຈ ແລະເລິກເຊິ່ງນັ້ນ ໄດ້ຊ່ວຍແຜ່ຂະຫຍາຍຄວາມງາມ, ຄຸນຄ່າວັດທະນະທໍາທະຫານລຸງໂຮ່ ທັງແມ່ນຄວາມງາມວັດທະນະທໍາຂອງຊາດຫວຽດນາມ ໃນໂລກ ດ້ວຍຄວາມຮັກແພງ, ເຄົາລົບນັບຖື ແລະສະໜັບສະໜູນຂອງມ່ວນມະນຸດ. ຮູບພາບທະຫານ ລຸງໂຮ່ ໄດ້ຮັບຄວາມເຊື່ອໝັ້ນຮັກແພງຈາກປະຊາຊົນ ລາວ ເວົ້າສະເພາະ ເວົ້າລວມແມ່ນເພື່ອນມິດສາກົນ, ແລະຖືນັ້ນແມ່ນສັນຍາລັກອັນສູງສົ່ງ.

[ຮູບພາບ] ທ່ານປະທານສະພາຕ່ຳ ມາເລເຊຍ ແລະພັນລະຍາໄດ້ໄປຢ້ຽມຢາມຮ່ອງຮອຍແຫ່ງຊາດພິເສດ ວັນໝຽວ - ກວກຕຶ້ຢ໋າມ ທ່ານປະທານສະພາຕ່ຳ ມາເລເຊຍ ແລະ ພັນລະຍາໄດ້ໄປຢ້ຽມຢາມຮ່ອງຮອຍແຫ່ງຊາດພິເສດ ວັນໝຽວ - ກວກຕຶ້ຢ໋າມ

ການນຳສະເໜີ 39 ຮູບພາບຈາກບັນດານັກສິລະປິນຍຸກປະຈຸບັນ ຂັ້ນອາຈານກ່ຽວກັບສິລະປະທົ່ວໂລກ ຍສໝ - ແຕ່ວັນທີ 11 ຫາ 21 ຕຸລາ 2024 ຢູ່ຫໍພິພິທະພັນວິຈິດສິນຫວຽດນາມ (ເຮືອນເລກທີ 66 ຫງວຽນຖ໋າຍຫອກ, ຮ່າໂນ້ຍ, ຫວຽດນາມ) ຈະມີການຈັດງານວາງສະແດງສິລະປະລະຫວ່າງ ຫວຽດນາມ ແລະ ຮົ່ງກົງ (ຈີນ). ງານນີ້ວາງສະແດງ 39 ຮູບພາບຂອງບັນດານັກສິລະປິນຍຸກປະຈຸບັນທີ່ເປັນຂັ້ນອາຈານກ່ຽວກັບສິລະປະທົ່ວໂລກ ແລະ ບັນດານັກສິລະປິນທີ່ມີຊື່ສຽງມາຈາກຮົ່ງກົງ (ຈີນ) ...