ຊຸກຍູ້ການຮ່ວມມືກັບບັນດາຄູ່ຮ່ວມມືໃນຫຼາຍຂົງເຂດ
ຕາມການແຈ້ງການຂອງກະຊວງການຕ່າງປະເທດແລ້ວ, ທ່ານນາຍົກລັດຖະມົນຕີ ຟ້າມມິງຈິ້ງ ແລະ ພັນລະຍາ ເດີນທາງໄປເຂົ້າຮ່ວມກອງປະຊຸມຂັ້ນສູງ G20 ຢູ່ Rio de Janeiro, ປະເທດ ບຣາຊິນ ແຕ່ວັນທີ 16 – 19 ພະຈິກ2024, ຕາມຄຳເຊີນຂອງທ່ານປະທານາທິບໍດີ ບຣາຊິນ Luiz Inácio Lula da Silva. ຫຼັງຈາກນັ້ນ, ທ່ານນາຍົກລັດຖະມົນຕີຈະໄປຢ້ຽມຢາມສາທາລະນະລັດ Dominican ຢ່າງເປັນທາງການແຕ່ວັນທີ 19-21 ພະຈິກ 2024. ນີ້ແມ່ນຄັ້ງທີ 5 ທີ່ ຫວຽດນາມ ໄດ້ຮັບເຊີນເຂົ້າຮ່ວມກອງປະຊຸມ G20 ແລະ ການເດີນທາງໄປຢ້ຽມຢາມສາທາລະນະລັດ Dominican ແມ່ນເປັນຄັ້ງທຳອິດ.
 |
| ທ່ານນາຍົກລັດຖະມົນຕີ ຟ້າມມິງຈິ້ງ ແລະ ພັນລະຍາ ເດີນທາງໄປຢ້ຽມຢາມ ແລະ ເຮັດວຽກຢູ່ ບຣາຊິນ ແລະ ສາທາລະນະລັດ Dominican. (ພາບ: ໜັງສືພິມລັດຖະບານ) |
ກ່ອນການໄປປະຕິບັດງານຂອງທ່ານນາຍົກລັດຖະມົນຕີ, ຕອບສຳພາດຕໍ່ນັກຂ່າວ, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ຟ້າມແທ່ງບິ່ງ ໃຫ້ຮູ້ວ່າ ນີ້ແມ່ນຄັ້ງທີ 5 ທີ່ ຫວຽດນາມ ໄດ້ຮັບເຊີນເຂົ້າຮ່ວມກອງປະຊຸມສຸດຍອດ G20 ແລະ ເປັນຄັ້ງທຳອິດທີ່ການນຳຫຼັກແຫຼ່ງຂອງ ຫວຽດນາມ ໄປຢ້ຽມຢາມ ສາທາລະນະລັດ Dominica. ການໄປປະຕິບັດງານຄັ້ງນີ້ຂອງທ່ານນາຍົກລັດຖະມົນຕີ ມີຄວາມສຳຄັນໃນຫຼາຍດ້ານ:
ກ່ອນອື່ນໝົດ, ຢືນຢັນຖານະບົດບາດຂອງຫວຽດນາມ ຢູ່ G20: ເປັນຄັ້ງທຳອິດ, ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ເຂົ້າຮ່ວມກອງປະຊຸມ G20, ເຖິງວ່າ ຫວຽດນາມ ບໍ່ໄດ້ດຳເນີນການເປັນປະທານໝູນວຽນຂອງເວທີໃດ. ສິ່ງດັ່ງກ່າວນີ້ ໄດ້ສະແດງໃຫ້ເຫັນຄວາມຮັບຮູ້ຈາກປະຊາຄົມສາກົນກ່ຽວກັບບົດບາດຂອງ ຫວຽດນາມ ໃນພື້ນຖານເສດຖະກິດທົ່ວໂລກ, ກໍ່ຄືອິດທິພົນຂອງ ຫວຽດນາມ ໃນບັນດາກົນໄກຫຼາຍຝ່າຍ.
ທີສອງ, ປະກອບສ່ວນແກ້ໄຂບັນດາສິ່ງທ້າທາຍທົ່ວໂລກ: ເຂົ້າຮ່ວມກອງປະຊຸມ G20, ຫວຽດນາມ ຈະຕັ້ງໜ້າປະກອບສ່ວນເຂົ້າໃນບັນດາບັນຫາອັນຮີບດ່ວນທົ່ວໂລກຄື ຕ້ານຄວາມທຸກຍາກ, ພັດທະນາແບບຍືນຍົງ, ການຫັນປ່ຽນດ້ານພະລັງງານ ແລະ ການປະຕິຮູບການບໍລິຫານທົ່ວໂລກ. ທ່ານນາຍົກລັດຖະມົນຕີ ຟ້າມມິງຈິ້ງ ຈະກ່າວຄຳປາໄສກ່ຽວກັບບັນດາຫົວຂໍ້ຄື: “ການຕໍ່ສູ້ຕ້ານຄວາມທຸກຍາກ” ແລະ “ການພັດທະນາແບບຍືນຍົງ ແລະ ການຫັນປ່ຽນພະລັງງານ”, ແບ່ງປັນບົດຮຽນຂອງ ຫວຽດນາມ ໃນການຫຼຸດຜ່ອນຄວາມທຸກຍາກ ແລະ ຜັນຂະຫຍາຍຍຸດທະສາດພັດທະນາແບບຍືນຍົງ.
ທີສາມ, ຊຸກຍູ້ການຮ່ວມມືສອງຝ່າຍກັບ ບຣາຊິນ ແລະ ສາທາລະນະລັດ Dominica: ການໄປປະຕິບັດງານນີ້ ຈະເພີ່ມທະວີການພົວພັນ ຫວຽດນາມ - ບຣາຊິນ, ພິເສດແມ່ນໃນບັນດາຂົງເຂດເສດຖະກິດ, ການເມືອງ ແລະ ວັດທະນະທຳ. ທ່ານນາຍົກລັດຖະມົນຕີ ຟ້າມມິງຈິ້ງ ຈະພົບປະກັບປະທານາທິບໍດີ ບຣາຊິນ Lula da Silva ເພື່ອຊຸກຍູ້ບັນດາຂໍ້ຕົກລົງທີ່ບັນລຸໄດ້ໃນໄລຍະການເດີນທາງໄປຢ້ຽມຢາມຜ່ານມາ. ສຳລັບສາທາລະນະລັດ Dominica, ການເດີນທາງໄປຢ້ຽມຢາມ ຈະຊຸກຍູ້ການພົວພັນດ້ານເສດຖະກິດ ແລະ ການຄ້າ, ພິເສດແມ່ນໃນບັນດາຂົງເຂດຄື: ກະສິກຳ, ອຸດສາຫະກຳ, ພະລັງງານ, ການທ່ອງທ່ຽວ ແລະ ການຄົມມະນາຄົມ.
ສຳລັບ ສາທາລະນະລັດ Dominica, ການຢ້ຽມຢາມຈະສ້າງກຳລັງໜູນ ເພື່ອຊຸກຍູ້ເປີດກວ້າງການພົວພັນດ້ານເສດຖະກິດ, ການຄ້າ ແລະ ການລົງທຶນລະຫວ່າງ ຫວຽດນາມ ແລະ ສາທາລະນະລັດ Dominica, ພິເສດແມ່ນບັນດາຂົງເຂດທີ່ມີຄວາມສາມາດບົ່ມຊ້ອນຄື ກະສິກຳ, ອຸດສາຫະກຳ ແລະ ການຜະລິດສົ່ງອອກວັດສະດຸກໍ່ສ້າງ, ການດຳເນີນທຸລະກິດເຂດປຸງແຕ່ງຜະລິດເພື່ອສົ່ງອອກ, ພະລັງງານ - ນ້ຳມັນອາຍແກັສ, ໂທລະຄົມມະນາຄົມ ແລະ ການທ່ອງທ່ຽວ.
ຫວຽດນາມ ປະກອບສ່ວນແທດຈິງທີ່ກອງປະຊຸມສຸດຍອດ G20
|
ທີ່ກອງປະຊຸມ G20 ຄັ້ງທີ 19 ດ້ວຍຫົວຂໍ້ “ສ້າງໂລກທີ່ຍຸຕິທຳ ແລະ ຈັກກະວານແບບຍືນຍົງ”, ບັນດາບັນຫາຈຸດສຸມແມ່ນການຕ້ານຄວາມທຸກຍາກ, ການພັດທະນາແບບຍືນຍົງ ແລະ ການປະຕິຮູບບັນດາລະບອບລະບຽບການບໍລິຫານທົ່ວໂລກ. ທ່ານນາຍົກລັດຖະມົນຕີ ຟ້າມມິງຈິ້ງ ຈະເຂົ້າຮ່ວມບັນດາວາລະປຶກສາຫາລື ແລະ ກອງປະຊຸມພົບປະແລກປ່ຽນສຳຄັນຫຼາຍຢ່າງ, ໃນນັ້ນ ມີການສະເໜີການປະຕິຮູບການບໍລິຫານທົ່ວໂລກ, ຕອບສະໜອງຄຳຮຽກຮ້ອງການກະທຳຂອງ G20 ກ່ຽວກັບການປະຕິຮູບບັນດາລະບອບລະບຽບການສາກົນຄື ສະຫະປະຊາຊາດ ແລະ ອົງການການຄ້າໂລກ (WTO).
ຕາມທ່ານຮອງລັດຖະມົນຕີ ຟ້າມແທັງບິ່ງ ແລ້ວ, ທ່ານນາຍົກລັດຖະມົນຕີ ຟ້າມມິງຈິ້ງ ຄາດວ່າ ຈະມີການປະກອບສ່ວນຫຼາຍຢ່າງທີ່ແທ້ຈິງຢູ່ກອງປະຊຸມ.
ກ່ອນອື່ນແມ່ນ ແບ່ງປັນທັດສະນະກ່ຽວກັບບັນດາບັນຫາທົ່ວໂລກ. ທ່ານນາຍົກລັດຖະມົນຕີ ຈະກ່າວຄຳປາໄສໃນສອງກອງປະຊຸມໃນວັນທີ 18 ແລະ 19 ພະຈິກ ດ້ວຍ 2 ຫົວຂໍ້ສຳຄັນ, “ການຕໍ່ສູ້ຕ້ານຄວາມທຸກຍາກ” ແລະ “ການພັດທະນາແບບຍືນຍົງ ແລະ ການຫັນປ່ຽນພະລັງງານ”.
 |
| ກອງປະຊຸມສຸດຍອດກຸ່ມບັນດາພື້ນຖານເສດຖະກິດທີ່ພັດທະນາ ແລະ ຫາກໍ່ພົ້ນເດັ່ນຂຶ້ນ (G20) ຈັດຂຶ້ນແຕ່ວັນທີ 18-19 ພະຈິກ ຢູ່ນະຄອນ Rio de Janeiro ປະເທດ ບຣາຊິນ. (ພາບ: Getty) |
ທີສອງ, ສະແດງໃຫ້ເຫັນຄວາມສາມັກຄີໃນການຊອກຫາວິທີແກ້ໄຂກ່ຽວກັບການບໍລິຫານທົ່ວໂລກ. ທ່ານນາຍົກລັດຖະມົນຕີ ຟ້າມມິງຈິ້ງ ກໍ່ຈະຕອບສະໜອງຄຳຮຽກຮ້ອງການກະທຳກ່ຽວກັບການປະຕິຮູບການບໍລິຫານທົ່ວໂລກຂອງ G20 , ສະແດງໃຫ້ເຫັນຄຳໝັ້ນສັນຍາຂອງ ຫວຽດນາມ ສຳລັບລັດທິຫຼາຍຝ່າຍ ແລະ ຄວາມສາມັກຄີສາກົນ, ພ້ອມກັນນັ້ນ ກໍ່ເນັ້ນໜັກເຖິງບົດບາດສຳຄັນຂອງ G20 ໃນການຊຸກຍູ້ການພັດທະນາແບບຍືນຍົງອີກດ້ວຍ.
ທີສາມ, ຢືນຢັນຄຳໝັ້ນສັນຍາໃນການຮັບມືບັນດາສິ່ງທ້າທາຍໃນທົ່ວໂລກ. ທ່ານນາຍົກລັດຖະມົນຕີ ຈະເຂົ້າຮ່ວມໃນພິທີປຸກລະດົມຫົວຄິດປະດິດສ້າງ "ສຳພັນທົ່ວໂລກຕ້ານຄວາມທຸກຍາກ" ເປັນສະມາຊິກກໍ່ຕັ້ງ, ເພື່ອແນໃສ່ສ້າງກຳລັງໜູນໃຫມ່ໃຫ້ບັນດາຄວາມພະຍາຍາມການລຶບລ້າງຄວາມອຶດຫິວ ແລະ ການຫຼຸດຜ່ອນຄວາມທຸກຍາກ. ນີ້ກໍແມ່ນວິທີເຂົ້າເຖິງຂອງ ຫວຽດນາມ ໃນການເພີ່ມທະວີສຽງເວົ້າຂອງບັນດາປະເທດພວມພັດທະນາໃນບັນຫານີ້.
ທ່ານຮອງລັດຖະມົນຕີ ຟ້າມແທັງບິ່ງ ເຊື່ອໝັ້ນວ່າ ການໄປປະຕິບັດງານ ຈະຢືນຢັນຖານະບົດບາດ ແລະ ອິດທິພົນຂອງຫວຽດນາມ ໃນບັນດາເວທີສາກົນ, ພ້ອມກັນນັ້ນ ກໍ່ຊຸກຍູ້ການພົວພັນລະຫວ່າງ ຫວຽດນາມ ກັບ Brazil ແລະ ສາທາລະນະລັດ Dominica ອີກດ້ວຍ.
 | Number One ແລະ Mega Market ຮ່ວມແຮງຮ່ວມໃຈ ເພື່ອສ້າງຮອຍຍິ້ມທີ່ສົດໃສ ແລະ ສົມບູນໃຫ້ເດັກນ້ອຍ ຫວຽດນາມ ຍສໝ - ອະນາຄົດຂອງເດັກນ້ອຍທີ່ໂຊກຮ້າຍປາກແວ່ງ, ເພດານໂວ່ ຈະມີຄວາມສົມບູນຫຼາຍຂຶ້ນ ເມື່ອໄດ້ຮັບການຊ່ວຍເຫຼືອໃນການຜ່າຕັດ. ຫວ່າງມໍ່ໆມານີ້, ບໍລິສັດ Mega Market ຫວຽດນາມ ແລະ ບັນດາຄູ່ຮ່ວມມື, ໃນນັ້ນ ມີບໍລິສັດການຄ້າ-ການຜະລິດ Number One ຈຳກັດ ໄດ້ໜູນຊ່ວຍຄ່າຜ່າຕັດໃຫ້ແກ່ເດັກນ້ອຍ ຫວຽດນາມ ໂດຍຜ່ານອົງການຜ່າຕັດໄສຍະກໍາຮອຍຍິ້ມ (Operation Smile Vietnam). |
 | ຍສໝ - ວັນທີ 13 ກໍລະກົດ, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງພິທີມອບຂອງຂວັນໃຫ້ບັນດາທະຫານເສຍອົງຄະ, ຄອບຄົວນັກຮົບເສຍສະຫຼະຊີວິດເພື່ອຊາດຢູ່ແຂວງ ກວາງບິ່ງ ແລະ ເງ້ອານ ເນື່ອງໃນໂອກາດ 77 ປີແຫ່ງວັນທະຫານເສຍອົງຄະ ແລະ ນັກຮົບເສຍສະຫຼະຊີວິດເພື່ອຊາດ. |
ແທັງຮັ່ງ
