ສີຂຽວກັບຄືນສູ່ປ່າມະຫາໄຊ
ຊີວິດການເປັນຢູ່ຂອງປະຊາຊົນຢູ່ເມືອງມະຫາໄຊ (ແຂວງຄໍາມ່ວນ, ປະເທດລາວ) ແມ່ນຂຶ້ນກັບກະສິກຳ ແລະ ການຂຸດຄົ້ນຊັບພະຍາກອນທຳມະຊາດເປັນສ່ວນໃຫຍ່. ແຕ່ແນວໃດກໍ່ຕາມ, ປະຊາຊົນທີ່ອາໄສຢູ່ທີ່ນີ້ ພວມປະເຊີນໜ້າກັບຜົນກະທົບທີ່ຮ້າຍແຮງຈາກການປ່ຽນແປງຂອງດິນຟ້າອາກາດ ແລະ ການຊຸດໂຊມຂອງປ່າ. ສະພາບການຕັດໄມ້ທຳລາຍປ່າທີ່ຍືດເຍື້ອໃນໄລຍະ 20 ປີຜ່ານມາ ໄດ້ເຮັດໃຫ້ເນື້ອທີ່ປ່າຕົ້ນຕໍຂອງມະຫາໄຊ ຫຼຸດລົງປະມານ 30%.
ເນື້ອທີ່ກະສິກໍາຖືກເຊາະເຈື່ອນ, ເກີດໄພນໍ້າຖ້ວມ ແລະ ໄພແຫ້ງແລ້ງເລື້ອຍໆເຮັດໃຫ້ຜົນຜະລິດກະສິກໍາຫຼຸດລົງ, ເຮັດໃຫ້ປະຊາຊົນມີຄວາມຫຍຸ້ງຍາກໃນການຊອກຫາແຫຼ່ງລາຍຮັບທີ່ຫມັ້ນຄົງ. ການຕັດໄມ້ທຳລາຍປ່າຍັງສົ່ງຜົນກະທົບທາງລົບຕໍ່ຂະແໜງເສດຖະກິດທີ່ມີທ່າແຮງເຊັ່ນການທ່ອງທ່ຽວນິເວດ.
 |
| ເນື້ອທີ່ປ່າດົງດິບຢູ່ມະຫາໄຊ ຫຼຸດລົງ 30% ຍ້ອນສະພາບການຕັດໄມ້ທຳລາຍປ່າເປັນເວລາດົນນານ. (ພາບ: Ha Phuong) |
ໂດຍຮ່ວມແຮງຮ່ວມໃຈກັບປະຊາຊົນລາວ ເພື່ອຮັບມືກັບສິ່ງທ້າທາຍຕໍ່ການທຳລາຍປ່າ ແລະ ການປ່ຽນແປງຂອງດິນຟ້າອາກາດ, ໃນປີ 2022, ຫວຽດນາມ ໄດ້ຜັນຂະຫຍາຍໂຄງການ “ປູກປ່າທົດແທນ ແລະ ພັດທະນາcarbon credit ຢູ່ມະຫາໄຊ” ໂດຍບໍລິສັດcarbon credit ຫວຽດນາມ ປະຕິບັດ.
ດ້ວຍທິດທາງໃໝ່ເມື່ອທຽບໃສ່ບັນດາໂຄງການປູກປ່າແບບດັ້ງເດີມ, ໂຄງການບໍ່ພຽງແຕ່ຟື້ນຟູປ່າໄມ້ທີ່ສູນເສຍໄປເທົ່ານັ້ນ, ຫາກຍັງສ້າງເງື່ອນໄຂໃຫ້ບັນດາທ້ອງຖິ່ນເຂົ້າຮ່ວມຮູບແບບເສດຖະກິດແບບຍືນຍົງ. ແທນທີ່ຈະພຽງແຕ່ສຸມໃສ່ການປູກຕົ້ນໄມ້, ໂຄງການປະສົມປະສານການພັດທະນາcarbon credit, ຊ່ວຍໃຫ້ຊຸມຊົນມີລາຍຮັບໄດ້ເພີ່ມເຕີມຈາກການປົກປັກຮັກສາ ແລະ ການຟື້ນຟູປ່າໄມ້, ເປີດຮູບແບບເສດຖະກິດສີຂຽວ.
ຕາມທ່ານນາງ ມາຍຮ່າເຟືອງ, ຜູ້ຕາງໜ້າບໍລິສັດcarbon credit ຫວຽດນາມ ແລ້ວ, ພາຍຫຼັງ 2 ປີແຫ່ງການຜັນຂະຫຍາຍ, ໂຄງການໄດ້ຟື້ນຟູເນື້ອທີ່ປ່າ 150 ເຮັກຕາ; ພ້ອມກັນນັ້ນ, ກໍ່ນຳມາເຊິ່ງລາຍຮັບທີ່ໝັ້ນຄົງໃຫ້ 200 ຄົວເຮືອນໂດຍຜ່ານການເຂົ້າຮ່ວມການເຄື່ອນໄຫວຂາຍ carbon credit ແລະ ການພັດທະນາການທ່ອງທ່ຽວແບບນິເວດ. ພ້ອມກັນນັ້ນ, ໂດຍຜ່ານບັນດາຊຸດອົບຮົມເພື່ອຍົກສູງຄວາມຮັບຮູ້ ແລະ ທັກສະການຄຸ້ມຄອງປ່າໄມ້ໃຫ້ແກ່ປະຊາຊົນ, ໂຄງການໄດ້ປະກອບສ່ວນປັບປຸງຊີວະພາບອັນຫຼາກຫຼາຍ, ຊ່ວຍຟື້ນຟູ ແລະ ຮັກສາຄວາມດຸ່ນດ່ຽງລະບົບນິເວດຢູ່ ມະຫາໄຊ.
ທ່ານ ສົມຈັນ ວຽງ ຊາວເມືອງມະຫາໄຊ ໃຫ້ຮູ້ວ່າ ໃນເມື່ອກ່ອນ, ຊີວິດການເປັນຢູ່ຄອບຄົວຂອງທ່ານ ແມ່ນຂຶ້ນກັບກະສິກຳທັງໝົດ. ແຕ່ລະລະດູ, ຄອບຄົວລ້ວນແຕ່ລໍຖ້າຝົນ ແລະ ແດດເທົ່ານັ້ນ ເພາະວ່າພຽງແຕ່ໄພແຫ້ງແລ້ງ ຫຼື ນໍ້າຖ້ວມ ແມ່ນທຸກຢ່າງກໍ່ສູນເສຍໄປໝົດກ້ຽງເລີຍ.
“ນັບແຕ່ມີໂຄງການປູກປ່າ ແລະcarbon credit ໂດຍຫວຽດນາມ ໜູນຊ່ວຍ, ຊີວິດການເປັນຢູ່ຄອບຄົວຂອງຂ້າພະເຈົ້າໄດ້ປ່ຽນແປງຫຼາຍຢ່າງ. ພວກຂ້າພະເຈົ້າມີວຽກເຮັດງານທໍາທີ່ໝັ້ນຄົງກວ່າ ແລະ ແຫຼ່ງລາຍຮັບໃໝ່ນອກຈາກກະສິກຳ. ວຽກນີ້ຍັງຊ່ວຍໃຫ້ຂ້າພະເຈົ້າເຂົ້າໃຈຄວາມສຳຄັນຂອງການປົກປ້ອງສິ່ງແວດລ້ອມໄດ້ດີຂຶ້ນ. ເມື່ອເຫັນປ່າໄມ້ຂຽວສົດງົດງາມກັບຄືນມາ, ຂ້າພະເຈົ້າຮູ້ສຶກເອກອ້າງທະນົງໃຈທີ່ໄດ້ປະກອບສ່ວນຮັກສາສິ່ງແວດລ້ອມ ແລະ ອະນາຄົດຂອງລູກຫຼານ”, ທ່ານ ສົມຈັນ ວຽງ ກ່າວ.
ຮ່ວມແຮງຮ່ວມໃຈຟື້ນຟູປ່າ
ທ່ານນາງ ມາຍຮ່າເຟືອງ, ຜູ້ຕາງໜ້າບໍລິສັດ carbon credit ຫວຽດນາມ ໃຫ້ຮູ້ວ່າ ໂຄງການ “ປູກປ່າທົດແທນ ແລະ ພັດທະນາ carbon credit ຢູ່ມະຫາໄຊ” ໄດ້ແບ່ງອອກເປັນ 5 ໄລຍະຫຼັກເຊິ່ງແກ່ຍາວເປັນເວລາ 30 ປີ, ໂດຍມີເເຜນການລະອຽດໃຫ້ແຕ່ລະໄລຍະ. ໂຄງການດັ່ງກ່າວມີຍອດມູນຄ່າໃນເບື້ອງຕົ້ນປະມານ 1,5 ລ້ານ USD, ຍອດມູນຄ່າການເຄື່ອນໄຫວປະຈຳປີປະມານ 300.000 USD.
ເພື່ອຮັບປະກັນປະສິດທິຜົນສູງ, ໂຄງການດັ່ງກ່າວໄດ້ນຳໃຊ້ເຕັກໂນໂລຢີທີ່ກ້າວໜ້າເຊັ່ນ AI ແລະ GIS ເຂົ້າໃນການຄຸ້ມຄອງປ່າ. AI ໜູນຊ່ວຍການຄິດໄລ່ ແລະ ຕິດຕາມກວດກາປະລິມານກາກບອນທີ່ປ່າດູດຊຶມ, ເຮັດໃຫ້ຂະບວນການຈຳໜ່າຍ carbon credit ມີຄວາມໂປ່ງໃສ ແລະ ຖືກຕ້ອງ. ລະບົບ GIS ຖືກນໍາໃຊ້ເພື່ອຕິດຕາມການປ່ຽນແປງພື້ນທີ່ປ່າໄມ້ ແລະ ວິເຄາະຂໍ້ມູນພູມສາດເພື່ອເພີ່ມປະສິດທິພາບການຟື້ນຕົວໃຫ້ໄດ້ສູງທີ່ສຸດ.
 |
| ບັນດານັກວິສາວະກອນຂອງໂຄງການດໍາເນີນການປູກປ່າຄືນໃໝ່ຢູ່ມະຫາໄຊ (ລາວ). (ພາບ: Ha Phuong) |
ເປົ້າໝາຍຂອງໂຄງການໃນ 5 ປີຕໍ່ໜ້າແມ່ນຈະສ້າງຄືນໃໝ່ ແລະ ຟື້ນຟູປ່າໃຫ້ໄດ້ 10.000 ເຮັກຕາ ຢູ່ມະຫາໄຊ. ຈາກນັ້ນ ຈະສ້າງ carbon credit 200.000 – 350.000 credit ຕໍ່ປີ, ເທົ່າກັບການຫຼຸດຜ່ອນການປ່ອຍອາຍພິດ CO2 ຈາກ 200.000 ຫາ 350.000 ໂຕນ.
ໂດຍຕີລາຄາສູງບັນດາໝາກຜົນຂອງໂຄງການ, ທ່ານ ໄຊບັນດິດ ຣາຊະພົນ, ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ຢືນຢັນວ່າ ໂຄງການດັ່ງກ່າວສາມາດກາຍເປັນຮູບແບບກ່ຽວກັບການພັດທະນາປ່າໄມ້ ແລະ carbon credit ຢູ່ບັນດາທ້ອງຖິ່ນຂອງລາວ. ລັດຖະບານລາວ ຄາດວ່າ ຈະບັນລຸໄດ້ 70% ແຜນຍຸດທະສາດປ່າໄມ້ໃນປີ 2035, ວິໄສທັດຮອດປີ 2050. ເພື່ອບັນລຸເປົ້າໝາຍດັ່ງກ່າວ, ທ່ານ ໄຊບັນດິດ ຣາຊະພົນ ຫວັງວ່າ ບັນດາວິສາຫະກິດຫວຽດນາມ ຈະສືບຕໍ່ໜູນຊ່ວຍລາວ ໃຫ້ມີຄວາມຊໍານານດ້ານວິຊາການ ແລະ ປະສົບການໃນການພັດທະນາໂຄງການປ່າໄມ້ ແລະ carbon credit.
ນອກຈາກໂຄງການປູກປ່າແລ້ວ, ຫວຽດນາມ ຍັງມີການເຄື່ອນໄຫວອື່ນໆເພື່ອໜູນຊ່ວຍລາວ ໃນການປົກປັກຮັກສາ ແລະ ສ້າງປ່າຄືນໃໝ່. ປະຈຸບັນ, ມະຫາວິທະຍາໄລປ່າໄມ້ຫວຽດນາມ ພວມປະຕິບັດຊຸດອົບຮົມເພື່ອຍົກສູງກຳລັງຄວາມສາມາດໃຫ້ພະນັກງານເຕັກນິກກະສິກຳລາວ. ຫຼັກສູດດັ່ງກ່າວດຳເນີນເປັນເວລາ 2 ເດືອນ, ແຕ່ວັນທີ 29 ຕຸລາ ຫາ 28 ທັນວາ, ໂດຍສຸມໃສ່ເຕັກນິກການປູກ, ການຂະຫຍາຍພັນ ແລະ ການປ້ອງກັນພືດ.
 |
| ຄະນະພະນັກງານເຕັກນິກກະສິກຳ ລາວ ເຂົ້າຮ່ວມຊຸດຝຶກອົບຮົມເພື່ອຍົກສູງກຳລັງຄວາມສາມາດຢູ່ມະຫາວິທະຍາໄລປ່າໄມ້ ຫວຽດນາມ. (ພາບ: ດາວວອນ ທອງວິໄລ) |
ຫຼາຍທ້ອງຖິ່ນຂອງຫວຽດນາມ - ລາວ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການແລກປ່ຽນຂໍ້ມູນ, ປະສົບການ ເພື່ອສະກັດກັ້ນການຕັດໄມ້ທຳລາຍປ່າ, ການຂຸດຄົ້ນແຮ່ທາດ, ການລ່າສັດ ແລະ ການຄ້າຂາຍສັດ, ໄມ້ ແລະ ຜະລິດຕະພັນເຄື່ອງປ່າຂອງດົງຢ່າງຜິດກົດໝາຍ. ສອງຝ່າຍຍັງໄດ້ເພີ່ມທະວີຂໍ້ມູນກ່ຽວກັບການປ້ອງກັນໄຟປ່າ ແລະ ໂຄສະນາເຜີຍແຜ່ໃຫ້ປະຊາຊົນຢູ່ເຂດຊາຍແດນໄດ້ເຂົ້າໃຈກ່ຽວກັບການປົກປັກຮັກສາຊັບພະຍາກອນ ແລະ ຊີວະນາໆພັນ. ເມື່ອກວດພົບການລະເມີດ, ທັງສອງຝ່າຍຈະແຈ້ງ ແລະ ປະສານສົມທົບກັນຈັດການທັນທີ.
 | “ຫຼັກໝາຍ” ຂອງສາຍພົວພັນມິດຕະພາບແບບພິເສດຫວຽດນາມ - ລາວ ຍສໝ - ບ້ານ ລາວໂຄ ຂຶ້ນກັບຕາແສງ ຟຽງຄວາຍ, ເມືອງ ອຽນເຈົາ, ແຂວງ ເຊີນລາ ໄດ້ກາຍເປັນ “ຫຼັກໝາຍ” ຂອງນ້ຳໃຈມິດຕະພາບແບບພິເສດລະຫວ່າງ ຫວຽດນາມ - ລາວ, ເປັນສັນຍາລັກແຫ່ງນ້ຳໃຈທີ່ສັດຊື່, ໃສແຈ້ງທີ່ຫາຍາກຕະຫຼອດໄລຍະປະຫວັດສາດອັນຍາວນານ. |
 | ຫວຽດນາມ - ຈຸດຫມາຍປາຍທາງເພື່ອຕິດປີກຄວາມໄຝ່ຝັນຂະແໜງການແພດໃຫ້ນັກສຶກສາລາວ ຍສໝ - ດ້ວຍສະພາບແວດລ້ອມແຫ່ງການຮຽນຮູ້ທີ່ເປັນມິດ ແລະ ຖັນແຖວຄູອາຈານທີ່ມີປະສົບການ, ຫວຽດນາມ ແມ່ນຈຸດໝາຍປາຍທາງທີ່ດີສຳລັບນັກສຶກສາລາວ ຫຼາຍຄົນທີ່ມຸ່ງໝັ້ນຄວາມໄຝ່ຝັນໃນຂະແໜງການແພດ. ບັນດາຄວາມຮູ້ ແລະ ທັກສະທາງດ້ານການແພດທີ່ຝຶກຝົນຢູ່ທີ່ນີ້ ບໍ່ພຽງແຕ່ຊ່ວຍໃຫ້ເຂົາເຈົ້າມີຄວາມເຊື່ອໝັ້ນໃນການປະຕິບັດອາຊີບເທົ່ານັ້ນ, ຫາກຍັງປະກອບສ່ວນເຂົ້າໃນການຍົກສູງຄຸນນະພາບທາງການແພດໃນບ້ານເກີດເມືອງນອນນຳອີກ. |
ມີງດຶກ
