ເຊີດຊູຮູບພາບ 200 ຮູບທົບທວນໃຫ້ເຫັນ “ສີສັນຂອງບັນດາຊົນເຜົ່າ ຫວຽດນາມ”

	ຫວຽດນາມ ເຂົ້າຮ່ວມການຕິດຕາມກວດກາ, ອະນຸລັກຮັກສາ ແລະ ເສີມຂະຫຍາຍຄຸນຄ່າຂອງເກືອບ 1.200 ມໍລະດົກໂລກ.
	ຫວຽດນາມ - ສ.ອາເມລິກາ ສູ້ຊົນນຳວົງເງິນການຄ້າໃຫ້ບັນລຸ 200 ຕື້ໂດລາສະຫະລັດ

“ເດັກ​ນ້ອຍ​ຊາວ​ເຜົ່າ ເມິນົງ ລ້ຽງຊ້າງ” - ພາບ​: ໂຕນເທິດຕວນນິງ

ກ່າວ​ຄຳ​ປາໄສ​ທີ່​ພິທີເປີດ​ງານ​ວາງສະ​ແດງ, ທ່ານ​ ຕ້າກວາງດົງ ຮອງ​ລັດຖະມົນຕີ​ກະຊວງ​ວັດທະນະທຳ, ກິລາ ​ແລະ ການທ່ອງ​ທ່ຽວ ເນັ້ນ​ໜັກ​ວ່າ: “ປະເທດ ຫວຽດນາມ ມີ 54 ຊົນ​ເຜົ່າອ້າຍນ້ອງ​ດຳລົງ​ຊີວິດຢູ່​ຮ່ວມ​ກັນ. ຊຸມ​ຊົນຂອງ​ບັນດາ​ຊົນເຜົ່າ​ ຫວຽດນາມ ​ໄດ້​ສ້າງ​ຕັ້ງ ​ແລະ ພັດທະນາ​ໄປ​ຄຽງ​ຄູ່​ກັບວິວັດ​ປະຫວັດສາດ​ນັບ​ພັນ​ປີ​ແຫ່ງ​ການ​ສ້າງສາ ແລະ ປົກ​ປັກ​ຮັກສາ​ປະ​ເທດ​ຊາດ, ໄດ້ນຳ​ມາ​ໃຫ້ ຫວຽດນາມ ມີ​ຮູບ​ພາບ​ທີ່​ສວຍ​ງາມ, ຫຼາກ​ຫຼາຍ​ ​ແລະ ​ເປັນ​ເອກະ​ພາບ.

ງານ​ວາງ​ສະ​ແດງ​ແນະ​ນໍາ​ໃຫ້ໝູ່ປະຊາຊົນກວ່າ 200 ຜົນງານ ​ໂດຍນັກປະພັນ 87 ທ່ານ​. ນີ້ແມ່ນບັນດາຮູບພາບທີ່ຖືກຄັດເລືອກຈາກຫຼາຍພັນຮູບຂອງບັນດານັກຖ່າຍຮູບອາຊີບ ແລະ ສະໝັກຫຼິ້ນໃນທົ່ວປະເທດ.

ບັນດາຜົນງານທີ່​ໄດ້​ແນະນຳ​ຢູ່​ງານ​ວາງສະ​ແດງ​ໄດ້​ສະ​ແດງ​ໃຫ້​ເຫັນ​ບັນດາ​ຈຸດເອກະລັກ​ພິເສດຂອງວັດທະນະທຳ,​ ເປັນສັນຍະລັກຂອງ 54 ຊົນ​ເຜົ່າ​ ຫວຽດນາມ, ແຕ່​ຮີດຄອງ​ປະ​ເພນີ, ຄວາມ​ເຊື່ອ​ຖື, ວິຖີ​ຊີວິດ, ພິ​ເສດ​ແມ່ນ​ຊຸດ​ອາພອນ ແລະ ງານ​ບຸນພື້ນເມືອງ.

“ຈຳນວນຮູບພາບ 200 ຮູບ ເຖິງວ່າບໍ່ໂອ້ໂຖງ ແລະ ອຸດົມສົມບູນກໍ່ຕາມ ແຕ່ລ້ວນແຕ່ເປັນຊ່ວງເວລາທີ່ມີຊີວິດຊີວາ, ແທ້ຈິງ ແລະ ລ້ຳຄ່າທີ່ຄົນຖືກ້ອງຖ່າຍຮູບໄດ້ຮັກສາໄວ້ໂດຍຜ່ານສິລະປະການຖ່າຍຮູບດ້ວຍຄວາມເຄົາລົບ ແລະ ຮັກແພງ. ຜ່ານ​ການ​ເກັບ​ກຳ ​ແລະ ​ແນະນຳ​ບັນດາ​ຮູບ​ຖ່າຍ​ຊຸດ​ນີ້, ​ໄດ້​ຢືນຢັນ​ອີກເທື່ອໜຶ່ງເຖິງ​ຄວາມ​ສົນ​ໃຈ​ຂອງ​ພັກ, ລັດ ​ແລະ ປະຊາຊົນ​ຊາດຫວຽດນາມ ສຳລັບການ​ຮັກສາ ​ແລະ ​ເສີມຂະຫຍາຍ​ຄຸນຄ່າ​ວັດທະນະທຳ​ອັນ​ລ້ຳ​ຄ່າ​ຂອງ​ປະຊາ​ຄົມ 54 ຊົນ​ເຜົ່າ ​ຫວຽດນາມ” ທ່ານຮອງ​ລັດຖະມົນຕີ ຕ້າກວາງດົງ ເນັ້ນ​ໜັກ​.

ໂດຍ​ໄດ້ໃຫ້ຮູ້ວ່າ ກ່ອນ​ຈະ​ຈັດຕັ້ງ​ຢູ່ ​ຮ່າ​ໂນ້ຍ, ​ແຕ່​ວັນ​ທີ 01 – 10 ພະຈິກ, ງານ​ວາງສະ​ແດງ​ກໍ່ໄດ້​ຈັດ​ຂຶ້ນ​ຢູ່​ຫໍພິພິທະ​ພັນ​ດັກ​ລັກ, ຖະໜົນ ຟານ​ດິ່ງ​ຢອດ, ນະຄອນ ບວນ​ມາ​ທວດ, ​ແຂວງ ດັກ​ລັກ. ຢູ່ ​ຮ່າ​ໂນ້ຍ, ງານ​ວາງສະ​ແດງ​​ແກ່ຍາວ​ຮອດ​ວັນ​ທີ 24 ພະຈິກ, ພ້ອມກັນນັ້ນ ​ງານ​ວາງສະ​ແດງກໍ່ຈັດອອນໄລ​ຢູ່​ເວັບ​ໄຊ: http://ape.gov.vn.

ນຳສົ່ງພົນລະເມືອງ ຫວຽດນາມ 200 ຄົນ ຈາກສີລັງກາ ແລະ ບັງກະລາເທດ ກັບຄືນປະເທດ ຢ່າງປອດໄພ ຍສໝ - ພົນລະເມືອງ ຫວຽດນາມ 200 ຄົນຈາກບັນດາປະເທດ ສີລັງກາ, ບັງກະລາເທດ, ເນປານ, ບູຖານ ແລະ ມານດິວ ກັບມາປະເທດຢ່າງປອດໄພ.

ແຂວງ ກຽນຢາງ ສສ.ຫວຽດນາມ ໄດ້ໜູນຊ່ວຍຊາວຫວຽດນາມ ຢູ່ ກຳປູເຈຍດ້ວຍຈຳນວນເງິນກວ່າ 200 ລ້ານດົ່ງເພື່ອຕ້ານພະຍາດ COVID-19 ຍສໝ - ຫວ່າງມໍ່ໆມານີ້, ແຂວງ ກຽນຢາງ ໄດ້ ໜູນຊ່ວຍຊາວຫວຽດນາມ ທີ່ປະສົບສະພາບການຫຍຸ້ງຍາກທີ່ສຸດຢູ່ ແຂວງ Preah Sihanouk (ກຳປູເຈຍ) ດ້ວຍຈໍານວນເງິນ 217.200.000 ດົ່ງ ເພື່ອເອົາຊະນະຜົນສະທ້ອນຂອງໂຄງການ COVID-19.