ຫວຽດນາມ ຊຸກຍູ້ການພົວພັນກັບບັນດາປະເທດ, ບັນດາອົງການສາກົນ

ຍສໝ - ໃນຂອບເຂດກອງປະຊຸມສຸດຍອດ G20 ຢູ່ ບຣາຊິນ, ວັນທີ 19 ພະຈິກນີ້ (ຕາມເວລາທ້ອງຖິ່ນ), ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ມີ 7 ການພົບປະສອງຝ່າຍກັບບັນດາການນຳຂອງບັນດາປະເທດ ແລະ ອົງການຈັດຕັ້ງສາກົນ, ໃນນັ້ນມີ ແອັດສະປາຍ, ປາຣາກວາຍ, ການາດາ, ສິງກະໂປ, ສະຫະນະຄອນ ເອເມຣັດ ອາຮັບ (UAE), ວາຕິກັງ, ອົງການອະນາໄມໂລກ (WHO).

	ຂົວເຊື່ອມຕໍ່ຢ່າງໝັ້ນແກ່ນສຳລັບການທູດປະຊາຊົນ ແລະ ການພັດທະນາແບບຍືນຍົງ
	ຍູ້ແຮງການຜັນຂະຫຍາຍບັນດາໂຄງການໃຫຍ່ເຊື່ອມຕໍ່ສອງພື້ນຖານເສດຖະກິດ ຫວຽດນາມ - ລາວ

ທີ່ການພົບປະ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ສົ່ງຄຳຢື້ຢາມຖາມຂ່າວຢ່າງເຄົາລົບຈິງໃຈຂອງທ່ານເລຂາທິການໃຫຍ່ ຫວຽດນາມ ໂຕເລີມ, ທ່ານປະທານປະເທດ ເລືອງເກື່ອງ, ທ່ານປະທານສະພາແຫ່ງຊາດ ເຈີ່ນເເທງເໝີນ ເຖິງບັນດາການນຳ. ທ່ານນາຍົກລັດຖະມົນຕີ ຫວຽດນາມ ກໍ່ຍັງສົ່ງຄຳເຊື້ອເຊີນຂອງທ່ານເລຂາທິການໃຫຍ່ ຫວຽດນາມ ໂຕເລີມ, ທ່ານປະທານປະເທດ ເລືອງເກື່ອງ ເຖິງບັນດາການນຳໄປຢ້ຽມຢາມຫວຽດນາມ.

* ການພົບປະກັບທ່ານນາຍົກລັດຖະມົນຕີ ແອັດສະປາຍ Pedro Sanchez, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເຮັດໃຫ້ການພົວພັນຄູ່ຮ່ວມມືຍຸດທະສາດກັບ ແອັດສະປາຍ ເລິກເຊິ່ງກ່ວາອີກ; ກໍ່ໄດ້ສະແດງຄວາມຂອບໃຈລັດຖະບານ ແອັດສະປາຍ ທີ່ໜູນຊ່ວຍຫວຽດນາມ ຜ່ານຜ່າຜົນຮ້າຍຢ້ອນຫຼັງຈາກພະຍຸເລກທີ 3 (ຊື່ສາກົນແມ່ນພະຍຸ Yagi). ທ່ານນາຍົກລັດຖະມົນຕີ ແອັດສະປາຍ Pedro Sanchez ໄດ້ຮັບຄຳເຊີນມາຢ້ຽມຢາມຫວຽດນາມ ຢ່າງດີໃຈ ແລະ ໄດ້ເຊື້ອເຊີນທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄປຢ້ຽມຢາມ ແອັດສະປາຍ ໃນເວລາທີ່ເໝາະສົມ.

ກອງປະຊຸມ G20: ຫວຽດນາມ ຊຸກຍູ້ການພົວພັນກັບບັນດາປະເທດ, ບັນດາອົງການສາກົນ

* ໃນການເຈລະຈາກັບທ່ານປະທານາທິບໍດີ UAE Sheikh Mohammed Bin Zayed Al Nahyan, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ທວນຄືນຄວາມປະທັບໃຈອັນດີງາມຂອງຄວາມຮັກແພງອັນອົບອຸ່ນທີ່ບັນດາລາຊະວົງ, ລັດຖະບານ UAE ແລະ ສ່ວນຕົວທ່ານປະທານາທິບໍດີ UAE ທີ່ມີຕໍ່ທ່ານນາຍົກລັດຖະມົນຕີ ຫວຽດນາມ ພ້ອມທັງຄະນະຜູ້ແທນຂັ້ນສູງຂອງລັດຖະບານຫວຽດນາມ ໃນການໄປຢ້ຽມຢາມ UAE ໃນເດືອນຕຸລາ ທີ່ຜ່ານມາ.

* ທີ່ການພົບປະກັບທ່ານປະທານາທິບໍດີ ປາຣາກວາຍ Santiago Pena, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ສະເໜີໃຫ້ 2 ຝ່າຍເພີ່ມທະວີການພົບປະແລກປ່ຽນດ້ານການເມືອງ, ການທູດ, ເປີດກວ້າງການຮ່ວມມືດ້ານເສດຖະກິດ - ການຄ້າ, ການລົງທຶນ ແລະ ການພົວພັນແລກປ່ຽນປະຊາຊົນ; ຊຸກຍູ້ການເຈລະຈາກ່ຽວກັບບັນດາຂໍ້ຕົກລົງ/ສັນຍາຮ່ວມມືລະຫວ່າງ 2 ປະເທດ ເຊັ່ນ: ສັນຍາວ່າດ້ວຍການອາລັກຂາ, ຊຸກຍູ້ການລົງທຶນ; ເນັ້ນໜັກການສະເໜີ ປາຣາກວາຍ ສືບຕໍ່ສະໜັບສະໜູນເລື່ອງສິ້ນສຸດຂະບວນການຕີລາຄາພາຍໃນຂອງກຸ່ມທ້ອງຕະຫຼາດຮ່ວມ ອາເມລິກາໃຕ້ (MERCOSUR) ເພື່ອລົງນາມໃນສັນຍາການຄ້າເສລີ ຫວຽດນາມ - MERCOSUR ໂດຍໄວ.

* ໃນການແລກປ່ຽນກັບທ່ານນາຍົກລັດຖະມົນຕີ ສິງກະໂປ Laurence Wong, ນາຍົກລັດຖະມົນຕີ 2 ທ່ານໄດ້ປຶກສາຫາລືກ່ຽວກັບບັນດາທິດທາງເພີ່ມທະວີການພົວພັນມິດຕະພາບໃນໄລຍະຈະມາເຖິງ, ເຊັ່ນ: ພິຈາລະນາການຍົກລະດັບຂອບການພົວພັນ, ຊຸກຍູ້ການແລກປ່ຽນຄະນະຜູ້ແທນ, ການພົວພັນຮ່ວມມືຂັ້ນສູງ ແລະ ທຸກຂັ້ນ, ກໍ່ຄືບັນດາກົນໄກຮ່ວມມືສອງຝ່າຍ; ກໍ່ສ້າງບັນດາເຂດອຸດສາຫະກຳຫວຽດນາມ - ສິງກະໂປ (VSIP) ລຸ້ນໃໝ່ຕາມທິດສີຂຽວ, ເຫັນເປັນດິຈິຕອນ; ເພີ່ມທະວີການເຊື່ອມຕໍ່ດ້ານພື້ນຖານໂຄງລ່າງ, logistics, ເຊື່ອມຕໍ່ດິຈິຕອນລະຫວ່າງ 2 ພື້ນຖານເສດຖະກິດ; ຮ່ວມມືພັດທະນາລະບົບພະລັງງານສະອາດ, ພະລັງງານທົດແທນ, ຊຸກຍູ້ການສ້າງເຄືອຂ່າຍໄຟຟ້າໃນ ອາຊຽນ; ແບ່ງປັນປະສົບການໃນການສ້າງສູນການເງິນສາກົນ. ນາຍົກລັດຖະມົນຕີ 2 ທ່ານຍັງໄດ້ປຶກສາຫາລືຫລາຍບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ.

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະກັບທ່ານ ນາຍົກລັດຖະມົນຕີ ການາດາ Justin Trudeau. (ພາບ: TTXVN)

* ທີ່ພົບປະກັບທ່ານນາຍົກລັດຖະມົນຕີ ການາດາ Justin Trudeau, ທ່ານນາຍົກລັດຖະມົນຕີນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ສະແດງຄວາມຂອບໃຈລັດຖະບານ ການາດາ ທີ່ໜູນຊ່ວຍຫວຽດນາມ ແກ້ໄຂຜົນຮ້າຍຢ້ອນຫຼັງຈາກພະຍຸເລກທີ 3 ແລະ ເຊີນທ່ານນາຍົກລັດຖະມົນຕີ ການາດາ ໄປຢ້ຽມຢາມ ຫວຽດນາມ ໃນໄວໆນີ້.

* ທີ່ການພົບປະກັບທ່ານນາຍົກລັດຖະມົນຕີ ວາຕິກັງ ສັນຕະປະປາ Pietro Parolin, 2 ຝ່າຍສະແດງຄວາມປິຕິຊົມຊື່ນທີ່ການພົວພັນຫວຽດນາມ - ສຳນັກວາຕີກັງ ກໍ່ໄດ້ມີການພັດທະນາຫຼາຍຢ່າງໃນໄລຍະຜ່ານມາ, ສະແດງໃຫ້ເຫັນຜ່ານການໄປຢ້ຽມຢາມ, ການພົບປະຂອງການນຳຂັ້ນສູງຂອງສອງຝ່າຍ.

* ໃນການແລກປ່ຽນກັບຜູ້ອຳນວຍການໃຫຍ່ WHO, ທ່ານ Tedros Adhanom Ghebreyesus, ທ່ານນາຍົກລັດຖະມົນຕີ ຫວຽດນາມ ໄດ້ສະແດງຄວາມຂອບໃຈ ແລະ ຕີລາຄາສູງ WHO ທີ່ໄດ້ໜູນຊ່ວຍວັກຊີນຢ່າງມີປະສິດທິຜົນແກ່ ຫວຽດນາມ ຜ່ານຜ່າໂລກລະບາດ COVID-19, ຟື້ນຟູການພັດທະນາເສດຖະກິດ - ສັງຄົມ, ພ້ອມທັງຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການພັດທະນາການຮ່ວມມືກັບ WHO ເພື່ອຮັບປະກັນດ້ານສາທາລະນະສຸກ.

ຫວຽດນາມ ພົບປະກັບບັນດາປະເທດສ້າງຕັ້ງກຸ່ມເພື່ອນມິດ UNCLOS

ຍສໝ - ທ່ານເອກອັກຄະລັດຖະທູດ ດັ້ງຮວ່າງຢາງ ໄດ້ສະແດງຄວາມປິຕິຊົມຊື່ນຕໍ່ການພັດທະນາທີ່ນັບມື້ນັບເຂັ້ມແຂງຂອງກຸ່ມເພື່ອນມິດ UNCLOS ໃນ 3 ປີທີ່ຜ່ານມາ ດ້ວຍຈຳນວນສະມາຊິກ 120 ກວ່າປະເທດ.

ແນະນຳມາດຕະການແກ້ໄຂສີຂຽວ ຊູແອດ ໃຫ້ບັນດາຄູ່ຮ່ວມມືຫວຽດນາມ

ຍສໝ - ວັນທີ 21 ຕຸລາ, ງານວາງສະແດງສີຂຽວ ຊູແອດ ໄດ້ດຳເນີນຢູ່ນະຄອນໂຮ່ຈິມິນ. ງານວາງສະແດງ ກໍ່ໄດ້ແນະນໍາເຖິງຜູ້ເຂົ້າຊົມກ່ຽວກັບບັນດາມາດຕະການແກ້ໄຂສີຂຽວທີ່ປະດິດຄິດສ້າງ, ສຸມໃສ່ເຂົ້າໃນພະລັງງານທົດແທນ, ການຫຼຸດຜ່ອນການປ່ອຍອາຍພິດ, ເສດຖະກິດໝູນວຽນ ແລະ ບັນດາເຕັກໂນໂລຢີໃຫມ່ຈາກ ຊູແອດ.

ມີງດຶກ