 | ສຸມກຳລັງແຮງໃສ່ການພັດທະນາພື້ນຖານໂຄງລ່າງເພື່ອ “ປຸກລຸກ” ການຄ້າຊາຍແດນຫວຽດນາມ - ລາວ |
| ການພົວພັນລະຫວ່າງຫວຽດນາມ - ລາວ ແມ່ນປັດໄຈຍືນຍົງຄົງຕົວກັບພາລະກິດແຫ່ງການປະຕິວັດຂອງສອງປະເທດ |
ນ້ຳໃຈຂອງການແພດທະຫານຫວຽດນາມ
ຕອນບ່າຍຂອງກາງເດືອນ ກັນຍາ 2024, ເມື່ອຕາເວັນຍັງສ່ອງແສງຢູ່ເທິງຈອມພູ, ສຸກສາລາການເເພດທະຫານ ແລະ ປະຊາຊົນ ມິດຕະພາບຊາຍແດນ ຫວຽດນາມ - ລາວ ໄດ້ຮັບສະພາບການສຸກເສີນຄື: ເດັກນ້ອຍ 4 ຄົນ ອາຍຸລະຫວ່າງ 2 ຫາ 10 ປີ, ຢູ່ບ້ານ ມ່ວງ, ເມືອງ ສົບເບົາ, ແຂວງ ຫົວພັນ (ລາວ) ຖືກນໍາມາສຸກສາລາໃນສະພາບອັນຕະລາຍ: ຜິວໜັງຈືດ, ຕາລອຍ, ປາກແຫ້ງ, ຫາຍໃຈໄວ, ຮາກຫຼາຍ. ສະມາຊິກໃນຄອບຄົວກ່າວວ່າ ບັນດາເດັກນ້ອຍໄດ້ກິນເຫັດປ່າປີ້ງ.
ໂດຍມີຄວາມເຂົ້າໃຈຢ່າງຈະແຈ້ງກ່ຽວກັບອາການເປັນພິດຮ້າຍແຮງອາດເປັນໄພຂົ່ມຂູ່ເຖິງຊີວິດ, ພະນັກງານການເເພດທະຫານ 4 ຄົນ ລວມມີ ທ່ານພັນຕີ ຮວ່າງວັນງວຽນ, ທ່ານພັນຕີ ຟ້າມທ້ຽນທ້ວດ, ທ່ານພັນຕີ ຟ້າມແມ້ງຮຸ່ງ ແລະ ທ່ານຮ້ອຍຕີ ຕ່ອງວັນຕີ່ງ ໄດ້ປະຕິບັດການປະຖົມພະຍາບານຢ່າງວ່ອງໄວ, ແລ້ວຈຶ່ງສົ່ງເດັກນ້ອຍໄປໂຮງຫມໍຫຼາຍຂະແໜງ ມົກເຈົາ ເພື່ອປິ່ນປົວລົງເລິກຂະແໜງ. ຍ້ອນການກະທຳຢ່າງທັນການ, ເດັກນ້ອຍໄດ້ຜ່ານຂີດອັນຕະລາຍ ແລະ ຄ່ອຍໆຟື້ນຕົວ.
ທ່ານໝໍ ຟ້າມວັນເຈືອງ, ປະຕິບັດງານຢູ່ໂຮງໝໍເດັກສູນກາງ, ຜູ້ເຂົ້າຮ່ວມການປິ່ນປົວໂດຍກົງຢູ່ໂຮງໝໍຫຼາຍຂະແໜງ ມົກເຈົາ ໃຫ້ຮູ້ວ່າ ເດັກນ້ອຍໂຊກດີທີ່ທະຫານປ້ອງກັນຊາຍແດນໄດ້ນຳມາສົ່ງໂຮງໝໍຢ່າງທັນການໃນເວລາບໍ່ເຖິງ 6 ຊົ່ວໂມງພາຍຫຼັງກິນພິດ. ດັ່ງນັ້ນ, ການລ້າງກະເພາະລໍາໄສ້, ກະຕຸ້ນໃຫ້ຮາກ ແລະ ການໃຊ້ຢາແກ້ພິດແມ່ນມີປະສິດທິຜົນ.
 |
| ປ້ອມປ້ອງກັນຊາຍແດນ ລ໋ອງເຊິບ ໄດ້ພາເດັກນ້ອຍກັບເມືອເຮືອນພາຍຫຼັງສຸຂະພາບມີອາການເປັນປົກກະຕິ. (ພາບໜ້າຈໍ: Minh Thai) |
ພາຍຫຼັງສຸຂະພາບເປັນປົກກະຕິແລ້ວ, ປ້ອມປ້ອງກັນຊາຍແດນ ລ໋ອງເຊິບ ໄດ້ພາເດັກນ້ອຍກັບເມືອເຮືອນໃນຄວາມດີໃຈຂອງຄອບຄົວ. ຈາກນັ້ນ, ອຳນາດການປົກຄອງເມືອງ ສົບເບົາ ໄດ້ມອບໃບຍ້ອງຍໍກະທັນຫັນໃຫ້ແກ່ພະນັກງານການເເພດທະຫານ 4 ຄົນ, ໂດຍຮັບຮູ້ເຖິງຄວາມມານະພະຍາຍາມໃນການຊ່ວຍເຫຼືອການປິ່ນປົວໃຫ້ເດັກນ້ອຍຊາວລາວ 4 ຄົນ.
ກ້າວເຂົ້າສູ່ເຄື່ອນໄຫວນັບແຕ່ເດືອນ ກໍລະກົດ 2017 ໃນຂອບເຂດໂຄງການແລກປ່ຽນມິດຕະພາບຊາຍແດນ ຫວຽດນາມ - ລາວ ຄັ້ງທຳອິດ, ສຸກສາລາການເເພດທະຫານ ແລະ ປະຊາຊົນ ມິດຕະພາບຊາຍແດນ ຫວຽດນາມ - ລາວ ໄດ້ກາຍເປັນສະຖານທີ່ຝາກຝັງຄວາມໄວ້ເນື້ອເຊື່ອໃຈໃຫ້ປະຊາຊົນສອງຟາກ. ສຸກສາລານີ້ ໄດ້ຮັບການກໍ່ສ້າງຢ່າງກວ້າງຂວາງ ແລະ ງາມຕາດ້ວຍ 5 ຫ້ອງ ປະກອບມີ: ຫ້ອງຍາມ, ຫ້ອງກວດພະຍາດ, ຫ້ອງຜ່າຕັດນ້ອຍ, ຫ້ອງຄົນເຈັບ, ຫ້ອງອາຫານ ແລະ ເຮືອນຄົວ. ປະຊາຊົນທີ່ມາປິ່ນປົວ ກໍ່ສາມາດຢູ່, ກິນ ແລະ ນອນໂດຍບໍ່ເສຍຄ່າ.
ບໍ່ພຽງແຕ່ປິ່ນປົວພະຍາດເທົ່ານັ້ນ, ບັນດາທ່ານໝໍ, ພະຍາບານຂອງສຸກສາລາ ຍັງລົງໄປບ້ານເປັນປະຈຳ ເພື່ອໂຄສະນາເຜີຍແຜ່ຄວາມຮູ້ກ່ຽວກັບຄວາມປອດໄພຫຼັກອະນາໄມດ້ານອາຫານ, ການປ້ອງກັນພະຍາດ ແລະ ແນະນຳປະຊາຊົນໃນການຮັກສາສຸຂະພາບ. ນີ້ກໍ່ແມ່ນໂອກາດເພື່ອໃຫ້ບັນດາທ່ານໝໍກຳແໜ້ນໄດ້ເຖິງຊີວິດ, ຄວາມຕ້ອງການດ້ານການແພດຂອງປະຊາຊົນ ແລະ ເຂົ້າໃຈຢ່າງຈະແຈ້ງເຖິງຄວາມຫຍຸ້ງຍາກຂອງທ້ອງຖິ່ນກວ່າອີກ.
ທ່ານພັນຕີ, ນາຍໝໍ ຟ້າມທ້ຽນທ້ວດ, ຫົວໜ້າສຸກສາລາ ໄດ້ແບ່ງປັນວ່າ “ການດູແລຮັກສາສຸຂະພາບໃຫ້ທະຫານ ແລະ ປະຊາຊົນຢູ່ເຂດຊາຍແດນ ທັງແມ່ນໜ້າທີ່, ທັງແມ່ນຄວາມຮັບຜິດຊອບ, ຈິດສໍານຶກຂອງບັນດານາຍແພດ, ທ່ານໝໍຂອງພວກຂ້າພະເຈົ້າ”. ພາຍຫຼັງ 7 ປີແຫ່ງການເຄື່ອນໄຫວ, ສຸກສາລາໄດ້ກວດ ແລະ ປິ່ນປົວໃຫ້ປະຊາຊົນເກືອບ 20.000 ເທື່ອຄົນ. ນັບແຕ່ຕົ້ນປີ 2024 ມາຮອດປະຈຸບັນ, ສຸກສາລາໄດ້ກວດ ແລະ ມອບຢາປິ່ນປົວໂດຍບໍ່ເສຍຄ່າໃຫ້ປະຊາຊົນຂອງສອງປະເທດ 838 ເທື່ອຄົນ.
ເພື່ອສຸຂະພາບຂອງປະຊາຊົນຢູ່ຊາຍແດນ ຫວຽດນາມ-ລາວ
ໃນເດືອນຕຸລາ 2024, ໃນໂຄງການແລກປ່ຽນມິດຕະພາບປ້ອງກັນຊາຍແດນ ຫວຽດນາມ - ລາວ ຄັ້ງທີ 2, ສຸກສາລາການເເພດທະຫານ ແລະ ປະຊາຊົນ ມິດຕະພາບຊາຍແດນ ຫວຽດນາມ - ລາວ ແມ່ນໜຶ່ງໃນ 3 ສະຖານທີ່ຈັດຕັ້ງການກວດພະຍາດ, ແຈກຢາຍຢາໂດຍບໍ່ເສຍຄ່າໃຫ້ປະຊາຊົນຢູ່ເຂດຊາຍແດນ ເຊີນລາ (ຫວຽດນາມ) ແລະ ແຂວງຫົວພັນ (ລາວ). ປະຊາຊົນ 2.000 ກວ່າຄົນໄດ້ມາຮັບຢາ, ກວດພະຍາດ ແລະ ໃຫ້ຄຳປຶກສາດ້ານສຸຂະພາບໂດຍທ່ານໝໍທະຫານຂອງທັງສອງປະເທດ. ກຳລັງການເເພດທະຫານປ້ອງກັນຊາຍແດນ ແລະ ການເເພດທະຫານກອງທັບປະຊາຊົນລາວ ກໍ່ຈັດຕັ້ງການສື່ສານກ່ຽວກັບວິທີການເບິ່ງແຍງດູແລ, ຮັກສາສຸຂະພາບ, ຕ້ານພະຍາດລະບາດ.
ທ່ານ ເລືອງວັນເຟືອງ, ອາຍຸ 70 ປີ, ນັກຮົບເກົ່າຢູ່ບ້ານ ບໍ໋ເຊີບ, ຕາແສງ ລ໋ອງເຊີບ, ສະແດງຄວາມດີໃຈທີ່ຫາກໍ່ໄດ້ຖົງຢາໃໝ່ວ່າ: “ຂ້າພະເຈົ້າເຈັບກະດູກ ແລະ ປວດຂໍ້ມາດົນແລ້ວ, ດຽວນີ້ຂ້າພະເຈົ້າມີໂອກາດໄດ້ໄປກວດສຸຂະພາບ, ໄດ້ຮັບການກວດຢ່າງລະມັດລະວັງຈາກນາຍໝໍທະຫານຫວຽດນາມ ແລະ ລາວ. ເຂົາເຈົ້າບໍ່ພຽງແຕ່ໃຫ້ຢາເທົ່ານັ້ນ ຫາກຍັງແນະນຳວິທີການອອກກໍາລັງກາຍໃຫ້ຂ້າພະເຈົ້າ ເພື່ອບັນເທົາອາການເຈັບປວດ. ຂ້າພະເຈົ້າດີໃຈຫຼາຍ".
ຕາມທ່ານພັນເອກ, ຮອງສາດສະດາຈານ, ປະລິນຍາເອກ ເລວັນດົງ, ຮອງຫົວໜ້າກົມເສນາຮັກ ແລ້ວ, ການເຄື່ອນໄຫວກວດ, ປິ່ນປົວພະຍາດລວມ, ສະໜອງຢາໂດຍບໍ່ເສຍຄ່າໃຫ້ແກ່ປະຊາຊົນຢູ່ເຂດຊາຍແດນ ຫວຽດນາມ - ລາວ ຂອງກໍາລັງການແພດທະຫານສອງປະເທດ ໄດ້ປະກອບສ່ວນກວດ, ກວດພົບພະຍາດທົ່ວໄປ, ສື່ສານຄວາມຮູ້ກ່ຽວກັບການຮັກສາ, ປ້ອງກັນພະຍາດ, ຕ້ານ ແລະ ຄວບຄຸມພະຍາດໃຫ້ປະຊາຊົນຢູ່ເຂດຊາຍແດນ. ນີ້ກໍ່ແມ່ນໂອກາດເພື່ອໃຫ້ພະນັກງານ, ພາລະກອນການແພດທະຫານຂອງ 2 ປະເທດໄດ້ແລກປ່ຽນ, ແບ່ງປັນ, ຮ່ຳຮຽນປະສົບການເຊິ່ງກັນ ແລະ ກັນກ່ຽວກັບບົດຮຽນວິຊາການແພດສາດ ແລະ ວຽກງານຈັດຕັ້ງການແພດທະຫານໃນເງື່ອນໄຂລະອຽດ, ປະກອບສ່ວນປັບປຸງສາຍພົວພັນສາມັກຄີ, ມິດຕະພາບລະຫວ່າງປະຊາຊົນ, ກອງທັບ ແລະ ຂະແໜງການແພດທະຫານຂອງສອງປະເທດ.
 | ສະມາຄົມພຸດທະສາສະໜາ ຫວຽດນາມ: ຂົວຕໍ່ສັນຕິພາບໃນການທູດປະຊາຊົນ ຍສໝ - ດ້ວຍປະຫວັດສາດອັນຍາວນານ, ມູນເຊື້ອ ແລະ ຄຸນຄ່າທາງດ້ານວັດທະນະທຳສາສະໜາທີ່ອຸດົມສົມບູນ, ສະມາຄົມພຸດທະສາສະໜາ ຫວຽດນາມ ບໍ່ພຽງແຕ່ແມ່ນອົງການສາສະໜາທີ່ມີໜ້າທີ່ເຜີຍແຜ່ພະທຳເທົ່ານັ້ນ ຫາກຍັງເປັນຂົວຕໍ່ທີ່ສຳຄັນໃນວຽກງານການທູດປະຊາຊົນ, ຊຸກຍູ້ການພົວພັນມິດຕະພາບລະຫວ່າງ ຫວຽດນາມ ແລະ ປະຊາຄົມສາກົນ. |
 | ນ້ຳໃຈມິດຕະພາບລະຫວ່າງປະຊາຊົນ ຫວຽດນາມ-ນິກາຣາກວາ ແມ່ນພື້ນຖານຊຸກຍູ້ການພົວພັນສອງຝ່າຍ ຍສໝ - ນີ້ແມ່ນເນື້ອໃນຂອງການພົບປະແລກປ່ຽນລະຫວ່າງທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ ແລະ ທ່ານ Mario José Armengol Campos, ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສາທາລະນະລັດ ນິກາຣາກວາ ປະຈຳ ຫວຽດນາມ ໃນວັນທີ 18 ກໍລະກົດ ຢູ່ ຮ່າໂນ້ຍ. |
ມີງດຶກ
