 | ຫວຽດນາມ - ມົງໂກລີ: 70 ປີແຫ່ງການພົວພັນມິດຕະພາບ ແລະການຮ່ວມມືຮອບດ້ານ |
| “ຫຼັກໝາຍ” ຂອງສາຍພົວພັນມິດຕະພາບແບບພິເສດຫວຽດນາມ - ລາວ |
 |
| ໃນຊຸມປີທີ່ຜ່ານມາ, 2 ແຂວງ ຮ່າຍເຢືອງ ແລະ ວຽງຈັນ (ລາວ) ໄດ້ມີຫຼາຍການເຄື່ອນໄຫວຮ່ວມມືທີ່ແທດຈິງ ແລະ ມີປະສິດທິຜົນ. ໃນຮູບພາບ: ຄະນະການນໍາຂັ້ນສູງແຂວງ ວຽງຈັນ (ລາວ) ພ້ອມດ້ວຍການນຳສະມາຄົມມິດຕະພາບ ຫວຽດນາມ - ລາວ ຢ້ຽມຢາມສຸສານ ປະທານ ໂຮ່ຈິມິນ ເນື່ອງໃນໂອກາດຢ້ຽມຢາມ ແລະ ເຮັດວຽກກັບແຂວງ ຮ່າຍເຢືອງ ໃນເດືອນ ກັນຍາ 2024. |
ຊ່ວຍເພື່່ອນແມ່ນຊ່ວຍຕົວເອງ
ເມື່ອ 75 ປີກ່ອນ, ວັນທີ 30 ຕຸລາ 1949, ຄະນະປະຈຳສູນກາງພັກກອມມູນິດອິນດູຈີນ ໄດ້ຈັດກອງປະຊຸມ, ໃນນັ້ນໄດ້ປຶກສາຫາລືກ່ຽວກັບບັນຫາ ລາວ - ກຳປູເຈຍ. ກອງປະຊຸມໄດ້ສະເໜີບັນດາໜ້າທີ່ອັນຮີບດ່ວນ ແລະ ນະໂຍບາຍ ເພື່ອຊ່ວຍໃຫ້ການປະຕິວັດ ລາວ - ກຳປູເຈຍ ໃນຊຸມປີຕໍ່ໜ້າ; ພ້ອມກັນນັ້ນ, ກໍ່ກຳນົດຢ່າງຈະແຈ້ງກ່ຽວກັບການຈັດຕັ້ງນໍາພາ ແລະ ໃນນາມຂອງທະຫານຫວຽດນາມ ທີ່ເຄື່ອນໄຫວຢູ່ ລາວ - ກຳປູເຈຍ.
ເຫດການດັ່ງກ່າວມີຄວາມໝາຍສຳຄັນທີ່ສຸດ, ຖືເປັນຂີດໝາຍແຫ່ງການເປີດກວ້າງການພັດທະນາ ແລະ ເປັນບາດກ້າວພັດທະນາ, ເຕີບໃຫ່ຍຂອງກໍາລັງທະຫານຫວຽດນາມ ໃນພາລະກິດຊ່ວຍເຫຼືອການປະຕິວັດປະເທດເພື່ອນບ້ານ.
ວັນທີ 30 ຕຸລາ 1949 ຖືເປັນວັນມູນເຊື້ອຂອງນັກອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ທີ່ຊ່ວຍເຫຼືອລາວ. ດ້ວຍວິທີການນຳພາ, ຊີ້ນຳ ແລະ ການຈັດຕັ້ງປະຕິບັດຢ່າງເຂັ້ມງວດ ຈາກສູນກາງພັກ, ຕະຫຼອດຮອດກະຊວງປ້ອງກັນປະເທດ ຫວຽດນາມ ແລະ ການສົມທົບຢ່າງແໜ້ນແຟ້ນລະຫວ່າງກຳລັງປະກອບອາວຸດຂອງ 2 ປະເທດ ຫວຽດນາມ - ລາວ, ທະຫານອາສາສະໝັກ ແລະ ນັກຊ່ຽວຊານ ຫວຽດນາມ ຢູ່ລາວ ໄດ້ສຳເລັດໜ້າທີ່ຢ່າງຮອບດ້ານ; ມີການປະກອບສ່ວນອັນໃຫຍ່ຫຼວງຫຼາຍຢ່າງເຂົ້າໃນການປະຕິວັດຂອງ 2 ປະເທດ ແລະ ມິດຕະພາບແບບພິເສດ ລະຫວ່າງ ຫວຽດນາມ - ລາວ, ໂດຍອີງຕາມຈິດໃຈຂອງກຳມະຊີບ ແລະ ຄຳສອນຂອງ ປະທານ ໂຮ່ຈີມິນ ທີ່ວ່າ: “ຊ່ວຍເຫຼືອປະຊາຊົນຂອງປະເທດເພື່ອນບ້ານແມ່ນຊ່ວຍເຫຼືອຕົນເອງ”.
39 ປີແຫ່ງການປະຕິບັດພາລະກິດສາກົນອັນສູງສົ່ງຢູ່ບ້ານເກີດເມືອງນອນຂອງພວກເຮົາ, ອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ຊ່ວຍເຫຼືອລາວ ບັນລຸໄດ້ໄຊຊະນະອັນສະຫງ່າລາສີ, ປະກອບສ່ວນອັນລ້ຳຄ່າເຂົ້າໃນພາລະກິດປະຕິວັດອັນສະຫງ່າລາສີຂອງສອງພັກ, ສອງລັດ, ສອງກອງທັບ ແລະ ປະຊາຊົນຂອງ 2 ປະເທດ.
 |
| ການນຳສະມາຄົມມິດຕະພາບ ຫວຽດນາມ - ລາວ ແຂວງ ຮ່າຍເຢືອງ ໄດ້ມອບຂອງຂວັນໃຫ້ນັກສຶກສາລາວທີ່ກໍາລັງຮຽນຢູ່ແຂວງ ຮ່າຍເຢືອງ (ຮູບພາບ) |
ພາຍຫຼັງໄດ້ຮັບໄຊຊະນະໃນສົງຄາມຕໍ່ຕ້ານອາເມລິກາ, ຫວຽດນາມ ແລະ ລາວ ໄດ້ກາຍເປັນ 2 ປະເທດເອກະລາດ, ເປັນເອກະພາບ, ເດີນຕາມເສັ້ນທາງສັງຄົມນິຍົມ. ການພົວພັນລະຫວ່າງ 2 ປະເທດໄດ້ກ້າວເຂົ້າສູ່ໄລຍະພັດທະນາໃໝ່ - ໄລຍະການຮ່ວມມືຮອບດ້ານ...
ຫວຽດນາມ ສືບຕໍ່ສົ່ງນັກຊ່ຽວຊານດ້ານກະສິກຳ ແລະ ຊົນລະປະທານຂັ້ນສູງຫຼາຍທ່ານໄປຊ່ວຍເຫຼືອລາວ. ໃນຊຸມປີ 1996 – 2000, ຕາມຄວາມຮຽກຮ້ອງຕ້ອງການຂອງລາວ, ຫວຽດນາມ ໄດ້ສົ່ງນັກຊ່ຽວຊານ 475 ເທື່ອຄົນ ໄປຊ່ວຍເຫຼືອເພື່ອນ, ໂດຍສຸມໃສ່ບັນດາຂົງເຂດເສດຖະກິດ (63%), ການປ້ອງກັນປະເທດ - ປ້ອງກັນຄວາມສະຫງົບ (28%) ແລະ ຂົງເຂດອື່ນໆ.
ຕີລາຄາສູງ ແລະ ຮັບຮູ້ໝາກຜົນໃນການຊ່ວຍເຫຼືອປະເທດເພື່ອນມິດລາວ, ພັກ ແລະ ລັດຫວຽດນາມ ໄດ້ມອບຫຼາຍລາງວັນອັນສູງສົ່ງໃຫ້ກຳລັງອາສາສະໝັກ, ນັກຊ່ຽວຊານການທະຫານ ຫວຽດນາມ ຊ່ວຍເຫຼືອລາວ ຄື: ປີ 2000, ມອບຫຼຽນໄຊດາວຄຳ; ປີ 2009, ລາວ ໄດ້ຮັບຫລຽນໄຊດາວຄຳແຫ່ງຊາດ ແລະ ໃນປີ 2019 ໄດ້ມອບນາມມະຍົດອັນສູງສົ່ງ ວິລະຊົນກໍາລັງປະກອບອາວຸດປະຊາຊົນ.
ພ້ອມກັນທົ່ວປະເທດສືບຕໍ່ຮັກສາເພີ່ມພູນຄູນສ້າງ ສາຍພົວພັນມິດຕະພາບແບບພິເສດ 2 ປະເທດ ຫວຽດນາມ - ລາວ, ວັນທີ 2 ເມສາ 1984, ການນຳແຂວງ 2 ແຂວງ ຮ່າຍຮຶງ (ປະຈຸບັນແມ່ນແຂວງ ຮ່າຍເຢືອງ) ແລະ ແຂວງ ວຽງຈັນ ໄດ້ລົງນາມໃນເອກະສານແຮກສ່ຽວເພື່ອເປີດກວ້າງສາຍພົວພັນຮ່ວມມືມິດຕະພາບ ແລະ ໜູນຊ່ວຍເຊິ່ງກັນ ແລະ ກັນ ພັດທະນາຮອບດ້ານໃນທຸກດ້ານ.
40 ກວ່າປີຜ່ານມາ, ຮ່າຍເຢືອງ ແລະ ວຽງຈັນ ໄດ້ດຳເນີນການເຄື່ອນໄຫວຮ່ວມມືຕ່າງໆບັນລຸໝາກຜົນໃນຫຼາຍດ້ານ, ໃນນັ້ນມີສູນຮ່ວມມືສອງປະເທດ ວຽງຈັນ - ຮ່າຍເຢືອງ ແລະ ຮ່າຍເຢືອງ - ວຽງຈັນ ໄດ້ຮັບການສ້າງຕັ້ງ ແລະ ປະຕິບັດບັນດາການເຄື່ອນໄຫວຮ່ວມມືມິດຕະພາບລະຫວ່າງບັນດາແຂວງ.
 |
| ຄະນະຕິດຕໍ່ພົວພັນທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍເຫຼືອ ລາວ ຢູ່ແຂວງ ຮ່າຍເຢືອງ ປະຈຸບັນ ມີສະມາຊິກ 1.000 ກວ່າຄົນດຳລົງຊີວິດຢູ່ 8 ສາຂາສະມາຄົມ. ໃນຮູບພາບ: ບັນດາສະມາຊິກຄະນະຕິດຕໍ່ພົວພັນພົບປະໃນໂອກາດສະເຫຼີມສະຫຼອງ 75 ປີແຫ່ງວັນມູນເຊື້ອທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍເຫຼືອລາວ. |
ສອງແຂວງໄດ້ແລກປ່ຽນບັນດາຄະນະຜູ້ແທນຂັ້ນສູງ ແລະ ພະນັກງານຊ່ຽວຊານຢ່າງເປັນປະຈຳ ເພື່ອຮ່ວມກັນແລກປ່ຽນບົດຮຽນກ່ຽວກັບວຽກງານກໍ່ສ້າງພັກ ແລະ ປະຕິບັດໜ້າທີ່ພັດທະນາເສດຖະກິດ - ສັງຄົມ. ພິເສດ, ໃນໄລຍະ 40 ປີແຫ່ງການເປັນຄູ່ຮ່ວມມືລະຫວ່າງ 2 ແຂວງ, ໃນແຕ່ລະປີ, ແຂວງ ຮ່າຍເຢືອງ ໄດ້ສົ່ງຄະນະພະນັກງານ, ນັກວິຊາການໄປຍັງ ແຂວງ ວຽງຈັນ ເພື່ອແນະນໍາດ້ານເຕັກນິກ, ປະສົບການດ້ານການຜະລິດ, ພັດທະນາເສດຖະກິດ, ໜູນຊ່ວຍເພື່ອນໃນຫຼາຍຂົງເຂດ, ແຂວງກໍ່ຍັງໄດ້ຕອບສະໜອງການໜູນຊ່ວຍບັນດາແນວພັນສັດລ້ຽງ, ສັດປີກ ແລະ ແນວພັນພືດ ແກ່ແຂວງເພື່ອນຢ່າງເປັນປົກະຕິ.
ປີ 2012, ແຂວງ ຮ່າຍເຢືອງ ໄດ້ໜູນຊ່ວຍວຽງຈັນ ກໍ່ສ້າງເຮືອນຮັບແຂກ ດ້ວຍມູນຄ່າກວ່າ 10 ຕື້ດົ່ງ. ປະຈຸບັນໄດ້ຜັນຂະຫຍາຍການໜູນຊ່ວຍກໍ່ສ້າງໂຮງຮຽນອະນຸບານຢູ່ໃຈກາງແຂວງວຽງຈັນ ລວມມູນຄ່າການລົງທຶນກວ່າ 13 ຕື້ດົ່ງ, ໃນນັ້ນ ຮ່າຍເຢືອງ ໜູນຊ່ວຍ 6 ຕື້ດົ່ງ. ແຕ່ລະປີ, ຮ່າຍເຢືອງ ຍັງໄດ້ອຸປະຖຳຄ່າຮຽນ ແລະ ບັນດາເງື່ອນໄຂການຮຽນໃຫ້ແກ່ນັກຮຽນ ແລະ ພະນັກງານຂອງແຂວງວຽງຈັນ ຈຳນວນຫຼາຍສິບຄົນ ເຂົ້າຮໍ່າຮຽນຢູ່ມະຫາວິທະຍາໄລ, ວິທະຍາໄລ, ໂຮງຮຽນຊັ້ນກາງຂອງແຂວງ; ຊ່ວຍເຫຼືອ ແຂວງ ວຽງຈັນ ບຳລຸງສ້າງ ແລະ ຝຶກຊ້ອມນັກກິລາຫຼາຍປະເພດກິລາມີຜົນງານສູງ...
ຄວາມຮັກແພງທີ່ມີຄວາມໝາຍອັນເລິກເຊິ່ງ
 |
| ນັກສຶກສາລາວທີ່ຮຽນຢູ່ເມືອງ ຮ່າຍເຢືອງ ໄດ້ຮັບການອຸປະຖຳຈາກບັນດາຄອບຄົວອະດີດນັກຮົບອາສາສະໝັກ ແລະນັກຊ່ຽວຊານການທະຫານ ຊ່ວຍເຫຼືອລາວ ຢູ່ນະຄອນ ຮ່າຍເຢືອງ. |
ພ້ອມກັບແຂວງ, ສະມາຄົມມິດຕະພາບ ຫວຽດນາມ - ລາວ ແຂວງ ໄດ້ມີຂໍ້ຄິດລິເລີ່ມຫຼາຍຢ່າງ, ໃນນັ້ນມີຂໍ້ຄິດລິເລີ່ມລະດົມບັນດາຄອບຄົວອະດີດນັກຮົບອາສາສະໝັກ, ຊ່ຽວຊານທະຫານ ຊ່ວຍລາວ ຢູ່ນະຄອນ ຮ່າຍເຢືອງ ຮັບອຸປະຖໍາບັນດານັກສຶກສາລາວ ທີ່ມາຮ່ຳຮຽນຢູ່ ຮ່າຍເຢືອງ.
ຄະນະຕິດຕໍ່ພົວພັນທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ຢູ່ແຂວງ ຮ່າຍເຢືອງ ແມ່ນພາກສ່ວນທີ່ສຳຄັນ, ເປັນກຳລັງແຮງຕົ້ນຕໍຂອງສະມາຄົມມິດຕະພາບ ຫວຽດນາມ - ລາວ ແຂວງ. ໃນຊຸມປີທີ່ຜ່ານມາ, ຄະນະຕິດຕໍ່ພົວພັນຍາມໃດກໍ່ໃກ້ຊິດຕິດແທດຄະຕິທໍາ ແລະ ຈຸດປະສົງຂອງການເຄື່ອນໄຫວຂອງສະມາຄົມແມ່ນເພື່ອແນໃສ່ເພີ່ມທະວີຄວາມເຂົ້າໃຈລະຫວ່າງປະຊາຊົນ 2 ປະເທດ, ຮັດແໜ້ນ ແລະ ພັດທະນາສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ.
ເພື່ອເຮັດໄດ້ຄືແນວນັ້ນ, ຄະນະພັກ, ອຳນາດການປົກຄອງ, ອົງການຈັດຕັ້ງການເມືອງ- ສັງຄົມ ບັນດາຂັນພາຍໃນແຂວງ ແລະ ຄະນະຕິດຕໍ່ພົວພັນທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍເຫຼືອລາວ ຢູ່ແຂວງ ຮ່າຍເຢືອງ ຕ້ອງເພີ່ມທະວີການສຶກສາອຸດົມການດ້ານການເມືອງໃຫ້ປະຊາຊົນທຸກຊັ້ນວັນນະ, ພິເສດແມ່ນລຸ້ນໜຸ່ມ ເພື່ອໃຫ້ປະຊາຊົນໄດ້ເຂົ້າໃຈຢ່າງເລິກເຊິ່ງ, ເຊື່ອມຊືມກ່ຽວກັບຄວາມພິເສດຂອງສາຍພົວພັນມິດຕະພາບອັນຍິ່ງໃຫຍ່ ແລະ ຄວາມສາມັກຄີແບບພິເສດລະຫວ່າງ 2 ປະເທດ. ຈາກນັ້ນ, ກໍ່ສືບຕໍ່ປົກປັກຮັກສາ, ເພີ່ມພູນຄູນສ້າງ ແລະ ພັດທະນາສາຍພົວພັນລະຫວ່າງ ຫວຽດນາມ - ລາວ ແລະ ຮ່າຍເຢືອງ - ວຽງຈັນ ໃຫ້ຍືນຍົງຄົງຕົວຕາມການເວລາ...
 | ຂົວເຊື່ອມຕໍ່ຢ່າງໝັ້ນແກ່ນສຳລັບການທູດປະຊາຊົນ ແລະ ການພັດທະນາແບບຍືນຍົງ ຍສໝ - ໃນສະພາບການເຊື່ອມໂຍງເຂົ້າກັບສາກົນນັບມື້ນັບເລິກເຊິ່ງກ້ວາງຂວາງ ແລະ ບົດບາດຂອງການພົວພັນທາງການທູດປະຊາຊົນນັບມື້ນັບໄດ້ຮັບການຖືເປັນສຳຄັນ, ສະຫະພັນບັນດາອົງການມິດຕະພາບນະຄອນ ດານັງ (ສະຫະພັນມິດຕະພາບນະຄອນ ດານັງ) ໄດ້ສ້າງຂີດໝາຍຢ່າງເດັ່ນຊັດໃນໄລຍະ 2019-2024. ໂດຍຜ່ານບັນດາການເຄື່ອນໄຫວການທູດທີ່ມີຄວາມຫຼາກຫຼາຍ ແລະ ອຸດົມສົມບູນ, ສະຫະພັນມິດຕະພາບນະຄອນ ດານັງ ບໍ່ພຽງແຕ່ປະກອບສ່ວນຊຸກຍູ້ການພັດທະນາແບບຍືນຍົງຂອງນະຄອນເທົ່ານັ້ນ ຫາກຍັງໂຄສະນາຮູບພາບນະຄອນ ດານັງ - ນະຄອນທີ່ເປັນມິດ, ທີ່ຂະຫຍັນຂັນເຄື່ອນ, ໜ້າຢູ່ ໄປເຖິງເພື່ອນມິດສາກົນ. |
 | 75 ປີແຫ່ງທະຫານອາສາສະໝັກຫວຽດນາມ ຢູ່ລາວ: ການເດີນທາງແຫ່ງຄວາມສາມັກຄີ ແລະການເສຍສະຫຼະ ຍສໝ - ວັນທີ 20 ຕຸລານີ້, ຢູ່ນະຄອນ ບັກຢາງ, ສະຫະພັນບັນດາອົງການມິດຕະພາບແຂວງ ບັກຢາງ, ສະມາຄົມມິດຕະພາບ ຫວຽດນາມ - ລາວ, ຄະນະຕິດຕໍ່ປະສານງານທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ ແຂວງ ບັກຢາງ ໄດ້ສົມທົບກັນເພື່ອຈັດຕັ້ງການພົບປະ, ການໂອ້ລົມສົນທະນາເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນມູນເຊື້ອຂອງທະຫານອາສາສະໝັກ ແລະ ນັກຊ່ຽວຊານການທະຫານ ... |
ທອງມີ ສີຫາວົງ
