 | ນັກສຶກສາລາວ ແລະກຳປູເຈຍ ສາມາດເບິ່ງຮູບເງົາ “Đào, Phở và Piano” |
| ຮ່າຢາງ ຈະພັດທະນາການທ່ອງທ່ຽວຜະຈົນໄພ ຢູ່ໃນຮ່ອມເຫວພູ Tu San, ແມ່ນ້ຳ Nho Que |
ທີ່ການຊັກຖາມ, ທ່ານ ນາງ ດ່າວຮົ່ງລານ ລັດຖະມົນຕີກະຊວງສາທາລະນະສຸກ ໄດ້ນຳເອົາຜະລິດຕະພັນຢາສູບອີເລັກໂຕນິກຈຳນວນໜຶ່ງທີ່ມີການອອກແບບໜ້າໃຈ ຄ້າຍຄືເຄື່ອງຫຼິ້ນເດັກ. ຕາມທ່ານແລ້ວ, ຢາສູບເອເລັກໂຕນິກ ແລະ ຄວາມຮ້ອນພວມເພີ່ມຂຶ້ນຢ່າງວ່ອງໄວ ແລະ ມີຄວາມສ່ຽງຫຼາຍຢ່າງທີ່ມີຜົນກະທົບຕໍ່ສຸຂະພາບ, ຊີວິດຂອງປະຊາຊົນ, ໂດຍສະເພາະແມ່ນໄວໜຸ່ມ.
 |
| ທ່ານ ນາງ ດ່າວຮົ່ງລານ ລັດຖະມົນຕີກະຊວງສາທາລະນະສຸກ ໄດ້ຍົກອອກຢູ່ຫໍສະພາແຫ່ງຊາດ ກ່ຽວກັບຈຳນວນຜະລິດຕະພັນຢາສູບອີເລັກໂຕນິກ ທີ່ມີການອອກແບບທີ່ໜ້າຈັບໃຈ ແລະ ດຶງດູດໄວໜຸ່ມ. (ພາບ: Quochoi.vn) |
ຜ່ານການສຳຫຼວດໃນ 34 ແຂວງ ແລະ ນະຄອນ ໃນປີ 2020 ເຫັນວ່າ ອັດຕາການນຳໃຊ້ຢາສູບອີເລັກໂຕນິກຂອງຜູ້ໃຫຍ່ອາຍຸ 15 ປີຂຶ້ນໄປ ເພີ່ມຂຶ້ນ 18 ເທື່ອ ຈາກ 0,2% ໃນປີ 2015 ຂຶ້ນ 3,6% ໃນປີ 2020, ໃນນັ້ນ ສຸມໃສ່ສູງສຸດຢູ່ກຸ່ມອາຍຸແຕ່ 15 ປີ ຫາ 24 ປີ. ຜົນການສຳຫຼວດກ່ຽວຂ້ອງເຖິງການນຳໃຊ້ຢາສູບອີເລັກໂຕນິກຕາມບັນດາກຸ່ມອາຍຸ ເຫັນວ່າ ຄວາມຕ້ອງການ ແລະ ການນຳໃຊ້ຂອງໄວໜຸ່ມ, ໂດຍສະເພາະແມ່ນສຳລັບແມ່ຍິງ ແລະ ເດັກຍິງ ກໍເພີ່ມຂຶ້ນ.
ທ່ານ ນາງ ດ່າວຮົ່ງລານ ລັດຖະມົນຕີກະຊວງສາທາລະນະສຸກ ໄດ້ສະເໜີດັດແປງກົດໝາຍວ່າດ້ວຍການປ້ອງກັນ ແລະ ຕ້ານຜົນຮ້າຍຈາກຢາສູບ ເພື່ອສະເໜີຕໍ່ສະພາແຫ່ງຊາດພິຈາລະນາ, ໃນນັ້ນ ມີບັນດາຂໍ້ກຳນົດຫ້າມຢາສູບເອເລັກໂຕນິກ ແລະ ຢາສູບຄວາມຮ້ອນ.
ໂດຍເຫັນດີກັບຂໍ້ສະເໜີດັ່ງກ່າວ, ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫງວຽນຮົ່ງຢຽນ ໃຫ້ຮູ້ວ່າ ກະຊວງອຸດສາຫະກຳ ແລະ ການຄ້າ ຕັ້ງແຕ່ຕົ້ນອາຍຸການ ໄດ້ຄັດຄ້ານການດຳເນີນທຸລະກິດບັນດາຜະລິດຕະພັນຢາສູບໃໝ່ນີ້. ກະຊວງ ໄດ້ປະຕິເສດການອອກອະນຸຍາດໃຫ້ບັນດາເວັບໄຊທ໌ການຄ້າເອເລັກໂຕນິກ ແລະ ຊີ້ນຳໃຫ້ກົມຄຸ້ມຄອງຕະຫຼາດ ເພື່ອເພີ່ມທະວີການກວດກາ ແລະ ແກ້ໄຂບັນດາການລະເມີດ. ທ່ານ ຢຽນ ເນັ້ນໜັກວ່າ: “ບັນດາສິນຄ້າທີ່ເປັນອັນຕະລາຍຕໍ່ສຸຂະພາບຕ້ອງໄດ້ຮັບການຫ້າມຢ່າງເດັດຂາດ”.
ໃນເວລາທີ່ລໍຖ້າປັບປຸງກົດໝາຍວ່າດ້ວຍການປ້ອງກັນ ແລະ ຕ້ານຜົນຮ້າຍຈາກຢາສູບ, ໃນນັ້ນ ມີຂໍ້ກຳນົດຫ້າມຢາສູບເອເລັກໂຕນິກ ແລະ ຢາສູບຄວາມຮ້ອນ, ກະຊວງອຸດສາຫະກຳ ແລະ ການຄ້າ ຈະສືບຕໍ່ຊີ້ນຳກົມຄຸ້ມຄອງຕະຫຼາດສົມທົບກັບບັນດາອົງການທີ່ກ່ຽວຂ້ອງເພີ່ມທະວີການກວດກາ ແລະ ປະຕິບັດຢ່າງເຂັ້ມງວດຕໍ່ບັນດາອົງການ, ບຸກຄົນທີ່ຄ້າຂາຍ, ເກັບໂຮມສະສົມ ແລະ ຂົນສົ່ງຢາສູບເອເລັກໂຕນິກ, ຢາສູບຄວາມຮ້ອນ. ພ້ອມກັນນັ້ນ, ກໍ່ສົມທົບກັບກະຊວງສາທາລະນະສຸກ, ກະຊວງສຶກສາ ແລະ ບຳລຸງສ້າງ, ກະຊວງຖະແຫຼງຂ່າວ ແລະ ການສື່ສານ ເພີ່ມທະວີການໂຄສະນາກ່ຽວກັບຜົນຮ້າຍຂອງຢາສູບລຸ້ນໃໝ່, ໂດຍສະເພາະແມ່ນສຳລັບເດັກນ້ອຍ.
ທີ່ການຊັກຖາມ, ທ່ານ ນາງ ຫງວຽນທິມາຍທວາສະມາຊິກສະພາແຫ່ງຊາດ - ຄະນະ ຫາຍເຢືອງ ໄດ້ສະເໜີໃຫ້ກະຊວງສາທາລະນະສຸກ ຄົ້ນຄວ້າຜັນຂະຫຍາຍບັນດາຮູບແບບໜູນຊ່ວຍການບຳບັດສູບຢາ ແລະ ທາດກະຕຸ້ນໃຫ້ເດັກນ້ອຍ. ໂດຍຕອບຄຳຊັກຖາມ, ທ່ານລັດຖະມົນຕີ ນາງ ດ່າວຮົ່ງລານ ໃຫ້ຮູ້ວ່າ ການຜັນຂະຫຍາຍກົດໝາຍວ່າດ້ວຍການປ້ອງກັນ ແລະ ຕ້ານຜົນຮ້າຍຂອງຢາສູບ, ລັດຖະບານໄດ້ສ້າງຕັ້ງກອງທຶນປ້ອງກັນ ແລະ ຕ້ານຜົນຮ້າຍຂອງຢາສູບ ດ້ວຍ 9 ກຸ່ມໜ້າທີ່ໄດ້ຮັບການປະຕິບັດໃນຫວ່າງມໍ່ໆມານີ້. ໃນບັນດາກຸ່ມໜ້າທີ່ຂອງກອງທຶນ, ມີກຸ່ມໜ້າທີ່ກ່ຽວກັບການສ້າງຕັ້ງ ແລະ ຈັດຕັ້ງເຄືອຂ່າຍບຳບັດການສູບຢາ ເພື່ອສ້າງຕັ້ງການໜູນຊ່ວຍໃຫ້ປະຊາຊົນປະຕິບັດການບຳບັດສູບຢາ.
ສ່ວນກະຊວງສາທາລະນະສຸກ, ກະຊວງໄດ້ຈັດຕັ້ງ 24 ຈຸດເພື່ອເຂົ້າຮ່ວມໃນເຄືອຂ່າຍບຳບັດສູບຢາ. ນີ້ແມ່ນໂຮງໝໍຂຶ້ນກັບກະຊວງສາທາລະນະສຸກ. ໃນນັ້ນ, ມີຫຼາຍໂຮງໝໍຂະແໜງສະເພາະ ມີຄົນເຈັບເປັນຈຳນວນຫຼວງຫຼາຍເຊັ່ນ ໂຮງໝໍ ແບັກມາຍ, ໂຮງໝໍປອດສູນກາງ, ໂຮງໝໍສູນກາງ ເຫ້ວ... ໂຮງໝໍ ແບັກມາຍ ໄດ້ຈັດຕັ້ງສູນບຳບັດສູບຢາ 1 ແຫ່ງຂຶ້ນກັບໂຮງໝໍ ແລະ ປະຕິບັດໜ້າທີ່ຊີ້ນຳ ແລະ ໜູນຊ່ວຍບັນດາໂຮງໝໍໃນທົ່ວປະເທດ ກ່ຽວກັບບັນຫານີ້.
ແທັງຮັ່ງ
