 | ອົງການຊ່ວຍເຫຼືອເດັກຫນູນຊ່ວຍປະຊາຊົນ ອຽນບ໋າຍ ກໍ່ສ້າງຊີວິດຄືນໃໝ່ພາຍຫຼັງພະຍຸເລກທີ 3 |
| ລຸ້ນໜຸ່ມ ຫວຽດນາມ - ລາວ ແມ່ນບັນດາຜູ້ທີ່ສືບທອດພາລະກິດແຫ່ງການປົກປັກຮັກສາ ແລະພັດທະນາການພົວພັນລະຫວ່າງ 2 ປະເທດ |
ທີ່ການຕ້ອນຮັບຄະນະ, ທ່ານ ເຈີ່ນຮຸຍຕ໋ວນ, ເລຂາພັກແຂວງ, ປະທານຄະນະກຳມະການປະຊາຊົນແຂວງ ອຽນບ໋າຍ ໄດ້ແນະນຳກ່ຽວກັບເງື່ອນໄຂທຳມະຊາດ - ສັງຄົມ ແລະ ບັນດາຜົນງານດ້ານເສດຖະກິດ - ສັງຄົມຂອງແຂວງນັບແຕ່ຕົ້ນອາຍຸການ 2020 - 2025 ເຖິງປະຈຸບັນ.
ທ່ານ ເຈີ່ນຮຸຍຕ໋ວນ ໄດ້ແຈ້ງໃຫ້ຊາບກ່ຽວກັບການພົວພັນຮ່ວມມືຢ່າງແໜ້ນແຟ້ນລະຫວ່າງແຂວງ ອຽນບ໋າຍ ກັບບັນດາທ້ອງຖິ່ນຂອງ ລາວ, ພິເສດແມ່ນກັບແຂວງວຽງຈັນ (ນັບແຕ່ ປີ 2008) ແລະ ແຂວງໄຊຍະບູລີ (ນັບແຕ່ປີ 2012). ໃນໄລຍະນີ້, ສອງຝ່າຍໄດ້ຈັດຕັ້ງການແລກປ່ຽນ ເພື່ອເພີ່ມທະວີການຮ່ວມມືກ່ຽວກັບການພັດທະນາເສດຖະກິດ - ສັງຄົມ, ການປ້ອງກັນຊາດ - ປ້ອງກັນຄວາມສະຫງົບ, ການກໍ່ສ້າງພັກ ແລະ ລະບົບການເມືອງ.
ແຂວງ ອຽນບ໋າຍ ໄດ້ໜູນຊ່ວຍ ແຂວງວຽງຈັນ ແລະ ໄຊຍະບູລີ ດ້ວຍບ້ວງໃຊ້ຈ່າຍ 55 ຕື້ດົ່ງ ເພື່ອກໍ່ສ້າງພື້ນຖານໂຄງລ່າງທີ່ຈຳເປັນ, ຊື້ອຸປະກອນການແພດ, ຈັດຕັ້ງການເຝິກອົບຮົມ; ໄດ້ຮັບນັກສຶກສາ ລາວ 450 ຄົນໄປຮ່ຳຮຽນ... ບັນດາການເຄື່ອນໄຫວດັ່ງກ່າວນີ້ ໄດ້ປະກອບສ່ວນປັບປຸງການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດ ຫວຽດນາມ ແລະ ລາວ.
 |
| ຄະນະປະຕິບັດງານ ໂດຍທ່ານ ຄຳພັນ ເຜີຍຍະວົງ (ທີສອງຈາກຂວາ) ໄດ້ນຳໜ້າຄະນະ ໄປທັດສະນະຮູບແບບການປູກມອນ ແລະ ລ້ຽງມອນຢູ່ບ້ານ ຈຸກດິ່ງ, ຕາແສງ ຫວຽດແທ່ງ, ເມືອງ ເຈີ່ນອຽນ, ແຂວງ ອຽນບ໋າຍ. (ພາບ: yenbai.gov.vn) |
ທ່ານ ຄຳພັນ ເຜີຍຍະວົງ ໄດ້ສະແດງຄວາມປະທັບໃຈຕໍ່ຜົນສຳເລັດຂອງການພັດທະນາເສດຖະກິດ-ສັງຄົມຂອງແຂວງ ອຽນບ໋າຍ, ພິເສດແມ່ນຮູບແບບການປູກມອນລ້ຽງມ້ອນຢູ່ ເຈີ່ນອຽນ. ທ່ານຫວັງວ່າ ຈະນຳໃຊ້ບັນດາປະສົບການອັນລ້ຳຄ່ານີ້ ເພື່ອຊຸກຍູ້ການພັດທະນາເສດຖະກິດຢູ່ທ້ອງຖິ່ນຂອງ ລາວ, ພ້ອມກັນນັ້ນ ກໍ່ປາດຖະໜາຢາກເພີ່ມທະວີການຮ່ວມມືລະຫວ່າງແຂວງ ອຽນບ໋າຍ ກັບບັນດາທ້ອງຖິ່ນ ລາວ ໃນຂົງເຂດການສຶກສາ, ການແພດ, ປ້ອງກັນປະເທດຊາດ ແລະ ຫຼາຍຂົງເຂດ.
ໃນມື້ດຽວກັນ, ຄະນະປະຕິບັດງານ ໄດ້ໄປສຳຫຼວດຕົວແບບກະສິກຳຈຳນວນໜຶ່ງຢູ່ເມືອງ ເຈີ່ນອຽນ. ຢູ່ທີ່ນີ້, ຄະນະໄດ້ໄປຢ້ຽມຢາມທົ່ງປູກມອນຢູ່ບ້ານ ລານດິງ, ສະຫະກອນຕົ້ນມອນ ແຫ້ງເລ ແລະ ສະຫະກອນຕົ້ນມອນ ຫວຽດແທງ. ປະຈຸບັນ, ຕາແສງ ຫວຽດແທ່ງ ມີເນື້ອທີ່ປູກຕົ້ນມອນ 230 ເຮັກຕາ, 3 ສະຫະກອນ ແລະ 3 ຕ່ອງໂສ້ການຜະລິດ ກັບບໍລິສັດຫຸ້ນສ່ວນຕົ້ນມອນ ອຽນບ໋າຍ.
ຄະນະ ກໍ່ໄດ້ໄປທັດສະນະຮູບແບບການທໍຜ້າຫັດຖະກຳ ແລະ ບັນດາຜະລິດຕະພັນ OCOP ຢູ່ ລານດິງ, ຕາແສງ ຫວຽດແທ່ງ, ກໍ່ຄືໂຮງງານປຸງແຕ່ງເສັ້ນໄໝຂອງ ບໍລິສັດຕົ້ນມອນ ອຽນບ໋າຍ ຢູ່ ຕາແສງ ບ໋າວດາບ.
ທ່ານ ຄຳພັນ ເຜີຍຍະວົງ ໄດ້ຕີລາຄາສູງຕໍ່ຄວາມຂະຫຍັນຂັນເຄື່ອນ ແລະ ຕັ້ງໜ້າໃນການນຳໃຊ້ວິທະຍາສາດເຕັກໂນໂລຊີ ແລະ ເຊື່ອມຕໍ່ຕ່ອງໂສ້ການຜະລິດຢູ່ເມືອງ ເຈີ່ນອຽນ. ບັນດາປະສົບການໃນການສ້າງຕ່ອງໂສ້ມູນຄ່າກະເສດ ຈະເປັນແຫຼ່ງທາບທາມບ່ອນອີງທີ່ເປັນປະໂຫຍດໃຫ້ແກ່ບັນດາທ້ອງຖິ່ນຂອງລາວ ເພື່ອນຳໃຊ້ເຂົ້າໃນຕົວຈິງ ເພື່ອການພັດທະນາແບບຍືນຍົງ ແລະ ຍົກສູງຊີວິດການເປັນຢູ່ໃຫ້ແກ່ປະຊາຊົນ.
 | ຍສໝ - ໃນຕອນເຊົ້າວັນທີ 6 ມັງກອນ 2024, ພາຍຫຼັງການເຈລະຈາຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານນາຍົກລັດຖະມົນຕີ ລາວ ສອນໄຊ ສີພັນດອນ ໄດ້ເປັນສັກຂີພິຍານພິທີລົງນາມເອກະສານຮ່ວມມືລະຫວ່າງສອງປະເທດ. |
 | ຄວາມໝາຍສຳຄັນ ຂອງການຍົກລະດັບກອງປະຊຸມສຸດຍອດສະພາແຫ່ງຊາດ 3 ປະເທດ ຫວຽດນາມ - ລາວ - ກຳປູເຈຍ ຍສໝ - ຕາມຄຳເຊີນຂອງທ່ານປະທານສະພາແຫ່ງຊາດ ລາວ ໄຊສົມພອນ ພົມວິຫານ, ໃນລະຫວ່າງວັນທີ 4-7 ທັນວາ, ທ່ານປະທານສະພາແຫ່ງຊາດ ເວືອງດິ່ງເຫວະ ຈະນຳໜ້າຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ເຂົ້າຮ່ວມກອງປະຊຸມສຸດຍອດສະພາແຫ່ງຊາດ 3 ປະເທດ ກຳປູເຈຍ - ລາວ - ຫວຽດນາມ (CLV) ຢ້ຽມຢາມ ແລະ ເຮັດວຽກຢູ່ ... |
ແທັງຮັ່ງ
