ເຊົ້າວັນທີ 5 ກໍລະກົດ ທີ່ຮ່າໂນ້ຍ ຄະນະກຳມາທິການບໍລິຫານງານ ອົງການຕ່າງປະເທດ ທີ່ບໍ່ຂື້ນກັບລັດຖະບານ ໄດ້ຈັດກອງປະຊຸມ ສະຫຼຸບ ການເຄື່ອນໄຫວ ໄລຍະ ແຕ່ 1996-2017. ນາຍົກລັດຖະມົນຕີ ຫງວ໋ຽນຊົນຟຸ໋ກ ໄດ້ເຂົ້າຮ່ວມ ແລະ ຊີ້ນຳກອງປະຊຸມ.
ທ່ານນາຍົກລັດຖະມົນຕີ ຫງວ໋ຽນຊົນຟຸ໋ກ ໄດ້ເນັ້ນຫນັກວ່າ: ໃນສະພາບການແຫ່ງການເຊື່ອມໂຍງສາກົນກ້ວາງຂວາງ ແລະ ຄວາມຕ້ອງການ ຊັບພະຍາກອນດ້ານບຸກຄະລາກອນຫຼາຍຂຶ້ນ, ພວກເຮົາມີນະໂຍບາຍສົ່ງເສີມ ແລະ ສ້າງເງື່ອນໄຂສະດວກໃຫ້ແກ່ການເຄື່ອນໄຫວ ຂອງອົງການຕ່າງປະເທດ ທີ່ບໍ່ຂື້ນກັບລັດຖະບານ , ປະກອບສ່ວນເຂົ້າໃນການພັດທະນາຂອງປະເທດຊາດ, ຊຸກຍູ້ການພົວພັນ ທາງການທູດ ມິດຕະພາບ ລະຫວ່າງ ປະຊາຊົນຫວຽດນາມ ແລະ ປະຊາຄົມສາກົນ.
ນາຍົກລັດຖະມົນຕີແນະນໍາ ບັນດາກະຊວງ, ຂະແຫນງການ ແລະ ທ້ອງຖິ່ນ ຕ້ອງໄດ້ກໍານົດວຽກງານ ກ່ຽວກັບ ອົງການຕ່າງປະເທດ ທີ່ບໍ່ຂື້ນກັບລັດຖະບານ ເປັນວຽກງານການທູດທີ່ສໍາຄັນ, ບໍ່ພຽງແຕ່ ຄະນະກໍາມາທິການ ແຕ່ສໍາລັບອຳນາດການປົກຄອງທຸກຂັ້ນ.
 |
ນາຍົກລັດຖະມົນຕີ ຊີ້ນຳກອງປະຊຸມ.
ໃນປະຈຸບັນ, ຫວຽດນາມ ມີການພົວພັນກັບ ອົງການຕ່າງປະເທດທີ່ບໍ່ຂື້ນກັບລັດຖະບານ ຫລາຍກວ່າ 1.000 ອົງການ, ໃນນັ້ນມີປະມານ 500 ອົງການ ເຄື່ອນໄຫວຢ່າງຕໍ່ເນື່ອງແລະເປັນປົກກະຕິ ຢູ່ຫວຽດນາມ; ທຸກໆປີ, ອົງການ ໄດ້ສະຫນັບສະຫນູນແລະຊ່ວຍເຫຼືອ ປະມານ 3.000 ໂຄງການ, ໂຄງການ ແລະ ຈຳນວນທືນຊ່ວຍເຫຼືອລ້າ ໃນ20ປີທີ່ຜ່ານມາມີ ເຖິງ 4,3 ຕື້ໂດລາສະຫະລັດ.
ປາໄສຊີ້ນຳ ທ່ານນາຍົກລັດຖະມົນຕີ ຫງວ໋ຽນຊົນຟຸ໋ກ ຕີລາຄາສູງ ບັນດາຜົນສຳເລັດ ຂອງ ຄະນະກຳມາທິການ ແລະ ບັນດາ ກະຊວງ, ຂະແໜງການ ແລະ ທ້ອງຖິ່ນໃນໄລຍະຜ່ານມາ; ຢືນຢັນວ່າ ການເຄື່ອນໄຫວຂອງຄະນະກໍາມາທິການ ໄດ້ປະກອບສ່ວນຢ່າງຕັ້ງຫນ້າຕໍ່ຜົນສໍາເລັດ ຂອງການສ້າງສາ ແລະ ພັດທະນາ ປະເທດຊາດເວົ້າລວມ ແລະ ວຽກງານ ການຕ່າງປະເທດເວົ້າສະເພາະ.
ເຫັນດີເປັນເອກກະພາບນຳບົດລາຍງານຂອງກຳມາທິການ, ທ່ານນາຍົກລັດຖະມົນຕີ ໄດ້ກ່າວວ່າ: ການສ້າງສາ ແລະ ການພັດທະນາ ປະເທດຊາດ ໄດ້ບັນລຸຜົນສໍາເລັດ ທີ່ສໍາຄັນ ຍ້ອນວ່າພວກເຮົາ ສາມາດຂະຫຍາຍສູງສຸດ ຊັບພະຍາກອນມະນຸດພາຍໃນ ແລະ ສວຍໃຊ້ຊັບພະຍາກອນພາຍນອກ, ໃນນັ້ນມີສ່ວນປະກອບທີ່ມີຄຸນຄ່າ ຈາກຫມູ່ເພື່ອນມິດສາກົນ, ລວມທັງ ອົງການຕ່າງປະເທດ ທີ່ບໍ່ຂື້ນກັບລັດຖະບານ . ພັກ ແລະ ລັດ ເຫັນໄດ້ ວຽກງານຂອງ ອົງການຕ່າງປະເທດ ທີ່ບໍ່ຂື້ນກັບລັດຖະບານ ການທູດ້ານ ຄວາມສະຫງົບ ແລະ ການທູດດ້ານເສດຖະກິດ.
ນາຍົກລັດຖະມົນຕີ ໄດ້ສະແດງຄວາມຍິນດີ ຕໍ່ຜົນສໍາເລັດອັນໃຫຍ່ຫຼວງ ທີ່ ອົງການຕ່າງປະເທດ ທີ່ບໍ່ຂື້ນກັບລັດຖະບານ ບັນລຸໄດ້ ໃນໄລຍະ 20 ປີຜ່ານມາ. ໂດຍສະເພາະ, ມູນຄ່າການຊ່ວຍເຫຼືອຂອງ ອົງການຕ່າງປະເທດ ທີ່ບໍ່ຂື້ນກັບລັດຖະບານ ອະນຸມັດທືນ ໃນຊ່ວງ 20 ປີ ແມ່ນຫຼາຍກວ່າ 4,3 ຕື້ ໂດລາສະຫະລັດ. ປີທີ່ອະນຸມັດທືນສູງສຸດ ແມ່ນປະມານ 300 ລ້ານໂດລາສະຫະລັດ ແລະ ໃນປີ 2017 ທີ່ຜ່ານມາ ບັນລຸໄດ້ 280 ລ້ານໂດລາສະຫະລັດ.
ນາຍົກລັດຖະມົນຕີໄດ້ແບ່ງປັນ: "ໃນສະພາບທີ່ມີຄວາມຫຍຸ້ງຍາກສັບສົນ, ພວກເຮົາສາມາດ ປຸກລະດົມທືນດັ່ງກ່າວໃຫ້ແກ່ປະຊາຊົນ, ໃຫ້ປວງປະຊາ ຂອງພວກເຮົາ ເປັນສິ່ງທີ່ມີຄ່າຫລາຍທີ່ສຸດ." "ພິເສດ ແມ່ນບັນດາສະຫາຍ ໄດ້ສຸມໃສ່ບັນດາຂົງເຂດ ທີ່ຫວຽດນາມ ຍັງມີຄວາມຫຍຸ້ງຍາກຫຼາຍ, ມີຄວາມຕ້ອງການຮ່ວມມືທີ່ແທ້ຈິງ ເຊັ່ນ: ສາທາລະນະສຸກ, ການສຶກສາ, ສັງຄົມ, ແກ້ໄຂຜົນເສຍຈາກສົງຄາມ,ກຽມພ້ອມສຳລັບການປ່ຽນແປງຂອງສະພາບອາກາດ… ວຽກງານດັ່ງກ່າວນີ້ໄດ້ປະກອບສ່ວນເຂົ້າໃນການຈັດຕັ້ງປະຕິບັດນເປົ້າໝາຍ ຫຼຸດຜ່ອນຄວາມ ທຸກຍາກ , ພັດທະນາແບບຍືນຍົງ, ໂດຍສະເພາະແມ່ນຊ່ວຍເຫຼືອ ບາງສ່ວນຫຼຸດພົ້ນອອກຈາກຄວາມທຸກຍາກ ແລະ ຮັບປະກັນຊີວິດການເປັນຢູ່ຂອງພວກເຂົາ. "
 |
ທ່ານນາຍົກລັດຖະມົນຕີ ປາໄສທີ່ກອງປະຊຸມ.
ອີງຕາມ ນາຍົກລັດຖະມົນຕີສະພາບການ ການເຊື່ອມໂຍງສາກົນ ແລະ ຄວາມຕ້ອງການ ຊັບພະຍາກອນະນຸດ ຢ່າງຫຼວງຫຼາຍ, ຫວຽດາມມີແຜນນະໂຍບາຍສົ່ງເສີມ ແລະ ສ້າງເງື່ອນໄຂທີ່ເອື້ອອໍານວຍ ໃຫ້ແກ່ ການເຄື່ອນໄຫວ ອົງການຕ່າງປະເທດ ທີ່ບໍ່ຂື້ນກັບລັດຖະບານ, ປະກອບສ່ວນໃຫ້ແກ່ການພັດທະນາ ປະເທດຊາດ. ຊຸກຍູ້ການພົວພັນທາງການທູດມິດຕະພາບ ຮ່ວມມື ລະຫວ່າງ ປະຊາຊົນຫວຽດນາມ ແລະ ປະຊາຄົມສາກົນ.
ດັ່ງນັ້ນ, ກະຊວງ, ຂະແຫນງການ ແລະ ທ້ອງຖິ່ນ ຄວນກຳນົດເອົາວຽກງານດັ່ງກ່າວ ເປັນພາລະກິດ ການທູດທີ່ສໍາຄັນ, ບໍ່ແມ່ນເປັນພຽງວຽກຂອງ ຄະນະກຳມາທິການເທົ່ານັ້ນ ແຕ່ ເປັນຂອງອຳນາດການປົກຄອງທຸກຂັ້ນ. ວຽກງານ ການຕ່າງປະເທດ ທີ່ບໍ່ຂື້ນກັບລັດຖະບານ ແມ່ນສ່ວນຫນຶ່ງຂອງອົງປະກອບ ຂອງການທູດປະຊາຊົນ, ປະກອບສ່ວນເຂົ້າໃນພາລະກິດ ການທູດຂອງປະເທດ. ດັ່ງນັ້ນ, ໃນທຸກແຜນການ, ໂຄງການ ແລະ ການຮ່ວມມື ກັບ ອົງການຕ່າງປະເທດ ທີ່ບໍ່ຂື້ນກັບລັດຖະບານ, ບັນດາ ກະຊວງ, ຂະແຫນງການ ແລະ ທ້ອງຖິ່ນ ຄວນເອົາໃຈໃສ່ ພິຈາລະນາແກ້ໄຂ ໃຫ້ກົມກຽວ ທັງສາມດ້ານ ຄື: ເສດຖະກິດ, ຄວາມສະຫງົບ ແລະ ການທູດ.
ນາຍົກລັດຖະມົນຕີໄດ້ເນັ້ນຫນັກອີກວ່າ: "ບັນດາກະຊວງ, ຂະແຫນງການ, ທ້ອງຖິ່ນ ຕ້ອງໄດ້ມີຄວາມຮັບຜິດຊອບ ຕໍ່ຫນ້າລັດຖະບານ".
ໃນປັດຈຸບັນ, ມີ 21 ແຂວງ ແລະ ນະຄອນ ມີຄະນະຊີ້ນໍາ ແລະມີ 3 ຈຸດຂົວຕໍ່ ເປັນການພົວພັນຕ່າງປະເທດ, ແຜນການ ແລະ ຄະນະກຳມາທິການ ອົງການຕ່າງປະເທດ ທີ່ບໍ່ຂື້ນກັບລັດຖະບານ, ທ່ານນາຍົກລັດຖະມົນຕີ ສະເໜີ ຕ້ອງໄດ້ສະແດງຈິດໃຈທີ່ປ່ຽນແປງໃໝ່, ຈັດວາງ,ຈັດວາງ ໂຄງຮ່າງການຈັດຕັ້ງກະທັດຮັດ,ມີປະສິດທິຜົນ. ທຸກໆທ້ອງຖິ່ນ, ກະຊວງ ແລະ ທະບວງ ຕ້ອງໄດ້ສຳຫຼວດຄືນວຽກງານອົງການຈັດຕັ້ງ, ມີກົນໄກສະເພາະກິດ ຕາມຫຼັກການ ແຕ່ລະວຽກງານ ມີໜື່ງອົງການນໍາພາຈັດຕັ້ງປະຕິບັດ. ດ້ວຍຈິດໃຈດັ່ງກ່າວ, ນາຍົກລັດຖະມົນຕີ ຕົກລົງເຫັນດີ ແກ້ໄຂດຳລັດ ເລກທີ 12 ກ່ຽວກັບວຽກງານນີ້.
ນອກຈາກນັ້ນ, ນາຍົກລັດຖະມົນຕີ ໄດ້ສະເໜີ ຕ້ອງມີກົນໄກສະເພາະກິດເຂັ້ມແຂງພໍ ເພື່ອປະສານງານຄຸ້ມຄອງ ເສີມຂະຫຍາຍ ບົດບາດ ໜ້າທີ່ຮັບຜິດຊອບຂອງແຕ່ລະສະຫາຍ ໃນຄະນະກຳມາທິການ, ຂອງອົງການຊ່ວຍວຽກ, ສ້າງການປະສານສົມທົບ ຮັດແໜ້ນ ເປັນເອກກະພາບ ແລະ ທັນການ ໃນວຽກງານປະຈຳ ແລະ ບັນຫາທີ່ຮີບດ່ວນ, ລະອຽດອ່ອນ.
 |
ບັນຍາກາດທີ່ກອງປະຊຸມ.
ຄຽງຄູ່ກັບນັ້ນ, ສືບຕໍ່ປັບປຸງເພີ່ມເຕີມ ກ່ຽວກັບ ກົດລະບຽບ ການເຮັດວຽກ ຂອງຄະນະກຳມາທິການ ແລະ ພະນັກງານຊ່ວຍວຽກ, ຮັບປະກັນໃຫ້ສອດຄ່ອງກັບຈຸດເຊື່ອມຕໍ່. ຄະນະກຳມາທິການ ຄວນຈະລິເລີ່ມ ສຶກສາຄົ້ນຄວ້າຕີລາຄາ, ຄາດຄະເນສະພາບການ ການເຄື່ອນໄຫວ ຂອງບັນດາ ອົງການ ຕ່າງປະເທດ ທີ່ບໍ່ຂື້ນກັບລັດຖະບານ ໃນທົ່ວໂລກເວົ້າລວມ ແລະ ຢູ່ຫວຽດນາມ ເວົ້າສະເພາະ ເພື່ອເສນາທິການຢ່າງຕັ້ງໜ້າ ແລະ ປະສິດທິຜົນ ໃຫ້ກັບ ນາຍົກລັດຖະມົນຕີ ໃນການຊີ້ນໍາ , ເອົາໃຈໃສ່ກັບບັນດາການເຄື່ອນໄຫວສວຍໃຊ້ເພື່ອຕໍ່ຕ້ານ ສ້າງຄວາມເສຍຫາຍຕໍ່ຄວາມໝັ້ນຄົງ.
ຄະນະກຳມາທິການ ບັນດາກະຊວງ ທະບວງ ທ້ອງຖິ່ນ ຕ້ອງສືບຕໍ່ປັບປຸງໃໝ່ວຽກງານການຄຸ້ມຄອງ, ກວດກາ ເບິ່ງແຍງຕາມກົດລະບຽບ ການເຄື່ອນໄຫວ ຂອງອົງການຈັດຕັ້ງຕ່າງປະເທດທີ່ບໍ່ຂຶ້ນກັບລັດຖະບານ, ດ້ານຫນຶ່ງແມ່ນຫຼຸດຂັ້ນຕອນການພິຈາລະນາເອກກະສານ ແລະ ອີກດ້ານໜື່ງ ເພີ່ມທະວີ ນໍາໃຊ້ເຕັກໂນໂລຢີຂໍ້ມູນ, ເຂົ້າໃນການຈົດທະບຽນການ ກໍ່ຄືຮັບເອກກະສານ , ລາຍງານການສ້າງພື້ນຖານຂໍ້ມູນ ກ່ຽວກັບ ການເຄື່ອນໄຫວ ອົງການ ຕ່າງປະເທດ ທີ່ບໍ່ຂື້ນກັບລັດຖະບານ ຢູ່ຫວຽດນາມ ຕາມທິດທາງ ວິທະຍາສາດ, ແຕ່ເຂັ້ມງວດຂື້ນ.
ຄະນະກຳມາທິການ ແລະ ອົງການທີ່ກ່ຽວຂ້ອງ ຄວນສະເຫນີ ປັບປຸງໃຫ້ສົມບູນ ລະບົບເອກະສານ ນິຕິກຳ ກ່ຽວກັບ, ອະທິບາຍ ແລະ ກໍານົດຄວາມຮັບຜິດຊອບ ທຸກຝ່າຍທີ່ກ່ຽວຂ້ອງ ຂອງຫວຽດນາມ ໃນວຽກງານ ອົງການ ຕ່າງປະເທດ ທີ່ບໍ່ຂື້ນກັບລັດຖະບານ, ໃນຂະບວນການປັບປຸງ-ຮ່າງ ກົດລະບຽບຕ້ອງໄດ້ເອົາໃຈໃສ່ ບັນຫາທີ່ກ່ຽວຂ້ອງເຊັ່ນ: ບັນຫາກ່ຽວກັບພາສີລາຍຮັບສ່ວນບຸກຄົນ ກັບບັນດາ ອົງການ ຕ່າງປະເທດ ທີ່ບໍ່ຂື້ນກັບລັດຖະບານ.
ສະຫຼຸບກອງປະຊຸມ, ທ່ານຮອງລັດຖະມົນຕີ ກະຊວງ ການຕ່າງປະເທດ, ຫົວໜ້າຄະນະກຳມາທິການ ບຸ່ຍແທັງເຊີນ ກ່າວວ່າ: ບັນດາຄໍາຄິດຄຳເຫັນຂອງນາຍົກລັດຖະມົນຕີ ແມ່ນແຫຼ່ງກຳລັງໃຈອັນໃຫຍ່ຫຼວງ ຕໍ່ກັບພະນັກງານ , ການນໍາຂອງບັນດາກະຊວງ ຂະແໜງການ, ທ້ອງຖິ່ນ ຜ່ານໄລຍະເວລາຂອງການເຮັດວຽກງານ ການ ຕ່າງປະເທດ ທີ່ບໍ່ຂື້ນກັບລັດຖະບານ ທີ່ຜ່ານມາ. ກອງປະຊຸມຂໍສະແດງຄວາມເຄົາລົບນັບຖື ຮັບເອົາ ຄຳຄິດຄຳເຫັນ ຊີ້ນຳ ຂອງນາຍົກລັດຖະມົນຕີ ເພື່ອສຸມໃນການປືກສາຫາລືຮ່ວມກັນ, ກໍານົດທິດທາງແຜນການການເຄື່ອນໄຫວ ແລະ ເຮັດວຽກ ຂອງ ຄະນະກໍາມະການ ແນໃສ່ຍົກສູງປະສິດທິຜົນ ແລະ ປະກອບສ່ວນຢ່າງຕັ້ງຫນ້າ ເຂົ້າໃນການພັດທະນາເສດຖະກິດ - ສັງຄົມ ກໍ່ຄືຮັບປະກັນ ຄວາມສະຫງົບ ເປັນລະບຽບຮຽບຮ້ອຍຂອງສັງຄົມໃນໄລຍະໃໝ່. ຫຼັງຈາກ ກອງປະຊຸມອີກບໍ່ດົນ, ຄະນະກໍາມະການ ຈະສ້າງແຜນການເພື່ອຈັດຕັ້ງປະຕິບັດຕາມທິດ ຊີ້ນໍາຂອງ ນາຍົກລັດຖະມົນຕີ ໃຫ້ປະກົດຜົນເປັນຈິງ.
（ຫັດທະບູນ）
