 | ເອກອັກຄະລັດຖະທູດ ຫວຽດນາມ ປະຈຳ ອີຢິບ ແລກປ່ຽນກັບ Turkish Airlines, ຊຸກຍູ້ການຮ່ວມມືດ້ານການບິນ |
| ເອກອັກຄະລັດຖະທູດ ຫງວຽນມິງເຕິມ: ນໍາການພົວພັນມິດຕະພາບຫວຽດນາມ-ລາວ ສືບຕໍ່ກາຍເປັນການພົວພັນແບບຢ່າງທີ່ຫາຍາກໃນໂລກ |
 |
| ທ່ານນາງ Caroline Beresford ເອກອັກຄະລັດຖະທູດ ນິວຊີແລນ ປະຈຳ ຫວຽດນາມ ຕອບສຳພາດສື່ມວນຊົນ. ພາບ: ສຳນັກຂ່າວສານ ຫວຽດນາມ |
ເນື່ອງໃນໂອກາດນີ້, ທ່ານ ນາງ Caroline Beresford ເອກອັກຄະລັດຖະທູດ ນິວຊີແລນ ປະຈຳ ຫວຽດນາມ ໄດ້ໃຫ້ສຳພາດຕໍ່ສື່ມວນຊົນກ່ຽວກັບບັນດາເນື້ອໃນທີ່ກ່ຽວຂ້ອງເຖິງການຢ້ຽມຢາມ ກໍ່ຄືການພົວພັນຮ່ວມມືລະຫວ່າງ 2 ປະເທດ.
ທ່ານນາງເອກອັກຄະລັດຖະທູດ ຕີລາຄາກ່ຽວກັບຄວາມສຳຄັນຂອງການຢ້ຽມຢາມ ຫວຽດນາມ ຂອງທ່ານ ນາຍົກລັດຖະມົນຕີ Christopher Luxon ຄືແນວໃດ?
ອາດເວົ້າໄດ້ວ່າ ການຢ້ຽມຢາມຄັ້ງນີ້ມີຄວາມໝາຍເປັນພິເສດຕໍ່ ນິວຊີແລນ. ທ່ານ ນາຍົກລັດຖະມົນຕີ Luxon ມີແຜນການດຳເນີນງານທີ່ມີຄວາມມຸ່ງຫວັງຫຼາຍທີ່ສຸດສຳລັບສາຍພົວພັນກັບພາກພື້ນ ອາຊີຕາເວັນອອກສຽງໃຕ້. ລັດຖະບານຂອງທ່ານໄດ້ເຄື່ອນໄຫວຢ່າງວ່ອງໄວ ເພື່ອສ້າງຕັ້ງນະໂຍບາຍການຕ່າງປະເທດຕໍ່ຂົງເຂດຍຸດທະສາດນີ້ຄືນໃໝ່; ແລະ ໃນນັ້ນ, ນິວຊີແລນ ກໍ່ໄດ້ກຳນົດ ຫວຽດນາມ ແມ່ນໜຶ່ງໃນບັນດາຄູ່ຮ່ວມມືສຳຄັນແຖວໜ້າຂອງພາກພື້ນ ແລະ ໃນທົ່ວໂລກ.
ສະນັ້ນ, ການຢ້ຽມຢາມຂອງທ່ານ ນາຍົກລັດຖະມົນຕີ ພ້ອມກັບຄະນະຜູ້ແທນການຄ້າຂະໜາດໃຫຍ່ ບໍ່ພຽງແຕ່ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດເທົ່ານັ້ນ ຫາກຍັງ ເພື່ອປັບປຸງ ແລະ ເປີດກວ້າງ, ພັດທະນາສາຍພົວພັນກັບຄູ່ຮ່ວມມືທີ່ສຳຄັນຄື ຫວຽດນາມ ກວ່າອີກ. ການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ Luxon ແມ່ນເພື່ອແນໃສ່ເພີ່ມທະວີ ແລະ ຮັດແໜ້ນສາຍຜູກພັນລະຫວ່າງ 2 ປະເທດກວ່າອີກ, ພິເສດ ແມ່ນໃນສະພາບການທີ່ໂລກມີການປ່ຽນແປງທີ່ຄາດເດົາໄດ້ຍາກຄືໃນປັດຈຸບັນ.
ຮຽນທ່ານ, ປີນີ້ຫວຽດນາມ ແລະ ນິວຊີແລນ ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ແລະ 5 ປີແຫ່ງການພົວພັນຄູ່ຮ່ວມມືຍຸດທະສາດ. ທ່ານເອກອັກຄະລັດຖະທູດ ຕີລາຄາກ່ຽວກັບການພັດທະນາຂອງການພົວພັນສອງຝ່າຍໃນເຄິ່ງສະຕະວັດທີ່ຜ່ານມາແລະ ຄາດຄະເນການຢ້ຽນມຢາມຂອງທ່ານນາຍົກລັດຖະມົນຕີ Luxon ສາມາດຈະເປີດກາລະໂອກາດໃໝ່ຄືແນວໃດ?
ເມື່ອເບິ່ງຄືນ 50 ປີທີ່ຜ່ານມາ, ສອງປະເທດໄດ້ເດີນທາງມາໄດ້ໄລຍະທາງທີ່ຍາວ. ນິວຊີແລນ ເລີ່ມຕົ້ນການພົວພັນທາງການທູດກັບຫວຽດນາມ, ມອບທຶນສຶກສາໃນຂອບເຂດລາຍການພັດທະນາຂອງພວກຂ້າພະເຈົ້າ. ນັບແຕ່ນັ້ນມາ, ສາຍພົວພັນສອງຝ່າຍນີ້ ໄດ້ຮັບການພັດທະນາເທື່ອລະກ້າວ ດ້ວຍສາຍຜູກພັນໃໝ່ຫຼາຍຢ່າງ. ມາຮອດປັດຈຸບັນ, ການເຊື່ອມຕໍ່ນີ້ ໄດ້ຮັດແໜ້ນຫຼາຍກວ່າເມື່ອ 50 ປີກ່ອນຢ່າງແທ້ຈິງ. ໃນນັ້ນ, ການຮ່ວມມືສອງຝ່າຍກວມເອົາບັນດາຂົງເຂດຮ່ວມມືທີ່ສຳຄັນຄື: ດ້ານການເມືອງ, ເສດຖະກິດ, ກະສິກຳ, ການພັດທະນາແບບຍືນຍົງ, ການປ່ຽນແປງຂອງດິນຟ້າອາກາດ, ການຄົ້ນຄວ້າ, ການສຶກສາ...
ຈາກບັນດາພື້ນຖານອັນໜັກແໜ້ນນັ້ນ, ພວກຂ້າພະເຈົ້າ ຄາດວ່າ ການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ Luxon ຄັ້ງນີ້ ຈະເປີດບັນດາກາລະໂອກາດດຳເນີນທຸລະກິດໃໝ່. ດັ່ງນັ້ນ, ພວກເຈົ້າອາດຄາດຫວັງໃນບັນດາຂົງເຂດການຮ່ວມມືໃຫມ່ລະຫວ່າງສອງປະເທດ. ແນ່ນອນ, ພວກເຮົາຈະສືບຕໍ່ເພີ່ມທະວີບັນດາຂົງເຂດການຮ່ວມມືທີ່ເປັນມູນເຊື້ອເຊັ່ນ ກະສິກໍາ ແລະ ການສຶກສາ, ແຕ່ພວກເຮົາຈະນໍາໃຊ້ບັນດາການຄົ້ນຄວ້າວິທະຍາສາດ ແລະ ເຕັກໂນໂລຢີໃຫມ່ຂອງ ນິວຊີແລນ ເພື່ອສາມາດເພີ່ມຄຸນຄ່າໃຫ້ແກ່ບັນດາຂົງເຂດເຫຼົ່ານັ້ນ. ຈາກນັ້ນ, ພວກເຮົາຈະສາມາດຊຸກຍູ້ການເຕີບໂຕດ້ານເສດຖະກິດໃຫ້ແກ່ ຫວຽດນາມ ກໍ່ຄືການຊຸກຍູ້ການພົວພັນສອງຝ່າຍໃຫ້ຂຶ້ນສູ່ລະດັບສູງໃໝ່.
ຈຸດພົ້ນເດັ່ນໃນການຢ້ຽມຢາມຄັ້ງນີ້ ແມ່ນທ່ານນາຍົກລັດຖະມົນຕີ Christopher Luxon ຈະເຂົ້າຮ່ວມເວທີປາໄສອະນາຄົດ ອາຊຽນ (AFF) ຄັ້ງທີ 2 ໂດຍຫວຽດນາມ ເປັນເຈົ້າພາບ. ທ່ານເອກອັກຄະລັດຖະທູດສາມາດບອກພວກຂ້າພະເຈົ້າກ່ຽວກັບຄວາມສໍາຄັນຂອງການເຄື່ອນໄຫວນີ້ໄດ້ບໍ, ຮຽນທ່ານ?
ຂ້າພະເຈົ້າດີໃຈຫຼາຍທີ່ທ່ານນາຍົກລັດຖະມົນຕີ Luxon ຈະເຂົ້າຮ່ວມເວທີປາໄສອະນາຄົດ ອາຊຽນ (AFF). ນີ້ແມ່ນເຫດການທີ່ ນິວຊີແລນ ສະໜັບສະໜູນຢ່າງແຮງ. ພວກຂ້າພະເຈົ້າຂໍຂອບໃຈ ຫວຽດນາມ ເພາະວ່າໄດ້ວາງອອກຂໍ້ລິເລີ່ມນີ້ ເພື່ອປຶກສາຫາລືກ່ຽວກັບອະນາຄົດຂອງ ອາຊຽນ, ພິເສດ ແມ່ນໃນສະພາບຄວາມບໍ່ໝັ້ນຄົງທີ່ພາກພື້ນ ແລະ ໂລກພວມປະເຊີນໜ້າ.
ໃນທັດສະນະຂອງ ນິວຊີແລນ, ບົດບາດເປັນໃຈກາງຂອງ ອາຊຽນ ແມ່ນແກ່ນສານໃນການຮັກສາຄວາມໝັ້ນຄົງ ແລະ ຄວາມຈະເລີນຮຸ່ງເຮືອງຂອງທັງໝົດປະຊາຊົນໃນພາກພື້ນ.
ປີນີ້ຍັງເປັນປີຄົບຮອບ 5 ປີແຫ່ງການພົວພັນຄູ່ຮ່ວມມືລະຫວ່າງ ນິວຊີແລນ-ອາຊຽນ. ນິວຊີແລນ ແມ່ນຄູ່ຮ່ວມມືສົນທະນາທີສອງຂອງອາຊຽນ. ບັນດາລາຍການຮ່ວມມືຂອງ ນິວຊີແລນ ກັບ ອາຊຽນ ກໍ່ມີຄວາມຫຼາກຫຼາຍ, ອຸດົມສົມບູນຄືກັບບັນດາລາຍການກັບ ຫວຽດນາມ. ແນ່ນອນວ່າ ພວກຂ້າພະເຈົ້າ ຍາມໃດກໍ່ສະໜັບສະໜູນ ແລະ ຈະສືບຕໍ່ປັບປຸງສາຍພົວພັນກັບ ອາຊຽນ, ກໍ່ຄືສາຍພົວພັນຮ່ວມມືກັບ ຫວຽດນາມ ໃນຂອບເຂດ ອາຊຽນ.
ຂໍຂອບໃຈທ່ານທູດ!
 | ຍສໝ - ສະຫາຍ ເລຮວ່າຍຈູງ ຫົວໜ້າຄະນະພົວພັນຕ່າງປະເທດສູນກາງ ຕອບສຳພາດຕໍ່ສື່ມວນຊົນກ່ຽວກັບໝາກຜົນການຢ້ຽມຢາມທາງລັດຖະກິດຫວຽດນາມຂອງທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ |
 | ເອກອັກຄະລັດຖະທູດ ສະວິດ ຄົນໃໝ່ ສະແດງຄວາມຕື້ນຕັນໃຈຕໍ່ຄວາມຮັກແພງແຂກຄົນຂອງປະຊາຊົນ ຫວຽດນາມ ຍສໝ - ມາ ຫວຽດນາມ ເພື່ອຮັບມອບໝາຍໜ້າທີ່, ທ່ານເອກອັກຄະລັດຖະທູດ ສະວິດ ປະຈຳ ຫວຽດນາມ ຄົນໃໝ່ Johan Ndisi ໄດ້ສະແດງຄວາມຕື້ນຕັນໃຈຕໍ່ຄວາມອົບອຸ່ນ ແລະ ຄວາມຮັກແພງແຂກຄົນຂອງປະຊາຊົນ ຫວຽດນາມ. |
ແທັງຮັ່ງ
