 | ນັກສຶກສາລາວ ແລະກຳປູເຈຍ ຝຶກເປັນຊາວກະສິກອນ |
| ສະຫາຍເລຂາທິການໃຫຍ່, ປະທານປະເທດ ຫວຽດນາມ ເດີນທາງໄປເຂົ້າຮ່ວມກອງປະຊຸມສະມັດຊາໃຫຍ່ສະຫະປະຊາຊາດ ຊຸດທີ 79 ແລະ ຢ້ຽມຢາມທາງລັດຖະກິດກູບາ |
ຕາມຂໍ້ມູນໃນພິທີແລ້ວ, ການເຄື່ອນໄຫວອຸປະຖຳໄດ້ກາຍເປັນປະເພນີປະຈຳປີຂອງສາຂາສະມາຄົມມິດຕະພາບ ຫວຽດນາມ - ລາວ ແຫ່ງໂຮງຮຽນມິດຕະພາບ 80 ແລະ ສາຂາສະມາຄົມມິດຕະພາບ ຫວຽດນາມ - ລາວ ຕາແສງ ເຊີນໄຕ. ໂດຍຜ່ານບັນດາບັ້ນຜັນຂະຫຍາຍ, ໂຄງການໄດ້ຊ່ວຍໃຫ້ນັກສຶກສາລາວ 600 ກວ່າຄົນມີຊາຍຄາຈິດໃຈທີ່ອົບອຸ່ນຢູ່ ຫວຽດນາມ, ຜ່ານການໜູນຊ່ວຍຂອງ 121 ຄອບຄົວສະມາຊິກ. ພິເສດ, ນັບແຕ່ສົກຮຽນ 2023-2024 ໂຮງຮຽນໄດ້ເປີດກ້ວາງໂຄງການຮັບເອົາພໍ່ແມ່ອຸປະຖໍາໃຫ້ນັກສຶກສາລາວ ໄປຍັງພະນັກງານ, ຄູ-ອາຈານ ແລະ ຂ້າລາຊະການຂອງໂຮງຮຽນທັງໝົດ. ຍ້ອນແນວນັ້ນ, ນັກຮຽນລາວ 100% ທີ່ຮຽນຢູ່ໂຮງຮຽນໄດ້ມີຄອບຄົວອຸປະຖຳ.
 |
| ບັນດານັກສຶກສາລາວ ໂຮງຮຽນມິດຕະພາບ 80 ໄດ້ຮັບຄອບຄົວອຸປະຖຳ. (ພາບ: ໂຮງຮຽນມິດຕະພາບ 80) |
ກ້າວເຂົ້າສູ່ສົກຮຽນ 2024-2025, ນັກສຶກສາລາວ ໄດ້ມີຄອບຄົວອຸປະຖຳຕື່ມອີກ ລ້ວນແຕ່ແມ່ນການນຳແນວໂຮມປະເທດຊາດຫວຽດນາມ ຕາແສງ ເຊີນໄຕ, ພະນັກງານ, ຄູ-ອາຈານຂອງສະຖາບັນເຕັກໂນໂລຢີໄປສະນີໂທລະຄົມ. ໃນນັ້ນ, ສາຂາສະມາຄົມມິດຕະພາບຫວຽດນາມ - ລາວ ໄດ້ຮັບນັກສຶກສາລາວ 79 ຄົນ, ພະນັກງານ, ຄູສອນໂຮງຮຽນມິດຕະພາບ 80 ໄດ້ຮັບນັກສຶກສາລາວ 83 ຄົນ, ທ່ານຮອງປະທານຄະນະກຳມະການແນວໂຮມປະເທດຊາດຫວຽດນາມ ຕາແສງ ເຊີນໄຕ ກ່ຽວດ້າຍ ແລະ ພະນັກງານ, ຄູອາຈານຂອງສະຖາບັນໄປສະນີໂທລະຄົມ ໄດ້ຮັບອຸປະຖຳ 8 ຄົນ.
ກ່າວຄຳປາໄສທີ່ພິທີ, ນາງ ຄຳມອນ ບົວຄຳດີ ຕາງໜ້າໃຫ້ນັກສຶກສາລາວ ໄດ້ສະແດງຄວາມປິຕິຊົມຊື່ນທີ່ໄດ້ຮັບຄອບຄົວອຸປະຖຳ. ນາງກ່າວວ່າ ນັບແຕ່ນີ້ໄປ, ນັກສຶກສາລາວ ຈະບໍ່ຮູ້ສຶກໄກບ້ານອີກເມື່ອຮຽນຢູ່ ຫວຽດນາມ, ແຕ່ຍັງໄດ້ມີເຮືອນຫຼັງທີສອງນຳອີກ.
ນາງ ຄຳມອນ ບົວຄຳດີ ກໍ່ໄດ້ສະແດງຄວາມຂອບໃຈມາຍັງສອງພັກ, ສອງລັດ, ອຳນາດການປົກຄອງທຸກຂັ້ນ, ອົງການຈັດຕັ້ງມະຫາຊົນ ໂດຍພິເສດແມ່ນຄວາມຮັກແພງຂອງຄູອາຈານ, ພໍ່ເຖົ້າແມ່ເຖົ້າ, ພໍ່ແມ່ອຸປະຖຳ. ເພື່ອສົມກັບຄວາມຮັກແພງດັ່ງກ່າວ, ນັກສຶກສາລາວຈະມານະພະຍາຍາມຮ່ຳຮຽນ ແລະ ຫຼໍ່ຫຼອມຕົນ ເພື່ອປະກອບສ່ວນສ້າງສາປະເທດຊາດ, ເພີ່ມທະວີການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງປະເທດ.
ທ່ານ ຟານວັນໂບ໋ນ, ຫົວໜ້າສາຂາສະມາຄົມມິດຕະພາບຫວຽດນາມ-ລາວ ຕາແສງ ໄຕເຊີນ ໃຫ້ຮູ້ວ່າ ຄວາມປາດຖະໜາຂອງບັນດາຄອບຄົວອຸປະຖຳແມ່ນໜູນຊ່ວຍບັນດານັກສຶກສາລາວ ທີ່ພວມຮ່ຳຮຽນຢູ່ ຫວຽດນາມ ຈະຍັງຄົງມີຊາຍຄາທີ່ອົບອຸ່ນເມື່ອກັບຄືນບ້ານ; ມີພໍ່ແມ່, ມີຄອບຄົວຄືຢູ່ບ້ານ.
"ພໍ່ແມ່ຈະເປັນທີ່ເພິ່ງທາງດ້ານຈິດໃຈໃຫ້ລູກ, ເປັນຄູສອນທີສອງພ້ອມກັບໂຮງຮຽນເພື່ອຊ່ວຍໃຫ້ພວກລູກຮ່ຳຮຽນ", ທ່ານ ກ່າວ.
 |
| ການສະແດງສິລະປະໃນພິທີຮັບຄອບຄົວອຸປະຖຳນັກສຶກສາລາວ ຄັ້ງທີ 9 (ພາບ: ໂຮງຮຽນມິດຕະພາບ 80). |
ທີ່ພິທີ, ທ່ານນາງ ຈູກິມເຟື້ອງ, ຮອງປະທານສະມາຄົມມິດຕະພາບຫວຽດນາມ - ລາວ ນະຄອນຮ່າໂນ້ຍ, ອຳນວຍການໂຮງຮຽນມິດຕະພາບ 80 ກ່າວຄຳປາໄສວ່າ ໂຄງການນັກຮຽນລາວ ຮັບຄອບຄົວ, ພໍ່ແມ່ອຸປະຖຳ ໄດ້ບັນລຸເປົ້າໝາຍໃນເບື້ອງຕົ້ນ, ເຊິ່ງແມ່ນນັກຮຽນລາວ ທີ່ຮຽນຢູ່ໂຮງຮຽນມິດຕະພາບ 80 ລ້ວນແຕ່ມີຄອບຄົວ ແລະ ພໍ່ແມ່ອຸປະຖຳ.
“ນີ້ແມ່ນສິ່ງທີ່ບັນດາການນຳຂອງໂຮງຮຽນຍາມໃດກໍ່ເປັນຫ່ວງເມື່ອໄດ້ຮັບນັກສຶກສາຢູ່ຕ່າງປະເທດໄປຮຽນຢູ່ ຫວຽດນາມ, ພິເສດແມ່ນນັກສຶກສາລາວ ທີ່ຮຽນມັດທະຍົມຢູ່ ຫວຽດນາມ ອາຍຸພຽງ 14-15 ປີ. ໂຮງຮຽນມິດຕະພາບ 80 ຈະສືບຕໍ່ມານະພະຍາຍາມປົກປັກຮັກສາ ແລະ ເພີ່ມພູນຄູນສ້າງສາຍພົວພັນມິດຕະພາອັນຍິ່ງໃຫຍ່, ຄວາມສາມັກຄີແບບພິເສດ ຫວຽດນາມ - ລາວ ໃຫ້ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ", ທ່ານນາງ ເຟື້ອງ ກ່າວ.
 | ໂທລະເລກ ແລະຈົດໝາຍອວຍພອນ 79 ປີແຫ່ງວັນຊາດ ສາທາລະນະລັດ ສັງຄົມນິຍົມຫວຽດນາມ ຍສໝ - ເນື່ອງໃນໂອກາດສະເຫຼີມສະຫຼອງວັນຊາດແຫ່ງ ສສ. ຫວຽດນາມ ຄົບຮອບ 79 ປີ (02/09/1945 – 02/09/2024), ການນຳບັນດາປະເທດ ສປປ.ລາວ, ສປ. ຈີນ, ລາຊະອານາຈັກ ກຳປູເຈຍ, ສ. ກູບາ, ສະຫະພັນ ລັດເຊຍ, ສ.ອິນເດຍ, ສປປ. ເກົາຫຼີ, ມົງໂກນ ... |
 | ການນໍາບັນດາກະຊວງ, ຄະນະ, ຂະແໜງການ ຂອງລາວ ອວຍພອນ 79 ປີແຫ່ງ ວັນຊາດຫວຽດນາມ ຍສໝ - ການນຳບັນດາອົງການສູນກາງຂອງລາວ ໄດ້ສົ່ງພອນໄຊອັນປະເສີດທີ່ສຸດເຖິງພັກ, ລັດ, ລັດຖະບານ ແລະປະຊາຊົນຫວຽດນາມ ອ້າຍນ້ອງ; ຊົມເຊີຍບັນດາຜົນງານອັນໃຫຍ່ຫຼວງ ແລະຮອບດ້ານເຊິ່ງພັກ, ລັດ, ລັດຖະບານ ແລະປະຊາຊົນຫວຽດນາມ ຍາດມາໄດ້ໃນຕະຫຼອດ 79 ປີຜ່ານມາໃນຫຼາຍຂົງເຂດ. |
ມີງດຶກ
