ນາມດິ້ງ ແລະ ແຂວງອຸດົມໄຊ ຂອງລາວ ຮ່ວມມືໃນການບຳລຸງສ້າງແຫຼ່ງຊັບພະຍາກອນມະນຸດ
	ຄະນະຜູ້ແທນກະຊວງປ້ອງກັນປະເທດຫວຽດນາມ ອວຍພອນ 75 ປີແຫ່ງວັນສ້າງຕັ້ງກອງທັບປະຊາຊົນລາວ

ເນື່ອງໃນໂອກາດສະເຫຼີມສະຫຼອງ 79 ປີແຫ່ງວັນຊາດຫວຽດນາມ, ແຕ່ວັນທີ 28-29 ສິງຫາ, ຄະນະຜູ້ແທນບັນດາອົງການສູນກາງຂອງລາວ, ຄື: ກະຊວງການຕ່າງປະເທດລາວ, ຄະນະພົວພັນຕ່າງປະເທດສູນກາງ, ຄະນະໂຄສະນາອົບຮົມສູນກາງ, ຄະນະຈັດຕັ້ງສູນກາງ, ສູນກາງແນວລາວສ້າງຊາດ... ໄດ້ມາອວຍພອນຢູ່ສະຖານທູດຫວຽດນາມ ປະຈຳ ນະຄອນຫຼວງວຽງຈັນ.

ໃນບັນຍາກາດອັນສະໜິດສະໜົມ ແລະອົບອຸ່ນ, ການນຳບັນດາອົງການສູນກາງຂອງລາວ ໄດ້ສົ່ງພອນໄຊອັນປະເສີດທີ່ສຸດເຖິງພັກ, ລັດ, ລັດຖະບານ ແລະປະຊາຊົນຫວຽດນາມ ອ້າຍນ້ອງ; ຊົມເຊີຍບັນດາຜົນງານອັນໃຫຍ່ຫຼວງ ແລະຮອບດ້ານເຊິ່ງພັກ, ລັດ, ລັດຖະບານ ແລະປະຊາຊົນຫວຽດນາມ ຍາດມາໄດ້ໃນຕະຫຼອດ 79 ປີຜ່ານມາໃນຫຼາຍຂົງເຂດ.

ຄະນະຜູ້ແທນຄະນະໂຄສະນາອົບຮົມສູນກາງພັກປະຊາຊົນປະຕິວັດລາວມາອວຍພອນ. ພາບ: vov.vn

ຜູ້ຕາງໜ້າການນຳບັນດາອົງການສູນກາງຂອງລາວ ລ້ວນແຕ່ສະແດງຄວາມພາກພູມໃຈເມື່ອເຫັນວ່າ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ລາວ-ຫວຽດນາມ, ຫວຽດນາມ-ລາວ ໂດຍປະທານໂຮ່ຈີມິນ, ປະທານ ໄກສອນ ພົມວິຫານ ແລະປະທານ ສຸພານຸວົງ ຜູ້ແສນເຄົາລົບຮັກໄດ້ສ້າງຕັ້ງຂຶ້ນ ແລະສືບຕໍ່ໄດ້ຮັບການເພີ່ມພູນຄູນສ້າງ ແລະພັດທະນາຈາກການນຳລຸ້ນຕ່າງໆຂອງສອງປະເທດ; ຕີລາຄາສູງການພົວພັນຮ່ວມມືລະຫວ່າງສອງພັກ, ສອງລັດ ແລະປະຊາຊົນສອງປະເທດ ລາວ-ຫວຽດນາມ ໃນຕະຫຼອດໄລຍະຜ່ານມາ; ຊົມເຊີຍສະຖານທູດຫວຽດນາມ ປະຈຳ ລາວ ແລະບັນດາອົງການຄຽງຂ້າງສະຖານທູດ ຍາມໃດກໍ່ປະຕິບັດບົດບາດເປັນຂົວຕໍ່ ແລະເປັນເສນາທິການໃຫ້ສາຍພົວພັນລະຫວ່າງ ລາວ-ຫວຽດນາມ.

ຄະນະຜູ້ແທນກະຊວງການຕ່າງປະເທດລາວ ນໍາໂດຍທ່ານ ໂພໄຊ ໄຂຄໍາພິທູນ ມາອວຍພອນ. ພາບ: vov.vn

ທີ່ການພົບປະ, ທ່ານ ຟານມິງຈ໊ຽນ ອຸປະທູດຊົ່ວຄາວ ຂອງສະຖານທູດຫວຽດນາມ ປະຈຳ ລາວ ສະແດງຄວາມຂອບອົກຂອບໃຈຕໍ່ຄຳອວຍພອນຢ່າງຈົບງາມຂອງຜູ້ຕາງໜ້າບັນດາອົງການສູນກາງຂອງລາວ ເນື່ອງໃນໂອກາດສະເຫຼີມສະຫຼອງ 79 ປີແຫ່ງວັນຊາດຫວຽດນາມ, ຂອບໃຈອາລົມຈິດທີ່ຈິງໃຈເຊິ່ງພັກ, ລັດ ແລະປະຊາຊົນລາວ ອ້າຍນ້ອງ ຍາມໃດກໍ່ສະຫງວນໃຫ້ພັກ, ລັດ ແລະປະຊາຊົນຫວຽດນາມ; ພ້ອມທັງແບ່ງປັນສະພາບການທີ່ພົ້ນເດັ່ນຂອງຫວຽດນາມ ໃນຂົງເຂດຕ່າງໆໃນໄລຍະຜ່ານມາ ແລະແລກປ່ຽນບາງວຽກງານຈຸດສຸມໃນການຮ່ວມມືລະຫວ່າງສອງປະເທດໃນໄລຍະຈະມາເຖິງ; ພ້ອມກັນນັ້ນເນັ້ນໜັກວ່າ ສະຖານທູດຫວຽດນາມ ຈະສືບຕໍ່ສົມທົບກັນຢ່າງແໜ້ນແຟ້ນກັບບັນດາອົງການຂອງລາວ ແລະສືບຕໍ່ປະຕິບັດບົດບາດເປັນຂົວຕໍ່, ປະກອບສ່ວນເພີ່ມພູນຄູນສ້າງ, ຮັກສາ ແລະພັດທະນາສາຍພົວພັນແບບພິເສດລະຫວ່າງສອງປະເທດ ຫວຽດນາມ-ລາວ ໃຫ້ຍືນຍົງຄົງຕົວຕະຫຼອດໄປ, ນຳເອົາຜົນປະໂຫຍດແທດຈິງ ມາໃຫ້ສອງປະເທດ ແລະປະຊາຊົນສອງປະເທດ.

ບັນດາການເຄື່ອນໄຫວມຸ່ງໄປເຖິງການສະເຫຼີມສະຫຼອງ 79 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ຢູ່ຄະນະປະຕິບັດງານ UNISFA ຍສໝ - ກໍາລັງຫວຽດນາມ ທີ່ເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງສະຫະປະຊາຊາດ ຢູ່ຄະນະປະຕິບັດງານປ້ອງກັນຄວາມສະຫງົບຊົ່ວຄາວ ສປຊ ຢູ່ Abyei (UNISFA) ໄດ້ຈັດຕັ້ງການເຄື່ອນໄຫວທີ່ມີຄວາມໝາຍຫຼາຍຢ່າງ ເພື່ອໜູນຊ່ວຍປະຊາຄົມທ້ອງຖິ່ນຢູ່ Abyei.

ເສດຖະກິດກາງຄືນ - ປັດໄຈທີ່ເຮັດໃຫ້ການທ່ອງທ່ຽວຫຼວງພະບາງ ຂອງລາວ ເປັນໜ້າສົນໃຈ ຍສໝ - ການຫັນເປັນຫຼາຍຮູບຫຼາຍແບບບັນດາຜະລິດຕະພັນທ່ອງທ່ຽວ ໃນນັ້ນມີເສດຖະກິດກາງຄືນ ບໍ່ພຽງແຕ່ຊ່ວຍສ້າງວຽກເຮັດງານທຳ ແລະ ລາຍຮັບໃຫ້ປະຊາຊົນຫຼາຍຂຶ້ນເທົ່ານັ້ນ, ແຕ່ຍັງຊ່ວຍໃຫ້ຫຼວງພະບາງ ກາຍເປັນສະຖານທີ່ດຶງດູດແຂກທ່ອງທ່ຽວຫຼາຍຂຶ້ນ.