 | ນັກສຶກສາສາກົນຫຼິ້ນກຳຢາຍ, ເຕັ້ນເປົາປ່ານ ... ຊອກຮູ້ບຸນປີໃໝ່ປະຈຳຊາດ ຫວຽດນາມ |
| ປ່ຽນແປງໃໝ່ວິທີເຂົ້າເຖິງໃນການພັດທະນາການພົວພັນປະຊາຊົນຫວຽດນາມ - ລາວ |
ເຊື່ອມໂຍງເພື່ອບືນຕົວຂຶ້ນ
ທ່້າວ ຟານບ໋າກວາງ (ເກີດປີ 2015 ຢູ່ແຂວງ ກວາງຈິ) ປະຈຸບັນມີຄວາມໝັ້ນໃຈໃນການເຊື່ອມຕົວເຂົ້າໃນບັນດາການເຄື່ອນໄຫວຂອງກຸ່ມ, ພັບເຄື່ອງນຸ່ງເອງ, ຈັດປຶ້ມຢ່າງເປັນລະບຽບ, ເຮັດວຽກງານປະຈຳວັນອື່ນໆໄດ້ຫຼາຍຢ່າງດ້ວຍຕົນເອງ. ບັນດາກະທຳເຫຼົ່ານີ້ ທີ່ເບິ່ງຄືວ່າງ່າຍດາຍ ແຕ່ພັດແມ່ນການເດີນທາງຂອງຄວາມພະຍາຍາມຂອງເດັກຊາຍທີ່ມີອາການ Down.
 |
| ທ້າວ ກວາງ (ເບື້ອງຂວາ) ເຂົ້າຮ່ວມການເຄື່ອນໄຫວເປັນກຸ່ມຢູ່ສະໂມສອນ ນ້ອງເປັ່ງປະກາຍ. (ພາບ: CRS) |
ອາຈານ ລືວທິຮວ່າຍລິງ, ອາຈານສອນຢູ່ໂຮງຮຽນປະຖົມ ແລະ ມັດທະຍົມຕອນຕົ້ນ ຈຸ່ງນາມ (ຕາແສງ ຈຸ່ງນາມ, ເມືອງ ວິ້ງລິງ, ແຂວງກວາງຈິ) ທັງເປັນຄູປະຈຳຫ້ອງຂອງ ທ້າວ ກວາງ ໃຫ້ຮູ້ວ່າ ໃນເມື່ອກ່ອນ, ທ້າວ ກວາງ ມີຄວາມຫຍຸ້ງຍາກຫຼາຍຢ່າງໃນການຮ່ຳຮຽນ ແລະ ດຳເນີນຊີວິດ. ຫຼັງຈາກຈົບຫຼັກສູດຊັ້ນ ປໍ 1, ລາວພຽງແຕ່ສາມາດອ່ານ ແລະ ຈໍາແນກຕົວອັກສອນ "o" ແລະ "i", ຕົວເລກຈາກ 1 ຫາ 10 ແມ່ນຍັງຫຼົງກັນ ແລະ ບໍ່ຈື່ສິ່ງທີ່ລາວໄດ້ຮຽນມາ. ໃນດ້ານສັງຄົມ, ທ້າວ ກວາງ ມີຄວາມຫຍຸ້ງຍາກໃນການເຄື່ອນໄຫວເປັນກຸ່ມ, ມັກຈະຮ້ອງຂຶ້ນ ແລະ ໃຈຮ້າຍ.
ເດືອນພະຈິກ 2023, ຍ້ອນມີການເຂົ້າຊ່ວຍຂອງໂຄງການ “ເພີ່ມທະວີການເຊື່ອມໂຍງສັງຄົມ, ເບິ່ງແຍງສຸຂະພາບ, ການສຶກສາ ແລະ ການຫາລ້ຽງຊີບສຳລັບຄົນພິການ” (ໂຄງການ “ນ້ອງເປັ່ງປະກາຍ”) ປະຕິບັດໂດຍອົງການ CRS, ທ້າວ ກວາງ ໄດ້ຮຽນໂດຍຄູສອນປະຈຳຫ້ອງສອນສະເພາະ ແລະ ບັນດາແບບວິທີການສອນພິເສດ. ທ້າວ ກວາງ ຍັງໄດ້ເຂົ້າຮ່ວມສະໂມສອນ ນ້ອງເປັ່ງປະກາຍ ຢູ່ໂຮງຮຽນ. ນີ້ແມ່ນບ່ອນທີ່ ທ້າວ ກວາງ ມີການພົບປະ, ຮ່ຳຮຽນ, ໄດ້ຮັບການຊ່ວຍເຫຼືອຈາກຄູອາຈານ, ໝູ່ເພື່ອນ ກໍ່ຄືອ້າຍເອື້ອຍຫ້ອງສູງກວ່່າ. ຍ້ອນແນວນັ້ນ, ລາວໄດ້ພັດທະນາທັກສະທາງດ້ານສັງຄົມ, ປັບປຸງການສື່ສານ, ມີໝູ່ເພື່ອນຫຼາຍຂຶ້ນ ແລະ ມີປະສົບການໃໝ່ໆຫຼາຍຢ່າງ.
ນອກຈາກນັ້ນ, ໂຄງການຍັງໄດ້ຈັດຊຸດຝຶກອົບຮົມລົງເລິກ ເພື່ອໃຫ້ຄູມີຄວາມຮູ້ ແລະ ຄວາມສາມາດເພີ່ມເຕີມທາງດ້ານແບບວິທີການສິດສອນໃຫ້ແກ່ນັກຮຽນພິການ; ຮັກສາສະໂມສອນ ຜູ້ເບິ່ງແຍງສໍາລັບເດັກນ້ອຍພິການ, ບ່ອນທີ່ພໍ່ແມ່ແບ່ງປັນປະສົບການ ແລະ ໄດ້ຮັບການສະຫນັບສະຫນູນຢ່າງແທດຈິງ. ໂຄງການຍັງໄດ້ໜູນຊ່ວຍງົວໂຕໜຶ່ງໃຫ້ຄອບຄົວ ກວາງ ເພື່ອປະກອບສ່ວນຍົກສູງຊີວິດການເປັນຢູ່ ແລະ ຄຸນນະພາບຊີວິດ.
ອາຈານ ລິງ ໃຫ້ຮູ້ວ່າ ພາຍຫຼັງກວ່າ 1 ປີແຫ່ງການເຂົ້າຮ່ວມໂຄງການ, ມາຮອດປະຈຸປັນ ທ້າວ ກວາງ ໄດ້ຮັບຄວາມກ້າວໜ້າຫຼາຍຢ່າງ. ລາວໄດ້ຮຽນຮູ້ວິທີຖືປາກກາຢ່າງຖືກຕ້ອງ, ສາມາດເຄື່ອນໄຫວຕາມຈັງຫວະເພງ, ຈື່ຈຳຕົວໜັງສື ແລະ ຕົວເລກໄດ້ຫຼາຍກວ່າ, ເອີ້ນຊື່ພືດ, ສັດ, ເຄື່ອງໃຊ້ໃນໂຮງຮຽນຖືກຕ້ອງ... ທ້າວ ກວາງ ຍັງເຂົ້າໃຈ ແລະ ປະຕິບັດຕາມຄຳຂອງຄູສອນໄດ້ດີ, ຄ່ອຍໆພັດທະນາທັກສະໃນການເຮັດວຽກເປັນກຸ່ມ, ຮູ້ການຮ່ວມມືກັບໝູ່ເພື່ອນໃນການເຄື່ອນໄຫວຮ່ວມມື ແລະ ບໍ່ມີສຽງຮ້ອງ, ຫຼື ໃຈຮ້າຍຄືເມື່ອກ່ອນ.
“ໂຄງການໄດ້ສົ່ງຜົນກະທົບຢ່າງຮອບດ້ານບໍ່ພຽງແຕ່ຕໍ່ ທ້າວ ກວາງ ເທົ່ານັ້ນ, ຫາກຍັງເຖິງຄອບຄົວ, ໂຮງຮຽນ ແລະ ສັງຄົມອີກດ້ວຍ. ໂດຍຜ່ານນັ້ນ ກໍ່ໄດ້ສ້າງພື້ນຖານເພື່ອຊ່ວຍໃຫ້ ທ້າວ ກວາງ ມີກຳລັງໃຈເພື່ອບືນຕົວຂຶ້ນ, ເສີມຂະຫຍາຍຄວາມສາມາດຂອງຕົນ, ກາຍເປັນຄົນທີ່ສາມາດເພິ່ງຕົນເອງ, ປະກອບສ່ວນເຂົ້າໃນສັງຄົມ”, ອາຈານ ລິງ ກ່າວ.
 |
| ຫ້ອງຮຽນຢູ່ເຮືອນສຳລັບເດັກພິການຈັດໂດຍ CRS. (ພາບ: CRS) |
ສ້າງພື້ນຖານສໍາລັບອະນາຄົດ
ທ່ານນາງ ດິງທິຫງວຽດ, ຜູ້ຄຸ້ມຄອງໂຄງການໜູນຊ່ວຍຄົນພິການ, ອົງການ CRS ໃຫ້ຮູ້ວ່າ ໂຄງການ ນ້ອງເປັ່ງປະກາຍ ໂດຍກະຊວງການຕ່າງປະເທດ ແລະ ການຄ້າ ອົດສະຕາລີ (DFAT), ອົງການ Caritas ອົດສະຕາລີ ອຸປະຖຳຜ່ານອົງການ CRS ໄດ້ຜັນຂະຫຍາຍຢູ່ ຫວຽດນາມ ແຕ່ເດືອນສິງຫາ 2019 ແລະຄາດວ່າຈະຮອດເດືອນພຶດສະພາ 2027 ຢູ່ແຂວງ ກວາງຈິ ແລະ ກວາງນາມ. ໂຄງການດັ່ງກ່າວແມ່ນເພື່ອເພີ່ມທະວີການເຊື່ອມໂຍງສັງຄົມ, ເບິ່ງແຍງສຸຂະພາບ, ການສຶກສາ ແລະ ການຫາລ້ຽງຊີບສຳລັບຄົນພິການໂດຍຜ່ານການເຄື່ອນໄຫວຮ່ວມຂອງທ້ອງຖິ່ນ.
ຕາມທ່ານນາງ ດິງທິຫງວຽດ ແລ້ວ, ອົງການ CRS ໄດ້ເຂົ້າຮ່ວມການໜູນຊ່ວຍເພີ່ມທະວີການເຊື່ອມໂຍງ ແລະ ຄຸນນະພາບໃຫ້ຄົນພິການຢູ່ ຫວຽດນາມ ເປັນເວລາ 20 ກວ່າປີ. ໂຄງການ ນ້ອງເປັ່ງປະກາຍ ໄດ້ຮັບການປະຕິບັດແຕ່ປີ 2019, ມາຮອດປະຈຸປັນ ໄດ້ພ້ອມກັບບັນດາຄູ່ຮ່ວມມື ນຳເອົາການປ່ຽນແປງມາໃຫ້ຄົນພິການ 395 ຄົນ, ໃນນັ້ນມີ 196 ຄົນພິການຢູ່ເມືອງ ຫາຍລັງ ແລະ ວິ້ງລິງ, ແຂວງ ກວາງຈິ ຜ່ານບັນດາການເຄື່ອນໄຫວສຶກສາ, ໜູນຊ່ວຍດ້ານການແພດ, ປັບປຸງລາຍຮັບໃຫ້ຄອບຄົວໂດຍຜ່ານບັນດາການເຄື່ອນໄຫວຫາລ້ຽງຊີບ, ບຳລຸງສ້າງວິຊາຊີບ ແລະ ການເຮັດວຽກສໍາລັບໄວຫນຸ່ມ ແລະ ແມ່ຍິງພິການ.
ນອກຈາກນັ້ນ, ຍັງມີ 150 ຄົວເຮືອນຂອງຜູ້ພິການທີ່ດ້ອຍໂອກາດໄດ້ຮັບການຫາລ້ຽງຊີບ ແລະ ເປີດກ້ວາງແຫຼ່ງລາຍຮັບເພື່ອເບິ່ງແຍງຄົນພິການໃຫ້ດີຂຶ້ນ. ຄູສອນ, ພະນັກງານສາທາລະນະສຸກ, ພະນັກງານຂອງບັນດາຄະນະ, ຂະແໜງການ, ອົງຄະນະຂັ້ນເມືອງ ແລະ ຂັ້ນຕາແສງເກືອບ 500 ຄົນ ໄດ້ຮັບການຍົກລະດັບຄວາມຮູ້, ທັກສະໃນການສະໜັບສະໜູນຄົນພິການ ຍ້ອນມີການຈັດຝຶກອົບຮົມໂດຍໂຄງການ; ພໍ່ແມ່ ແລະ ຜູ້ເບິ່ງແຍງເກືອບ 350 ຄົນ ໄດ້ເສີມຂະຫຍາຍຄວາມຮູ້ ແລະ ທັກສະໃນການດູແລສຸຂະພາບ ແລະ ການສຶກສາໃຫ້ແກ່ເດັກນ້ອຍ ແລະ ຄົນພິການ.
ທ່ານນາງ ດິງທິຫງວຽດ ໃຫ້ຮູ້ວ່າ ໃນໄລຍະຈະມາເຖິງ, ອົງການ CRS ຈະສືບຕໍ່ຜັນຂະຫຍາຍບັນດາການເຄື່ອນໄຫວໜູນຊ່ວຍຄົນພິການ ແລະ ຄອບຄົວ. ໃນນັ້ນ ບາງຂົງເຂດບູລິມະສິດລວມມີ: ສະໜອງການສະໜັບສະໜູນໂດຍກົງດ້ານການສຶກສາ, ເບິ່ງແຍງສຸຂະພາບ ແລະ ຄວາມປອດໄພໃຫ້ແກ່ຄົນພິການ; ໜູນຊ່ວຍຄອບຄົວຄົນພິການໃຫ້ເຂົ້າເຖິງບັນດາຂໍ້ລິເລີ່ມສ້າງລາຍຮັບ – ລ້ຽງຊີບ; ປະກອບໃຫ້ຄົນພິການມີທັກສະການດູແລ ແລະ ທັກສະການສອນຢູ່ບ້ານໃຫ້ສໍາລັບຜູ້ດູແລ. ພ້ອມກັນນັ້ນ, ໂຄງການກໍ່ຍັງຈະສືບຕໍ່ຍົກສູງກຳລັງຄວາມສາມາດໃຫ້ຜູ້ມີສ່ວນກ່ຽວຂ້ອງ ເພື່ອຮັບປະກັນຄວາມໝັ້ນຄົງໃນການສະໜອງບໍລິການໜູນຊ່ວຍຄົນພິການ.
| CRS ແມ່ນອົງການທີ່ບໍ່ຂຶ້ນກັບລັດຖະບານ ມີສຳນັກງານຢູ່ ອາເມລິກາ. ໂດຍເຄື່ອນໄຫວຢູ່ ຫວຽດນາມ ນັບແຕ່ປີ 1994, CRS ໄດ້ໜູນຊ່ວຍບັນດາວົງຄະນະຍາດຢູ່ ຫວຽດນາມ ມຸ່ງໄປເຖິງການດຳລົງຊີວິດແບບຍືນຍົງ, ສາມາດປັບຕົວ ແລະ ເຊື່ອມຕົວໄດ້ຫຼາຍຂຶ້ນ. ປະຈຸບັນ, CRS ພວມຜັນຂະຫຍາຍໃນ 4 ດ້ານຕົ້ນຕໍ, ໃນນັ້ນມີ: ການຄຸ້ມຄອງ ແລະ ຫຼຸດຜ່ອນຄວາມສ່ຽງໄພພິບັດ; ການຫຼຸດຜ່ອນ ແລະ ປັບຕົວໃຫ້ເຂົ້າກັບການປ່ຽນແປງດິນຟ້າອາກາດ; ກະທຳເກັບກູ້ລະເບີດຝັງດິນ; ຊຸກຍູ້ການເຊື່ອມຕົວຂອງຄົນພິການ. ໃນປີ 2023, CRS ຫວຽດນາມ ໄດ້ໜູນຊ່ວຍໂດຍກົງໃຫ້ 720.000 ຄົນ ແລະ ໜູນຊ່ວຍໂດຍທາງອ້ອມໃຫ້ 2 ລ້ານຄົນໃນທົ່ວປະເທດ. |
 | ແທງຮວ່າ ຕ້ອນຮັບ ແລະ ບຳລຸງສ້າງນັກສຶກສາຕ່າງປະເທດ 58 ຄົນທີ່ມາຈາກແຂວງ ຫົວພັນ (ລາວ) ຍສໝ - ຄະນະກຳມະການປະຊາຊົນແຂວງ ແທງຮວ່າ ຫາກໍ່ໄດ້ອອກມະຕິເລກທີ 98/QD-UBND ກ່ຽວກັບການມອບຮັບ ແລະ ບຳລຸງສ້າງນັກສຶກສາຕ່າງປະເທດ 58 ຄົນທີ່ມາຈາກແຂວງ ຫົວພັນ, ສປປ ລາວ ໃນສົກຮຽນ 2024-2025. |
 | ເສີມຂະຫຍາຍບົດບາດເປັນຂົວເຊື່ອມຕໍ່, ຊຸກຍູ້ການຮ່ວມມືດ້ານເສດຖະກິດ, ການສຶກສາລະຫວ່າງຫວຽດນາມ - ການາດາ ຍສໝ - ນີ້ແມ່ນໜຶ່ງໃນບັນດາທິດທາງ, ໜ້າທີ່ປີ 2025 ຂອງສະມາຄົມມິດຕະພາບ ຫວຽດນາມ - ການາດາ (ສະມາຄົມ) ໄດ້ເປັນເອກະພາບນຳບັນດາສະມາຊິກສະມາຄົມໃນກອງປະຊຸມສະຫລຸບວຽກງານປີ 2024 ແລະ ທິດທາງວຽກງານປີ 2025 ໃນວັນທີ 16 ມັງກອນ ຢູ່ຮ່າໂນ້ຍ. |
ມີງດຶກ
