 | ຊຸກຍູ້ການຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງ ຫວຽດນາມ ແລະ ບຸນກາຣີ |
| ທ່ານເອກອັກຄະລັດຖະທູດ Shawn Steil: ການພົວພັນຮ່ວມມືລະຫວ່າງ ຫວຽດນາມ - ການາດາ ພວມນັບມື້ນັບພັດທະນາຢ່າງເລິກເຊິ່ງກວ້າງຂວາງ |
ບົດລາຍງານທີ່ນຳສະເໜີທີ່ກອງປະຊຸມໄດ້ຊີ້ແຈ້ງວ່າ: ສະມາຄົມໄດ້ປະຕິບັດການເຄື່ອນໄຫວຂອງການພົບປະແລກປ່ຽນມິດຕະພາບ, ສົມທົບກັບຂໍ້ມູນຂ່າວສານໂຄສະນາ ເພື່ອແນໃສ່ແນະນຳໃຫ້ແກ່ເພື່ອນມິດ ການາດາ ກ່ຽວກັບປະເທດຊາດ ແລະ ປະຊາຊົນ ຫວຽດນາມ ໃນປີ 2024.
 |
| ກອງປະຊຸມສະຫຼຸບວຽກງານປີ 2024, ທິດທາງວຽກງານປີ 2025 ຂອງສະມາຄົມມິດຕະພາບ ຫວຽດນາມ - ການາດາ ໃນວັນທີ 16 ມັງກອນ, ຢູ່ຮ່າໂນ້ຍ. (ພາບ: ດິງຮວ່າ) |
ໃນນັ້ນ ມີການຈັດຕັ້ງຕ້ອນຮັບ, ສັບຊ້ອນການເຄື່ອນໄຫວໃຫ້ຄະນະປະທານສະມາຄົມມິດຕະພາບ ການາດາ - ຫວຽດນາມ ໄປຢ້ຽມຢາມ ແລະ ເຮັດວຽກກັບມະຫາວິທະຍາໄລ, ໂຮງຮຽນມັດທະຍົມຕອນຕົ້ນ ແລະ ວິສາຫະກິດ ຫວຽດນາມ ໃນເດືອນມັງກອນ 2024 ຈຳນວນໜຶ່ງ. ການນຳ ແລະ ຄະນະເລຂາຂອງສະມາຄົມ ກໍ່ເຂົ້າຮ່ວມບັນດາເຫດການວັດທະນະທຳ, ກິລາ ໂດຍສະຖານທູດ ການາດາ ປະຈຳ ຫວຽດນາມ ຈັດຕັ້ງ.
ສະມາຄົມໄດ້ເປັນເສນາທິການໃຫ້ປະທານສະຫະພັນບັນດາອົງການມິດຕະພາບ ຫວຽດນາມ ຈັດຕັ້ງການເຂົ້າຢ້ຽມຂ່ຳນັບທ່ານ Shawn Steil ເອກອັກຄະລັດຖະທູດ ການາດາ ປະຈຳ ຫວຽດນາມ ເພື່ອແຈ້ງໃຫ້ຊາບກ່ຽວກັບສະພາບການເສດຖະກິດ - ສັງຄົມ ແລະ ບັນດາຜົນງານໃນການຮັບປະກັນສິດທິມະນຸດຢູ່ ຫວຽດນາມ.
ກ່ຽວກັບທິດທາງການເຄື່ອນໄຫວໃນປີ 2025, ທ່ານ ເອກອັກຄະລັດຖະທູດ ຫງວຽນທິໂຮ່ຍ, ຮອງປະທານສະມາຄົມ ຢືນຢັນວ່າ ວຽກງານທາງການທູດປະຊາຊົນ ຫວຽດນາມ - ການາດາ ແນໃສ່ເປົ້າໝາຍການປົກປັກຮັກສາຜົນປະໂຫຍດຂອງປະເທດຊາດ, ພັດທະນາເສດຖະກິດ, ແລກປ່ຽນວັດທະນະທຳ ແລະ ໂຄສະນາພາບພົດປະເທດຊາດ ແລະ ປະຊາຊົນ ຫວຽດນາມ ເຖິງເພື່ອນມິດ ການາດາ.
 |
| ບັນດາສະມາຊິກໄດ້ປຶກສາຫາລື, ປະກອບຄຳເຫັນກ່ຽວກັບບາງໜ້າທີ່, ການເຄື່ອນໄຫວລະອຽດຂອງສະມາຄົມໃນປີ 2025. (ພາບ: ດິງຮວ່າ) |
ທີ່ກອງປະຊຸມ, ບັນດາສະມາຊິກໄດ້ປຶກສາຫາລື ແລະ ປະກອບຄຳເຫັນກ່ຽວກັບບາງວຽກງານ, ການເຄື່ອນໄຫວລະອຽດຂອງສະມາຄົມໃນປີ 2025.
ກ່ຽວກັບຂົງເຂດເສດຖະກິດ, ບັນດາສະມາຊິກໄດ້ເປັນເອກະພາບຈັດຕັ້ງການພົບປະກັບວິສາຫະກິດຂອງສະຖານທູດ ການາດາ ປະຈຳ ຫວຽດນາມ ເພື່ອແບ່ງປັນສະພາບການຢູ່ ການາດາ ແລະ ການພົວພັນສອງຝ່າຍໃນຂົງເຂດເສດຖະກິດ, ການຄ້າ ແລະ ການລົງທຶນ (ຄາດວ່າໃນໄຕມາດທີ 1 ປີ 2025); ຈັດຕັ້ງຄະນະວິສາຫະກິດ ຫວຽດນາມ ໄປຢ້ຽມຢາມ ແລະ ເຮັດວຽກຢູ່ ການາດາ; ມຸ່ງໄປເຖິງການສ້າງຕັ້ງສະໂມສອນວິສາຫະກິດ ຫວຽດນາມ - ການາດາ.
ສະມາຄົມກໍ່ຄາດຄະເນຈັດຕັ້ງການສົນທະນາແລກປ່ຽນມິດຕະພາບນັກສຶກສາ ຫວຽດນາມ - ການາດາ ເພື່ອເຊື່ອມຕໍ່ບັນດານັກຊ່ຽວຊານ ການາດາ, ບັນດາອະດີດນັກສຶກສາ ຫວຽດນາມ ຢູ່ ການາດາ, ຜ່ານນັ້ນ ກໍ່ຊຸກຍູ້ການຮ່ວມມື, ພິເສດແມ່ນໃນຂົງເຂດວິທະຍາສາດ - ເຕັກໂນໂລຊີ.
ກ່າວຄຳປາໄສທີ່ການສະຫຼຸບກອງປະຊຸມ, ທ່ານ ຮອງປະທານ ຫງວຽນທິໂຮ່ຍ ໄດ້ຕີລາຄາສູງບັນດາຄຳເຫັນ ແລະ ຂໍ້ສະເໜີຂອງບັນດາສະມາຊິກ ເພື່ອສ້າງແຜນການໃນປີ 2025, ປະກອບສ່ວນປັບປຸງການຈັດຕັ້ງ ແລະ ຍົກສູງປະສິດທິຜົນບັນດາການເຄື່ອນໄຫວຂອງສະມາຄົມ.
 | ຈະສ້າງຕັ້ງສູນວາງສະແດງສິນຄ້າຫວຽດນາມ ຢູ່ ການາດາ ຍສໝ - ທ່ານ Dan On, ປະທານສະມາຄົມນັກທຸລະກິດ ຫວຽດນາມ - ການາດາ ໃຫ້ຮູ້ວ່າ, ທີ່ກອງປະຊຸມ “ການາດາ - ປະຕູເພື່ອວິສາຫະກິດ ຫວຽດນາມ ເຂົ້າເຖິງຕະຫຼາດ ອາເມລິກາເໜືອ” ໄດ້ເກີດຂຶ້ນໃນວັນທີ 22 ພະຈິກ ຢູ່ນະຄອນ ໂຮ່ຈີມິນ. |
 | ຊຸກຍູ້ການຮ່ວມມືດ້ານເສດຖະກິດ, ການຄ້າ ແລະການລົງທຶນ ລະຫວ່າງຫວຽດນາມ-Romania ຍສໝ - ສອງຝ່າຍຄວນໝູນໃຊ້ສັນຍາ EVFTA ຢ່າງມີປະສິດທິຜົນ, ເປີດກວ້າງຕະຫຼາດໃຫ້ສິນຄ້າຂອງກັນ; ເພີ່ມທະວີການແລກປ່ຽນຄະນະວິສາຫະກິດ, ດຶງດູດການລົງທຶນໃນບັນດາຂົງເຂດທີ່ຫວຽດນາມ ມີຄວາມຕ້ອງການ ແລະ Romania ມີທ່າແຮງ, ຄື: ກົນຈັກ, ອຸປະກອນການແພດ, ການຢາ, ໂທລະຄົມມະນາຄົມ, ພະລັງງານທົດແທນ... |
ແທັງຮັ່ງ
