| ຄະນະຜູ້ແທນຂັ້ນສູງລາວ ແລະກຳປູເຈຍ ຈະໄປຮອດຫວຽດນາມ ເພື່ອເຂົ້າຮ່ວມພິທີສະເຫຼີມສະຫຼອງໃນວັນທີ 30 ເມສາ | |
| ວັນທີ 30 ເມສາ ໃນຄວາມຊົງຈຳຂອງເພື່ອນມິດສາກົນ |
ໄຊຊະນະໃນວັນທີ 30 ເມສາ ປີ 1975 ຂອງກອງທັບ ແລະປະຊາຊົນຫວຽດນາມ ແມ່ນໄຊຊະນະອັນໃຫຍ່ຫຼວງ ຂອງການປະຕິວັດຫວຽດນາມ, ປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ແລະ ນີ້ກໍ່ແມ່ນໄຊຊະນະລວມຂອງສາມປະເທດອິນດູຈີນ ຫວຽດນາມ-ລາວ-ກຳປູເຈຍ. ນັ້ນແມ່ນຄຳຢັ້ງຢືນຂອງທ່ານພົນໂທ ແສງນວນ ໄຊຍະລາດ, ປະທານສະຫະພັນນັກຮົບເກົ່າລາວ.
ທ່ານພົນໂທ ແສງນວນ ໄຊຍະລາດ ເນັ້ນໜັກວ່າ ໄຊຊະນະໃນວັນທີ 30 ເມສາ ປີ 1975 ແມ່ນໄຊຊະນະລວມຂອງສາມປະເທດ ຫວຽດນາມ - ລາວ - ກໍາປູເຈຍ, ແມ່ນໄຊຊະນະແຫ່ງຄວາມສາມັກຄີ ແລະຮ່ວມສໍາພັນສູ້ຮົບຂອງສາມປະເທດອິນດູຈີນ, ແມ່ນປະຖົມປັດໄຈ ເພື່ອໃຫ້ປະເທດລາວ ລຸກຮືຂຶ້ນຍຶດອຳນາດການປົກຄອງ.
ຕາມທ່ານພົນໂທ ແສງນວນ ໄຊຍະລາດ ແລ້ວ, ສິ່ງສຳຄັນພາໄປເຖິງໄຊຊະນະໃນວັນທີ 30 ເມສາ ປີ 1975 ແມ່ນມີການນໍາພາອັນສະຫຼາດສ່ອງໃສຂອງພັກກອມມູນິດຫວຽດນາມ, ສືບທອດພາລະກິດຂອງປະທານໂຮ່ຈີມິນ, ນຳການປະຕິວັດຫວຽດນາມ ຍາດເອົາໄຊຊະນະ. ໄຊຊະນະໃນວັນທີ 30 ເມສາ ປີ 1975 ຍັງໄດ້ສະແດງໃຫ້ເຫັນນ້ຳໃຈສາມັກຄີ ແລະການຮ່ວມສໍາພັນສູ້ຮົບລະຫວ່າງ 3 ປະເທດອິນດູຈີນ, ໄດ້ຮັບການສະໜັບສະໜູນຈາກປະຊາຊົນທີ່ຮັກຫອມສັນຕິພາບໃນທົ່ວໂລກ. ໄຊຊະນະໃນວັນທີ 30 ເມສາ ປີ 1975 ແມ່ນໄຊຊະນະດ້ານວີທີການຍຸດທະສາດ, ການທະຫານ ແລະການເມືອງ, ສະແດງໃຫ້ເຫັນບົດບາດອັນໃຫຍ່ຫຼວງຂອງກອງທັບ ແລະປະຊາຊົນຫວຽດນາມ.
 |
| ທ່ານພົນໂທ ແສງນວນ ໄຊຍະລາດ, ປະທານສະຫະພັນນັກຮົບເກົ່າລາວ. ພາບ: TTXVN |
ໃນຖານະເປັນປະທານສະຫະພັນນັກຮົບເກົ່າລາວ, ທ່ານພົນໂທ ແສງນວນ ໄຊຍະລາດ ໃຫ້ຮູ້ວ່າ: ທ່ານເຂົ້າໃຈຢ່າງຈະແຈ້ງກ່ຽວກັບບົດບາດ, ຄວາມຮັບຜິດຊອບຂອງຕົນໃນການສຶກສາຄົນລຸ້ນຫຼັງມີຄວາມເຂົ້າໃຈຢ່າງເລິກເຊິ່ງ ແລະຖືກຕ້ອງກ່ຽວກັບການຕໍ່ສູ້ອັນພິລະອາດຫານຂອງກອງທັບ ແລະປະຊາຊົນລາວໃນເມື່ອກ່ອນ; ເຂົ້າໃຈວ່າ ເພື່ອໃຫ້ການປະຕິວັດລາວ ຍາດໄດ້ໄຊຊະນະອັນໃຫຍ່ຫຼວງແມ່ນຍ້ອນມີການຊ່ວຍເຫຼືອຂອງພັກກອມມູນິດຫວຽດນາມ, ພິເສດແມ່ນທະຫານອາສາສະໝັກ ແລະຊ່ຽວຊານຫວຽດນາມ ທີ່ໄດ້ປະກອບສ່ວນອັນໃຫຍ່ຫຼວງ, ຊ່ວຍໃຫ້ການປະຕິວັດລາວ ຍາດໄດ້ໄຊຊະນະຢ່າງສົມບູນ.
ໃນຂະນະນັ້ນ, ຕາມທ່ານພັນເອກ ແກ້ວສຸວັນ ຜາງພິລາວົງ, ຫົວໜ້າກົມໂຄສະນາອົບຮົມ, ກົມໃຫຍ່ການເມືອງກອງທັບລາວ ແລ້ວ, ໄຊຊະນະໃນວັນທີ 30 ເມສາ ປີ 1975 ແມ່ນການສົມທົບລະຫວ່າງສິລະປະການທະຫານ ແລະການທູດຢ່າງມີຄວາມໄຫວພິບ, ຍາດແຍ່ງເອົາກຳລັງແຮງຂອງຊາດ ແລະກຳລັງແຮງຂອງຍຸກສະໄໝ.
ໃນໄລຍະປະຈຸບັນ, ເພື່ອບັນລຸໄດ້ໝາກຜົນໃຫຍ່ຫຼວງກວ່າອີກໃນການປະຕິບັດສອງໜ້າທີ່ຍຸດທະສາດແມ່ນປົກປັກຮັກສາ ແລະສ້າງສາພັດທະນາປະເທດຊາດຂອງສອງປະເທດ, ສອງພັກ, ສອງລັດ, ສອງກອງທັບ ແລະປະຊາຊົນສອງປະເທດຫວຽດນາມ - ລາວ ຕ້ອງປົກປັກຮັກສາ ແລະພັດທະນາສາຍພົວພັນແບບພິເສດຫວຽດນາມ - ລາວ ໃຫ້ນັບມື້ນັບແໜ້ນແຟ້ນ ແລະ ໝັ້ນຄົງຕະຫຼອດໄປ.
ທ່ານພັນເອກ ແກ້ວສຸວັນ ຜາງພິລາວົງ ໃຫ້ຮູ້ວ່າ ການນຳສອງພັກ, ສອງລັດ ຫວຽດນາມ-ລາວ ລ້ວນແຕ່ຢັ້ງຢືນວ່າ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ-ລາວ, ລາວ-ຫວຽດນາມ ແມ່ນຜົນຂອງສາຍພົວພັນການຮ່ວມມື, ຄວາມສາມັກຄີໃນການຕໍ່ສູ້ປົດປ່ອຍຊາດ, ປົກປັກຮັກສາ ແລະພັດທະນາປະເທດຊາດ. ນັ້ນແມ່ນໝາກຜົນພາວະວິໄສຂອງການເປີດກວ້າງການຮ່ວມມືກັບສາກົນ, ແມ່ນປັດໄຈເພື່ອຮັບປະກັນຄວາມສະຖຽນລະພາບ ແລະການພັດທະນາຂອງສອງຊາດຫວຽດນາມ - ລາວ.
 | 50 ປີແຫ່ງການທ້ອນໂຮມປະເທດຊາດເປັນເອກະພາບ: ໄຊຊະນະ ວັນທີ 30 ເມສາ ແມ່ນແຫຼ່ງກຳລັງແຮງພັດທະນາຂອງຫວຽດນາມ ຍສໝ - ໄຊຊະນະວັນທີ 30 ເມສາ ແມ່ນແຫຼ່ງກຳລັງແຮງໃຫ້ແກ່ຫວຽດນາມ ພັດທະນາ. ນີ້ແມ່ນຂໍ້ສັງເກດຂອງທ່ານປະລິນຍາເອກ G. Weerasinghe ເລຂາທິການໃຫຍ່ພັກກອມມູນິດ ສີລັງກາ ກ່ອນການຈັດພິທີສະເຫຼີມສະຫຼອງ 50 ປີແຫ່ງການທ້ອນໂຮມປະເທດຊາດເປັນເອກະພາບ (30-4-1975 / 30-4-2025). |
 | ຫວຽດນາມ - ກໍາປູເຈຍ - ລາວ ເພີ່ມພູນຄູນສ້າງໃຫ້ນ້ຳໃຈສາມັກຄີ, ມິດຕະພາບ ແລະການຮ່ວມມື ຍສໝ - ວັນທີ 11 ເມສາ, ຄະນະຊາວໜຸ່ມແຂວງອານຢາງ ໄດ້ຈັດຕັ້ງການພົບປະສັງສັນ ແລະມອບຂອງຂວັນໃຫ້ແກ່ນັກສຶກສາກຳປູເຈຍ ແລະ ລາວ ທີ່ພວມຮໍ່າຮຽນຢູ່ແຂວງອານຢາງ ພ້ອມກັບພະນັກງານຄະນະຊາວໜຸ່ມ, ຊາວເຜົ່າຂະແມ ເນື່ອງໃນໂອກາດບຸນເຕັດ Chol Chnăm Thmay ແລະບຸນປີໃໝ່ລາວ 2025. |
