ໂດຍເຂົ້າຮ່ວມກອງປະຊຸມມີທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບຫວຽດນາມ; ທ່ານ ຫງວຽນດັກວິງ, ກຳມະການສູນກາງພັກ, ຫົວໜ້າກຳມາທິການວັດທະນະທຳ, ການສຶກສາຂອງສະພາແຫ່ງຊາດ, ປະທານສະມາຄົມມິດຕະພາບ ຫວຽດນາມ - ລາວ ພ້ອມກັນກັບບັນດາກໍາມະການຄະນະບໍລິຫານງານ, ຜູ້ຕາງໜ້າບັນດາແຂວງ, ນະຄອນສະມາຄົມ ແລະ ບັນດາຫົວໜ່ວຍທີ່ກ່ຽວຂ້ອງ.
 |
| ກອງປະຊຸມຄະນະບໍລິຫານງານ ຄັ້ງທີ 2, ຊຸດທີ 5. (ພາບ: Dinh Hoa) |
ບົດລາຍງານທີ່ກອງປະຊຸມສະແດງໃຫ້ເຫັນວ່າ ໃນປີ 2025, ສະມາຄົມມິດຕະພາບ ຫວຽດນາມ - ລາວ ສືບຕໍ່ຜັນຂະຫຍາຍການປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 5 (ອາຍຸການ 2023-2028) ດ້ວຍ 6 ທິດທາງຈຸດສຸມ, ໃນນັ້ນມີ: ສົມທົບກັບບັນດາອົງການຈັດຕັ້ງທີ່ກ່ຽວຂ້ອງ ສືບຕໍ່ຜັນຂະຫຍາຍວຽກງານຂໍ້ມູນໂຄສະນາເຜີຍແຜ່ ເພື່ອປະກອບສ່ວນປັບປຸງ ແລະ ເພີ່ມທະວີສາຍພົວພັນມິດຕະພາບແບບພິເສດ ຫວຽດນາມ - ລາວ. ປັບປຸງ, ພັດທະນາອົງການຈັດຕັ້ງສະມາຄົມທຸກຂັ້ນ, ຍົກສູງຄຸນນະພາບ, ຫຼາກຫຼາຍຮູບແບບກ່ຽວກັບເນື້ອໃນ ແລະ ວິທີການເຄື່ອນໄຫວ. ສົມທົບກັບສະມາຄົມມິດຕະພາບ ລາວ-ຫວຽດນາມ ແລະ ສະຖານທູດ ລາວ ປະຈໍາ ຫວຽດນາມ ຜັນຂະຫຍາຍບັນດາການເຄື່ອນໄຫວການຕ່າງປະເທດ ເພື່ອເພີ່ມທະວີປະສິດທິຜົນຂອງການເຄື່ອນໄຫວການຕ່າງປະເທດ. ສະມາຄົມກໍ່ຈະຊຸກຍູ້ການຮ່ວມມືດ້ານການສຶກສາ, ບຳລຸງສ້າງແຫຼ່ງຊັບພະຍາກອນມະນຸດລະຫວ່າງສອງປະເທດ, ພິເສດແມ່ນໃນຂົງເຂດການຮ່ວມມືລະຫວ່າງທ້ອງຖິ່ນ; ລະດົມນັກທຸລະກິດຂອງສອງປະເທດມາລົງທຶນ ແລະ ພັດທະນາເສດຖະກິດຫວຽດນາມ ແລະ ລາວ; ຊຸກຍູ້ການເຄື່ອນໄຫວລະດົມທຶນ ເພື່ອຜັນຂະຫຍາຍບັນດາໜ້າທີ່ຂອງສະມາຄົມ.
 |
| ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ກ່າວຄຳປາໄສທີ່ກອງປະຊຸມ. (ພາບ: Dinh Hoa) |
ກ່າວຄຳປາໄສທີ່ກອງປະຊຸມ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ສະແດງຄວາມຂອບອົກຂອບໃຈບັນດາການນຳສະມາຄົມມິດຕະພາບ ຫວຽດນາມ - ລາວ ແລະ ບັນດາສະມາຊິກໃນ 39 ແຂວງ, ນະຄອນທີ່ໄດ້ປະກອບສ່ວນເຂົ້າໃນການພົວພັນມິດຕະພາບ ຫວຽດນາມ - ລາວ ບົນຊ່ອງທາງປະຊາຊົນ. ທ່ານໃຫ້ຮູ້ວ່າ ປີ 2024 ແມ່ນປີພິເສດກ່ຽວກັບສະພາບການພາຍໃນ ແລະ ສາກົນ.
 |
| ທ່ານປະທານສະມາຄົມມິດຕະພາບ ຫວຽດນາມ - ລາວ ຫງວຽນດັກວິງ ໄດ້ມອບໃບຍ້ອງຍໍໃຫ້ບັນດາໝູ່ຄະນະ, ບຸກຄົນທີ່ມີຜົນງານດີເດັ່ນໃນວຽກງານສະມາຄົມປີ 2024. (ພາບ: Dinh Hoa) |
ທ່ານ ຟານແອງເຊີນ ໃຫ້ຮູ້ວ່າ ນີ້ແມ່ນຈຸດເວລາທີ່ຕ້ອງປ່ຽນແປງໃໝ່ບັນດາແບບວິທີ ແລະ ວິທີການເຂົ້າເຖິງໃນການພັດທະນາການພົວພັນປະຊາຊົນລະຫວ່າງ 2 ປະເທດ. ຈາກນັ້ນ, ທ່ານກໍ່ໄດ້ສະເໝີ 5 ເນື້ອໃນຈຸດສຸມທີ່ຕ້ອງປະຕິບັດໃນປີ 2025 ເພື່ອສືບຕໍ່ຊຸກຍູ້ການພົວພັນມິດຕະພາບ ຫວຽດນາມ - ລາວ ຜ່ານຊ່ອງທາງປະຊາຊົນ:
ທີໜຶ່ງ, ສະຫະພັນບັນດາອົງການມິດຕະພາບ ຫວຽດນາມ ແລະ ສະມາຄົມມິດຕະພາບ ຫວຽດນາມ - ລາວ ຈະສົມທົບກັບບັນດາຮາກຖານບຳລຸງສ້າງໃຫຍ່ເພື່ອຈັດຕັ້ງບັນດາໂຄງການຂໍ້ມູນພິເສດສະເພາະໃຫ້ບັນດາພະນັກງານລາວ ທີ່ພວມຮ່ຳຮຽນ ແລະ ຄົ້ນຄ້ວາຢູ່ ຫວຽດນາມ. ເນື້ອໃນສຸມໃສ່ເຂົ້າໃນນະໂຍບາຍການຕ່າງປະເທດຂອງ ຫວຽດນາມ ແລະ ການພົວພັນປະຊາຊົນລະຫວ່າງ 2 ປະເທດ.
ທີສອງ, ສະຫະພັນບັນດາອົງການມິດຕະພາບຫວຽດນາມ ຈະສະໜອງຂໍ້ມູນກ່ຽວກັບການພົວພັນ ຫວຽດນາມ - ລາວ ໃຫ້ສະມາຄົມມິດຕະພາບ ຫວຽດນາມ - ລາວ ເພື່ອເຜີຍແຜ່ໃຫ້ບັນດາສະມາຊິກຂອງສະມາຄົມຢູ່ 39 ແຂວງ, ນະຄອນ, ໃນນັ້ນມີຂໍ້ສະເໜີແນະກ່ຽວກັບເນື້ອໃນ ແລະ ວິທີການເຄື່ອນໄຫວທີ່ເໝາະສົມໃຫ້ບັນດາສະມາຊິກຂອງສະມາຄົມ.
ທີສາມ, ທ່ານສະເໜີໃຫ້ສະມາຄົມມິດຕະພາບ ຫວຽດນາມ - ລາວ ເຊື່ອມໂຍງບັນດາທ້ອງຖິ່ນຂອງ ຫວຽດນາມ ກັບບັນດາທ້ອງຖິ່ນຂອງ ລາວ ຢ່າງຕັ້ງໜ້າ ເພື່ອຊຸກຍູ້ການພົວພັນຮ່ວມມື ແລະ ແລກປ່ຽນປະຊາຊົນ.
ທີສີ່, ທ່ານສະເໜີໃຫ້ສະມາຄົມມິດຕະພາບ ຫວຽດນາມ - ລາວ ພ້ອມກັນກັບສະຫະພັນບັນດາອົງການມິດຕະພາບ ຫວຽດນາມ ເປີດເວທີປາໄສ ເພື່ອໃຫ້ປະຊາຊົນ, ວິສາຫະກິດ, ທ້ອງຖິ່ນ... ຂອງ 2 ປະເທດ ມີໂອກາດພົບປະແລກປ່ຽນ, ຮ່ວມມື.
ທີຫ້າ, ສະຫະພັນບັນດາອົງການມິດຕະພາບ ຫວຽດນາມ ຈະສົມທົບກັບສະມາຄົມມິດຕະພາບ ຫວຽດນາມ - ລາວ ຈັດຕັ້ງການຢ້ຽມຢາມບາງທ້ອງຖິ່ນຂອງ ລາວ ເພື່ອສ້າງບັນດາລາຍການເຮັດວຽກທີ່ລະອຽດ, ເພື່ອຊຸກຍູ້ການພົວພັນຮ່ວມມືລະຫວ່າງ 2 ປະເທດໃນໄລຍະຍາວ.
 | ໄຂສັບປະດາວັດທະນະທຳ, ການທ່ອງທ່ຽວຕິດພັນກັບງານບຸນອອກອອມບອັກ ຂຶ້ນຢູ່ຫຼາຍທ້ອງຖິ່ນ ຍສໝ - ວັນທີ 9 ພະຈິກ, ສັບປະດາວັດທະນະທຳ, ການທ່ອງທ່ຽວຕິດພັນກັບງານບຸນ ອອກອອມບອັກ ຖືກໄຂຂຶ້ນຢູ່ຫຼາຍທ້ອງຖິ່ນທາງພາກໃຕ້ຫວຽດນາມ, ເຊິ່ງເປັນເຂດທີ່ມີຊາວເຜົ່າຂະແມ ດຳລົງຊີວິດເປັນຈຳນວນຫຼາຍ. |
 | ພາສາຫວຽດນາມ ຢູ່ດິນ ລາວ: ເຊື່ອມຕໍ່ປະຊາຊົນ, ແບ່ງປັນວັດທະນະທຳ ຍສໝ - ບັນດາຫ້ອງຮຽນພາສາຫວຽດນາມ ຢູ່ລາວ ບໍ່ພຽງແຕ່ແມ່ນບ່ອນຮັກສາພາສາແມ່ໃຫ້ຊຸມຊົນຊາວຫວຽດນາມ ອາໄສຢູ່ຕ່າງປະເທດເທົ່ານັ້ນ, ຫາກຍັງເປັນຂົວຕໍ່ວັດທະນະທຳ, ຊ່ວຍໃຫ້ຊາວຫວຽດນາມ ແລະ ລາວ ມີຄວາມສະໜິດຕິດພັນກວ່າອີກ. ຢູ່ເບື້ອງຫຼັງທຸກຕົວອັກສອນແມ່ນຄວາມມານະພະຍາຍາມທີ່ບໍ່ອິດເມື່ອຍຂອງຜູ້ທີ່ຫວ່ານກ້າຕົວອັກສອນ, ຖືພາລະກິດເພີ່ມພູມຄູນສ້າງນ້ຳໃຈມິດຕະພາບລະຫວ່າງສອງປະເທດໃນຕົວສະເໜີ. |
ມີງດຶກ
